1.   Íocfaidh riarthóir tagarmhairc chriticiúil amháin nó níos mó na táillí maoirseachta bliantúla seo a leanas:

2.   Riarthóir tagarmharcanna atá bunaithe i dtríú tír agus atá aitheanta ag ESMA nó riarthóir a fhormhuiníonn tagarmharcanna tríú tír a ndéanann ESMA maoirsiú orthu agus a sholáthraíonn nó a fhormhuiníonn, an 30 Meán Fómhair den bhliain (n-1), tagarmharc amháin ar a laghad atá suntasach de bhun Airteagal 24 de Rialachán (AE) 2016/1011, íocfaidh sé an táille mhaoirseachta bhliantúil seo a leanas:

3.   Riarthóir tagarmharcanna atá bunaithe i dtríú tír agus atá aitheanta ag ESMA nó riarthóir a fhormhuiníonn tagarmharcanna tríú tír a ndéanann ESMA maoirsiú orthu agus nach soláthraíonn nó nach bhformhuiníonn, an 30 Meán Fómhair den bhliain (n-1), aon tagarmharc atá suntasach de bhun Airteagal 24 de Rialachán (AE) 2016/1011, íocfaidh sé táille mhaoirseachta bhliantúil EUR 20 000.

4.   Íocfaidh riarthóirí tagarmharcanna a dtáillí maoirseachta bliantúla ábhartha le ESMA an 31 Márta den bhliain féilire ina mbeidh siad dlite ar a dhéanaí. I gcás nach mbeidh faisnéis ar fáil do na blianta féilire roimhe sin, déanfar na táillí a ríomh ar bhonn na faisnéise is déanaí atá ar fáil maidir le táillí bliantúla. Seolfaidh ESMA an nóta dochair chuig an riarthóir tagarmharcanna 30 lá ar a laghad sula mbeidh an íocaíocht dlite. Ní aisíocfar na táillí bliantúla a íocfar.

1.   Is é a bheidh i láimhdeachas is infheidhme riarthóra tagarmharcanna tríú tír aitheanta i mbliain áirithe (n), a ioncam a ghintear sa bhliain (n-2) i ndáil leis an úsáid a bhaineann eintitis faoi mhaoirseacht san Aontas as a thagarmharcanna suntasacha, Tagarmharcanna atá ailínithe le Comhaontú Pháras, Tagarmharcanna Aistrithe Aeráide, nó tagarmharcanna tráchtearraí atá faoi réir Iarscríbhinn II a ghabhann le Rialachán (AE) 2016/1011, gan beann ar cibé acu atá an t-ioncam sin fabhraithe ag an riarthóir tagarmharcanna tríú tír aitheanta sin nó ag aon eintiteas eile atá sa ghrúpa céanna leis an riarthóir sin.

2.   Is é a bheidh i láimhdeachas is infheidhme riarthóra a fhormhuiníonn tagarmharcanna tríú tír i mbliain áirithe (n), a ioncam a ghintear sa bhliain (n-2) i ndáil leis an úsáid a bhaineann eintitis faoi mhaoirseacht san Aontas as na tagarmharcanna criticiúla, na tagarmharcanna suntasacha, na Tagarmharcanna atá ailínithe le Comhaontú Pháras, na Tagarmharcanna Aistrithe Aeráide, nó na tagarmharcanna tráchtearraí atá faoi réir Iarscríbhinn II a ghabhann le Rialachán (AE) 2016/1011 a sholáthraíonn sé nó a fhormhuiníonn sé, gan beann ar cibé acu atá an t-ioncam sin fabhraithe ag an riarthóir a fhormhuiníonn tagarmharcanna tríú tír sin nó ag aon eintiteas eile atá sa ghrúpa céanna leis an riarthóir sin.

3.   Déanfaidh riarthóir tagarmharcanna tríú tír aitheanta a sholáthraíonn tagarmharc suntasach amháin ar a laghad figiúirí a sholáthar do ESMA, ar bhonn bliantúil, lena ndeimhnítear a láimhdeachas is infheidhme dá dtagraítear i mír 1. Sa chás nach luaitear an láimhdeachas is infheidhme sna cuntais bhliantúla iniúchta, déanfar iniúchadh ar leithligh ar na figiúirí a chuirfear isteach. Cuirfear na figiúirí sin faoi bhráid ESMA trí mheán leictreonach faoin 30 Meán Fómhair gach bliain (n-1), ag tosú sa dara bliain tar éis bhliain an aitheantais. Soláthróidh riarthóir tagarmharcanna tríú tír aitheanta na doiciméid ina bhfuil figiúirí ioncaim i dteanga a úsáidtear san earnáil seirbhísí airgeadais.

4.   Déanfaidh riarthóir a fhormhuiníonn tagarmharcanna tríú tír agus a sholáthraíonn nó a fhormhuiníonn tagarmharc suntasach amháin ar a laghad figiúirí a sholáthar do ESMA, ar bhonn bliantúil, lena ndeimhnítear a láimhdeachas is infheidhme dá dtagraítear i mír 2. Sa chás nach luaitear an láimhdeachas is infheidhme sna cuntais bhliantúla iniúchta, déanfar iniúchadh ar leithligh ar na figiúirí a chuirfear isteach. Cuirfear na figiúirí sin faoi bhráid ESMA trí mheán leictreonach faoin 30 Meán Fómhair gach bliain (n-1), ag tosú sa dara bliain tar éis bhliain an aitheantais. Déanfaidh riarthóir atá ag formhuiniú tagarmharcanna tríú tír na doiciméid ina bhfuil figiúirí ioncaim i dteanga a úsáidtear san earnáil seirbhísí airgeadais.

5.   I gcás nár oibrigh an riarthóir tagarmharcanna tríú tír aitheanta le linn na bliana iomláine (n-2), déanfaidh ESMA meastachán ar an láimhdeachas is infheidhme i gcás an riarthóra tagarmharcanna tríú tír aitheanta tríd an luach arna ríomh don líon míonna ar lena linn a d’oibrigh an riarthóir tagarmharcanna tríú tír aitheanta i mbliain (n-2) a eachtarshuí leis an mbliain iomlán (n-2).

6.   I gcás nár oibrigh an riarthóir a fhormhuiníonn tagarmharcanna tríú tír le linn na bliana iomláine (n-2), déanfaidh ESMA meastachán ar an láimhdeachas is infheidhme a eachtarshuí, don riarthóir a fhormhuiníonn tagarmharcanna tríú tír sin, tríd an luach arna ríomh don líon míonna ar lena linn a d’fhormhuinigh an riarthóir tagarmharcanna tríú tír sin i mbliain (n-2), leis an mbliain iomlán (n-2).

7.   I gcás nach bhfuil cuntais iniúchta ar fáil le haghaidh na bliana (n–2), úsáidfidh ESMA na cuntais iniúchta le haghaidh na bliana (n–1).

8.   Maidir le hioncam a thuairiscítear in airgeadra eile seachas an euro, déanfaidh ESMA an t-ioncam sin a chomhshó go euro trí úsáid a bhaint as an meánráta malairte eachtraí euro is infheidhme i dtaca leis an tréimhse inar taifeadadh an t-ioncam sin. Chun na críche sin, úsáidfidh ESMA an ráta tagartha malairte eachtraí euro arna fhoilsiú ag an mBanc Ceannais Eorpach.’