1.   Comhroinnfidh an tÚdarás agus BCE mar a thagraítear dó in Airteagal 4, pointe (2)(i), ar bhonn tráthrialta nó ar bhonn cás ar chás, faisnéis a fuair siad ó institiúidí airgeadais nó ó údaráis eile agus a ndualgais á gcomhlíonadh acu agus ar faisnéis í a eascraíonn as dlí an Aontais a chur i bhfeidhm agus a chur chun feidhme, leis na húdaráis eile arna iarraidh sin, ar choinníoll go bhfuil an t-údarás iarrthach i dteideal an fhaisnéis sin a fháil ó institiúidí airgeadais nó ó údaráis eile de bhun dhlí an Aontais.

2.   Iarrfaidh an tÚdarás agus BCE, mar a thagraítear dó in Airteagal 4, pointe (2)(i), faisnéis ó aon cheann de na húdaráis eile a fuair an fhaisnéis sin, seachas í a iarraidh go díreach ó institiúidí airgeadais, ar choinníoll go bhfuil an tÚdarás nó BCE, de réir mar is infheidhme, i dteideal an fhaisnéis sin a fháil de bhun dhlí an Aontais.

Beidh an chéad fhomhír den mhír seo gan dochar do chumhachtaí an Údaráis nó BCE, mar a thagraítear dó in Airteagal 4, pointe (2)(i), an fhaisnéis a iarrtar a fháil ó institiúidí airgeadais i gcás nach bhfuil an t-údarás eile in ann an fhaisnéis a chomhroinnt, i gcás ina bhfuil gá le gníomhaíocht phráinneach nó i gcás inar gá an fhaisnéis a fháil go díreach ó institiúidí airgeadais chun cúraimí an Údaráis nó BCE a chomhlíonadh de bhun dhlí an Aontais.

3.   Léireofar in aon iarraidh ar mhalartú faisnéise de bhun mhír 1 den Airteagal seo an bunús dlí faoi dhlí an Aontais lena dtugtar teideal don údarás iarrthach an fhaisnéis a fháil ó institiúidí airgeadais nó ó údaráis eile.

Beidh an t-údarás iarrthach agus an tÚdarás agus BCE, mar a thagraítear dó in Airteagal 4, pointe (2)(i), faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 70 agus 71 den Rialachán seo, in Airteagal 27 de Rialachán (AE) Uimh. 1024/2013 agus i reachtaíocht earnálach a bhfuil feidhm acu maidir le faisnéis a chomhroinnt idir an institiúid airgeadais agus an t-údarás iarrthach, agus idir an institiúid airgeadais agus an tÚdarás agus BCE mar a thagraítear dó in Airteagal 4, pointe (2)(i).

4.   I gcás ina malartaíonn an tÚdarás nó BCE mar a thagraítear dó in Airteagal 4, pointe (2)(i), faisnéis de bhun mhír 1, déanfaidh sé, gan moill mhíchuí, gach údarás óna bhfuair sé an fhaisnéis nó gach institiúid airgeadais, má fuarthas an fhaisnéis go díreach ó institiúidí airgeadais, a chur ar an eolas faoin malartú. I gcás malartuithe athfhillteacha nó tréimhsiúla faisnéise, ní bheidh sé d’oibleagáid ar an Údarás ná ar BCE, mar a thagraítear dó in Airteagal 4, pointe (2)(i), an institiúid airgeadais nó an t-údarás óna bhfuair sé an fhaisnéis a chur ar an eolas ach aon uair amháin.

5.   De mhaolú ar mhír 4, ní bheidh sé d’oibleagáid ar an Údarás ná BCE, mar a thagraítear dó in Airteagal 4, pointe (2)(i), an t-údarás ná an institiúid airgeadais, de réir mar is infheidhme, a chur ar an eolas faoin malartú faisnéise i gcás ina gcomhlíonfar ceachtar de na coinníollacha seo a leanas:

(a)	rinneadh an fhaisnéis a anaithnidiú, ar bhealach nach mbaineann sí a thuilleadh le haon duine nádúrtha sainaitheanta nó in-sainaitheanta agus nach bhfuil an institiúid airgeadais ná na heintitis dhlítheanacha eile in-sainaitheanta a thuilleadh; nó

(b)

rinneadh an fhaisnéis a mhodhnú, a chomhiomlánú nó a láimhseáil trí aon mhodh rialaithe eile maidir le nochtadh chun faisnéis rúnda, lena n-áirítear rúin trádála, a chosaint, agus chun sonraí pearsanta a chosaint trí bhearta teicniúla agus eagraíochtúla iomchuí i gcomhréir le Rialachán (AE) 2016/679 ó Pharlaimint na hEorpa agus ón gComhairle (*5) agus Rialachán (AE) 2018/1725 ó Pharlaimint na hEorpa agus ó gComhairle (*6).

6.   De mhaolú ar mhír 4, ní chuirfidh an tÚdarás agus BCE mar a thagraítear dó in Airteagal 4, pointe (2)(i) an institiúid airgeadais ar an eolas faoin malartú faisnéise má chinneann siad, nó má chuireann an t-údarás iarrthach ar an eolas iad, go bhféadfaí imeachtaí, gníomhaíochtaí nó imscrúduithe maoirseachta nó réitigh atá ar siúl a chur i mbaol dá ndéanfaí amhlaidh.

7.   Beidh feidhm ag míreanna 1 go 6 freisin maidir le faisnéis a fuair an tÚdarás agus BCE, mar a thagraítear dó in Airteagal 4, pointe (2)(i), ó institiúid airgeadais nó ó údarás eile agus a mbeidh seiceálacha cáilíochta déanta acu uirthi ina dhiaidh sin nó a phróiseálfaidh siad ar shlí eile.

8.   Chun malartuithe faisnéise dá dtagraítear i míreanna 1 go 7 a éascú, féadfaidh an tÚdarás agus BCE mar a thagraítear dó in Airteagal 4, pointe (2)(i), agus na húdaráis eile meabhráin tuisceana a dhéanamh maidir leis na socruithe do mhalartuithe den sórt sin. Féadfar socruithe a shonrú freisin leis na meabhráin tuisceana maidir le comhroinnt acmhainní chun an fhaisnéis chomhroinnte sin a bhailiú agus a phróiseáil. Féadfaidh an Coimisiún, tar éis dó dul i gcomhairle leis an Údarás agus BCE mar a thagraítear dó in Airteagal 4, pointe (2)(i) agus leis na húdaráis eile, treoirlínte a fhorbairt maidir le príomheilimintí na meabhrán tuisceana sin.

9.   Beidh míreanna 1 go 8 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an tÚdarás agus BCE mar a thagraítear dó in Airteagal 4, pointe (2)(i) agus na húdaráis eile i gcomhréir le forálacha eile den Rialachán seo nó de reachtaíocht eile de chuid an Aontais.

I gcás ina mbeidh coimhlint idir an tAirteagal seo agus forálacha eile an Rialacháin seo nó reachtaíocht eile de chuid an Aontais lena rialaítear malartú faisnéise idir an tÚdarás agus BCE mar a thagraítear dó in Airteagal 4, pointe (2)(i), agus na húdaráis eile, beidh feidhm ag na forálacha eile sin.

10.   Féadfaidh an tÚdarás agus BCE mar a thagraítear dó in Airteagal 4, pointe (2)(i), agus na húdaráis inniúla, dá rogha féin, rochtain a dheonú ar fhaisnéis a fuarthas agus a ndualgais á gcomhlíonadh acu lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an tÚdarás, BCE mar a thagraítear dó in Airteagal 4, pointe (2)(i), nó an t-údarás inniúil a dheonaíonn an rochtain gur comhlíonadh na coinníollacha uile seo a leanas:

(a)	rinneadh na bearta is gá chun an fhaisnéis a anaithnidiú, ar bhealach nach bhféadfaí institiúidí airgeadais, eintitis, ábhair sonraí aonair, ná, i gcás inarb é an tÚdarás nó BCE a dheonaíonn rochtain ar an bhfaisnéis, Ballstáit aonair, a shainaithint;

(b)	rinneadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda, lena n-áirítear rúin trádála nó inneachar a chumhdaítear le cearta maoine intleachtúla, a chosaint.

Ní dhéanfar faisnéis a fuarthas ó aon údarás a chomhroinnt de bhun na chéad fhomhíre ach amháin le toiliú an údaráis a fuair an fhaisnéis sin ar dtús.

11.   Faoin 11 Samhain 2027, tuairisceoidh an tÚdarás agus BCE, mar a thagraítear dó in Airteagal 4, pointe (2)(i), don Choimisiún, i ndlúthchomhar leis na húdaráis inniúla, maidir leis na bacainní dlíthiúla uile sa reachtaíocht earnálach lena gcuirtear cosc orthu, ar bhealach ar bith, faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó neamhábhartha ar bhealach eile. Féadfar a áireamh inti freisin moltaí chun feabhas a chur ar an gcomhsheasmhacht idir ceanglais tuairiscithe le haghaidh eintitis airgeadais agus neamhairgeadais. Déanfar an tuarascáil a thabhairt cothrom le dáta ar bhonn tráthrialta, i gcás inar gá.

Agus an tuairisc dá dtagraítear sa chéad fhomhír, cosaint ceart maoine intleachtúla, agus na hoibleagáidí maidir le rúndacht ghairmiúil agus cosaint sonraí á gcur san áireamh aige, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na bacainní dlí sin a bhaint sa reachtaíocht earnálach chun malartú faisnéise idir údaráis agus le heintitis eile a chothú.

12.   Chun críocha an Airteagail seo, Airteagal 35(4) agus Airteagal 70(3), ciallaíonn “údaráis eile” aon cheann de na húdaráis seo a leanas:

(a)	an Bord Eorpach um Riosca Sistéamach, a bunaíodh le Rialachán (AE) Uimh. 1092/2010;

(b)	an tÚdarás Eorpach um Árachas agus Pinsin Cheirde, a bunaíodh le Rialachán (AE) Uimh. 1094/2010;

(c)	an tÚdarás Eorpach um Urrúis agus Margaí, a bunaíodh le Rialachán (AE) Uimh. 1095/2010;

(d)	údaráis inniúla, mar a shainmhínítear in Airteagal 4, pointe (2), den Rialachán seo;

(e)	údaráis inniúla, mar a shainmhínítear in Airteagal 4, pointe (2), de Rialachán (AE) Uimh. 1094/2010;

(f)	údaráis inniúla, mar a shainmhínítear in Airteagal 4, pointe (3), de Rialachán (AE) Uimh. 1095/2010;

(g)	na húdaráis atá sa sásra aonair maoirseachta, mar a shainmhínítear in Airteagal 2, pointe (9), de Rialachán (AE) Uimh. 1024/2013;

(h)	an Bord Réitigh Aonair, a bunaíodh le Rialachán (AE) Uimh. 806/2014;

(i)	údaráis réitigh, amhail iad siúd dá dtagraítear in Airteagal 3(3) de Threoir 2014/59/AE;

(j)	an tÚdarás um Fhrithsciúradh Airgid agus um Chomhrac Mhaoiniú na Sceimhlitheoireachta (ÚCSA), a bunaíodh le Rialachán (AE) 2024/1620 ó Pharlaimint na hEorpa agus ón gComhairle (*7);

(k)	maoirseoir airgeadais, mar a shainmhínítear in Airteagal 2, an dara fomhír, pointe (1), de Threoir (AE) 2024/1640 ó Pharlaimint na hEorpa agus ón gComhairle (*8).

Chun críocha an Airteagail seo, ciallaíonn “institiúid airgeadais” institiúid airgeadais mar a shainmhínítear in Airteagal 2, pointe (a), de Rialachán (AE) Uimh. 1092/2010.

De mhaolú ar an gcéad fhomhír den mhír seo, i gcás ina bhfuil feidhm ag míreanna 1 agus 2 den Airteagal seo maidir le BCE, dá dtagraítear in Airteagal 4, pointe (2)(i), den Rialachán seo, ciallaíonn “údaráis eile” aon cheann de na húdaráis a liostaítear sa chéad fhomhír den mhír seo, cé is moite d’údaráis inniúla náisiúnta ar cuid den sásra aonair maoirseachta iad.

1.   Faoin 11 Samhain 2030, ullmhóidh ÚMEnna, tríd an gComhchoiste agus i ndlúthchomhar le BERS, BCE, ÚCSA, BRA, leis na húdaráis inniúla agus páirtithe leasmhara ábhartha eile, tuarascáil ina gcuirtear roghanna i láthair chun éifeachtúlacht bhailiú na sonraí maoirseachta san Aontas a fheabhsú. Ag cur le hobair earnálach ÚMEnna ar thuairisciú a chomhtháthú, soláthrófar staidéar indéantachta sa tuarascáil sin, lena n-áirítear measúnú ar na tionchair, na costais agus na tairbhí a ghabhann le córas tuairiscithe comhtháite trasearnála agus, bunaithe ar an staidéar indéantachta sin, cuirfear treochlár i láthair chun an córas sin a chur chun feidhme.

Cumhdófar an méid seo a leanas sa tuarascáil dá dtagraítear sa chéad fhomhír:

(a)	foclóir coiteann sonraí, lena n-áirítear stór ceanglas tuairiscithe agus nochta, lena n-áirithítear comhsheasmhacht agus soiléireacht na gceanglas tuairiscithe agus an chaighdeánaithe sonraí; agus

(b)	spás sonraí chun faisnéis a bhailiú agus a mhalartú.

Agus torthaí na tuarascála dá dtagraítear sa chéad fhomhír á gcur san áireamh agus tar éis measúnú tionchair críochnúil a dhéanamh, déanfaidh an Coimisiún, i gcás inarb iomchuí agus inar gá, togra reachtach a thíolacadh chun na hacmhainní airgeadais, daonna agus TF is gá chun an córas tuairiscithe comhtháite a bhunú a áirithiú.

2.   Déanfaidh ÚMEnna, tríd an gComhchoiste agus i ndlúthchomhar le BERS, BCE, ÚCSA, BRA agus leis na húdaráis inniúla, pointe teagmhála aonair buan a bhunú go pras d’eintitis chun ceanglais tuairiscithe agus nochta atá dúblach, iomarcach nó imithe i léig a chur in iúl.

1.   Comhroinnfidh an tÚdarás, ar bhonn tráthrialta nó ar bhonn cás ar chás, faisnéis a fuair sé ó institiúidí airgeadais nó ó údaráis eile agus a dhualgais á gcomhlíonadh aige agus ar faisnéis í a eascraíonn as dlí an Aontais a chur i bhfeidhm agus a chur chun feidhme, leis na húdaráis eile arna iarraidh sin, ar choinníoll go bhfuil an t-údarás iarrthach i dteideal an fhaisnéis sin a fháil ó institiúidí airgeadais nó ó údaráis eile de bhun dhlí an Aontais.

2.   Iarrfaidh an tÚdarás faisnéis ó aon cheann de na húdaráis eile a fuair an fhaisnéis sin, seachas í a iarraidh go díreach ó institiúidí airgeadais, ar choinníoll go bhfuil an tÚdarás i dteideal an fhaisnéis sin a fháil de bhun dhlí an Aontais.

Beidh an chéad fhomhír gan dochar do chumhachtaí an Údaráis an fhaisnéis a iarrtar a fháil ó institiúidí airgeadais i gcás nach bhfuil an t-údarás eile in ann an fhaisnéis a chomhroinnt, i gcás ina bhfuil gá le gníomhaíocht phráinneach nó i gcás inar gá an fhaisnéis a fháil go díreach ó institiúidí airgeadais chun cúraimí an Údaráis a chomhlíonadh de bhun dhlí an Aontais.

3.   Léireofar in aon iarraidh ar mhalartú faisnéise de bhun mhír 1 den Airteagal seo an bunús dlí faoi dhlí an Aontais lena dtugtar teideal don údarás iarrthach an fhaisnéis a fháil ó institiúidí airgeadais nó ó údaráis eile.

Beidh an t-údarás iarrthach agus an tÚdarás faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 70 agus 71 agus i reachtaíocht earnálach a bhfuil feidhm acu maidir le faisnéis a chomhroinnt idir an institiúid airgeadais agus an t-údarás iarrthach, agus idir an institiúid airgeadais agus an tÚdarás.

4.   I gcás ina malartaíonn an tÚdarás faisnéis de bhun mhír 1, déanfaidh sé, gan moill mhíchuí, gach údarás óna bhfuair sé an fhaisnéis nó gach institiúid airgeadais, má fuarthas an fhaisnéis go díreach ó institiúidí airgeadais, a chur ar an eolas faoin malartú. I gcás malartuithe athfhillteacha nó tréimhsiúla faisnéise, ní bheidh sé d’oibleagáid ar an Údarás an institiúid airgeadais nó an t-údarás óna bhfuair sé an fhaisnéis a chur ar an eolas ach aon uair amháin.

5.   De mhaolú ar mhír 4, ní bheidh sé d’oibleagáid ar an Údarás an t-údarás ná an institiúid airgeadais, de réir mar is infheidhme, a chur ar an eolas faoin malartú faisnéise i gcás ina gcomhlíonfar ceachtar de na coinníollacha seo a leanas:

(a)	rinneadh an fhaisnéis a anaithnidiú, ar bhealach nach mbaineann sí a thuilleadh le haon duine nádúrtha sainaitheanta nó in-sainaitheanta agus nach bhfuil an institiúid airgeadais ná na heintitis dhlítheanacha eile in-sainaitheanta a thuilleadh; nó

(b)

rinneadh an fhaisnéis a mhodhnú, a chomhiomlánú nó a láimhseáil trí aon mhodh rialaithe eile maidir le nochtadh chun faisnéis rúnda, lena n-áirítear rúin trádála, a chosaint, agus chun sonraí pearsanta a chosaint trí bhearta teicniúla agus eagraíochtúla iomchuí i gcomhréir le Rialachán (AE) 2016/679 ó Pharlaimint na hEorpa agus ón gComhairle (*9) agus Rialachán (AE) 2018/1725 ó Pharlaimint na hEorpa agus ón gComhairle (*10).

6.   De mhaolú ar mhír 4, ní chuirfidh an tÚdarás an institiúid airgeadais ar an eolas faoin malartú faisnéise má chinneann sé, nó má chuireann an t-údarás iarrthach ar an eolas é, go bhféadfaí imeachtaí, gníomhaíochtaí nó imscrúduithe maoirseachta nó réitigh atá ar siúl a chur i mbaol dá ndéanfaí amhlaidh.

7.   Beidh feidhm ag míreanna 1 go 6 freisin maidir le faisnéis a fuair an tÚdarás ó institiúid airgeadais nó ó údarás eile agus a mbeidh seiceálacha cáilíochta déanta ag an Údarás uirthi ina dhiaidh sin nó a phróiseálfaidh an tÚdarás ar shlí eile.

8.   Chun malartuithe faisnéise dá dtagraítear i míreanna 1 go 7 a éascú, féadfaidh an tÚdarás agus na húdaráis eile meabhráin tuisceana a dhéanamh maidir leis na socruithe do mhalartuithe den sórt sin. Féadfar socruithe a shonrú freisin leis na meabhráin tuisceana maidir le comhroinnt acmhainní chun an fhaisnéis chomhroinnte sin a bhailiú agus a phróiseáil. Féadfaidh an Coimisiún, tar éis dó dul i gcomhairle leis an Údarás agus leis na húdaráis eile, treoirlínte a fhorbairt maidir le príomheilimintí na meabhrán tuisceana sin.

9.   Beidh míreanna 1 go 8 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an tÚdarás agus na húdaráis eile i gcomhréir le forálacha eile den Rialachán seo nó de reachtaíocht eile de chuid an Aontais.

I gcás ina mbeidh coimhlint idir an tAirteagal seo agus forálacha eile an Rialacháin seo nó reachtaíocht eile de chuid an Aontais lena rialaítear malartú faisnéise idir an tÚdarás agus na húdaráis eile, beidh feidhm ag na forálacha eile sin.

10.   Féadfaidh an tÚdarás agus na húdaráis inniúla, dá rogha féin, rochtain a dheonú ar fhaisnéis a fuarthas agus a ndualgais á gcomhlíonadh acu lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an tÚdarás nó an t-údarás inniúil a dheonaíonn an rochtain gur comhlíonadh na coinníollacha uile seo a leanas:

(a)	rinneadh na bearta is gá chun an fhaisnéis a anaithnidiú, ar bhealach nach bhféadfaí institiúidí airgeadais, eintitis, ábhair sonraí aonair, ná, i gcás inarb é an tÚdarás a dheonaíonn rochtain ar an bhfaisnéis, Ballstáit aonair a shainaithint;

(b)	rinneadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda, lena n áirítear rúin trádála nó inneachar a chumhdaítear le cearta maoine intleachtúla, a chosaint.

Ní dhéanfar faisnéis a fuarthas ó aon údarás a chomhroinnt de bhun na chéad fhomhíre ach amháin le toiliú an údaráis a fuair an fhaisnéis sin ar dtús.

11.   Faoin 11 Samhain 2027, tuairisceoidh an tÚdarás don Choimisiún, i ndlúthchomhar leis na húdaráis inniúla, maidir leis na bacainní dlíthiúla uile sa reachtaíocht earnálach lena gcuirtear cosc orthu, ar bhealach ar bith, faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó neamhábhartha ar bhealach eile. Féadfar a áireamh inti freisin moltaí chun feabhas a chur ar an gcomhsheasmhacht idir ceanglais tuairiscithe le haghaidh eintitis airgeadais agus neamhairgeadais. Déanfar an tuarascáil a thabhairt cothrom le dáta ar bhonn tráthrialta, i gcás inar gá.

Agus an tuairisc dá dtagraítear sa chéad fhomhír, cosaint ceart maoine intleachtúla, agus na hoibleagáidí maidir le rúndacht ghairmiúil agus cosaint sonraí á gcur san áireamh aige, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na bacainní dlí sin a bhaint sa reachtaíocht earnálach chun malartú faisnéise idir údaráis agus le heintitis eile a chothú.

12.   Chun críocha an Airteagail seo, Airteagal 35(4) agus Airteagal 70(3), ciallaíonn “údaráis eile” aon cheann de na húdaráis seo a leanas:

(a)	an Bord Eorpach um Riosca Sistéamach;

(b)	an tÚdarás Baincéireachta Eorpach;

(c)	an tÚdarás Eorpach um Urrúis agus Margaí;

(d)	údaráis inniúla, mar a shainmhínítear in Airteagal 4, pointe (2), den Rialachán seo;

(e)	údaráis inniúla, mar a shainmhínítear in Airteagal 4, pointe (2), de Rialachán (AE) Uimh. 1093/2010;

(f)	údaráis inniúla, mar a shainmhínítear in Airteagal 4, pointe (3), de Rialachán (AE) Uimh. 1095/2010;

(g)	na húdaráis arb iad an sásra aonair maoirseachta, mar a shainmhínítear in Airteagal 2, pointe (9), de Rialachán (AE) Uimh. 1024/2013 ón gComhairle (*11);

(h)	an Bord Réitigh Aonair, a bunaíodh le Rialachán (AE) Uimh. 806/2014 ó Pharlaimint na hEorpa agus ón gComhairle (*12);

(i)	údaráis réitigh, amhail iad siúd dá dtagraítear in Airteagal 3(3) de Threoir 2014/59/AE ó Pharlaimint na hEorpa agus ón gComhairle (*13);

(j)	an tÚdarás um Fhrithsciúradh Airgid agus um Chomhrac Mhaoiniú na Sceimhlitheoireachta (ÚCSA), a bunaíodh le Rialachán (AE) 2024/1620 ó Pharlaimint na hEorpa agus ón gComhairle (*14);

(k)	maoirseoir airgeadais, mar a shainmhínítear in Airteagal 2, an dara fomhír, pointe (1), de Threoir (AE) 2024/1640 ó Pharlaimint na hEorpa agus ón gComhairle (*15);

Chun críocha an Airteagail seo, ciallaíonn “institiúid airgeadais” institiúid airgeadais mar a shainmhínítear in Airteagal 2, pointe (a), de Rialachán (AE) Uimh. 1092/2010.

1.   Faoin 11 Samhain 2030, ullmhóidh ÚMEnna, tríd an gComhchoiste agus i ndlúthchomhar le BERS, BCE, ÚCSA, BRA, leis na húdaráis inniúla agus páirtithe leasmhara ábhartha eile, tuarascáil ina gcuirtear roghanna i láthair chun éifeachtúlacht bhailiú na sonraí maoirseachta san Aontas a fheabhsú. Ag cur leis obair earnálach ÚMEnna ar thuairisciú a chomhtháthú, soláthrófar staidéar indéantachta sa tuarascáil sin, lena n-áirítear measúnú ar na tionchair, na costais agus na tairbhí a ghabhann le córas tuairiscithe comhtháite trasearnála agus, bunaithe ar an staidéar indéantachta sin, cuirfear treochlár i láthair chun an córas sin a chur chun feidhme.

Cumhdófar an méid seo a leanas sa tuarascáil dá dtagraítear sa chéad fhomhír:

(a)	foclóir coiteann sonraí, lena n-áirítear stór ceanglas tuairiscithe agus nochta, lena n-áirithítear comhsheasmhacht agus soiléireacht na gceanglas tuairiscithe agus an chaighdeánaithe sonraí; agus

(b)	spás sonraí chun faisnéis a bhailiú agus a mhalartú.

Agus torthaí na tuarascála dá dtagraítear sa chéad fhomhír á gcur san áireamh agus tar éis measúnú tionchair críochnúil a dhéanamh, déanfaidh an Coimisiún, i gcás inarb iomchuí agus inar gá, togra reachtach a thíolacadh chun na hacmhainní airgeadais, daonna agus TF is gá chun an córas tuairiscithe comhtháite a bhunú a áirithiú.

2.   Déanfaidh ÚMEnna, tríd an gComhchoiste agus i ndlúthchomhar le BERS, BCE, ÚCSA, BRA agus leis na húdaráis inniúla, pointe teagmhála aonair buan a bhunú go pras d’eintitis chun ceanglais tuairiscithe agus nochta atá dúblach, iomarcach nó imithe i léig a chur in iúl.

1.   Comhroinnfidh an tÚdarás, ar bhonn tráthrialta nó ar bhonn cás ar chás, faisnéis a fuair sé ó institiúidí airgeadais nó ó údaráis eile agus a dhualgais á gcomhlíonadh aige agus ar faisnéis í a eascraíonn as dlí an Aontais a chur i bhfeidhm agus a chur chun feidhme, leis na húdaráis eile arna iarraidh sin, ar choinníoll go bhfuil an t-údarás iarrthach i dteideal an fhaisnéis sin a fháil ó institiúidí airgeadais nó ó údaráis eile de bhun dhlí an Aontais.

2.   Iarrfaidh an tÚdarás faisnéis ó aon cheann de na húdaráis eile a fuair an fhaisnéis sin, seachas í a iarraidh go díreach ó institiúidí airgeadais, ar choinníoll go bhfuil an tÚdarás i dteideal an fhaisnéis sin a fháil de bhun dhlí an Aontais.

Beidh an chéad fhomhír gan dochar do chumhachtaí an Údaráis an fhaisnéis a iarrtar a fháil ó institiúidí airgeadais i gcás nach bhfuil an t-údarás eile in ann an fhaisnéis a chomhroinnt, i gcás ina bhfuil gá le gníomhaíocht phráinneach nó i gcás inar gá an fhaisnéis a fháil go díreach ó institiúidí airgeadais chun cúraimí an Údaráis a chomhlíonadh de bhun dhlí an Aontais.

3.   Léireofar in aon iarraidh ar mhalartú faisnéise de bhun mhír 1 den Airteagal seo an bunús dlí faoi dhlí an Aontais lena dtugtar teideal don údarás iarrthach an fhaisnéis a fháil ó institiúidí airgeadais nó ó údaráis eile.

Beidh an t-údarás iarrthach agus an tÚdarás faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 70 agus 71 agus i reachtaíocht earnálach a bhfuil feidhm acu maidir le faisnéis a chomhroinnt idir an institiúid airgeadais agus an t-údarás iarrthach, agus idir an institiúid airgeadais agus an tÚdarás.

4.   I gcás ina malartaíonn an tÚdarás faisnéis de bhun mhír 1, déanfaidh sé, gan moill mhíchuí, gach údarás óna bhfuair sé an fhaisnéis nó gach institiúid airgeadais, má fuarthas an fhaisnéis go díreach ó institiúidí airgeadais, a chur ar an eolas faoin malartú. I gcás malartuithe faisnéise ar bhonn tráthrialta, ní bheidh sé d’oibleagáid ar an Údarás an institiúid airgeadais nó an t-údarás óna bhfuair sé an fhaisnéis a chur ar an eolas ach aon uair amháin.

5.   De mhaolú ar mhír 4, ní bheidh sé d’oibleagáid ar an Údarás an t-údarás ná an institiúid airgeadais, de réir mar is infheidhme, a chur ar an eolas faoin malartú faisnéise i gcás ina gcomhlíonfar ceachtar de na coinníollacha seo a leanas:

(a)	rinneadh an fhaisnéis a anaithnidiú, ar bhealach nach mbaineann sí a thuilleadh le haon duine nádúrtha sainaitheanta nó in-sainaitheanta agus nach bhfuil an institiúid airgeadais ná na heintitis dhlítheanacha eile in-sainaitheanta a thuilleadh; nó

(b)

rinneadh an fhaisnéis a mhodhnú, a chomhiomlánú nó a láimhseáil trí aon mhodh rialaithe eile maidir le nochtadh chun faisnéis rúnda, lena n-áirítear rúin trádála, a chosaint, agus chun sonraí pearsanta a chosaint trí bhearta teicniúla agus eagraíochtúla iomchuí i gcomhréir le Rialachán (AE) 2016/679 ó Pharlaimint na hEorpa agus ón gComhairle (*16) agus Rialachán (AE) 2018/1725 ó Pharlaimint na hEorpa agus ón gComhairle (*17).

6.   De mhaolú ar mhír 4, ní chuirfidh an tÚdarás an institiúid airgeadais ar an eolas faoin malartú faisnéise má chinneann sé, nó má chuireann an t-údarás iarrthach ar an eolas é, go bhféadfaí imeachtaí, gníomhaíochtaí nó imscrúduithe maoirseachta nó réitigh atá ar siúl a chur i mbaol dá ndéanfaí amhlaidh.

7.   Beidh feidhm ag míreanna 1 go 6 freisin maidir le faisnéis a fuair an tÚdarás ó institiúid airgeadais nó ó údarás eile agus a mbeidh seiceálacha cáilíochta déanta ag an Údarás uirthi ina dhiaidh sin nó a phróiseálfaidh an tÚdarás ar shlí eile.

8.   Chun malartuithe faisnéise dá dtagraítear i míreanna 1 go 7 a éascú, féadfaidh an tÚdarás agus na húdaráis eile meabhráin tuisceana a dhéanamh maidir leis na socruithe praiticiúla do mhalartuithe den sórt sin. Féadfar socruithe a shonrú freisin leis na meabhráin tuisceana maidir le comhroinnt acmhainní chun an fhaisnéis chomhroinnte sin a bhailiú agus a phróiseáil. Féadfaidh an Coimisiún, tar éis dó dul i gcomhairle leis an Údarás agus leis na húdaráis eile, treoirlínte a fhorbairt maidir le príomheilimintí na meabhrán tuisceana sin.

9.   Beidh míreanna 1 go 8 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an tÚdarás agus na húdaráis eile i gcomhréir le forálacha eile den Rialachán seo nó de reachtaíocht eile de chuid an Aontais.

I gcás ina mbeidh coimhlint idir an tAirteagal seo agus forálacha eile an Rialacháin seo nó reachtaíocht eile de chuid an Aontais lena rialaítear malartú faisnéise idir an tÚdarás agus na húdaráis eile, beidh feidhm ag na forálacha eile sin.

10.   Féadfaidh an tÚdarás agus na húdaráis inniúla, dá rogha féin, rochtain a dheonú ar fhaisnéis a fuarthas agus a ndualgais á gcomhlíonadh acu lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an tÚdarás nó an t-údarás inniúil a dheonaíonn an rochtain gur comhlíonadh na coinníollacha uile seo a leanas:

(a)	rinneadh na bearta is gá chun an fhaisnéis a anaithnidiú, ar bhealach nach bhféadfaí institiúidí airgeadais, eintitis, ábhair sonraí aonair, ná, i gcás inarb é an tÚdarás a dheonaíonn rochtain ar an bhfaisnéis, Ballstáit aonair a shainaithint;

(b)	rinneadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda, lena n-áirítear rúin trádála nó inneachar a chumhdaítear le cearta maoine intleachtúla, a chosaint.

Ní dhéanfar faisnéis a fuarthas ó aon údarás a chomhroinnt de bhun na chéad fhomhíre ach amháin le toiliú an údaráis a fuair an fhaisnéis sin ar dtús.

11.   Faoin 11 Samhain 2027, tuairisceoidh an tÚdarás don Choimisiún, i ndlúthchomhar leis na húdaráis inniúla, maidir leis na bacainní dlíthiúla uile sa reachtaíocht earnálach lena gcuirtear cosc orthu, ar bhealach ar bith, faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó neamhábhartha ar bhealach eile. Féadfar a áireamh inti freisin moltaí chun feabhas a chur ar an gcomhsheasmhacht idir ceanglais tuairiscithe le haghaidh eintitis airgeadais agus neamhairgeadais. Déanfar an tuarascáil a thabhairt cothrom le dáta ar bhonn tráthrialta, i gcás inar gá.

Agus an tuairisc dá dtagraítear sa chéad fhomhír, cosaint ceart maoine intleachtúla, agus na hoibleagáidí maidir le rúndacht ghairmiúil agus cosaint sonraí á gcur san áireamh aige, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na bacainní dlí sin a bhaint sa reachtaíocht earnálach chun malartú faisnéise idir údaráis agus le heintitis eile a chothú.

12.   Chun críocha an Airteagail seo, Airteagal 35(4) agus Airteagal 70(3), ciallaíonn “údaráis eile” aon cheann de na húdaráis seo a leanas:

(a)	an Bord Eorpach um Riosca Sistéamach;

(b)	an tÚdarás Baincéireachta Eorpach;

(c)	an tÚdarás Eorpach um Árachas agus Pinsin Cheirde;

(d)	údaráis inniúla, mar a shainmhínítear in Airteagal 4, pointe (2), de Rialachán (AE) Uimh. 1093/2010;

(e)	údaráis inniúla, mar a shainmhínítear in Airteagal 4, pointe (2), de Rialachán (AE) Uimh. 1094/2010;

(f)	údaráis inniúla, mar a shainmhínítear in Airteagal 4, pointe (3), den Rialachán seo;

(g)	na húdaráis arb iad an sásra aonair maoirseachta, mar a shainmhínítear in Airteagal 2, pointe (9), de Rialachán (AE) Uimh. 1024/2013 ón gComhairle (*18);

(h)	an Bord Réitigh Aonair, a bunaíodh le Rialachán (AE) Uimh. 806/2014 ó Pharlaimint na hEorpa agus ón gComhairle (*19);

(i)	údaráis réitigh, amhail iad siúd dá dtagraítear in Airteagal 3(3), de Threoir 2014/59/AE ó Pharlaimint na hEorpa agus ón gComhairle (*20);

(j)	an tÚdarás um Fhrithsciúradh Airgid agus um Chomhrac Mhaoiniú na Sceimhlitheoireachta (ÚCSA), a bunaíodh le Rialachán (AE) 2024/1620 ó Pharlaimint na hEorpa agus ón gComhairle (*21);

(k)	maoirseoir airgeadais, mar a shainmhínítear in Airteagal 2, an dara fomhír, pointe (1), de Threoir (AE) 2024/1640 ó Pharlaimint na hEorpa agus ón gComhairle (*22).

Chun críocha an Airteagail seo, ciallaíonn “institiúid airgeadais” institiúid airgeadais mar a shainmhínítear in Airteagal 2, pointe (a), de Rialachán (AE) Uimh. 1092/2010.

1.   Faoin 11 Samhain 2030, ullmhóidh ÚMEnna, tríd an gComhchoiste agus i ndlúthchomhar le BERS, BCE, ÚCSA, BRA, leis na húdaráis inniúla agus páirtithe leasmhara ábhartha eile, tuarascáil ina gcuirtear roghanna i láthair chun éifeachtúlacht bhailiú na sonraí maoirseachta san Aontas a fheabhsú. Ag cur le hobair earnálach ÚMEnna ar thuairisciú a chomhtháthú, soláthrófar staidéar indéantachta sa tuarascáil sin, lena n-áirítear measúnú ar na tionchair, na costais agus na tairbhí a ghabhann le córas tuairiscithe comhtháite trasearnála agus, bunaithe ar an staidéar indéantachta sin, cuirfear treochlár i láthair chun an córas sin a chur chun feidhme.

Cumhdófar an méid seo a leanas sa tuarascáil dá dtagraítear sa chéad fhomhír:

(a)	foclóir coiteann sonraí, lena n-áirítear stór ceanglas tuairiscithe agus nochta, lena n-áirithítear comhsheasmhacht agus soiléireacht na gceanglas tuairiscithe agus an chaighdeánaithe sonraí; agus

(b)	spás sonraí chun faisnéis a bhailiú agus a mhalartú.

Agus torthaí na tuarascála dá dtagraítear sa chéad fhomhír á gcur san áireamh agus tar éis measúnú tionchair críochnúil a dhéanamh, déanfaidh an Coimisiún, i gcás inarb iomchuí agus inar gá, togra reachtach a thíolacadh chun na hacmhainní airgeadais, daonna agus TF is gá chun an córas tuairiscithe comhtháite a bhunú a áirithiú.

2.   Déanfaidh ÚMEnna, tríd an gComhchoiste agus i ndlúthchomhar le BERS, BCE, ÚCSA, BRA agus leis na húdaráis inniúla, pointe teagmhála aonair buan a bhunú go pras d’eintitis chun ceanglais tuairiscithe agus nochta atá dúblach, iomarcach nó imithe i léig a chur in iúl.

1.   Comhroinnfidh an Bord, ar bhonn tráthrialta nó ar bhonn cás ar chás, faisnéis a fuair sé ó institiúidí airgeadais nó ó údaráis eile agus a dhualgais á gcomhlíonadh aige agus ar faisnéis í a eascraíonn as dlí an Aontais a chur i bhfeidhm agus a chur chun feidhme, leis na húdaráis eile arna iarraidh sin, ar choinníoll go bhfuil an t-údarás iarrthach i dteideal an fhaisnéis sin a fháil ó institiúidí airgeadais nó ó údaráis eile de bhun dhlí an Aontais.

2.   Iarrfaidh an Bord faisnéis ó aon cheann de na húdaráis eile a fuair an fhaisnéis sin, seachas í a iarraidh go díreach ó institiúidí airgeadais, ar choinníoll go bhfuil an Bord i dteideal an fhaisnéis sin a fháil de bhun dhlí an Aontais.

Beidh an chéad fhomhír gan dochar do chumhachtaí an Bhoird an fhaisnéis a iarrtar a fháil ó institiúidí airgeadais i gcás nach bhfuil an t-údarás eile in ann an fhaisnéis a chomhroinnt, i gcás ina bhfuil gá le gníomhaíocht phráinneach nó i gcás inar gá an fhaisnéis a fháil go díreach ó institiúidí airgeadais chun cúraimí an Bhoird a chomhlíonadh de bhun dhlí an Aontais.

3.   Léireofar in aon iarraidh ar mhalartú faisnéise de bhun mhír 1 den Airteagal seo an bunús dlí faoi dhlí an Aontais lena dtugtar teideal don údarás iarrthach an fhaisnéis a fháil ó institiúidí airgeadais nó ó údaráis eile.

Beidh an t-údarás iarrthach agus an Bord faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 88 agus 89 agus i reachtaíocht earnálach a bhfuil feidhm acu maidir le faisnéis a chomhroinnt idir an institiúid airgeadais agus an t-údarás iarrthach, agus idir an institiúid airgeadais agus an Bord.

4.   I gcás ina malartaíonn an Bord faisnéis de bhun mhír 1, déanfaidh sé, gan moill mhíchuí, gach údarás óna bhfuair sé an fhaisnéis nó gach institiúid airgeadais, má fuarthas an fhaisnéis go díreach ó institiúidí airgeadais, a chur ar an eolas faoin malartú. I gcás malartuithe athfhillteacha nó tréimhsiúla faisnéise, ní bheidh sé d’oibleagáid ar an mBord an institiúid airgeadais nó an t-údarás óna bhfuair sé an fhaisnéis a chur ar an eolas ach aon uair amháin.

5.   De mhaolú ar mhír 4, ní bheidh sé d’oibleagáid ar an mBord an t-údarás ná an institiúid airgeadais, de réir mar is infheidhme, a chur ar an eolas faoin malartú faisnéise i gcás ina gcomhlíonfar ceachtar de na coinníollacha seo a leanas:

(a)	rinneadh an fhaisnéis a anaithnidiú, ar bhealach nach mbaineann sí a thuilleadh le haon duine nádúrtha sainaitheanta nó in-sainaitheanta agus nach bhfuil an institiúid airgeadais ná na heintitis dhlítheanacha eile in-sainaitheanta a thuilleadh; nó

(b)

rinneadh an fhaisnéis a mhodhnú, a chomhiomlánú nó a láimhseáil trí aon mhodh rialaithe eile maidir le nochtadh chun faisnéis rúnda, lena n-áirítear rúin trádála, a chosaint, agus chun sonraí pearsanta a chosaint trí bhearta teicniúla agus eagraíochtúla iomchuí i gcomhréir le Rialachán (AE) 2016/679 ó Pharlaimint na hEorpa agus ón gComhairle (*23) agus Rialachán (AE) 2018/1725 ó Pharlaimint na hEorpa agus ón gComhairle (*24).

6.   De mhaolú ar mhír 4, ní chuirfidh an Bord an institiúid airgeadais ar an eolas faoin malartú faisnéise má chinneann sé, nó má chuireann an t-údarás iarrthach ar an eolas é, go bhféadfaí imeachtaí, gníomhaíochtaí nó imscrúduithe maoirseachta nó réitigh atá ar siúl a chur i mbaol dá ndéanfaí amhlaidh.

7.   Beidh feidhm ag míreanna 1 go 6 freisin maidir le faisnéis a fuair an Bord ó institiúid airgeadais nó ó údaráis eile agus a mbeidh seiceálacha cáilíochta déanta ag an mBord uirthi ina dhiaidh sin nó a phróiseálfaidh an Bord ar shlí eile.

8.   Chun malartuithe faisnéise dá dtagraítear i míreanna 1 go 7 a éascú, féadfaidh an Bord agus na húdaráis eile meabhráin tuisceana a dhéanamh maidir leis na socruithe do mhalartuithe den sórt sin. Féadfar socruithe a shonrú freisin leis na meabhráin tuisceana maidir le comhroinnt acmhainní chun an fhaisnéis chomhroinnte sin a bhailiú agus a phróiseáil. Féadfaidh an Coimisiún, tar éis dó dul i gcomhairle leis an mBord agus leis na húdaráis eile, treoirlínte a fhorbairt maidir le príomheilimintí na meabhrán tuisceana sin.

9.   Beidh míreanna 1 go 8 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an Bord agus na hÚdaráis eile i gcomhréir le forálacha eile den Rialachán seo nó de reachtaíocht eile de chuid an Aontais.

I gcás ina mbeidh coimhlint idir an tAirteagal seo agus forálacha eile an Rialacháin seo nó reachtaíocht eile de chuid an Aontais lena rialaítear malartú faisnéise idir an Bord agus na húdaráis eile, beidh feidhm ag na forálacha eile sin.

10.   Féadfaidh an Bord agus na húdaráis réitigh, dá rogha féin, rochtain a dheonú ar fhaisnéis a fuarthas agus a ndualgais á gcomhlíonadh acu lena hathúsáid ag institiúidí airgeadais, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an Bord nó an t-údarás réitigh a dheonaíonn an rochtain gur comhlíonadh na coinníollacha uile seo a leanas:

(a)	rinneadh na bearta is gá chun an fhaisnéis a anaithnidiú, ar bhealach nach bhféadfaí institiúidí airgeadais, eintitis, ábhair sonraí aonair, ná, i gcás inarb é an Bord a dheonaíonn rochtain ar an bhfaisnéis, Ballstáit aonair a shainaithint;

(b)	rinneadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda, lena n-áirítear rúin trádála nó inneachar a chumhdaítear le cearta maoine intleachtúla, a chosaint.

Ní dhéanfar faisnéis a fuarthas ó aon údarás a chomhroinnt de bhun na chéad fhomhíre ach amháin le toiliú an údaráis a fuair an fhaisnéis sin ar dtús.

11.   Faoin 11 Samhain 2027, tuairisceoidh an Bord don Choimisiún, i ndlúthchomhar leis na húdaráis réitigh, maidir leis na bacainní dlíthiúla uile sa reachtaíocht earnálach lena gcuirtear cosc orthu, ar bhealach ar bith, faisnéis a mhalartú leis na húdaráis eile nó le heintitis eile. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó neamhábhartha ar bhealach eile. Féadfar a áireamh inti freisin moltaí chun feabhas a chur ar an gcomhsheasmhacht idir ceanglais tuairiscithe le haghaidh eintitis airgeadais agus neamhairgeadais. Déanfar an tuarascáil a thabhairt cothrom le dáta ar bhonn tráthrialta, i gcás inar gá.

Agus an tuairisc dá dtagraítear sa chéad fhomhír, cosaint ceart maoine intleachtúla, agus na hoibleagáidí maidir le rúndacht ghairmiúil agus cosaint sonraí á gcur san áireamh aige, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na bacainní dlí sin a bhaint sa reachtaíocht earnálach chun malartú faisnéise idir údaráis agus le heintitis eile a chothú.

12.   Chun críocha an Airteagail seo, agus Airteagal 88(7), ciallaíonn “údaráis eile” aon cheann de na húdaráis seo a leanas:

(a)	an Bord Eorpach um Riosca Sistéamach;

(b)	an tÚdarás Baincéireachta Eorpach;

(c)	an tÚdarás Eorpach um Árachas agus Pinsin Cheirde;

(d)	An tÚdarás Eorpach um Urrúis agus Margaí;

(e)	údaráis inniúla, mar a shainmhínítear in Airteagal 4, pointe (2), de Rialachán (AE) Uimh. 1093/2010, cé is moite de na húdaráis náisiúnta réitigh;

(f)	údaráis inniúla, mar a shainmhínítear in Airteagal 4, pointe (2), de Rialachán (AE) Uimh. 1094/2010;

(g)	údaráis inniúla, mar a shainmhínítear in Airteagal 4, pointe (3), de Rialachán (AE) Uimh. 1095/2010;

(h)	na húdaráis atá sa sásra aonair maoirseachta, mar a shainmhínítear in Airteagal 2, pointe (9), de Rialachán (AE) Uimh. 1024/2013;

(i)	an tÚdarás um Fhrithsciúradh Airgid agus Maoiniú Sceimhlitheoireachta a Chomhrac (ÚCSA), a bunaíodh le Rialachán (AE) 2024/1620 ó Pharlaimint na hEorpa agus ón gComhairle (*25);

(j)	maoirseoir airgeadais, mar a shainmhínítear in Airteagal 2, an dara fomhír, pointe (1), de Threoir (AE) 2024/1640 ó Pharlaimint na hEorpa agus ón gComhairle (*26).

Chun críocha an Airteagail seo, ciallaíonn “institiúid airgeadais” institiúid airgeadais mar a shainmhínítear in Airteagal 2, pointe (a), de Rialachán (AE) Uimh. 1092/2010.

1.   Comhroinnfidh an tÚdarás, ar bhonn tráthrialta nó ar bhonn cás ar chás, faisnéis a fuair sé ó eintitis faoi oibleagáid nó ó údaráis eile agus a dhualgais á gcomhlíonadh aige, agus a eascraíonn as cur i bhfeidhm agus cur chun feidhme dhlí an Aontais, leis na húdaráis eile arna iarraidh sin, ar choinníoll go bhfuil an t-údarás iarrthach i dteideal an fhaisnéis sin a fháil ó eintitis faoi oibleagáid nó ó údaráis eile de bhun dhlí an Aontais.

2.   Iarrfaidh an tÚdarás faisnéis ó aon cheann de na húdaráis eile a fuair an fhaisnéis sin, seachas í a iarraidh go díreach ó eintitis faoi oibleagáid, ar choinníoll go bhfuil an tÚdarás i dteideal an fhaisnéis sin a fháil de bhun dhlí an Aontais.

Beidh an chéad fhomhír den mhír seo gan dochar do chumhachtaí an Údaráis an fhaisnéis a iarrtar a fháil ó eintitis faoi oibleagáid i gcás nach bhfuil an t-údarás eile in ann an fhaisnéis a chomhroinnt, i gcás ina bhfuil gá le gníomhaíocht phráinneach nó i gcás inar gá faisnéis a fháil go díreach ó eintitis faoi oibleagáid chun cúraimí an Údaráis a chomhlíonadh de bhun dhlí an Aontais.

3.   Léireofar in aon iarraidh ar mhalartú faisnéise de bhun mhír 1 den Airteagal seo an bunús dlí faoi dhlí an Aontais lena dtugtar teideal don údarás iarrthach an fhaisnéis a fháil ó eintitis faoi oibleagáid nó ó údaráis eile.

Beidh an t-údarás iarrthach agus an tÚdarás faoi réir na n-oibleagáidí rúndachta gairmiúla agus cosanta sonraí a leagtar síos in Airteagail 88 agus 98 agus i reachtaíocht earnálach a bhfuil feidhm acu maidir le faisnéis a chomhroinnt idir an t-eintiteas faoi oibleagáid agus an t-údarás iarrthach, agus idir an t-eintiteas faoi oibleagáid agus an tÚdarás.

4.   I gcás ina malartaíonn an tÚdarás faisnéis de bhun mhír 1, déanfaidh sé, gan moill mhíchuí, gach údarás óna bhfuair sé an fhaisnéis nó gach eintiteas faoi oibleagáid má fuarthas an fhaisnéis go díreach ó eintitis faoi oibleagáid, a chur ar an eolas faoin malartú. I gcás malartuithe athfhillteacha nó tréimhsiúla faisnéise, ní bheidh sé d’oibleagáid ar an Údarás an t-eintiteas faoi oibleagáid nó an t-údarás óna bhfuair sé an fhaisnéis a chur ar an eolas ach aon uair amháin.

5.   De mhaolú ar mhír 4, ní bheidh sé d’oibleagáid ar an Údarás an t-údarás ná an t-eintiteas faoi oibleagáid, de réir mar is infheidhme, a chur ar an eolas faoin malartú faisnéise i gcás ina gcomhlíontar ceachtar de na coinníollacha seo a leanas:

(a)	rinneadh an fhaisnéis a anaithnidiú ar bhealach nach mbaineann sí a thuilleadh le haon duine nádúrtha sainaitheanta nó in-sainaitheanta agus nach bhfuil an t-eintiteas faoi oibleagáid ná na heintitis dhlítheanacha eile in-sainaitheanta a thuilleadh; nó

(b)

rinneadh an fhaisnéis a mhodhnú, a chomhiomlánú nó a láimhseáil trí aon mhodh rialaithe eile maidir le nochtadh chun faisnéis rúnda, lena n-áirítear rúin trádála, a chosaint agus chun sonraí pearsanta a chosaint trí bhearta teicniúla agus eagraíochtúla iomchuí i gcomhréir le Rialachán (AE) 2016/679 ó Pharlaimint na hEorpa agus ón gComhairle agus Rialachán (AE) 2018/1725 ó Pharlaimint na hEorpa agus ón gComhairle.

6.   De mhaolú ar mhír 4, ní chuirfidh an tÚdarás an t-eintiteas faoi oibleagáid ar an eolas faoin malartú faisnéise má chinneann sé, nó má chuireann an t-údarás iarrthach ar an eolas é, go bhféadfaí imeachtaí, gníomhaíochtaí nó imscrúduithe maoirseachta nó réitigh atá ar siúl a chur i mbaol dá ndéanfaí amhlaidh.

7.   Beidh feidhm ag míreanna 1 go 6 freisin maidir le faisnéis a fuair an tÚdarás ó eintiteas faoi oibleagáid nó ó na húdaráis eile agus a ndearna an tÚdarás seiceálacha cáilíochta uirthi ina dhiaidh sin nó a ndearna an tÚdarás próiseáil uirthi ar bhealach eile.

8.   Chun malartuithe faisnéise dá dtagraítear i míreanna 1 go 7 a éascú, féadfaidh an tÚdarás agus na húdaráis eile meabhráin tuisceana a dhéanamh maidir leis na socruithe do mhalartuithe den sórt sin. Féadfar socruithe a shonrú freisin leis na meabhráin tuisceana maidir le comhroinnt acmhainní chun an fhaisnéis chomhroinnte sin a bhailiú agus a phróiseáil. Féadfaidh an Coimisiún, tar éis dó dul i gcomhairle leis an Údarás agus leis na húdaráis eile, treoirlínte a fhorbairt maidir le príomhghnéithe na meabhrán tuisceana sin.

9.   Beidh míreanna 1 go 8 gan dochar do chosaint ceart maoine intleachtúla agus ní chuirfidh siad cosc ná srian ar mhalartú faisnéise idir an Bord agus na húdaráis eile i gcomhréir le forálacha eile an Rialacháin seo nó le reachtaíocht eile de chuid an Aontais.

I gcás ina mbeidh coimhlint idir an tAirteagal seo agus forálacha eile an Rialacháin seo nó reachtaíocht eile de chuid an Aontais lena rialaítear malartú faisnéise idir an tÚdarás agus na húdaráis eile, beidh feidhm ag na forálacha eile sin.

10.   Féadfaidh an tÚdarás agus na maoirseoirí airgeadais, dá rogha féin, rochtain a dheonú ar fhaisnéis a fuarthas agus a ndualgais á gcomhlíonadh acu lena hathúsáid ag eintitis faoi oibleagáid, ag taighdeoirí agus ag eintitis eile a bhfuil leas dlisteanach acu san fhaisnéis sin chun críoch taighde agus nuálaíochta, ar choinníoll go n-áiritheoidh an tÚdarás nó na maoirseoirí airgeadais a dheonaíonn an rochtain gur comhlíonadh na coinníollacha uile seo a leanas:

(a)	rinneadh na bearta is gá chun an fhaisnéis a anaithnidiú, ar bhealach nach bhféadfaí eintitis aonair faoi oibleagáid, ábhair sonraí, ná, i gcás inarb é an tÚdarás a dheonaíonn rochtain ar an bhfaisnéis, Ballstáit aonair a shainaithint;

(b)	rinneadh an fhaisnéis a mhodhnú, a chomhiomlánú nó a láimhseáil trí aon mhodh eile rialaithe maidir le nochtadh chun faisnéis rúnda, lena n-áirítear rúin trádála nó inneachar a chumhdaítear le cearta maoine intleachtúla, a chosaint;

Ní dhéanfar faisnéis a fuarthas ó aon údarás a chomhroinnt de bhun na chéad fhomhíre ach amháin le toiliú an údaráis a fuair an fhaisnéis sin ar dtús.

11.   Faoin 11 Samhain 2027, tuairisceoidh an tÚdarás don Choimisiún, i ndlúthchomhar leis na maoirseoirí airgeadais, maidir leis na bacainní dlíthiúla uile sa reachtaíocht earnálach lena gcuirtear cosc orthu, ar bhealach ar bith, faisnéis a mhalartú leis na húdaráis eile nó le heintitis. Féadfar aghaidh a thabhairt sa tuarascáil freisin ar cheanglais tuairiscithe neamhábhartha, imithe i léig, dhúblacha nó neamhábhartha ar bhealach eile. Féadfar a áireamh ann freisin moltaí chun feabhas a chur ar an gcomhsheasmhacht idir ceanglais tuairiscithe le haghaidh eintitis airgeadais agus neamhairgeadais. Déanfar an tuarascáil a thabhairt cothrom le dáta ar bhonn tráthrialta, i gcás inar gá.

Agus an tuairisc dá dtagraítear sa chéad fhomhír, cosaint ceart maoine intleachtúla, agus na hoibleagáidí maidir le rúndacht ghairmiúil agus cosaint sonraí á gcur san áireamh aige, déanfaidh an Coimisiún, i gcás inarb iomchuí, togra reachtach a chur faoi bhráid Pharlaimint na hEorpa agus na Comhairle chun na bacainní dlí sin a bhaint sa reachtaíocht earnálach chun malartú faisnéise idir údaráis agus le heintitis eile a chothú.

12.   Chun críocha an Airteagail seo, ciallaíonn “údaráis eile” aon cheann de na húdaráis seo a leanas:

(a)	an Bord Eorpach um Riosca Sistéamach (*27);

(b)	an tÚdarás Baincéireachta Eorpach;

(c)	an tÚdarás Eorpach um Árachas agus Pinsin Cheirde;

(d)	an tÚdarás Maoirseachta Eorpach (An tÚdarás Eorpach um Urrúis agus Margaí) a bunaíodh le Rialachán (AE) Uimh. 1095/2010;

(e)	údaráis inniúla, mar a shainmhínítear in Airteagal 4, pointe (2), de Rialachán (AE) Uimh. 1093/2010;

(f)	údaráis inniúla, mar a shainmhínítear in Airteagal 4, pointe (2), de Rialachán (AE) Uimh. 1094/2010;

(g)	údaráis inniúla, mar a shainmhínítear in Airteagal 4, pointe (3), de Rialachán (AE) Uimh. 1095/2010;

(h)	na húdaráis atá sa sásra aonair maoirseachta, mar a shainmhínítear in Airteagal 2, pointe (9), de Rialachán (AE) Uimh. 1024/2013;

(i)	an Bord Réitigh Aonair, a bunaíodh le Rialachán (AE) Uimh. 806/2014 ó Pharlaimint na hEorpa agus ón gComhairle (*28);

(j)	údaráis réitigh, amhail iad siúd dá dtagraítear in Airteagal 3(3) de Threoir 2014/59/AE.