1.   Chun críocha an Chinnidh seo, ciallaíonn ‘gníomh sceimhlitheoireachta’ ceann de na gníomhartha intinneacha seo a leanas, a d’fhéadfadh, i bhfianaise a chineáil nó a chomhthéacs, damáiste tromchúiseach a dhéanamh do thír nó d’eagraíocht idirnáisiúnta, mar a shainmhínítear ina chion faoin dlí náisiúnta, i gcás ina ndéantar é agus é mar aidhm leis an méid seo a leanas a dhéanamh:

2.   Chun críocha mhír 1, ciallóidh ‘grúpa sceimhlitheoireachta’ grúpa struchtúrtha, ina bhfuil níos mó ná beirt, a bhunaítear thar thréimhse ama agus a ghníomhaíonn de chomhbheart chun gníomhartha sceimhlitheoireachta a dhéanamh. Ciallaíonn ‘grúpa struchtúrtha’ grúpa nach gcuirtear le chéile go randamach chun gníomh sceimhlitheoireachta a dhéanamh láithreach agus nach gá go mbeadh róil atá sainithe go foirmiúil ann dá chomhaltaí, do leanúnachas a chomhaltas ná do struchtúr forbartha.

1.   Na cistí agus na hacmhainní eacnamaíocha uile ar le daoine nádúrtha nó dlítheanacha, grúpaí nó eintitis iad, ar daoine nádúrtha nó dlítheanacha, grúpaí nó eintitis iad a dhéanann gníomhartha sceimhlitheoireachta nó a fhéachann lena leithéidí a dhéanamh, a ghlacann páirt i ngníomhartha sceimhlitheoireachta nó a éascaíonn iad, mar a liostaítear in Iarscríbhinn I, nó atá faoina n-úinéireacht, ina seilbh nó faoina rialú, go díreach nó go hindíreach, déanfar iad a reo.

2.   Déanfar an liosta in Iarscríbhinn I a tharraingt suas ar bhonn faisnéis bheacht nó ábhar beacht sa chomhad ábhartha lena léirítear go bhfuil cinneadh déanta ag údarás inniúil i leith na ndaoine nádúrtha nó dlítheanacha, na ngrúpaí nó na n-eintiteas lena mbaineann, maidir le himscrúduithe nó ionchúiseamh a thionscnamh i leith gníomh sceimhlitheoireachta, iarracht a dhéanamh gníomh den sórt sin a dhéanamh, páirt a ghlacadh ann nó é a éascú bunaithe ar fhianaise nó leideanna tromchúiseacha agus inchreidte, nó gníomh den sórt sin a cháineadh.

3.   Chun críocha mhír 2, ciallóidh ‘údarás inniúil’ údarás breithiúnach nó, i gcás nach bhfuil aon inniúlacht ag údaráis bhreithiúnacha i réimse a chumhdaítear leis an mír sin, údarás inniúil coibhéiseach sa réimse seo.

4.   Na cistí agus na hacmhainní eacnamaíocha uile ar leis na daoine seo a leanas iad, nó atá faoina n-úinéireacht, ina seilbh nó faoina rialú, go díreach nó go hindíreach:

mar a liostaítear in Iarscríbhinn II, déanfar iad a reo.

5.   Ní chuirfear aon chiste ná acmhainn eacnamaíoch ar fáil, go díreach nó go hindíreach, do dhaoine nádúrtha nó dlítheanacha, do ghrúpaí ná d’eintitis a liostaítear in Iarscríbhinní I agus II, ná chun a dtairbhe.

6.   De mhaolú ar mhíreanna 1, 4 agus 5, féadfaidh údaráis inniúla na mBallstát údarú a thabhairt le cistí nó acmhainní eacnamaíocha reoite áirithe a scaoileadh, nó le cistí nó acmhainní eacnamaíocha áirithe a chur ar fáil, faoi na coinníollacha a mheasann siad a bheith iomchuí, tar éis dóibh a chinneadh gur fíor an méid seo a leanas maidir leis na cistí nó na hacmhainní eacnamaíocha lena mbaineann:

Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin mír seo laistigh de 2 sheachtain ón údarú sin.

7.   De mhaolú ar mhíreanna 1 agus 4, féadfaidh údaráis inniúla Ballstáit údarú a thabhairt cistí nó acmhainní eacnamaíocha reoite áirithe a scaoileadh, ar choinníoll go gcomhlíontar na coinníollacha seo a leanas:

Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoin mír seo laistigh de 2 sheachtain ón údarú sin.

8.   Le míreanna 1 agus 4, ní chuirfear cosc ar dhuine nádúrtha nó dlítheanach, ar ghrúpa ná ar eintiteas ainmnithe íocaíocht a dhéanamh atá dlite faoi chonradh a rinneadh sular liostaíodh an duine nádúrtha nó dlítheanach, an grúpa, nó an t-eintiteas sin, ar choinníoll gur chinn an Ballstát lena mbaineann nach bhfaighidh duine nádúrtha nó dlítheanach, grúpa, nó eintiteas dá dtagraítear i míreanna 1 nó 4 an íocaíocht go díreach ná go hindíreach.

9.   Ní bheidh feidhm ag mír 5 maidir le breiseanna seo a leanas a chuirtear le cuntais reoite:

10.   Ní bheidh feidhm ag míreanna 1, 4 ná 5 maidir le cistí nó acmhainní eacnamaíocha a chur ar fáil, a phróiseáil nó a íoc, ná maidir le hearraí nó seirbhísí a chur ar fáil, a bhfuil gá leo chun a áirithiú go seachadfar cúnamh daonnúil go tráthúil nó chun tacú le gníomhaíochtaí eile a thacaíonn le riachtanais bhunúsacha an duine i gcás inarb iad na gníomhaithe seo a leanas a thabharfaidh an cúnamh agus a dhéanfaidh na gníomhaíochtaí eile sin:

11.   Gan dochar do mhír 10, agus de mhaolú ar mhíreanna 1, 4 agus 5, féadfaidh údaráis inniúla Bhallstáit údarú a thabhairt cistí nó acmhainní eacnamaíocha reoite áirithe a scaoileadh, nó cistí nó acmhainní eacnamaíocha áirithe a chur ar fáil, faoi choinníollacha a mheasann siad a bheith iomchuí, tar éis dóibh a chinneadh gur gá na cistí nó acmhainní eacnamaíocha sin a sholáthar chun a áirithiú go seachadfar cúnamh daonnúil go tráthúil nó chun tacú le gníomhaíochtaí eile a thacaíonn le riachtanais bhunúsacha an duine.

12.   Mura ndéanann an t-údarás inniúil ábhartha cinneadh diúltach, iarraidh ar fhaisnéis nó fógra am breise laistigh de 5 lá oibre ón dáta a fhaightear iarraidh ar údarú faoi mhír 11, measfar gur deonaíodh an t-údarú sin.

13.   Cuirfidh an Ballstát lena mbaineann na Ballstáit eile agus an Coimisiún ar an eolas faoi aon údarú arna dheonú faoi mhír 11 laistigh de 4 seachtaine óna ndeonófar údarú den sórt sin.

1.   Déanfaidh na Ballstáit na bearta is gá chun teacht isteach ina gcríocha, nó idirthuras trína gcríocha, a chosc i leith daoine nádúrtha a bhíonn i mbun gníomhartha sceimhlitheoireachta nó a fhéachann lena leithéidí a dhéanamh, a ghlacann páirt iontu, nó a éascaíonn iad, mar a liostaítear in Iarscríbhinn III.

2.   Déanfar an liosta in Iarscríbhinn III a tharraingt suas ar bhonn faisnéis bheacht nó ábhar beacht sa chomhad ábhartha lena léirítear go ndearna údarás inniúil cinneadh i ndáil leis na daoine nádúrtha nó dlítheanacha, na grúpaí nó na heintitis lena mbaineann, maidir le himscrúduithe nó ionchúiseamh a thionscnamh i leith gníomh sceimhlitheoireachta, iarracht a dhéanamh gníomh den chineál sin a dhéanamh, páirt a ghlacadh ann nó é a éascú bunaithe ar fhianaise nó leideanna tromchúiseacha agus inchreidte, nó gníomh den chineál sin a cháineadh.

3.   Chun críocha mhír 2, ciallóidh ‘údarás inniúil’ údarás breithiúnach nó, mura bhfuil aon inniúlacht ag na húdaráis bhreithiúnacha i réimse arna chumhdach ag an mír sin, údarás inniúil coibhéiseach sa réimse seo.

4.   Déanfaidh na Ballstáit na bearta is gá chun teacht isteach ina gcríocha, nó chun idirthuras trína gcríocha, a chosc i leith na ndaoine seo a leanas:

mar a liostaítear in Iarscríbhinn IV.

5.   Le mír 1 agus mír 4, ní chuirfear d’oibleagáid ar Bhallstát cead isteach ar a chríoch féin a dhiúltú dá náisiúnaigh féin.

6.   I gcás ina mbeidh Ballstát faoi cheangal ag oibleagáid faoin dlí idirnáisiúnta, beidh mír 1 agus mír 4 gan dochar don chás sin, eadhon:

7.   Beidh feidhm ag mír 6 freisin i gcásanna ina bhfuil an Ballstát ina thír óstach de chuid na hEagraíochta um Shlándáil agus Comhar san Eoraip (ESCE).

8.   Cuirfear an Chomhairle ar an eolas go cuí faoi gach cás ina dtugann an Ballstát díolúine de bhun mhír 6 nó 7.

9.   Féadfaidh na Ballstáit díolúintí ó na bearta a forchuireadh a dheonú faoi mhír 1 i gcás ina mbeidh údar leis an taisteal ar fhorais an riachtanais dhaonnachtúil phráinnigh, nó ar fhorais go bhfuiltear ag freastal ar chruinnithe idir-rialtasacha nó ar chruinnithe atá á gcur chun cinn ag an Aontas nó á n-óstáil aige, nó atá á n-óstáil ag Ballstát atá ina Chathaoirleach ar oifig ESCE, i gcás ina reáchtáiltear idirphlé polaitiúil a chuireann cuspóirí beartais na mbeart sriantach chun cinn go díreach.

10.   Féadfaidh na Ballstáit díolúintí a dheonú freisin ó na bearta a fhorchuirtear faoi mhíreanna 1 agus 4 i gcás inar gá dul isteach nó idirthuras chun próiseas breithiúnach a chomhlíonadh nó chun pianbhreith bhreithiúnach a chur isteach in ionad coinneála i mBallstát.

11.   Tabharfaidh aon Bhallstát ar mian leis díolúintí a dheonú dá dtagraítear i mír 9 nó 10 fógra don Chomhairle i scríbhinn ina leith. Measfar an díolúine sin a bheith deonaithe mura ndéanfaidh comhalta amháin nó níos mó de chomhaltaí na Comhairle agóid i scríbhinn laistigh de 2 lá oibre tar éis fógra a fháil faoin díolúine atá beartaithe. Má dhéanann comhalta amháin nó níos mó de chomhaltaí na Comhairle agóid, féadfaidh an Chomhairle, ag gníomhú di trí thromlach cáilithe, a chinneadh an díolúine atá beartaithe a dheonú.

12.   I gcás, de bhun mhír 6, 7, 9, 10 nó 11, ina n-údaraíonn Ballstát teacht isteach ina gcríocha, nó idirthuras trína gcríocha do dhaoine nádúrtha a liostaítear in Iarscríbhinn III nó IV, beidh an t-údarú teoranta go docht don chuspóir ar chuige sin a dtugtar é agus do na daoine nádúrtha lena mbaineann sin go díreach.

1.   Is í an Chomhairle, ag gníomhú di d’aon toil ar thogra ó Bhallstát nó ó Ardionadaí an Aontais do Ghnóthaí Eachtracha agus don Bheartas Slándála (‘an tArdionadaí’), a chinnfidh an liosta in Iarscríbhinní I, II, III, agus IV a bhunú agus a leasú.

2.   Déanfaidh an Chomhairle a cinneadh de bhun mhír 1, lena n-áirítear an ráiteas ar chúiseanna, a chur in iúl go díreach don duine nádúrtha nó dlítheanach, don ghrúpa nó don eintiteas lena mbaineann, más eol an seoladh, nó trí fhógra a fhoilsiú, rud a thabharfaidh deis don duine nádúrtha nó dlítheanach, don ghrúpa nó don eintiteas lena mbaineann barúlacha a chur i láthair.

3.   I gcás ina gcuirfear barúlacha isteach, nó ina gcuirfear fianaise nua shubstaintiúil i láthair, athbhreithneoidh an Chomhairle a cinneadh de bhun mhír 1 agus cuirfidh sí an duine nádúrtha nó dlítheanach, an grúpa nó an t-eintiteas lena mbaineann ar an eolas dá réir sin.

1.   Féadfaidh an Chomhairle agus an tArdionadaí, sonraí pearsanta a phróiseáil chun a gcúraimí faoin gCinneadh seo a thabhairt i gcrích, go háirithe:

2.   Maidir le sonraí ábhartha a bhaineann le cionta coiriúla arna ndéanamh ag daoine nádúrtha liostaithe, le ciontuithe coiriúla na ndaoine sin nó le bearta slándála a bhaineann leis na daoine sin, ní fhéadfaidh an Chomhairle ná an tArdionadaí iad a phróiseáil, i gcás inarb infheidhme, ach amháin a mhéid is gá an phróiseáil sin chun Iarscríbhinní I, II, III agus IV a ullmhú.

3.   Chun críocha an Chinnidh seo, ainmnítear an Chomhairle agus an tArdionadaí mar ‘rialaitheoirí’ de réir bhrí Airteagal 3, pointe 8, de Rialachán (AE) 2018/1725 ó Pharlaimint na hEorpa agus ón gComhairle (5), chun a áirithiú gur féidir leis na daoine nádúrtha lena mbaineann a gcearta a fheidhmiú faoin Rialachán sin.

1.   Ní shásófar aon éileamh i ndáil le haon chonradh ná idirbheart a ndearnadh difear dá bhfeidhmiú, go díreach nó go hindíreach, go hiomlán nó go páirteach, leis na bearta a fhorchuirtear faoin gCinneadh seo, lena n-áirítear éilimh ar shlánaíocht nó aon éileamh mar sin, mar shampla éileamh ar chúiteamh nó éileamh faoi réir ráthaíochta, go háirithe éileamh ar shíneadh a chur le banna, ráthaíocht nó slánaíocht nó iad a íoc, go háirithe ráthaíocht airgeadais nó slánaíocht airgeadais, i cibé foirm, más rud é go ndéanfaidh ceann de na páirtithe seo a leanas an t-éileamh:

2.   In aon imeacht chun éileamh a fhorfheidhmiú, is faoin duine nádúrtha nó dlítheanach, faoin ngrúpa, nó faoin eintiteas atá ag iarraidh an t-éileamh sin a fhorfheidhmiú a bheidh sé a chruthú nach dtoirmisctear an t-éileamh a shásamh le mír 1.

3.   Tá an tAirteagal seo gan dochar don cheart atá ag na daoine nádúrtha nó dlítheanacha, na grúpaí agus na heintitis dá dtagraítear i mír 1 chun athbhreithniú breithiúnach ar dhlíthiúlacht neamh-chomhlíonadh na n-oibleagáidí conarthacha i gcomhréir leis an gCinneadh seo.

1.   Déanfar athbhreithniú leanúnach ar an gCinneadh seo. Déanfar ainmneacha daoine nádúrtha nó dlítheanacha, grúpaí agus eintiteas atá ar na liostaí in Iarscríbhinní I, II, III agus IV a athbhreithniú go tráthrialta agus uair amháin gach 6 mhí ar a laghad chun a áirithiú go bhfuil forais ann lena gcoimeád sna hIarscríbhinní sin.

2.   Déanfar na heisceachtaí dá dtagraítear in Airteagal 2(8) agus (9) a athbhreithniú go tráthrialta, agus ar a laghad gach 24 mhí nó ar iarraidh phráinneach ó Bhallstát, ón Ardionadaí, nó ón gCoimisiún tar éis d’athrú ó bhonn teacht ar na himthosca. Beidh feidhm ag Airteagal 2(8) go dtí an 22 Feabhra 2027.

1.   Aisghairtear leis seo Airteagail 2, 3 agus 3a de Chomhsheasamh 2001/931/CBES.

2.   Déanfar tagairtí do na forálacha aisghairthe a fhorléiriú mar thagairtí d’fhorálacha comhfhreagracha an Chinnidh seo agus léifear iad i gcomhréir leis an tábla comhghaoil atá in Iarscríbhinn V.

3.   Leis seo, aisghairtear Cinneadh (CBES) 2025/1577 agus Cinneadh (CBES) 2026/421.