1.   Údaráis na mBallstát a bhíonn ag comhlíonadh cúraimí oifigí um aisghabháil sócmhainní agus oifigí bainistíochta sócmhainní, mar a leagtar amach in Airteagail 5 agus 22 de Threoir (AE) 2024/1260, agus Europol, a bheidh i gcomhaltaí an ghrúpa.

2.   Ainmneoidh comhaltaí a n-ionadaithe agus beidh siad freagrach as a áirithiú go gcuirfidh a n-ionadaithe ardleibhéal saineolais ar fáil.

1.   Gníomhóidh an grúpa arna iarraidh sin don Choimisiún, i gcomhréir le Cinneadh C(2016) 3301 ón gCoimisiún (2) lena mbunaítear rialacha cothrománacha maidir le cruthú agus oibriú ghrúpaí saineolaithe an Choimisiúin.

2.   I bprionsabal, is in áitreabh de chuid an Choimisiúin a thionólfar cruinnithe an ghrúpa. Nuair is gá, féadfar físchomhdháil nó cruinnithe físe/fisiciúla hibrideacha a eagrú. Féadfar cruinnithe an ghrúpa a thionól freisin ar áitreabh de chuid Europol, bunaithe ar an gclár oibre.

3.   Soláthróidh an Coimisiún seirbhísí rúnaíochta. Féadfaidh oifigigh an Choimisiúin ó Sheirbhísí eile de chuid an Choimisiúin a bhfuil leas acu sna himeachtaí freastal ar chruinnithe an ghrúpa agus a fhoghrúpaí.

4.   I gcomhaontú leis an gCoimisiún, féadfaidh an grúpa a chinneadh, trí thromlach simplí dá chomhaltaí, go ndéanfar a chuid plé go poiblí.

5.   Na miontuairiscí ar an bplé a dhéanfar ar gach pointe ar an gclár agus ar na tuairimí ón ngrúpa, beidh siad fóinteach agus iomlán. Is í an rúnaíocht, faoi fhreagracht an Chathaoirligh, a dhréachtóidh na miontuairiscí.

6.   Féachfaidh an grúpa lena thuairimí, a mholtaí nó a thuarascálacha a ghlacadh de chomhthoil. I gcás vóta, cinnfear toradh na vótála trí thromlach simplí de na comhaltaí. Na comhaltaí a chaith vóta freasúra nó a staon ó vótáil, beidh sé de cheart acu go gcuirfí i gceangal leis na tuairimí, na moltaí nó na tuarascálacha a glacadh, doiciméad lena ndéanfaí achoimre ar na cúiseanna lena seasamh.

7.   Ina chuid gníomhaíochtaí, próiseálfaidh an grúpa sonraí pearsanta i gcomhréir le Rialachán (AE) 2018/1725 ó Pharlaimint na hEorpa agus ón gComhairle (3).

1.   Féadfar stádas breathnóra a dheonú ar dhaoine aonair, ar eagraíochtaí agus ar eintitis phoiblí nach údaráis na mBallstát iad, i gcomhréir leis na rialacha cothrománacha, trí chuireadh díreach a thabhairt dóibh.

2.   Eagraíochtaí agus eintitis phoiblí a cheapfar ina mbreathnóirí, ainmneoidh siad a n-ionadaithe.

3.   Féadfaidh an Cathaoirleach cead a thabhairt do bhreathnóirí agus d’ionadaithe breathnóirí páirt a ghlacadh i bpléití an ghrúpa agus saineolas a sholáthar. Ní bheidh cearta vótála acu, áfach, ná ní bheidh siad rannpháirteach i bhfoirmiú tuairimí, moltaí agus tuarascálacha an ghrúpa ná a fhoghrúpaí.

1.   Clárófar an grúpa agus a fhoghrúpaí ar Chlár Ghrúpaí Saineolaithe an Choimisiúin agus ainmneacha eintiteas eile den saghas céanna (‘an Clár de ghrúpaí saineolaithe’).

2.   A mhéid a bhaineann le comhdhéanamh an ghrúpa agus na bhfoghrúpaí, foilseofar na sonraí seo a leanas sa Chlár de Ghrúpaí Saineolaithe:

3.   Gach doiciméad ábhartha, lena n-áirítear na cláir oibre, na miontuairiscí agus aighneachtaí na rannpháirtithe, cuirfear ar fáil ar an gClár de ghrúpaí saineolaithe iad nó trí nasc ón gClár chuig suíomh gréasáin tiomnaithe, áit ar féidir an fhaisnéis sin a fháil. Ní bheidh rochtain ar shuíomhanna gréasáin tiomnaithe coinníollach ar chlárú úsáideoirí ná ar aon srian eile. Go sonrach, foilseofar an clár oibre agus doiciméid chúlra ábhartha eile in am trátha roimh an gcruinniú, agus foilseofar na miontuairiscí go tráthúil ina dhiaidh sin. Ní fhéadfar eisceachtaí ó fhoilsiú a dhéanamh ach i gcás ina meastar go ndéanfadh nochtadh doiciméid dochar do chosaint leasa phoiblí nó phríobháidigh mar a shainítear in Airteagal 4 de Rialachán (CE) Uimh. 1049/2001 ó Phairlimint na hEorpa agus ón gComhairle (6).

1.   Ní dhéanfar rannpháirtithe i ngníomhaíochtaí an ghrúpa agus na bhfoghrúpaí a íoc as na seirbhísí a chuireann siad ar fáil.

2.   Aisíocfaidh an Coimisiún costais taistil agus chothaithe a thabhóidh rannpháirtithe i ngníomhaíochtaí an ghrúpa agus a fhoghrúpaí. Déanfar an aisíocaíocht i gcomhréir leis na forálacha atá i bhfeidhm laistigh den Choimisiún agus laistigh de theorannacha na leithreasuithe atá ar fáil arna leithdháileadh ar ranna an Choimisiúin faoin nós imeachta bliantúil chun acmhainní a leithdháileadh.