(1)

i roinn 1, scriostar pointe 1.4;

(2)

cuirtear an méid seo a leanas in ionad roinn 2:

‘2.   FAISNÉIS CHAINNÍOCHTÚIL AGUS FAISNÉIS CHÁILÍOCHTÚIL FAOI DHIALL LUACHANNA TÁSCAIRÍ TORAIDH Ó GHARSPRIOCANNA

Cuimseofar sa roinn seo an fhaisnéis cháilíochtúil dá dtagraítear in Airteagal 134(4) agus (5) de Rialachán (AE) 2021/2115. Cuimseofar inti freisin faisnéis cháilíochtúil a mhéid a bhaineann le dialltaí ó gharspriocanna dá dtagraítear in Airteagal 134(7), pointe (b), den Rialachán sin.

Cuimseofar inti an bonn cirt sainordaitheach dá dtagraítear in Airteagal 135(2) agus (3) den Rialachán sin. Tuairisceofar na torthaí gnóthaithe agus na haschuir réadaithe i gcomhréir leis na modhanna ríofa a leagtar síos san Iarscríbhinn a ghabhann le Rialachán Cur Chun Feidhme (AE) 2021/2290 ón gCoimisiún (*1).

2.1.   Luachanna gnóthaithe na dtáscairí toraidh

Cuimseofar san fhoroinn seo an luach a gnóthaíodh sa bhliain airgeadais roimhe sin in aghaidh gach ceann de na táscairí toraidh a leagtar amach sa Phlean Straitéiseach CBT agus an t-achar go dtí an gharsprioc bhliantúil chomhfhreagrach a leagtar síos sa Phlean Straitéiseach CBT. Thairis sin, ba cheart cúiseanna a leagan amach inti, i gcás inarb iomchuí, le dialltaí ó gharspriocanna agus, i gcás inarb ábhartha, tuairisc a thabhairt inti ar na bearta a rinneadh, i gcomhréir le hAirteagal 134(7), pointe (b), de Rialachán (AE) 2021/2115.

Sa tuarascáil bhliantúil ar fheidhmíocht atá le tíolacadh faoin 15 Feabhra 2026, cuimseofar freisin san fhoroinn seo an bonn cirt sainordaitheach le haon easnamh is mó ná 35 % i sroicheadh na ngarspriocanna ábhartha i gcomhair bhliain airgeadais 2025, dá dtagraítear in Airteagal 135(3) den Rialachán sin.

Sa tuarascáil bhliantúil ar fheidhmíocht atá le tíolacadh faoin 15 Feabhra 2027, cuimseofar freisin san fhoroinn seo an bonn cirt sainordaitheach le haon easnamh is mó ná 25 % i sroicheadh na ngarspriocanna ábhartha i gcomhair bhliain airgeadais 2026, dá dtagraítear in Airteagal 135(2) den Rialachán sin.

2.2.   Aschuir réadaithe – aonadmhéideanna – maoiniú náisiúnta breise

Ina aghaidh gach aonadmhéid a leagtar amach sa Phlean Straitéiseach CBT, cuimseofar san fhoroinn seo na haschuir réadaithe, an t-ollchaiteachas agus na haonadmhéideanna réadaithe i gcomhréir le hAirteagal 134(5) de Rialachán (AE) 2021/2115.

2.2.1.   Aonadmhéideanna réadaithe le haghaidh idirghabhálacha i bhfoirm íocaíochtaí díreacha

Cuimseofar an méid seo a leanas san fhaisnéis a sholáthrófar faoin bhforoinn seo:

2.2.2.   Aonadmhéideanna réadaithe le haghaidh idirghabhálacha in earnálacha áirithe

Cuimseofar an méid seo a leanas san fhaisnéis a sholáthrófar faoin bhforoinn seo:

2.2.3.   Aonadmhéideanna réadaithe le haghaidh idirghabhálacha san fhorbairt tuaithe

Cuimseofar an méid seo a leanas san fhaisnéis a sholáthrófar faoin bhforoinn seo:

2.2.4.   Maoiniú náisiúnta breise

Aschuir réadaithe arna nginiúint go heisiach le maoiniú náisiúnta breise, tuairisceofar iad de réir na hidirghabhála.

Cúnamh airgeadais náisiúnta agus maoiniú náisiúnta breise dá dtagraítear in Airteagal 134(11) agus in Airteagal 115(5), pointí (a) agus (d), de Rialachán (AE) 2021/2115, tuairisceofar iad de réir na hidirghabhála.

2.3.   Aschuir réadaithe – luachanna comhiomlánaithe

Cuimseofar san fhoroinn seo luachanna comhiomlánaithe na dtáscairí aschuir arna dtuairisciú i gcomhréir leis na modhanna ríofa a leagtar síos san Iarscríbhinn a ghabhann le Rialachán Cur Chun Feidhme (AE) 2021/2290.

2.3.1.   Luachanna comhiomlánaithe na dtáscairí aschuir de réir idirghabhálacha agus aonaid tomhais

2.3.2.   Luachanna comhiomlánaithe na dtáscairí aschuir de réir cineálacha idirghabhála agus aonaid tomhais

2.3.3.   Luachanna comhiomlánaithe eile na dtáscairí aschuir

2.5.   Ionstraimí airgeadais a úsáid in idirghabhálacha forbartha tuaithe

San fhoroinn seo beidh faisnéis bhreise faoi úsáid ionstraimí airgeadais sa bhliain airgeadais roimhe sin i gcomhréir le hAirteagal 134(10) de Rialachán (AE) 2021/2115. Tuairisceofar an fhaisnéis bhreise sin de réir an chineáil idirghabhála.

2.6.   Faisnéis faoi shíolta ola, faoi chadás agus faoi chabhair idirthréimhseach náisiúnta

Cuimseofar san fhoroinn seo an fhaisnéis faoi shíolta ola atá le tuairisciú i gcomhréir le hAirteagal 11(6) de Rialachán (AE) 2021/2115.

Cuimseofar san fhoroinn seo freisin an fhaisnéis faoin íocaíocht bharrshonrach do chadás atá le tuairisciú i gcomhréir le hAirteagal 137 de Rialachán (AE) 2021/2115.

Cuimseofar san fhoroinn seo freisin an fhaisnéis faoin gcabhair idirthréimhseach idirnáisiúnta atá le tuairisciú i gcomhréir le hAirteagal 138 de Rialachán (AE) 2021/2115, faisnéis a thuairisceofar de réir na hidirghabhála.

(*1)  Rialachán Cur Chun Feidhme (AE) 2021/2290 ón gCoimisiún an 21 Nollaig 2021 lena leagtar síos rialacha maidir leis na modhanna chun na comhtháscairí aschuir agus toraidh a ríomh a leagtar amach in Iarscríbhinn I a ghabhann le Rialachán (AE) 2021/2115 ó Pharlaimint na hEorpa agus ón gComhairle lena mbunaítear rialacha maidir le tacaíocht do phleananna straitéiseacha atá le tarraingt suas ag na Ballstáit faoin gcomhbheartas talmhaíochta (Pleananna Straitéiseacha CBT) agus le maoiniú ag an gCiste Eorpach um Ráthaíocht Talmhaíochta (CERT) agus ag an gCiste Eorpach Talmhaíochta um Fhorbairt Tuaithe (CETFT) agus lena n-aisghairtear Rialacháin (AE) Uimh. 1305/2013 agus (AE) Uimh. 1307/2013 (IO L 458, 22.12.2021, lch. 486, ELI: http://data.europa.eu/eli/reg_impl/2021/2290/oj).’."