1.   Déanfaidh údaráis inniúla suirbhéanna rioscabhunaithe bliantúla ar na plandaí sonraithe i limistéir a gcríoch nach eol go bhfuil an lotnaid shonraithe ann chun a fháil amach an ann don lotnaid sin.

2.   Le scéim deartha agus samplála na suirbhéanna sin, beifear in ann leibhéal íseal láithreachta plandaí inmhíolaithe a bhrath laistigh den Bhallstát lena mbaineann le leibhéal leordhóthanach muiníne.

Beidh siad bunaithe ar Threoirlínte ginearálta an Údaráis Eorpaigh um Shábháilteacht Bia (‘an tÚdarás’) do shuirbhéanna ar lotnaidí plandaí atá fónta ó thaobh staidrimh de agus atá bunaithe ar riosca.

3.   Déanfar na suirbhéanna:

4.   Is éard a bheidh sna suirbhéanna:

D’fhonn comhlánú a dhéanamh ar scrúduithe amhairc, féadfar madraí bolaíochta atá oilte go sonrach a úsáid, i gcás inarb iomchuí.

1.   I gcás ina ndeimhnítear láithreacht na lotnaide sonraithe go hoifigiúil, bunóidh an Ballstát lena mbaineann limistéar críochaithe gan mhoill chun críche an lotnaid shonraithe a dhíothú.

2.   Tar éis deimhniú oifigiúil a fháil maidir le láithreacht na lotnaide sonraithe agus bunú an limistéir chríochaithe dá dtagraítear i mír 1, cinnfidh na húdaráis inniúla, gan mhoill, leibhéal an inmhíolaithe trí shuirbhé teorannaithe.

3.   Nuair a thagann an t-údarás inniúil ar an gconclúid, ar bhonn thorthaí an tsuirbhé dá dtagraítear in Airteagal 3, ar feadh 4 bliana as a chéile ar a laghad, gurb amhlaidh, de bharr leibhéal an inmhíolaithe leis an lotnaid shonraithe, nach féidir í a dhíothú, féadfaidh an t-údarás inniúil a chinneadh an córas a athrú go srianadh. I gcásanna den sórt sin, tabharfaidh an t-údarás inniúil fógra láithreach don Choimisiún faoi mhionsonraí an limistéir chríochaithe nua le haghaidh imshrianadh a bhfuil sé beartaithe aige a ainmniú nó a mhodhnú, chun go n-áireofar an limistéar sin ar liosta na limistéar críochaithe le haghaidh imshrianadh in Iarscríbhinn I.

4.   Is é a bheidh sna limistéir chríochnaithe na nithe seo a leanas:

5.   Beidh teorannú an limistéir chríochaithe bunaithe ar an méid seo a leanas:

6.   Chun na bearta díothaithe dá dtagraítear in Airteagal 9 a dhéanamh, féadfar leithead an chreasa mhaolánaigh a laghdú go leithead nach lú ná 1 km i gcás ina measann an t-údarás inniúil gur féidir an lotnaid shonraithe a dhíothú, agus cúinsí na ráige á gcur san áireamh, amhail a méid agus a suíomh, leibhéal an inmhíolaithe nó líon agus dáileadh na bplandaí sonraithe.

I gcás limistéar críochnaithe le haghaidh imshrianadh, féadfar leithead an chreasa mhaolánaigh a laghdú go leithead nach lú ná 2 km i gcás ina measann an t-údarás inniúil go bhfuil an t-achar sin oiriúnach chun an lotnaid shonraithe a imshrianadh, agus cúinsí na ráige á gcur san áireamh, amhail a méid agus a suíomh, leibhéal an inmhíolaithe nó líon agus dáileadh na bplandaí sonraithe.

Laistigh de na limistéir chríochaithe, áiritheoidh na húdaráis inniúla go mbeidh an pobal i gcoitinne agus oibreoirí gairmiúla ar an eolas faoi theorannú na limistéar críochaithe.

1.   De mhaolú ar Airteagal 5, féadfaidh an t-údaráis inniúil rogha a dhéanamh gan limistéar críochaithe a bhunú, má tá fianaise ann:

2.   I gcás ina n-úsáideann an t-údarás inniúil an maolú dá bhforáiltear i mír 1, déanfaidh sé an méid seo a leanas:

Ní bheidh feidhm ag pointe (b) de mhír 2 i gcásanna inar féidir láithreacht nó teacht chun cinn aosaigh na lotnaide sonraithe sa phlanda sonraithe, adhmad sonraithe nó ábhar pacáistíochta adhmaid sonraithe a eisiamh go haonchiallach agus inar cuireadh na cúiseanna leis an gconclúid sin in iúl don Choimisiún i scríbhinn.

1.   Sna limistéir chríochaithe, déanfaidh na húdaráis inniúla diansuirbhéanna bliantúla ar na plandaí sonraithe, dá dtagraítear in Airteagal 19(1) de Rialachán (AE) 2016/2031, chun láithreacht na lotnaide sonraithe a bhrath agus an fhaisnéis dá dtagraítear sa chárta suirbhé lotnaidí ar Aromia bungii á cur san áireamh agus i gcomhréir le míreanna 2 go 5 den Airteagal seo.

2.   Déanfar na suirbhéanna i gcomhréir le hAirteagal 3(3) agus (4) chun láithreacht na lotnaide sonraithe a bhrath.

D’fhonn comhlánú a dhéanamh ar scrúduithe amhairc, féadfar crainn tháscacha a úsáid, i gcás inarb iomchuí.

Ina theannta sin, déanfaidh an comhlacht oifigiúil freagrach sampláil scriosach spriocdhírithe, i gcás inarb iomchuí.

3.   Cuirfear san áireamh i ndearadh an tsuirbhé Treoirlínte ginearálta an Údaráis do shuirbhéanna atá fónta ó thaobh staidrimh de agus atá bunaithe ar riosca agus le dearadh an tsuirbhé agus an scéim samplála a úsáidtear le haghaidh suirbhéanna braite beifear in ann láithreacht 1 % den lotnaid shonraithe a shainaithint le leibhéal muiníne 95 % ar a laghad.

4.   I gcásanna ina n-úsáidtear plandaí táscacha, beidh na plandaí sin faoi réir cigireachtaí uair sa mhí ar a laghad le linn an tséasúir eitilte. Déanfar na plandaí sin a scriosadh agus déanfar imscrúdú orthu, ar a dhéanaí, sula mbeidh an lotnaid shonraithe in ann saolré iomlán amháin a chur i gcrích sa limistéar den Bhallstát lena mbaineann.

5.   Cuirfear torthaí na suirbhéanna a dhéanfar de bhun an Airteagail seo faoi bhráid an Choimisiúin trí bhíthin ceann de na teimpléid dá dtagraítear in Iarscríbhinn II.

1.   Chun an lotnaid shonraithe a dhíothú, déanfaidh na húdaráis inniúla na bearta seo a leanas sna criosanna inmhíolaithe:

Sna cásanna phointe (a), nuair nach féidir stumpaí agus fréamhacha dromchla atá fréamhaithe go domhain a bhaint, cuirfear sa talamh iad go pointe 40 cm ar a laghad faoi bhun leibhéal an dromchla, nó déanfar iad a chumhdach le hábhar feithid-díonach. I gcás inar aimsíodh na plandaí inmhíolaithe lasmuigh de thréimhse eitilte na lotnaide sonraithe, déanfar iad a leagan agus a bhaint roimh thús na chéad tréimhse eitilte eile.

2.   Na suirbhéanna bliantúla oifigiúla laistigh de leithead 1 km ar a laghad timpeall ar na láithreacha táirgthe dá dtagraítear in Iarscríbhinn VIII, lch. 17.4 a ghabhann le Rialachán Cur Chun Feidhme (AE) 2019/2072, beidh siad bunaithe ar Threoirlínte ginearálta an Údaráis maidir le suirbhéanna ar lotnaidí plandaí atá fónta ó thaobh staidrimh de agus atá bunaithe ar riosca agus, le dearadh na suirbhéanna agus an scéim samplála a úsáidtear, beifear in ann leibhéal láithreachta plandaí inmhíolaithe 1 % ar a laghad a shainaithint le leibhéal 99 % muiníne ar a laghad.

3.   I gcás gluaiseacht adhmaid shonraithe agus ábhair pacáistíochta adhmaid shonraithe lasmuigh den limistéar críochaithe agus mura bhfuil aon saoráid cóireála nó próiseála ar fáil laistigh den limistéar críochaithe, aistreofar an t-adhmad sonraithe nó an t-ábhar pacáistíochta adhmaid sonraithe faoi rialú oifigiúil, agus faoi dhálaí dúnta ar bhealach a áiritheoidh nach féidir leis an lotnaid shonraithe leathadh, go dtí an tsaoráid oiriúnach is gaire lasmuigh den limistéar críochaithe, chun cóireáil nó próiseáil láithreach a áirithiú i gcomhréir le pointí 33-35 d’Iarscríbhinn VIII a ghabhann le Rialachán Cur Chun Feidhme (AE) 2019/2072.

Déanfaidh an t-údarás oifigiúil suirbhéanna bliantúla ag amanna iomchuí chun an lotnaid shonraithe a aimsiú trí chigireachtaí a dhéanamh ar phlandaí sonraithe, laistigh de leithead 1 km ar a laghad ón saoráid próiseála nó cóireála.

4.   De mhaolú ar mhír 1, an chéad fhomhír, pointe (b), i gcás ina dtagann údarás inniúil ar an gconclúid nach bhfuil an leagan iomchuí do líon teoranta plandaí aonair, mar gheall ar an luach sóisialta, cultúrtha nó comhshaoil ar leith atá acu, beidh na plandaí aonair sin faoi réir scrúdú aonair míosúil i leith aon chomhartha inmhíolaithe agus i leith bearta malartacha ar leagan lena n-áiritheofaí ardleibhéal cosanta chun cosc a chur ar leathadh féideartha na lotnaide sonraithe ó na plandaí sin.

1.   I gcrios inmhíolaithe na limistéar críochaithe le haghaidh imshrianadh, mar a liostaítear in Iarscríbhinn I, déanfaidh na húdaráis inniúla na bearta seo a leanas:

I gcás phointe (a), nuair nach féidir stumpaí agus fréamhacha dromchla atá fréamhaithe go domhain a bhaint, cuirfear sa talamh iad go pointe 40 cm ar a laghad faoi bhun leibhéal an dromchla, nó déanfar iad a chumhdach le hábhar feithid-díonach. Ba cheart tús a chur le gníomhaíochta leagtha láithreach, ach i gcásanna inar aimsíodh na plandaí inmhíolaithe lasmuigh de thréimhse eitilte na lotnaide sonraithe, déanfar an leagan agus an bhaint roimh thús na chéad tréimhse eitilte eile;

Na suirbhéanna bliantúla oifigiúla laistigh de leithead 1 km ar a laghad timpeall arna láithreacha táirgthe dá dtagraítear i bpointe 17.4 d’Iarscríbhinn VIII a ghabhann le Rialachán Cur Chun Feidhme (AE) 2019/2072, beidh siad bunaithe ar Threoirlínte ginearálta an Údaráis maidir le suirbhéanna ar lotnaidí plandaí atá fónta ó thaobh staidrimh de agus atá bunaithe ar riosca agus, le dearadh na suirbhéanna agus an scéim samplála a úsáidtear, beifear in ann leibhéal láithreachta plandaí inmhíolaithe 1 % ar a laghad a shainaithint le leibhéal 99 % muiníne ar a laghad.

2.   I gcás gluaiseacht adhmaid shonraithe agus ábhair pacáistíochta adhmaid shonraithe lasmuigh den limistéar críochaithe agus mura bhfuil aon saoráid cóireála nó próiseála ar fáil laistigh den limistéar críochaithe, aistreofar an t-adhmad sonraithe nó an t-ábhar pacáistíochta adhmaid sonraithe faoi rialú oifigiúil, agus faoi dhálaí dúnta ar bhealach a áiritheoidh nach féidir leis an lotnaid shonraithe leathadh, go dtí an tsaoráid is gaire lasmuigh den limistéar críochaithe, chun cóireáil nó próiseáil láithreach a áirithiú i gcomhréir le pointí 33-35 d’Iarscríbhinn VIII a ghabhann le Rialachán Cur Chun Feidhme (AE) 2019/2072.

Déanfaidh an t-údarás oifigiúil suirbhéanna bliantúla ag amanna iomchuí chun an lotnaid shonraithe a aimsiú trí chigireachtaí a dhéanamh ar phlandaí sonraithe, laistigh de leithead 1 km ar a laghad ón saoráid próiseála nó cóireála.

3.   I gcás ina ndeimhnítear go hoifigiúil go bhfuil an lotnaid shonraithe ann sa chrios maolánach, beidh feidhm ag Airteagail 17 agus 18 de Rialachán (AE) 2016/2031.