Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2026/1 |
6.2.2026 |
RIALACHÁN TARMLIGTHE (AE) 2026/1 ÓN gCOIMISIÚN
an 1 Nollaig 2025
lena leasaítear Rialachán (AE) 2021/2115 ó Pharlaimint na hEorpa agus ón gComhairle a mhéid a bhaineann le leithdháiltí na mBallstát le haghaidh íocaíochtaí díreacha agus an miondealú bliantúil in aghaidh an Bhallstáit ar an tacaíocht ón Aontas don fhorbairt tuaithe
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2021/2115 ó Pharlaimint na hEorpa agus ón gComhairle an 2 Nollaig 2021 lena mbunaítear rialacha maidir le tacaíocht do phleananna straitéiseacha atá le tarraingt suas ag na Ballstáit faoin gcomhbheartas talmhaíochta (Pleananna Straitéiseacha CBT) agus le maoiniú ag an gCiste Eorpach um Ráthaíocht Talmhaíochta (CERT) agus ag an gCiste Eorpach Talmhaíochta um Fhorbairt Tuaithe (CETFT) agus lena n-aisghairtear Rialacháin (AE) Uimh. 1305/2013 agus (AE) Uimh. 1307/2013 (1), agus go háirithe Airteagal 87(2) agus Airteagal 89(4) de,
De bharr an mhéid seo a leanas:
|
(1) |
I gcomhréir le hAirteagal 103(1), pointe (a), Airteagal 103(2) agus Airteagal 103(5) de Rialachán (AE) 2021/2115, chinn an Danmhairg, an Fhrainc agus an Ísiltír ina bPlean Straitéiseach CBT athbhreithniú a dhéanamh ar chéatadán a leithdháiltí le haghaidh íocaíochtaí díreacha i leith na bliana féilire 2026, ar leithdháiltí iad a aistríodh chuig a leithdháiltí le haghaidh an Chiste Eorpaigh Talmhaíochta um Fhorbairt Tuaithe (CETFT). |
|
(2) |
I gcomhréir le hAirteagal 103(1), pointe (b), Airteagal 103(3) agus Airteagal 103(5) de Rialachán (AE) 2021/2115, chinn an tSlóvaic ina Plean Straitéiseach CBT céatadán dá leithdháileadh le haghaidh CETFT sa bhliain airgeadais 2027 a aistriú chuig a leithdháileadh le haghaidh íocaíochtaí díreacha. |
|
(3) |
I gcomhréir le hAirteagal 88(6) agus Airteagal 88(7) de Rialachán (AE) 2021/2115, chinn an tSeicia, an Fhrainc agus an tSlóvaic ina bPlean Straitéiseach CBT athbhreithniú a dhéanamh ar a chéatadán leithdháiltí le haghaidh íocaíochtaí díreacha a úsáidtear le haghaidh cineálacha idirghabhálacha in earnálacha eile dá dtagraítear i dTeideal III, Caibidil III, Roinn 7, de Rialachán (AE) 2021/2115 le haghaidh na mblianta féilire 2026 agus 2027. Ba cheart, dá bhrí sin, na méideanna comhfhreagracha a asbhaint óna leithdháiltí le haghaidh íocaíochtaí díreacha. |
|
(4) |
Chun na cinntí sin a léiriú, is gá leithdháiltí na mBallstát sin le haghaidh íocaíochtaí díreacha a leagtar amach in Iarscríbhinní V agus IX a ghabhann le Rialachán (AE) 2021/2115 a oiriúnú, chomh maith leis an miondealú bliantúil in aghaidh an Bhallstáit ar an tacaíocht ón Aontas le forbairt tuaithe a leagtar amach in Iarscríbhinn XI a ghabhann leis an Rialachán sin. |
|
(5) |
Ba cheart, dá bhrí sin, Iarscríbhinní V, IX agus XI a ghabhann le Rialachán (AE) 2021/2115 a leasú dá réir. |
|
(6) |
Ós rud é go ndéanann na leasuithe a dhéantar ar an Rialachán sin difear do chur i bhfeidhm Rialachán (AE) 2021/2115 ón 1 Eanáir 2026, go háirithe a mhéid a bhaineann le cineálacha idirghabhála i bhfoirm íocaíochtaí, ba cheart an Rialachán seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh agus ba cheart feidhm aige ón 1 Eanáir 2026, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní V, IX agus XI a ghabhann le Rialachán (AE) 2021/2115 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2026.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 1 Nollaig 2025.
Thar ceann an Choimisiúin
An tUachtarán
Ursula VON DER LEYEN
(1) IO L 435, 6.12.2021, lch. 1, ELI: http://data.europa.eu/eli/reg/2021/2115/oj.
IARSCRÍBHINN
Leasaítear Iarscríbhinní V, IX agus XI a ghabhann le Rialachán (AE) 2021/2115 mar a leanas:
|
(1) |
in Iarscríbhinn V, cuirtear an méid seo a leanas in ionad na rónna le haghaidh na Seicia, na Danmhairge, na Fraince, na hÍsiltíre agus na Slóvaice:
|
|
(2) |
in Iarscríbhinn IX, cuirtear an méid seo a leanas in ionad na rónna le haghaidh na Seicia, na Danmhairge, na Fraince, na hÍsiltíre agus na Slóvaice:
|
|
(3) |
in Iarscríbhinn XI, cuirtear an méid seo a leanas in ionad na rónna le haghaidh na Danmhairge, na Fraince, na hÍsiltíre agus na Slóvaice, agus na rónna Iomlán AE-27 agus Iomlán:
|
ELI: http://data.europa.eu/eli/reg_del/2026/1/oj
ISSN 1977-0839 (electronic edition)