(1)

I gcás na substaintí gníomhacha Betabaculovirus phoperculellae agus iarann eiliminteach, níl aon uasleibhéal sonrach iarmhar (‘MRLanna’) socraithe. Dá bhrí sin, i gcás na substaintí gníomhacha sin tá feidhm ag an luach réamhshocraithe de 0,01 mg/kg a leagtar síos in Airteagal 18(1), pointe (b), de Rialachán (CE) Uimh. 396/2005. Ós rud é nach raibh gá le MRLanna le haghaidh na substainte gníomhaí ola ráibe, cuimsíodh an tsubstaint ghníomhach sin go sealadach in Iarscríbhinn IV a ghabhann leis an Rialachán sin.

(2)

D’fhormheas an Coimisiún Betabaculovirus phoperculellae mar shubstaint ghníomhach ísealriosca (2) i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle (3). De réir an Údaráis Eorpaigh um Shábháilteacht Bia (‘an tÚdarás’), ní riosca sláinte do thomhaltóirí é an nochtadh don tsubstaint sin (4). Dá bhrí sin, is iomchuí an tsubstaint sin a chuimsiú in Iarscríbhinn IV a ghabhann le Rialachán (CE) Uimh. 396/2005.

(3)

D’fhormheas an Coimisiún iarann eiliminteach mar shubstaint ghníomhach ísealriosca (5) i gcomhréir le Rialachán (CE) Uimh. 1107/2009. Tháinig an tÚdarás ar an gconclúid go meastar gur airde nochtadh plandaí d’iarann eiliminteach go nádúrtha tríd an ithir ná an nochtadh a bhaineann lena úsáid mar tháirge cosanta plandaí. (6). Dá bhrí sin, is iomchuí an tsubstaint sin a chuimsiú in Iarscríbhinn IV a ghabhann le Rialachán (CE) Uimh. 396/2005.

(4)

Is substaint ghníomhach fhormheasta í ola ráibe atá cuimsithe cheana féin in Iarscríbhinn IV a ghabhann le Rialachán (CE) Uimh. 396/2005 ar bhonn sealadach (7). De réir an Údaráis, ní mheastar go bhfuil airíonna guaiseacha ag an tsubstaint, agus ní dócha go bhfuil an nochtadh de thoradh úsáidí mar tháirge cosanta plandaí níos airde ná an nochtadh trí bhia (8). Dá bhrí sin, is iomchuí an tsubstaint ghníomhach sin a choimeád in Iarscríbhinn IV a ghabhann le Rialachán (CE) Uimh. 396/2005 agus an tagairt don fhonóta ina shonraítear go gcuimsítear go sealadach in Iarscríbhinn IV í a scriosadh.

(5)

Dá bhrí sin, ba cheart Rialachán (CE) Uimh. 396/2005 a leasú dá réir sin.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,