(1)

Le Cinneadh 2014/115/AE (2), d’fhormheas an Chomhairle an Prótacal lena leasaítear an Comhaontú maidir le Soláthar Rialtais (3) a tugadh i gcrích faoi chuimsiú na hEagraíochta Domhanda Trádála. Is ionstraim ilpháirtithe é an Comhaontú leasaithe maidir le Soláthar Rialtais (‘an Comhaontú’) agus is é is cuspóir dó margaí soláthair rialtais a oscailt go frithpháirteach i measc a pháirtithe. Baineann an Comhaontú le haon chonradh soláthair lena mbaineann luach a shroicheann nó a sháraíonn na méideanna a leagtar amach ann (‘tairseacha’) agus a shloinntear mar chearta tarraingthe speisialta.

(2)

I gcomhréir le hAirteagal 68(1) de Threoir 2009/81/CE, tá na tairseacha a leagtar síos sa Treoir sin le hailíniú leis na tairseacha a leagtar síos in Airteagal 15, pointí (a) agus (b), de Threoir 2014/25/AE ó Pharlaimint na hEorpa agus ón gComhairle (4) tar éis athbhreithniú a dhéanamh ar na tairseacha sin, i gcás inar gá, chun go gcomhfhreagróidh siad do na tairseacha a leagtar amach sa Chomhaontú. Rinneadh athbhreithniú ar na tairseacha a leagtar síos i dTreoir 2014/25/AE le Rialachán Tarmligthe (AE) 2025/2150 ón gCoimisiún (5).

(3)

I gcomhréir le hAirteagal 17(1) de Threoir 2014/25/AE, tá an Coimisiún le hathbhreithniú a dhéanamh ar na tairseacha a leagtar síos in Airteagal 15, pointí (a) agus (b), den Treoir sin gach 2 bhliain, le héifeacht ón 1 Eanáir. Dá bhrí sin, ba cheart feidhm a bheith ag na tairseacha le haghaidh na mblianta 2026-2027 a leagtar amach sa Rialachán seo ón 1 Eanáir 2026 ar aghaidh.

(4)

I dtaca leis na sonraí is gá le haghaidh ríomh na dtairseach, ní raibh siad ar fáil faoin 1 Meán Fómhair 2025. I gcomhréir le hAirteagal 68(3) de Threoir 2009/81/CE, ní mór don Choimisiún na tairseacha athbhreithnithe in euro agus a luachanna comhfhreagracha in airgeadraí náisiúnta eile na mBallstát a fhoilsiú in Iris Oifigiúil an Aontais Eorpaigh ag tús mhí na Samhna. I bhfianaise an mhéid thuas, téann an Coimisiún i muinín an nós imeachta práinne dá bhforáiltear in Airteagal 66b den Treoir sin.

(5)

Dá bhrí sin, ba cheart Treoir 2009/81/CE a leasú dá réir,

(1)

i bpointe (a), cuirtear ‘EUR 432 000’ in ionad ‘EUR 443 000’;

(2)

i bpointe (b), cuirtear ‘EUR 5 404 000’ in ionad ‘EUR 5 538 000’.