1.   Bunóidh scéimeanna deimhniúcháin struchtúr stóinseach rialachais lena n-áiritheofar go mbeidh an inniúlacht dhlíthiúil agus theicniúil, an neamhchlaontacht agus an neamhspleáchas is gá ag an scéim chun a cuid dualgas a chomhlíonadh. Áireofar sa struchtúr rialachais sin Bord ar a mbeidh comhaltaí neamhspleácha a ghlacann freagracht mhuiníneach as an eagraíocht chucu agus a oibríonn de réir nósanna imeachta trédhearcacha. Ag brath ar a raon feidhme deimhniúcháin, bunóidh scéimeanna deimhniúcháin coiste teicniúil, nó córas coibhéiseach tacaíochta saineolaithe teicniúla, ina n-áireofar na geallsealbhóirí ábhartha uile, más féidir, chun comhairle a sholáthar do lucht bainistíochta na scéime maidir le saincheisteanna teicniúla. Rachaidh scéimeanna deimhniúcháin i mbun comhairliúcháin thrédhearcacha le geallsealbhóirí maidir le haon leagan nua nó aon nuashonrú mór ar cheanglais ghinearálta, ar phróisis agus ar threoirlínte na scéime.

2.   Cuirfidh scéimeanna deimhniúcháin rialacha agus nósanna imeachta ar bun chun coinbhleachtaí leasa sa chinnteoireacht a sheachaint. Mar chaighdeán íosta, déanfaidh siad córas srianta agus ceartúchán a fhorfheidhmiú chun a áirithiú nach bhféadfaidh aon gheallsealbhóir aonair, a bhfuil leas dílsithe aige i dtoradh cinnidh, tionchar cinntitheach a imirt ar an gcinneadh sin. Déanfar daoine a bhfuil coinbhleacht fhéideartha leasa acu a eisiamh ón gcinnteoireacht sna scéimeanna deimhniúcháin. Cuirfidh na scéimeanna deimhniúcháin nósanna imeachta iomchuí agus rian iniúchóireachta i bhfeidhm chun cásanna den sórt sin a shainaithint agus a dhoiciméadú, agus déanfar athbhreithniú tráthrialta orthu mar chuid dá gcóras rialaithe inmheánaigh.

1.   Bunóidh scéimeanna deimhniúcháin córas faireacháin inmheánaigh chun comhlíontacht oibreoirí a fhíorú leis na rialacha agus na nósanna imeachta a chuireann an scéim i bhfeidhm agus chun cáilíocht na hoibre a dhéanann iniúchóirí na gcomhlachtaí deimhniúcháin a áirithiú. Déanfar faireachán inmheánach uair sa bhliain ar a laghad nó de réir na minicíochta céanna ar a laghad a bhaineann le hiniúchtaí chun raon feidhme deimhniúcháin na scéime agus, chomh maith leis sin, leibhéal riosca na ngníomhaíochtaí a dhéanann na hoibreoirí, a léiriú. Mar chuid den fhaireachán inmheánach, ceanglóidh scéimeanna deimhniúcháin ar chomhlachtaí deimhniúcháin tuarascálacha uile an iniúchta deimhniúcháin, an iniúchta athdheimhniúcháin nó an iniúchta faireacháin (‘iniúchadh’) a sholáthar dóibh. Cumhdófar leis an bhfaireachán inmheánach sampla randamach rioscabhunaithe de na tuarascálacha iniúchóireachta sin ó gach comhlacht deimhniúcháin.

2.   Bunóidh scéimeanna deimhniúcháin nósanna imeachta chun gearáin in aghaidh oibreoirí nó comhlachtaí deimhniúcháin a thaisceadh agus a láimhseáil. Leis na nósanna imeachta sin, beifear in ann gearáin a sheoladh go leictreonach agus áiritheofar cosaint do dhaoine nádúrtha nó dlítheanacha a thuairiscíonn sáruithe, nó a thaisceann gearáin, de mheon macánta i gcomhréir le Treoir (AE) 2019/1937 ó Pharlaimint na hEorpa agus ón gComhairle (2).

3.   Coimeádfaidh scéimeanna deimhniúcháin clár de na gearáin uile. Arna iarraidh sin don Choimisiún nó don Bhallstát inar taisceadh an gearán, déanfaidh scéimeanna deimhniúcháin na doiciméid uile a bhaineann le gearán agus le láimhseáil an ghearáin sin a sholáthar don iarrthóir.

4.   Áiritheoidh scéimeanna deimhniúcháin go ndéanfar obair leantach éifeachtach ar thorthaí an fhaireacháin inmheánaigh agus ar láimhseáil na ngearán agus, i gcás inar gá, na bearta feabhsúcháin ábhartha agus na smachtbhannaí ábhartha a chur i bhfeidhm maidir le neamhchomhréireacht ag oibreoirí de bhun na rialacha agus na nósanna imeachta arna mbunú i gcomhréir le hAirteagal 6(1). I gcás inar gá, déanfaidh scéimeanna deimhniúcháin bearta ceartaitheacha maidir lena struchtúr rialachais nó maidir lena bpróiseas faireacháin inmheánaigh.

5.   Cuirfidh scéimeanna deimhniúcháin córas bainistíochta doiciméadachta ar bun, ar córas é lena dtugtar aghaidh ar gach ceann de na heilimintí seo a leanas:

6.   Coinneofar an doiciméadacht a liostaítear i mír 5 ar feadh 5 bliana ar a laghad tar éis dheireadh na tréimhse faireacháin.

1.   Déanfaidh scéimeanna deimhniúcháin córas cuimsitheach a chur ar bun chun déileáil le neamhchomhréireachtaí ag oibreoirí a bhíonn rannpháirteach i scéimeanna deimhniúcháin. Mar chaighdeán íosta, beidh aicmiú soiléir neamhchomhréireachtaí sa chóras sin, bunaithe ar a dhéine atá an neamhchomhréireacht i gcomhréir leis na ceanglais a leagtar amach i míreanna 2 go 5. Maidir le gach cineál neamhchomhréireachta, déanfaidh scéimeanna deimhniúcháin sraith thrédhearcach rialacha agus nósanna imeachta a chur ar bun chun forfheidhmiú tráthúil na mbeart feabhsúcháin agus na smachtbhannaí a liostaítear in Airteagal 7 a áirithiú.

2.   Déanfaidh scéimeanna deimhniúcháin neamhchomhréireachtaí a shainaithnítear le linn iniúchta a aicmiú mar neamhchomhréireachtaí de chineál criticiúil, mór nó mion.

3.   Is é a bheidh i neamhchomhréireacht chriticiúil sárú ar rialacha nó ar nósanna imeachta na scéime deimhniúcháin amhail calaois, neamhchomhréireacht dho-aisiompaithe, nó sárú a chuireann sláine na scéime deimhniúcháin i mbaol.

Áireofar ar na neamhchomhréireachtaí criticiúla an méid seo a leanas ar a laghad:

4.   Is éard a bheidh i gceist le mór-neamhchomhréireacht sárú ar rialacha nó ar nósanna imeachta na scéime deimhniúcháin a d’fhéadfadh a bheith in-aisiompaithe agus a dhéantar arís agus arís eile agus a nochtann fadhbanna córasacha, nó gnéithe a bhféadfadh cliseadh bunúsach sistéamach a bheith mar thoradh orthu ina n-aonar nó in éineacht le neamhchomhréireachtaí breise.

Áireofar ar na mór-neamhchomhréireachtaí an méid seo a leanas ar a laghad:

5.   Is é a bheidh i mion-neamhchomhréireacht sárú ar rialacha nó ar nósanna imeachta na scéime deimhniúcháin, ar sárú é a bhfuil tionchar teoranta aige, arb é atá ann dul i léig aonarach nó sealadach, agus nach mbeidh cliseadh bunúsach sistéamach mar thoradh air mura gceartaítear é.

1.   I gcás neamhchomhréireachtaí, beidh feidhm ag na bearta feabhsúcháin agus ag na smachtbhannaí a leagtar síos i míreanna 2 go 7 maidir le hoibreoirí nó le grúpaí oibreoirí.

2.   i gcás neamhchomhréireachtaí criticiúla, ní eiseofar deimhniú d’oibreoirí a bhfuil iarratas ar dheimhniú á dhéanamh acu.

3.   Féadfaidh oibreoirí nár eisíodh deimhniú dóibh i gcomhréir le mír 2 iarratas a dhéanamh arís ar dheimhniúchán tar éis tréimhse shocraithe ama, arna chinneadh ag an scéim deimhniúcháin de réir shaintréithe na gníomhaíochta.

4.   Mar thoradh ar neamhchomhréireachtaí criticiúla a shainaithnítear le linn iniúchtaí athdheimhniúcháin nó iniúchtaí faireacháin, nó trí phróiseas faireacháin inmheánaigh nó gearán scéime deimhniúcháin, déanfar an deimhniú a tharraingt siar láithreach agus ní dhéanfar aonaid dheimhnithe eile a eisiúint.

5.   i gcás mór-neamhchomhréireachtaí, ní eiseofar deimhniú d’oibreoirí a bhfuil iarratas ar dheimhniú á dhéanamh acu.

6.   Mar thoradh ar mhór-neamhchomhréireachtaí a shainaithnítear le linn iniúchtaí athdheimhniúcháin nó iniúchtaí faireacháin, nó trí phróiseas faireacháin inmheánaigh nó gearán scéime deimhniúcháin, cuirfear an deimhniú ar fionraí láithreach. I gcás nach gcuirfidh oibreoirí an ghníomhaíocht feabhsúcháin chun feidhme laistigh de 90 lá ón bhfógra maidir leis an bhfionraíocht, déanfar an deimhniú a tharraingt siar.

7.   I gcás mion-neamhchomhréireachtaí, saineoidh scéimeanna deimhniúcháin an tréimhse chun na bearta feabhsúcháin a chur chun feidhme, ar tréimhse í nach faide ná 12 mhí tar éis fógra faoi na neamhchomhréireachtaí a fháil.

1.   Ceanglóidh scéimeanna deimhniúcháin ar oibreoir nó ar ghrúpa oibreoirí an fhaisnéis seo a leanas a nochtadh ina n-iarratas ar dheimhniúchán:

2.   Déanfaidh scéimeanna deimhniúcháin oibreoirí nó grúpaí oibreoirí a eisiamh ón scéim sna cásanna seo a leanas:

3.   Ní bheidh feidhm ag mír 2, pointe (b) i gcás ina ndearnadh iniúchadh deimhniúcháin faoi scéim eile níos mó ná 3 bliana roimh an iarratas ar dheimhniúchán nó má scoir an scéim eile dá gníomhaíochtaí deimhniúcháin idir an dá linn, agus, dá bharr sin, go raibh cosc ar an oibreoir nó ar an ngrúpa oibreoirí iarratas a dhéanamh arís ar an scéim. Sa chás sin, coigeartófar raon feidhme an iniúchta deimhniúcháin chun gach saincheist ábhartha a chumhdach agus díreoidh sé ar na heasnaimh a sainaithníodh san iniúchadh deimhniúcháin agus ar ina leith a theip ar oibreoirí nó ar ghrúpa oibreoirí nó ar a réamhtheachtaithe i dteideal sa scéim eile.

4.   Ní bheidh feidhm ag mír 2, pointe (c) i gcás ina gcruthóidh an t-oibreoir nó an grúpa oibreoirí go raibh cúis bhailí aige, ar choinníoll go raibh tarraingt siar ó scéim eile dosheachanta nó riachtanach. Ní bheidh mar chúis leis an tarraingt siar sin aon neamhchomhréireacht chriticiúil ná mhór-neamhchomhréireacht ná faillí ar thaobh an oibreora maidir le ceanglais na scéime deimhniúcháin a chur chun feidhme.

5.   Áiritheoidh scéimeanna deimhniúcháin go ndéanfar an fhaisnéis dá dtagraítear i mír 1 a mhalartú go héifeachtúil agus go tráthúil eatarthu.

1.   Cuirfidh scéimeanna deimhniúcháin an fhaisnéis a liostaítear in Iarscríbhinn IV, ar a laghad, ar fáil go poiblí agus saor in aisce ar a suíomh gréasáin. Cuirfidh an Coimisiún an fhaisnéis sin ar fáil go poiblí ar chlárlann an Aontais.

2.   Ar chlárlanna na scéimeanna deimhniúcháin, liostófar na hoibreoirí sin a bhfuil deimhniú atá tarraingthe siar acu, a bhfuil deimhniú foirceanta acu nó a bhfuil deimhniú a chuaigh in éag acu, ar feadh 36 mhí ar a laghad tar éis dháta tharraingt siar, fhoirceannadh nó dhul in éag an deimhnithe. Déanfaidh scéimeanna deimhniúcháin aon athrú ar stádas deimhniúcháin oibreoirí a chur ar fáil go poiblí gan mhoill.

3.   Cumhdóidh an tuarascáil bhliantúil ar oibríochtaí dá dtagraítear in Airteagal 14(1), an chéad fhomhír de Rialachán (AE) 2024/3012 an bhliain féilire roimhe sin agus leanfaidh sí an struchtúr agus beidh an t-ábhar inti mar a leagtar amach in Iarscríbhinn V a ghabhann leis an Rialachán seo.

1.   Cuirfidh scéimeanna deimhniúcháin de cheangal ar oibreoirí nó ar ghrúpaí oibreoirí pas a fháil in iniúchóireacht deimhniúcháin a dhéanfaidh comhlacht deimhniúcháin a roghnófar ó liosta comhlachtaí deimhniúcháin arna gceapadh ag an scéim deimhniúcháin, sula gceadófar dóibh a bheith rannpháirteach sa scéim. Beidh an t-iniúchadh sin ar an láthair i gcónaí agus soláthróidh sí, ar a laghad, dearbhú réasúnach maidir le héifeachtacht a próiseas inmheánach.

2.   Beidh oibreoirí deimhnithe nó grúpaí oibreoirí deimhnithe faoi réir iniúchtaí athdheimhniúcháin agus faireacháin tráthrialta, a leagtar amach a minicíocht sna modheolaíochtaí deimhniúcháin ábhartha, arna nglacadh de bhun Airteagal 8 de Rialachán (AE) 2024/3012. Féadfar an t-iniúchadh deimhniúcháin agus an chéad iniúchadh athdheimhniúcháin a dhéanamh an tráth céanna, arna iarraidh sin do na hoibreoirí. I gcás iniúchtaí grúpa, féadfaidh na hiniúchtaí sampla de chomhaltaí an ghrúpa a chumhdach i gcomhréir le hAirteagal 12 den Rialachán seo. Beidh athbhreithneoir teicniúil an chomhlachta deimhniúcháin freagrach as torthaí na n-iniúchtaí a bhailíochtú.

3.   Cuirfidh scéimeanna deimhniúcháin treoraíocht mhionsonraithe ar bun ina leagfar amach an chaoi a ndéantar iniúchtaí a phleanáil agus a dhéanamh agus an chaoi a ndéantar tuarascálacha iniúchóireachta a tharraingt suas. Áiritheoidh scéimeanna deimhniúcháin go ndéanfaidh comhlachtaí deimhniúcháin iniúchtaí i gcomhréir le EN ISO/IEC 17021-1 i gcomhar le EN ISO/IEC 19011 nó a gcoibhéis. Áiritheoidh scéimeanna deimhniúcháin go ndéanfar faisnéis iniúchóireachta a mhalartú go héifeachtúil agus go tráthúil eatarthu chun tacú le hullmhú éifeachtach agus le cur i gcrích éifeachtach an iniúchta.

4.   Cumhdóidh iniúchtaí deimhniúcháin agus athdheimhniúcháin na heilimintí seo a leanas ar a laghad:

5.   Ní dheimhneoidh scéimeanna deimhniúcháin oibreoirí nó grúpaí oibreoirí ach amháin i gcás ina gcomhlíonann siad na ceanglais uile seo a leanas:

1.   Cuirfidh scéimeanna deimhniúcháin de cheangal ar oibreoirí an plean gníomhaíochta agus an plean faireacháin, mar aon leis na tuarascálacha faireacháin ábhartha, a sholáthar do na comhlachtaí deimhniúcháin roimh na hiniúchtaí deimhniúcháin nó na hiniúchtaí faireacháin.

2.   Chun críocha na n-iniúchtaí athdheimhniúcháin, áireofar sa tuarascáil faireacháin an fhaisnéis riachtanach a bhaineann le ríomh na glantairbhe aistrithe carbóin nó na glantairbhe laghdaithe astaíochtaí ithreach, i gcomhréir leis an modheolaíocht deimhniúcháin ábhartha, agus aon fhaisnéis ábhartha maidir le comhlíonadh na gcritéar dliteanais agus inbhuanaitheachta ag an ngníomhaíocht, ar critéir iad a leagtar amach sa mhodheolaíocht deimhniúcháin is infheidhme.

3.   Chun críocha na n iniúchtaí faireacháin, áireofar sa tuarascáil faireacháin an fhaisnéis is gá a bhaineann le faireachán a dhéanamh ar an gcarbón stóráilte, agus ar aon chás aisiompaithe.

4.   Arna iarraidh sin, tabharfaidh scéimeanna deimhniúcháin rochtain don Choimisiún ar na tuarascálacha iniúchóireachta faoi seach agus ar na deimhnithe comhlíontachta agus tabharfaidh siad an rochtain sin do na húdaráis náisiúnta atá freagrach as maoirseacht a dhéanamh ar na comhlachtaí deimhniúcháin.

1.   Ceadóidh scéimeanna deimhniúcháin iniúchadh grúpa arna iarraidh sin do ghrúpa oibreoirí le haghaidh gníomhaíochtaí feirmeoireachta carbóin sna cásanna seo a leanas amháin:

2.   Déanfaidh grúpa oibreoirí a bhfuil iarratas á dhéanamh aige ar iniúchadh grúpa bainisteoir grúpa a ainmniú, a dhéanfaidh ionadaíocht dhlíthiúil thar ceann an ghrúpa oibreoirí agus a bheidh freagrach as a áirithiú go gcomhlíonann gach oibreoir an mhodheolaíocht deimhniúcháin is infheidhme.

3.   Féadfaidh comhlachtaí deimhniúcháin a bhfuil iniúchadh grúpa á dhéanamh acu na gníomhaíochtaí uile lena mbaineann a fhíorú ar bhonn sampla de chomhaltaí an ghrúpa. Leagfaidh scéimeanna deimhniúcháin amach treoirlínte maidir le hiniúchadh grúpa a chur chun feidhme, lena n-áirítear na gnéithe seo a leanas ar a laghad:

4.   Déanfar sampla ina bhfuil líon comhaltaí grúpa atá coibhéiseach le fréamh chearnach líon iomlán chomhaltaí an ghrúpa a iniúchadh go haonarach ag minicíocht a leagtar amach sa mhodheolaíocht deimhniúcháin is infheidhme. Déanfar an líon sin a mhéadú i gcás leibhéal níos airde riosca a bheith ann.

5.   Maidir le hiniúchadh grúpa, má shainaithnítear neamhchomhréireacht chriticiúil nó mór-neamhchomhréireacht in oibreoir amháin den sampla tosaigh de chomhaltaí an ghrúpa, déanfar iniúchadh ar shampla breise de chomhaltaí grúpa den mhéid chéanna. Mar thoradh ar neamhchomhréireacht shistéamach comhaltaí grúpa ar fud an tsampla ar fad, cuirfear an deimhniú grúpa iomlán ar fionraí nó déanfar é a tharraingt siar, de réir mar is infheidhme. Bunóidh scéimeanna deimhniúcháin critéir chun an leibhéal ginearálta riosca sna réimsí a chumhdaítear le gníomhaíochtaí an ghrúpa agus iarmhairtí an leibhéil riosca sin don chur chuige iniúchóireachta a chinneadh. Beidh an sampla ionadaíoch ar an ngrúpa ar fad agus cinnfear é trí roghnú atá bunaithe ar riosca agus roghnú randamach araon. Is é a bheidh sa roghnú randamach 25 % ar a laghad de chomhaltaí an tsampla agus 25 % ar a laghad den achar iomlán a chumhdaítear le gníomhaíochtaí an tsampla. Beidh na comhaltaí a roghnófar don iniúchadh grúpa éagsúil i gcás gach fíorúcháin, agus leagtar amach an mhinicíocht sa mhodheolaíocht deimhniúcháin is infheidhme. Maidir le neamhchomhréireachtaí criticiúla nó mór-neamhchomhréireachtaí comhaltaí grúpa aonair a shainaithnítear le linn an iniúchta, rachfar i ngleic leo i gcomhréir le hAirteagal 7, míreanna 2 go 6, de réir mar is infheidhme.

6.   Déanfar iniúchtaí ar bhainisteoir an ghrúpa ar an láthair i gcónaí. Féadfaidh iniúchtaí ar chomhaltaí grúpa a bheith ina n-iniúchtaí deisce, ar choinníoll go mbeidh iniúchtaí deisce in ann leibhéal dearbhaithe a sholáthar atá inchomparáide leis an leibhéal dearbhaithe a sholáthraítear trí iniúchadh ar an láthair a dhéanamh. Cinnfear le scéimeanna deimhniúcháin cén fhianaise is gá a bheith ann chun iniúchtaí deisce a dhéanamh. Ní mheasfar gur fianaise leordhóthanach iad féindearbhuithe ó oibreoirí.

1.   Áiritheoidh scéimeanna deimhniúcháin maidir le comhlachtaí deimhniúcháin arna gceapadh chun gníomhaíochtaí iniúchóireachta a dhéanamh, lena n-áirítear iniúchtaí deimhniúcháin (bailíochtú), agus iniúchtaí athdheimhniúcháin agus faireacháin (fíorúchán), go gcomhlíonann siad na rialacha a leagtar síos san Airteagal seo, cé is moite de mhíreanna 2, 3 agus 4 i gcás comhlachtaí deimhniúcháin a aithníonn údarás inniúil náisiúnta dá dtagraítear in Airteagal 10(1) de Rialachán (AE) 2024/3012.

2.   Déanfar comhlachtaí deimhniúcháin a chreidiúnú i gcomhréir le EN ISO/IEC 17065. Nuair a dhéanann comhlacht deimhniúcháin gníomhaíochtaí fíorúcháin lena acmhainní inmheánacha nó le hacmhainní eile atá faoina rialú díreach, comhlíonfaidh sé ceanglais is infheidhme EN ISO/IEC 17029 agus EN ISO 14065 freisin. Ní úsáidfidh comhlachtaí deimhniúcháin acmhainní eile le haghaidh iniúchtaí ach amháin acmhainní a bhfuil an t-eolas, an taithí, na scileanna agus an acmhainn is gá acu chun na gníomhaíochtaí iniúchóireachta uile is gá a dhéanamh go héifeachtach, lena n-áirítear bailíochtú agus fíorúchán.

3.   Déanfaidh comhlachtaí creidiúnaithe náisiúnta na comhlachtaí deimhniúcháin a chreidiúnú i gcomhréir le Rialachán (CE) Uimh. 765/2008 ó Pharlaimint na hEorpa agus ón gComhairle (3) agus cumhdófar leis raon feidhme sonrach dheimhniúchán na scéimeanna i gcomhréir le Rialachán (AE) 2024/3012. Agus cáilíochtaí comhlachta deimhniúcháin á measúnú chun críoch mhír 2 ag an gcomhlacht creidiúnaithe náisiúnta, cuirfidh sé san áireamh aon chreidiúnú a fuarthas roimhe sin don ghrúpa gníomhaíochta ábhartha i gcomhréir le Rialachán Cur Chun Feidhme (AE) 2022/996 ón gCoimisiún (4) nó le Rialachán Cur Chun Feidhme (AE) 2018/2067 ón gCoimisiún (5), chun feirmeoireacht carbóin nó buanaistrithe carbóin agus stóráil carbóin i dtáirgí a dheimhniú, faoi seach.

4.   Roghnóidh agus ceapfaidh na comhlachtaí deimhniúcháin an fhoireann iniúchóireachta i gcomhréir le EN ISO/IEC 17021-1 i gcomhar le EN ISO/IEC 19011, agus an inniúlacht is gá chun cuspóirí an iniúchta a bhaint amach á cur san áireamh. Beidh an t-eolas, an taithí, na scileanna agus an acmhainn is gá ag an bhfoireann iniúchóireachta chun an t-iniúchadh a dhéanamh go héifeachtach. I gcás nach mbeidh ach aon iniúchóir amháin ann, beidh an t-eolas, na scileanna, an taithí, an oiliúint agus an acmhainn is gá ag an iniúchóir freisin chun dualgais ceannaire foirne iniúchóireachta is infheidhme maidir leis an iniúchadh sin a dhéanamh.

5.   Comhlíonfaidh iniúchóirí arna roghnú ag comhlachtaí deimhniúcháin na ceanglais seo a leanas:

6.   Áiritheofar le córas rialachais an chomhlachta deimhniúcháin neamhspleáchas bhreithiúnas na n-iniúchóirí ar an leibhéal is airde is féidir trí phrionsabail maidir le huainíocht na n-iniúchóirí nó dea-chleachtais eile atá sa réimse cheana a chur i bhfeidhm.

7.   Maidir le comhlachtaí deimhniúcháin nach bhfuil i dteideal iniúchóireacht a dhéanamh a thuilleadh faoi scéim deimhniúcháin, liostófar iad ar feadh 24 mhí ar a laghad ar shuíomh gréasáin na scéime tar éis an iniúchta is déanaí lena ngabhann tásc chuige sin.

1.   Bunóidh scéimeanna deimhniúcháin cúrsaí oiliúna stóinseacha d’iniúchóirí na gcomhlachtaí deimhniúcháin arna gceapadh ag an scéim, lena gcumhdófar gach gné atá ábhartha do raon feidhme na scéime. Beidh scrúdú mar chuid de na cúrsaí chun a léiriú go gcomhlíonann na rannpháirtithe na ceanglais oiliúna sa réimse teicniúil nó sna réimsí teicniúla ina bhfuil siad gníomhach. Beidh iniúchóirí rannpháirteach sna cúrsaí oiliúna, sula ndéanfaidh siad iniúchtaí thar ceann na scéime deimhniúcháin.

2.   Cuirfidh scéimeanna deimhniúcháin córas chun feidhme chun faireachán a dhéanamh ar stádas oiliúna iniúchóirí agus chun a áirithiú go nglacann iniúchóirí páirt in oiliúint ar bhonn tráthrialta. Déanfaidh scéimeanna deimhniúcháin an treoraíocht is gá a sholáthar freisin do chomhlachtaí deimhniúcháin maidir le gnéithe atá ábhartha don phróiseas deimhniúcháin, lena n-áirítear nuashonruithe ar an gcreat rialála nó torthaí ábhartha ó phróiseas faireacháin inmheánaigh na scéime deimhniúcháin.

1.   Ceanglóidh scéimeanna deimhniúcháin ar chomhlachtaí deimhniúcháin a dhéanann iniúchtaí faoin scéim agus, chomh maith leis sin, ar oibreoirí atá rannpháirteach sa scéim, oibriú i gcomhar leis an gCoimisiún agus le húdaráis inniúla náisiúnta na mBallstát, lena n-áirítear rochtain a thabhairt ar áitribh oibreoirí i gcás ina n-iarrtar sin agus, chomh maith leis sin, an fhaisnéis uile is gá chun a gcúraimí a dhéanamh faoi Airteagal 10(1) de Rialachán (AE) 2024/3012, a chur ar fáil don Choimisiún agus d’údaráis inniúla náisiúnta na mBallstát. Déanfaidh comhlachtaí deimhniúcháin an méid seo a leanas:

2.   Féadfaidh na Ballstáit maoirseacht ar chomhlachtaí deimhniúcháin a tharmligean chuig na comhlachtaí creidiúnaithe náisiúnta de bhun Rialachán (CE) Uimh. 765/2008.

3.   I gcomhthéacs na maoirseachta dá bhforáiltear in Airteagal 10(4) de Rialachán (AE) 2024/3012, féadfaidh na Ballstáit nósanna imeachta a bhunú lena gceadófar do chomhlachtaí deimhniúcháin a aithníonn údarás inniúil náisiúnta dá dtagraítear in Airteagal 10(1) de Rialachán (AE) 2024/3012, gan beann ar cé acu atá nó nach bhfuil a gceannoifig suite ina mBallstát, clárú le haghaidh maoirseachta agus chun an mhaoirseacht a dhéanamh.

4.   Malartóidh na Ballstáit faisnéis agus comhroinnfidh siad dea-chleachtais maidir le conas maoirseacht a dhéanamh ar oibriú na gcomhlachtaí deimhniúcháin i gcomhthéacs creat foirmiúil comhair. I gcás ina ndéanann comhlachtaí deimhniúcháin deimhniú ar ghníomhaíochtaí a bhaineann le haistrithe carbóin, feirmeoireacht carbóin agus stóráil carbóin i dtáirgí i níos mó ná Ballstát amháin, déanfaidh na Ballstáit lena mbaineann creat comhchoiteann a chur ar bun chun maoirseacht a dhéanamh ar na comhlachtaí deimhniúcháin sin, lena n-áirítear Ballstát amháin a cheapadh mar phríomhmhaoirseoir iniúchóireachta.

5.   Beidh an príomhmhaoirseoir iniúchóireachta freagrach, i gcomhar leis na Ballstáit eile lena mbaineann, as faisnéis faoi thoradh na maoirseachta ar na comhlachtaí deimhniúcháin a chomhdhlúthú agus a chomhroinnt.

6.   I gcás ina mbeadh amhras réasúnach ar Bhallstát faoi chumas comhlachta shonraigh deimhniúcháin a chuid oibre iniúchóireachta a dhéanamh, roinnfidh sé an fhaisnéis sin leis na Ballstáit eile, leis an gCoimisiún agus leis an scéim deimhniúcháin faoina n-oibríonn an comhlacht deimhniúcháin. Déanfaidh an scéim deimhniúcháin lena mbaineann imscrúdú láithreach ar an gcás. Nuair a bheidh a himscrúdú críochnaithe, cuirfidh an scéim deimhniúcháin na Ballstáit agus an Coimisiún ar an eolas faoi thoradh an imscrúdaithe agus faoi aon ghníomh ceartaitheach a rinneadh.

7.   Maidir le hoibreoirí agus comhlachtaí deimhniúcháin a mhainníonn, nó nach bhfuil toilteanach, na ceanglais a leagtar amach i míreanna 1 go 5 a chomhlíonadh, eisiafar iad, faoi seach, ó pháirt a ghlacadh i scéimeanna deimhniúcháin agus ó iniúchtaí a dhéanamh thar ceann scéimeanna deimhniúcháin.