(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a athnuachan.

(2)

Údaraíodh ullmhóid arb é atá inti Saccharomyces cerevisiae CBS 493.94 ar feadh 10 mbliana mar bhreiseán beathaithe le haghaidh eallach lena ramhrú, mionspeicis athchogantacha lena ramhrú, ba déiríochta agus mionspeicis athchogantacha déiríochta le Rialachán Cur Chun Feidhme (AE) Uimh. 1109/2014 ón gCoimisiún (2).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh iarratas isteach chun údarú na hullmhóide arb é atá inti Saccharomyces cerevisiae CBS 493.94 a athnuachan mar bhreiseán beathaithe le haghaidh ba déiríochta, mionspeicis athchogantacha déiríochta, eallach lena ramhrú agus mionspeicis athchogantacha lena ramhrú, agus iarradh ann go n-aicmeofaí an breiseán sa chatagóir breiseán ‘breiseáin zóiteicniúla’ agus san fheidhmghrúpa ‘cobhsaitheoirí fhlóra na stéige’. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis an iarratas sin.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 19 Márta 2025 (3) go bhfuil an ullmhóid arb é atá inti Saccharomyces cerevisiae CBS 493.94 fós sábháilte don spriocspeiceas, do thomhaltóirí agus don chomhshaol faoi na coinníollacha úsáide a údaraítear faoi láthair. Tháinig sé ar an gconclúid freisin, maidir leis an ullmhóid arb é atá inti Saccharomyces cerevisiae CBS 493.94, i bhfoirm priollaí níos mó, nach greannaitheoir craicinn ná súl í, agus nach greannaitheoir craicinn í i bhfoirm priollaí ach gur greannaitheoir súl í. Ba cheart a mheas gur íogróir craicinn agus riospráide é an breiseán sa ina dhá fhoirmliú agus meastar gur riosca é aon nochtadh tríd an gcraiceann agus tríd an gconair riospráide. Luaigh an tÚdarás freisin nach bhfuil togra maidir le coinníollacha an údaraithe bunaidh a leasú nó a fhorlíonadh san iarratas ar athnuachan an údaraithe, ar togra é a mbeadh tionchar aige ar éifeachtúlacht na mbreiseán. Dá bhrí sin, tháinig sé ar an gconclúid freisin nach gá measúnú a dhéanamh ar éifeachtúlacht na hullmhóide i gcomhthéacs an athnuachana ar an údarú. Ní mheasann an tÚdarás go bhfuil gá le ceanglais shonracha maidir le faireachán iarmhargaidh.

(5)

Maidir leis na conclúidí agus na moltaí ar thángthas orthu sa mheasúnú a rinneadh i dtaobh mhodh anailíse na hullmhóide arb é atá inti Saccharomyces cerevisiae CBS 493.94 mar bhreiseán beathaithe i gcomhthéacs na n-údaruithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis an iarratas atá ann faoi láthair. Dá bhrí sin, i gcomhréir le hAirteagal 5(4), pointe (c), de Rialachán (CE) Uimh. 378/2005 ón gCoimisiún (4), níl gá le tuarascáil mheastóireachta ón tSaotharlann Tagartha.

(6)

I bhfianaise an mhéid thuas, measann an Coimisiún go gcomhlíonann an ullmhóid arb é atá inti Saccharomyces cerevisiae CBS 493.94 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(7)

Mar thoradh ar athnuachan údarú na hullmhóide arb é atá inti Saccharomyces cerevisiae CBS 493.94 mar bhreiseán beathaithe, ba cheart Rialachán Cur Chun Feidhme (AE) Uimh. 1109/2014 a aisghairm.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,