(1)

An 12 Feabhra 2024, leis an Rialachán maidir le hathbhreithniú, d’fhorchuir an Coimisiún dleacht frithdhumpála chinntitheach ar allmhairí tíleanna ceirmeacha (‘an táirge lena mbaineann’) isteach san Aontas de thionscnamh Dhaon-Phoblacht na Síne.

(2)

San imscrúdú a raibh sé mar thoradh air dleachtanna frithdhumpála cinntitheacha a fhorchur in 2011 (‘an t-imscrúdú bunaidh’), cuireadh sampláil i bhfeidhm chun táirgeoirí onnmhairiúcháin sa tSín a imscrúdú i gcomhréir le hAirteagal 17 de Rialachán (CE) Uimh. 1225/2009 ón gComhairle (3).

(3)

D’fhorchuir an Coimisiún dleachtrátaí frithdhumpála aonair idir 13,9 % agus 36,5 % ar allmhairí tíleanna ceirmeacha i gcás na dtáirgeoirí onnmhairiúcháin ón tSín a sampláladh. Forchuireadh dleachtráta 30,6 % ar na táirgeoirí onnmhairiúcháin comhoibríocha nár áiríodh sa sampla. Liostaítear na táirgeoirí onnmhairiúcháin comhoibríocha nár áiríodh sa sampla san Iarscríbhinn. Thairis sin, forchuireadh dleachtráta 69,7 % ar fud na tíre ar thíleanna ceirmeacha ó chuideachtaí sa tSín nár chomhoibrigh leis an imscrúdú.

(4)

De bhun Airteagal 1(4) den Rialachán maidir le hathbhreithniú, féadfar Airteagal 1(2) den Rialachán sin a leasú chun táirgeoirí onnmhairiúcháin nua a chur le liosta na dtáirgeoirí onnmhairiúcháin comhoibríocha nár áiríodh sa sampla agus iad a chur faoi réir mheánráta ualaithe iomchuí na dleachta frithdhumpála. Ní mór do tháirgeoir onnmhairiúcháin nua fianaise a thabhairt maidir leis an méid seo a leanas:

(5)

An 20 Márta 2025, d’iarr Hebei Lingbiao Technology Development Co., Ltd. (‘an t-iarratasóir’) ar an gCoimisiún go ndeonófaí stádas an táirgeora onnmhairiúcháin nua dó agus, dá bhrí sin, go mbeadh sé faoi réir an dleachtráta is infheidhme maidir leis na cuideachtaí comhoibríocha sa tSín nár áiríodh sa sampla, i.e. 30,6 % (‘stádas an táirgeora onnmhairiúcháin nua’).

(6)

Chun a chinneadh ar chomhlíon an t-iarratasóir na coinníollacha le go ndeonófaí stádas an táirgeora onnmhairiúcháin nua dó, na coinníollacha a leagtar amach in Airteagal 1(4) den Rialachán maidir le hathbhreithniú (‘coinníollacha maidir le stádas an táirgeora onnmhairiúcháin nua’), chuir an Coimisiún ceistneoir ar dtús chuig an iarratasóir agus d’iarr sé fianaise air a léireodh gur chomhlíon sé na coinníollacha maidir le stádas an táirgeora onnmhairiúcháin nua. Thug an t-iarratasóir freagra ar an gceistneoir.

(7)

D’fhéach an Coimisiún leis an fhaisnéis uile a mheas sé a raibh gá léi a dheimhniú lena chinneadh ar chomhlíon an t-iarratasóir na coinníollacha maidir le stádas an táirgeora onnmhairiúcháin nua. Chuige sin, rinne an Coimisiún anailís ar an bhfianaise a chuir an t-iarratasóir isteach. Chuir an Coimisiún tionscal an Aontais ar an eolas faoin iarraidh ón iarratasóir agus d’iarr sé air barúlacha a thabhairt.

(8)

Maidir leis an gcéad choinníoll maidir le stádas an táirgeora onnmhairiúcháin nua, shuigh an Coimisiún nár onnmhairigh an t-iarratasóir tíleanna ceirmeacha chuig an Aontas le linn na tréimhse imscrúdaithe bunaidh toisc gur bunaíodh é ina dhiaidh sin.

(9)

Maidir leis an dara coinníoll maidir le stádas an táirgeora onnmhairiúcháin nua, shuigh an Coimisiún nach raibh an t-iarratasóir comhlachaithe le haon cheann de na táirgeoirí sa tSín atá faoi réir na mbeart arna bhforchur ag an Rialachán sin, agus a chomhoibrigh nó a d’fhéadfadh comhoibriú san imscrúdú arb é is cúis leis an dleacht.

(10)

Maidir leis an tríú coinníoll maidir le stádas an táirgeora onnmhairiúcháin nua, shuigh an Coimisiún, bunaithe ar an bhfianaise dhoiciméadach a cuireadh ar fáil (doiciméid díolacháin agus custaim), gur onnmhairigh an t-iarratasóir tíleanna ceirmeacha chuig an Aontas i mí na Samhna 2024.

(11)

Ar bhonn an mhéid thuas, tháinig an Coimisiún ar an gconclúid gur chomhlíon an t-iarratasóir na coinníollacha maidir le stádas an táirgeora onnmhairiúcháin nua.

(12)

Dá réir sin, ba cheart glacadh leis an iarraidh go ndeonófaí stádas an táirgeora onnmhairiúcháin nua dó agus ba cheart an t-iarratasóir a bheith faoi réir na dleachta frithdhumpála le haghaidh cuideachtaí comhoibríocha nár áiríodh sa sampla, atá socraithe ag 30,6 % faoi láthair.

(13)

Cuireadh an t-iarratasóir agus tionscal an Aontais ar an eolas faoi na bunfhíorais agus na bunbhreithnithe ar ar a mbonn a bunaíodh an cinneadh an dleachtráta frithdhumpála is infheidhme maidir leis na cuideachtaí comhoibríocha nár áiríodh i sampla an imscrúdaithe bunaidh a dheonú do Hebei Lingbiao Technology Development Co., Ltd. Tugadh an deis do na páirtithe barúlacha a chur isteach. Ní bhfuarthas aon bharúil.

(14)

Tá an Rialachán i gcomhréir leis an tuairim ón gCoiste a bunaíodh le hAirteagal 15(1) de Rialachán (AE) 2016/1036,