CINNEADH Ó ÚDARÁS FAIREACHÁIN CSTE Uimh 117/25/COL

an 9 Iúil 2025

maidir le hOifigeach Éisteachta nua a ainmniú in imeachtaí iomaíochta áirithe [2025/2308]

TÁ ÚDARÁS FAIREACHÁIN CSTE, AG FÉACHAINT DON MHÉID SEO A LEANAS,

AG FÉACHAINT DON MHÉID SEO A LEANAS

Airteagal 2(1) de Chinneadh Uimh. 442/12/COL ó Údarás Faireacháin CSTE an 29 Samhain 2012maidir le feidhm agus téarmaí tagartha na nOifigeach Éisteachta in imeachtaí iomaíochta áirithe; (1)

DE BHARR AN MHÉID SEO A LEANAS

Ceapadh Michael Sánchez Rydelski mar dhuine de na hOifigigh Éisteachta faoi Chinneadh Uimh. 058/19/COL an 12 Iúil 2019. Tháinig deireadh le conradh fostaíochta an Uasail Rydelski le hÚdarás Faireacháin CSTE agus dá bhrí sin is iomchuí a cheapachán ina Oifigeach Éisteachta a fhoirceannadh agus Oifigeach Éisteachta nua a cheapadh le teacht ina ionad.

Tá na cáilíochtaí agus an taithí is gá ag Johanne Førde, Comhairleoir Dlí na Stiúrthóireachta um Ghnóthaí Dlíthiúla agus Feidhmiúcháin, chun dul i mbun dhualgais an Oifigigh Éisteachta in éineacht le Maria Moustakali, arna cheapadh de bhun Chinneadh Uimh. 094/23/COL an 5 Iúil 2023, a leanann ar aghaidh sa phost.

Tá oibriú na nOifigeach Éisteachta agus an chaoi is fearr a bhfuil siad in ann a bhfeidhmeanna a fheidhmiú faoi athbhreithniú faoi láthair.

TAR ÉIS AN CINNEADH SEO A GHLACADH:

Airteagal 1

Oifigeach Éisteachta nua a cheapadh

Ceaptar Johanne Førde, oifigeach de chuid Údarás Faireacháin CSTE, ina hOifigeach Éisteachta chun críocha Chinneadh Uimh. 442/12/COL ó Údarás Faireacháin CSTE.

Airteagal 2

An ceapachán roimhe seo a fhoirceannadh

Foirceanntar ceapachán Michael Sánchez Rydelski, a rinneadh de bhun Chinneadh Uimh. 058/19/COL an 12 Iúil 2019 maidir le hOifigigh Éisteachta nua a ainmniú in imeachtaí iomaíochta áirithe.

Airteagal 3

Foilsiú agus Faisnéis

Foilseofar ceapachán Johanne Førde ina hOifigeach Éisteachta, agus foirceannadh cheapachán Michael Sánchez Rydelski, in Iris Oifigiúil an Aontais Eorpaigh agus i bhForlíonadh LEE a ghabhann léi, agus ar shuíomh gréasáin Údarás Faireacháin CSTE. Is le cóip den Chinneadh seo a chuirfear Stáit CSTE agus an Coimisiún Eorpach ar an eolas.

Airteagal 4

Teacht i bhfeidhm

Is i mBéarla a bheidh an Cinneadh seo barántúil agus tiocfaidh sé i bhfeidhm an 9 Iúil 2025.

Arna dhéanamh sa Bhruiséil, an 9 Iúil 2025.

Thar ceann Údarás Faireacháin CSTE,

Arne Røksund

Uachtarán

Stefan Barriga

Comhalta Coláiste

Árni Páll Árnason

Comhalta Coláiste Freagrach

Melpo-Menie Joséphidès

Ag comhshíniú mar Stiúrthóir

Gnóthaí Dlíthiúla agus Feidhmiúcháin

(1) IO L 190, 11.7.2013, lch. 93, agus Forlíonadh LEE Uimh. 40, 11.7.2013, lch. 3.