(1)

Le Rialachán (AE) 2023/1231 leagtar síos rialacha sonracha a bhaineann le, i measc nithe eile, teacht isteach coinsíneachtaí d’earraí miondíola áirithe i dTuaisceart Éireann ó chodanna eile den Ríocht Aontaithe lena gcur ar an margadh i dTuaisceart Éireann don tomhaltóir deiridh, lena n-áirítear rialacha sonracha maidir le rátaí rialuithe oifigiúla ar leith ar earraí miondíola ag Saoráidí Iniúchta SPS an chéad teacht isteach i dTuaisceart Éireann.

(2)

Le Rialachán Cur Chun Feidhme (AE) 2023/2058 ón gCoimisiún (2) leagtar síos, i measc nithe eile, rátaí rialuithe oifigiúla ar leith maidir le teacht isteach coinsíneachtaí d’earraí miondíola áirithe i dTuaisceart Éireann ó chodanna eile den Ríocht Aontaithe, agus maidir lena gcur ar an margadh ann. Foráiltear le hAirteagal 3(1), an chéad fhomhír, den Rialachán Cur Chun Feidhme sin go ndéanfar seiceálacha céannachta, lena n-áirítear seiceálacha ar chomhlíonadh na gceanglas i dtaca le bheith réamhphacáilte agus marcáilte dá dtagraítear in Airteagal 4(1), pointe (a), agus Airteagal 5(1), pointe (a), de Rialachán (AE) 2023/1231, ag ráta minicíochta 10 % ar gach coinsíneacht d’earraí miondíola áirithe.

(3)

Foráiltear le hAirteagal 4(3), an tríú fomhír, de Rialachán (AE) 2023/1231, i gcás ina gcomhlíontar na ceanglais mharcála maidir le bainne agus táirgí déiríochta a leagtar síos in Airteagal 6(1), pointe (b), den Rialachán sin, go bhfuil an ráta seiceálacha céannachta ar leith le laghdú go 8 % de na coinsíneachtaí uile.

(4)

De réir na dtuarascálacha a sholáthair údaráis inniúla na Ríochta Aontaithe i ndáil le Tuaisceart Éireann agus ionadaithe an Aontais a fheidhmíonn na cearta faoi Airteagal 12(2) de Chreat Windsor (3), tá marcáil aonair ar bhainne agus ar gach táirge déiríochta a bhfuil feidhm ag na rialacha sonracha maidir leo i gcomhréir le hAirteagal 6(1), pointe (b), de Rialachán (AE) 2023/1231.

(5)

Ba cheart Rialachán Cur Chun Feidhme (AE) 2023/2058 a leasú dá réir sin.

(6)

Ionas gur féidir an leasú dá bhforáiltear sa Rialachán seo a chur i bhfeidhm a luaithe is féidir, ba cheart an Rialachán seo a theacht i bhfeidhm mar ábhar práinne.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,