(1)

Ba cheart gurb é is aidhm do ghníomhaíocht an Aontais san earnáil muiriompair an tsábháilteacht mhuirí a fheabhsú agus an comhshaol muirí agus sláinte an duine a chosaint.

(2)

Meastar go nglacfaidh an Coiste um Chaomhnú an Chomhshaoil Mhuirí (CCCM) de chuid na hEagraíochta Muirí Idirnáisiúnta (IMO), sa dara seisiún urghnách a bheidh aige ón 14 go dtí an 17 Deireadh Fómhair 2025 (MEPC/ES.2), leasuithe ar Iarscríbhinn VI a ghabhann leis an gCoinbhinsiún Idirnáisiúnta um Thruailliú ó Longa a Chosc (MARPOL) maidir leis an Atlantach Thoir Thuaidh a ainmniú mar Limistéar nua Rialaithe Astaíochtaí (Rialacháin 13 agus 14 agus Foscríbhinn VII a ghabhann le hIarscríbhinn VI a ghabhann le MARPOL), maidir le hinrochtaineacht Bhunachar Sonraí IMO um Ídiú Ola Breosla Long (IMO DCS) agus clásal athbhreithnithe an bhirt ghearrthéarmaigh maidir le laghdú gás ceaptha teasa (GCT) (rialacháin 20, 25, 27 agus 28 d’Iarscríbhinn VI a ghabhann le MARPOL), agus maidir le Creat Glan-Nialasachta IMO (Caibidil 5 nua d’Iarscríbhinn VI a ghabhann le MARPOL).

(3)

Áirítear i Rialacháin (AE) 2015/757 (1) agus (AE) 2023/1805 (2) ó Pharlaimint na hEorpa agus ón gComhairle agus i dTreoir (AE) 2023/959 ó Pharlaimint na hEorpa agus ón gComhairle (3) na clásail athbhreithnithe atá faoi réir ghlacadh na leasuithe ar Iarscríbhinn VI a ghabhann le MARPOL.

(4)

Is iomchuí an seasamh atá le glacadh thar ceann an Aontais ag MEPC/ES.2 a bhunú, ós rud é go bhféadfaidh cuid de na leasuithe ar MARPOL atá beartaithe tionchar cinntitheach a imirt ar ábhar dhlí an Aontais, eadhon Treoir (AE) 2016/802 ó Pharlaimint na hEorpa agus ón gComhairle (4), Rialachán (AE) 2015/757, Treoir (AE) 2023/959, agus Rialachán (AE) 2023/1805.

(5)

Ba cheart don Aontas tacú leis na leasuithe ar Rialacháin 13 agus 14, agus ar Fhoscríbhinn VII a ghabhann le hIarscríbhinn VI a ghabhann le MARPOL toisc go rannchuideoidh siad le hastaíochtaí truailleán aeir ó longa a chosc, a laghdú agus a rialú chun tairbhí gaolmhara sláinte, comhshaoil agus eacnamaíocha a bhaint amach.

(6)

Ba cheart don Aontas tacú freisin leis na leasuithe ar Rialachán 27 d’Iarscríbhinn VI a ghabhann le MARPOL, toisc go gcuirfidh siad feabhas breise ar inrochtaineacht IMO DCS.

(7)

Ba cheart don Aontas tacú leis na leasuithe ar rialacháin 20, 25, 27 agus 28 d’Iarscríbhinn VI a ghabhann le MARPOL, toisc go n-eascraíonn na leasuithe sin as glacadh Straitéis IMO 2023 maidir le GCT agus as tabhairt chun críche an athbhreithnithe ar na bearta gearrthéarmacha ag IMO agus is féidir athbhreithniú breise a dhéanamh leo ar na rialacháin sin.

(8)

Ba cheart don Aontas tacú freisin le caibidil 5 nua d’Iarscríbhinn VI a ghabhann le MARPOL a thabhairt isteach, toisc go gcuideoidh sé sin le hastaíochtaí GCT ó longa a laghdú.

(9)

Níl an tAontas ina bhall de IMO, ná ina pháirtí conarthach i MARPOL. Dá bhrí sin, ba cheart don Chomhairle na Ballstáit a údarú le seasamh an Aontais a chur in iúl ag MEPC/ES.2.

(10)

Ba cheart raon feidhme an Chinnidh seo a theorannú don mhéid atá sna leasuithe beartaithe, a mhéid atá ar cumas na leasuithe sin difear a dhéanamh do rialacha comhchoiteanna an Aontais agus a mhéid a thagann siad faoi inniúlacht eisiach an Aontais. Níor cheart don Chinneadh seo difear a dhéanamh do roinnt na n-inniúlachtaí idir an tAontas agus na Ballstáit,

(a)

na leasuithe ar rialacháin 13 agus 14 agus ar Fhoscríbhinn VII a ghabhann le hIarscríbhinn VI a ghabhann le MARPOL maidir leis an Atlantach Thoir Thuaidh a ainmniú mar Limistéar nua Rialaithe Astaíochtaí (ECA),

(b)

na leasuithe ar rialacháin 20, 25, 27 agus 28 d’Iarscríbhinn VI a ghabhann le MARPOL maidir le hinrochtaineacht Bhunachar Sonraí IMO um Ídiú Ola Breosla Long (IMO DCS), agus

(c)

tabhairt isteach chaibidil 5 nua d’Iarscríbhinn VI in MARPOL maidir le Creat Glan-Nialasachta IMO,