IARSCRÍBHINN

Leasaítear an Iarscríbhinn a ghabhann le Rialachán (AE) Uimh. 321/2013 mar a leanas:

(1)

i bpointe 2.2, cuirtear pointe (d) seo a leanas leis:

‘(d)	Rialacháin maidir le hIompar Idirnáisiúnta Earraí Contúirteacha d’Iarnród, mar a shainmhínítear in Airteagal 2, pointe (2), de Threoir 2008/68/CE ó Pharlaimint na hEorpa agus ón gComhairle (*1).

(*1) Treoir 2008/68/CE ó Pharlaimint na hEorpa agus ón gComhairle an 24 Meán Fómhair 2008 maidir le hiompar intíre earraí contúirteacha (IO L 260, 30.9.2008, lch. 13, ELI: http://data.europa.eu/eli/dir/2008/68/oj).’;"

(2)

i bpointe 3, leasaítear Tábla 1 ‘Bunpharaiméadair agus a gcomhfhreagras maidir leis na ceanglais fhíor-riachtanacha’ mar a leanas:

(a)

cuirtear isteach rónna 4.2.2.4.1 go 4.2.2.4.4 seo a leanas:

‘4.2.2.4.1	Gairis chun leathleantóirí a dhaingniú - neart	1.1.1 1.1.3
4.2.2.4.2	Gairis chun leathleantóirí a dhaingniú – fórsa glasála	1.1.1 1.1.3
4.2.2.4.3	Gairis chun leathleantóirí a dhaingniú– tásc	1.1.1 1.1.3
4.2.2.4.4	Marcáil ar an aonad	1.1.1 1.1.3’

(b)

cuirtear ró 4.2.7 seo a leanas leis:

‘4.2.7

Ceanglais shonracha maidir le vaigíní faoi raon feidhme chaibidil 7.1 de na Rialacháin maidir le hIompar Idirnáisiúnta Earraí Contúirteacha d’Iarnród

1.1.1

1.1.3

1.1.4’

(c)

cuirtear an méid seo a leanas in ionad ró 4.2.6.1.2.1:

‘4.2.6.1.2.1

Sábháilteacht ó dhóiteán

Bacainní agus coscairí spréach

1.1.4

1.3.2

1.4.2’

(3)

cuirtear isteach pointe 4.2.2.4 seo a leanas:

‘4.2.2.4.

Leathleantóirí a dhaingniú

Tá feidhm ag an bpointe sin maidir le haonaid atá feistithe le gairis chun leathleantóirí a dhaingniú.

Déanfar measúnú ar chomhréireacht na ngaireas chun leathleantóirí a dhaingniú le ceanglais phointí 4.2.2.4.1, 4.2.2.4.2, agus 4.2.2.4.3 mar chomhábhar idir-inoibritheachta de bhun phointe 5.3.6 i gcomhréir le pointe 6.1.2.7.

Mura dtógtar an gaireas chun leathleantóirí a dhaingniú mar chomhpháirt neamhspleách, féadfar measúnú a dhéanamh ar chomhréireacht na ngaireas chun leathleantóirí a dhaingniú le ceanglais phointí 4.2.2.4.1, 4.2.2.4.2 agus 4.2.2.4.3 laistigh de mheasúnú an fhochórais, trí phointe 6.1.2.7 a chur i bhfeidhm de réir mar is iomchuí.

Déanfar measúnú ar chomhréireacht na marcála le ceanglas phointe 4.2.2.4.4 i gcomhréir leis na saintreoracha a leagtar amach i roinn 2.4 den Doiciméad Teicniúil ERA dá dtagraítear i bhFoscríbhinn D.2, Innéacs [D].

4.2.2.4.1.

Gairis chun leathleantóirí a dhaingniú - neart

Coinneoidh gairis chun leathleantóirí a dhaingniú leathleantóirí i suíomh sábháilte trí na fadfhórsaí, na fórsaí cliathánacha agus na fórsaí ceartingearacha atá dírithe anuas a sheasamh i gcomhréir le staid oibríochta an deartha.

4.2.2.4.2.

Gairis chun leathleantóirí a dhaingniú – fórsa glasála

Déanfaidh gairis chun leathleantóirí a dhaingniú leathleantóirí a ghlasáil i suíomh sábháilte trí na fórsaí ceartingearacha atá dírithe aníos a sheasamh i gcomhréir le staid oibríochta an deartha.

4.2.2.4.3.

Gairis chun leathleantóirí a dhaingniú – tásca

Léireoidh gairis chun leathleantóirí a dhaingniú go hiontaofa an bhfuil pionna cinn aise an leathleantóra suite i gceart agus an bhfuil an leathleantóir glasáilte i gceart.

Déanfar suíomh ceart phionna cinn aise an leathleantóra agus glasáil an leathleantóra a bhrath go neamhspleách.

Beidh an tásc le feiceáil in aon staid luchtaithe den aonad don fhoireann luchtaithe agus seiceála.

4.2.2.4.4.

Marcáil ar an aonad

Beidh marcáil ar an aonad a bhaineann leis an ngaireas chun leathleantóirí a dhaingniú ar an dá thaobh le haghaidh gach gairis chun leathleantóirí a dhaingniú, ina mbeidh an méid seo a leanas:

—	an fhaisnéis uile is ábhartha don fhoireann luchtaithe agus seiceála d’úsáid shábháilte na ngaireas chun leathleantóirí a dhaingniú;

—	comhlíonadh phointe 4.2.2.4.2.’;

(4)	i bpointe 4.2.3.5.3.4, an cúigiú mír, cuirtear an méid seo a leanas in ionad na habairte deireanaí: ‘Mura féidir é sin a dhéanamh go fisiciúil, léireofar stádas DDAF ó thaobh amháin ar a laghad agus déanfar an taobh eile den vaigín a mharcáil i gcomhréir le pointe 7.1.2(g).’;

(5)

cuirtear an méid seo a leanas in ionad phointe 4.2.6.1.2.1.:

‘4.2.6.1.2.1.

Bacainní agus coscairí spréach

4.2.6.1.2.1.1.

Ceanglais is infheidhme maidir le bacainní agus coscairí spréach

Chun éifeachtaí dóiteáin a theorannú, beidh feidhm ag na ceanglais seo a leanas:

—	déanfar bacainní dóiteáin a shuiteáil idir na foinsí dóiteáin féideartha sainaitheanta (comhpháirteanna ardriosca) agus an t-ualach a iompraítear i ngach aonad,

—	Comhlíonfaidh coscairí spréach na ceanglais a shonraítear sa doiciméad teicniúil dá dtagraítear i bhFoscríbhinn D.2 Innéacs [E].

Beidh sláine 15 nóiméad ar a laghad ag bacainní dóiteáin agus ag coscairí spréach. Déantar cur síos ar léiriú na comhréireachta le haghaidh bacainní agus coscairí spréach i bpointe 6.2.2.8.1.

4.2.6.1.2.1.2.

Ceanglais shonracha maidir le coscairí spréach

Beidh coscairí spréach feistithe ar na haonaid seo a leanas a bhfuil coscáin druma feistithe orthu:

—	aonaid ina bhfuil urláir déanta as ábhair nach liostaítear i bpointe 6.2.2.8.2.3,

—	aonaid chothroma gan urlárlach,

—	aonaid chothroma ina bhfuil bearnaí san urlárlach le haghaidh na rothaí.’;

(6)

cuirtear isteach pointe 4.2.7 seo a leanas:

‘4.2.7.

Ceanglais shonracha maidir le vaigíní faoi raon feidhme chaibidil 7.1 de na Rialacháin maidir le hIompar Idirnáisiúnta Earraí Contúirteacha d’Iarnród

Comhlíonfaidh vaigíní a thagann faoi raon feidhme chaibidil 7.1 de na Rialacháin maidir le hIompar Idirnáisiúnta Earraí Contúirteacha d’Iarnród na ceanglais a leagtar amach i bhFoscríbhinn I.’;

(7)

i bpointe 4.8, an chéad mhír, cuirtear na fleasca seo a leanas leis:

‘—	Ceanglas maidir le trealamh vaigín (WE) a chomhlíonadh mar a leagtar amach in 7.1.2.2 de na Rialacháin maidir le hIompar Idirnáisiúnta Earraí Contúirteacha d’Iarnród

—	Comhlíonadh 7.1.2.1.1 go 7.1.2.1.6 de na Rialacháin maidir le hIompar Idirnáisiúnta Earraí Contúirteacha d’Iarnród’;

(8)

cuirtear isteach pointe 5.3.6 seo a leanas:

‘5.3.6.

Gaireas chun leathleantóirí a dhaingniú

Déanfar gairis chun leathleantóirí a dhaingniú a dhearadh agus déanfar measúnú orthu le haghaidh limistéar úsáide arna shainiú leis an méid seo a leanas:

—	leathleantóirí a bhfuil an gaireas chun leathleantóirí a dhaingniú comhoiriúnach dóibh;

—	an t-aonad ar ar féidir an gaireas chun leathleantóirí a dhaingniú a fheistiú go sábháilte.

Comhlíonfaidh gairis chun leathleantóirí a dhaingniú na ceanglais a leagtar amach i bpointí 4.2.2.4.1, 4.2.2.4.2 agus 4.2.2.4.3. Déanfar comhréireacht na ngaireas chun leathleantóirí a dhaingniú leis na ceanglais sin a mheasúnú mar chomhábhar idir-inoibritheach de bhun phointe 6.1.2.7.’;

(9)

i bpointe 6.1.2, Tábla 9 ‘Modúil atá le cur i bhfeidhm maidir le comhábhair idir-inoibritheachta’, cuirtear isteach an ró seo a leanas:

‘4.2.2.4.1, 4.2.2.4.2 agus 4.2.2.4.3

Gairis chun leathleantóirí a dhaingniú – neart, fórsa glasála agus tásca

X (*2)

(10)

cuirtear isteach pointe 6.1.2.7 seo a leanas:

‘6.1.2.7

Gaireas chun leathleantóirí a dhaingniú

Déanfar measúnú ar chomhréireacht na ngaireas chun leathleantóirí a dhaingniú le ceanglais phointí 4.2.2.4.1, 4.2.2.4.2 agus 5.3.6 den Iarscríbhinn sin i gcomhréir leis na nósanna imeachta i ranna 2.1 agus 2.2 den Doiciméad Teicniúil ERA dá dtagraítear i bhFoscríbhinn D.2, Innéacs [D].

Déanfar measúnú ar chomhréireacht na ngaireas chun leathleantóirí a dhaingniú le ceanglais phointí 4.2.2.4.3 agus 5.3.6 i gcomhréir leis na saintreoracha i roinn 2.3 den Doiciméad Teicniúil ERA dá dtagraítear i bhFoscríbhinn D.2, Innéacs [D].’;

(11)

cuirtear an méid seo a leanas in ionad phointe 6.2.2.8.1.:

‘6.2.2.8.1

Bacainní agus coscairí spréach

Déanfar bacainní agus coscairí spréach a thástáil de réir na sonraíochta dá dtagraítear i bhFoscríbhinn D Innéacs [19]. Meastar go gcomhlíonann leatháin chruach ar tiús 2 mm ar a laghad agus leatháin alúmanaim ar tiús 5 mm ar a laghad na ceanglais sláine gan tástáil.’

(12)

cuirtear an méid seo a leanas in ionad phointe 6.2.2.8.2.:

‘6.2.2.8.2

Ábhair

6.2.2.8.2.1

Tástáil

Déanfar tástáil ar airíonna inadhainteachta agus leata lasrach na n-ábhar i gcomhréir leis an tsonraíocht dá dtagraítear i bhFoscríbhinn D Innéacs [20] arb é CFE ≥ 18 kW/m2 an teorainnluach ina leith.

I gcás codanna rubair de na bógaithe, déanfar an tástáil i gcomhréir leis an tsonraíocht dá dtagraítear i bhFoscríbhinn D Innéacs [23] agus is é MARHE ≤ 90 kW/m2 an teorainnluach ina leith faoi na dálaí tástála a leagtar amach sa tsonraíocht dá dtagraítear i bhFoscríbhinn D Innéacs [22].

6.2.2.8.2.2

Comhpháirteanna atá díolmhaithe ó thástáil

Meastar go gcomhlíonann foirne rothaí, brataithe nó neamhbhrataithe, na hairíonna inadhainteachta agus leata lasrach is gá gan tástáil.

6.2.2.8.2.3

Ábhair atá díolmhaithe ó thástáil

Meastar go gcomhlíonann na hábhair seo a leanas na hairíonna inadhainteachta agus leata lasrach is gá gan tástáil:

—	miotail agus cóimhiotail a bhfuil bratuithe neamhorgánacha orthu (amhail na cinn seo a leanas, ach gan bheith teoranta dóibh: bratú galbhánaithe, bratú anóideach, éighníomhú crómáite, bratú tiontaithe fosfáite),

—	miotail agus cóimhiotail a bhfuil bratú orgánach orthu atá níos lú ná 0.3 mm ar tiús ainmniúil (amhail péinteanna, bratú plaisteach, bratú asfaltach, ach gan bheith teoranta dóibh),

—	miotail agus cóimhiotail a bhfuil bratú neamhorgánach agus orgánach comhcheangailte orthu ar lú ná 0.3 mm tiús ainmniúil an chisil orgánaigh,

—	gloine, earraí cruachré, táirgí ceirmeacha agus táirgí cloiche nádúrtha,

—	ábhair a chomhlíonann ceanglais chatagóir C-s3, d2 nó níos airde i gcomhréir leis an tsonraíocht dá dtagraítear i bhFoscríbhinn D Innéacs [21].’;

(13)	i bpointe 7.1.2(d1), cuirtear an méid seo a leanas in ionad an dara habairt: ‘Is féidir comhlíonadh an aonaid a léiriú bunaithe ar an doiciméad teicniúil dá dtagraítear in Airteagal 13 de STI RCC agus seiceálann an comhlacht faoina dtugtar fógra é mar chuid d’fhíorú CE.’;

(14)

i bpointe 7.1.2(g), cuirtear na míreanna seo a leanas leis:

‘Déanfar comhlíontacht an aonaid leis na ceanglais maidir le Trealamh Vaigín (WE) mar a leagtar amach i bhFoscríbhinn I a mharcáil ar dhá thaobh an aonaid mar a léirítear i bhFíor 3, fiú mura bhfuil an t-aonad beartaithe chun earraí contúirteacha a iompar:

Fíor 3

Marcáil an aonaid le trealamh vaigín

Sa sampla seo, tá an vaigín feistithe le trealamh vaigín 1, 3, 2, 4 agus 6.

Beidh na litreacha den chineál cló céanna leis an marcáil GE. Beidh na litreacha 100 mm ar airde ar a laghad. Beidh tomhais sheachtracha an fhráma 275 mm ar leithead agus 140 mm ar airde ar a laghad, beidh an fráma 7 mm ar tiús.

Beidh an mharcáil suite ar thaobh na láimhe deise den limistéar ina bhfuil an Uimhir Eorpach Feithiclí agus an mharcáil GTE’;

(15)

leasaítear pointe 7.1.2(h) mar a leanas:

(a)	sa téacs, cuirtear na focail ‘Fíor 4’ in ionad na bhfocal ‘Fíor 1’;

(b)	i dteideal an fhigiúir, cuirtear na focail ‘Fíor 4’ in ionad na bhfocal ‘Fíor 1’;

(16)

cuirtear isteach pointe 7.2.2.5. seo a leanas:

‘7.2.2.5

Rialacha maidir le haonaid atá á n-oibriú atá feistithe le gairis chun leathleantóirí a dhaingniú.

Aonaid atá á n-oibriú atá feistithe le gairis chun leathleantóirí a dhaingniú, déanfar iad chun na ceanglais i bpointe 4.2.2.4.2 a chomhlíonadh laistigh d’idirthréimhse mar a leagtar amach i dTábla A.2 i bhFoscríbhinn A.

Déanfar measúnú ar chomhréireacht na ngaireas chun leathleantóirí a dhaingniú le ceanglais phointe 4.2.2.4.2 i gcomhréir leis na saintreoracha i roinn 2.2 den Doiciméad Teicniúil ERA dá dtagraítear i bhFoscríbhinn D.2, Innéacs [D].

Déanfaidh coimeádaithe:

(a)

measúnú ar an gcomhréireacht i ndáil lena bhflíteanna feithiclí, uair amháin in aghaidh an chomhcheangail de chineál aonaid agus den chineál gairis chun leathleantóirí a dhaingniú. Féadfaidh an coimeádaí an measúnú a tharmligean chuig monaróir na ngaireas chun leathleantóirí a dhaingniú, nó chuig an eintiteas atá i gceannas ar chothabháil a shanntar dá fheithiclí, nó

(b)	ag monaróirí i ndáil le feithiclí a tháirgeann siad, uair amháin in aghaidh an chomhcheangail de chineál aonaid agus den chineál gairis chun leathleantóirí a dhaingniú. Féadfar an fhianaise chomhréireachta a sholáthar ansin d’aon choimeádaí.

Beidh iontráil ina dhoiciméadacht theicniúil ag gach aonad aonair a chomhfhreagraíonn don chomhcheangal a ndearnadh measúnú dearfach air ina dtagraítear do na tástálacha a rinneadh agus lena ndeimhnítear go gcomhlíonann sé na ceanglais i bpointe 4.2.2.4.2. Áireofar an chomhréireacht leis na ceanglais i bpointe 4.2.2.4.2 sna marcálacha ar an aonad freisin, i gcomhréir le pointe 4.2.2.4.4.

Ní bheidh gá le measúnú ó chomhlacht faoina dtugtar fógra.

Aonaid atá á n-oibriú atá feistithe le gairis chun leathleantóirí a dhaingniú, déanfar iad chun na ceanglais i bpointe 4.2.2.4.4 a chomhlíonadh laistigh d’idirthréimhse mar a leagtar amach i dTábla A.2.

Déanfar measúnú ar chomhréireacht na marcála ar gach aonad aonair i gcomhréir leis na saintreoracha a leagtar amach i roinn 2.4 den Doiciméad Teicniúil ERA dá dtagraítear i bhFoscríbhinn D.2, Innéacs [D]. Déanfaidh an coimeádaí measúnú ar an gcomhréireacht. Féadfaidh an coimeádaí an measúnú a tharmligean chuig an eintiteas atá i gceannas ar chothabháil a shanntar dá aonaid.

Beidh iontráil ina dhoiciméadacht theicniúil ag gach aonad aonair a ndearnadh measúnú dearfach air lena ndeimhnítear go gcomhlíonann sé na ceanglais i bpointe 4.2.2.4.4.

Ní bheidh gá le measúnú ó chomhlacht faoina dtugtar fógra.’;

(17)

i bpointe 7.3.2.2 ina dtagraítear don chás sonrach sa tSualainn, cuirtear an méid seo a leanas in ionad thábla 12:

‘Tábla 12

Crios sprice agus crios coiscthe d’aonaid a mbeartaítear iad a oibriú sa tSualainn

YTA [mm]	WTA [mm]	LTA [mm]	YPZ [mm]	WPZ [mm]	LPZ [mm]
905 ± 20	≥ 40	ina hiomláine	905	≥ 100	≥ 500’

(18)

Cuirtear an méid seo a leanas in ionad Fhoscríbhinn A:

Foscríbhinn A

Athruithe ar cheanglais agus ar chórais idirthréimhseacha

I gcomhréir le pointe 7.2.3.1.2, le Tábla A.1 agus Tábla A.2 déantar tagairt do na hathruithe, i gcomparáid leis an STI arna leasú le Rialachán Cur Chun Feidhme (AE) 2020/387, a bhfuil measúnú ag teastáil ina leith.

Athruithe le córas idirthréimhseach cineálach 7 mbliana

Déanann athruithe le córas aistrithe cineálach difear do thionscadail sa chéim deartha. Tá na hathruithe sin ábhartha chun infheidhmeacht ceanglas creata deimhniúcháin tionscadail a chinneadh, bunaithe ar a chreat measúnaithe tosaigh. Ní dhéanann na hathruithe sin difear do thionscadail sa chéim tháirgthe ná d’aonaid atá á n-oibriú.

Tábla A.1

Córas idirthréimhseach 7 mbliana

Pointe (pointí) STI

Pointe (pointí) STI sa STI roimhe seo

Míniú ar an athrú STI

Dáta cur i bhfeidhm

4.2.2.3

An dara mír

Ceanglas nua

Ceanglas ar na gairis dhaingnithe a chuimsiú

An 28 Meán Fómhair 2030

4.2.3.5.3

Feidhm braite agus coiscthe díráillithe

Gan aon phointe

Na ceanglais maidir leis an bhfeidhm braite agus coiscthe díráillithe a chur san áireamh

An 28 Meán Fómhair 2030

4.2.4.3.2.1

Príomhchoscán

4.2.4.3.2.1

Príomhchoscán

Teacht chun cinn na sonraíochta dá dtagraítear i bhFoscríbhinn D.1, Innéacsanna [16] agus [17]

An 28 Meán Fómhair 2030

4.2.4.3.2.2

Coscán láimhe

4.2.4.3.2.2

Coscán láimhe

Teacht chun cinn na sonraíochta dá dtagraítear i bhFoscríbhinn D.1 Innéacs [17]

An 28 Meán Fómhair 2030

4.2.4.3.2.2

Coscán láimhe

4.2.4.3.2.2

Coscán láimhe

Athrú ar ríomh pharaiméadair an choscáin láimhe

An 28 Meán Fómhair 2030

6.2.2.8.1

Bacainní agus coscairí spréach a thástáil

6.2.2.8.1

Bacainní a thástáil

Teacht chun cinn na sonraíochta dá dtagraítear i bhFoscríbhinn D.1 Innéacs [19]

An 28 Meán Fómhair 2030

7.1.2 (h)

Marcáil an choscáin láimhe

7.1.2 (h)

Marcáil an choscáin láimhe

Athrú ar an marcáil riachtanach

An 28 Meán Fómhair 2030

Pointe 9 d’Fhoscríbhinn C

Teacht chun cinn na sonraíochta dá dtagraítear i bhFoscríbhinn D.1, Innéacsanna [38], [39], [46], [48], [49], [58]

An 28 Meán Fómhair 2030

Pointí a thagraíonn d’Fhoscríbhinn H agus d’Fhoscríbhinn D.2 innéacs [B]

Ceanglas nua

Na ceanglais maidir le códú na n-aonad atá beartaithe lena n-úsáid in iompar traschórais a chuimsiú

An 28 Meán Fómhair 2030

Pointí a thagraíonn d’Fhoscríbhinn D.2 innéacs [A] seachas go pointe 3.2.2

Pointí a thagraíonn do ERA/ERTMS/033281 V4 seachas go pointe 3.2.2

Tagann ERA/ERTMS/033281 V5 in ionad ERA/ERTMS/033281 V4, baineann na príomhathruithe le bainistíocht minicíochta maidir le teorainneacha sruthanna trasnaíochta agus pointí oscailte a dhúnadh

An 28 Meán Fómhair 2030

Athruithe ar chóras idirthréimhseach sonrach:

Déanann athruithe le córas aistrithe sonrach difear do thionscadail ag an gcéim dheartha, do thionscadail ag an gcéim tháirgthe agus d’aonaid atá á n-oibriú. Tá na hathruithe sin ábhartha chun infheidhmeacht ceanglas creata deimhniúcháin tionscadail a chinneadh, bunaithe ar a chreat measúnaithe tosaigh. Tá siad ábhartha freisin chun an gá atá le hiarfheistiú a chinneadh.

Tábla A.2

Córas idirthréimhseach sonrach

Pointe (pointí) STI	Pointí STI sa STI roimhe seo	Míniú ar athrú STI	Córas idirthréimhseach
Pointe (pointí) STI	Pointí STI sa STI roimhe seo	Míniú ar athrú STI	Níor tosaíodh an chéim dheartha	Tosaíodh an chéim dheartha	Céim an táirgthe	aonaid atá á n-oibriú
Pointí a thagraíonn do phointe 3.2.2 Foscríbhinn D.2 Innéacs [A]	Pointí a thagraíonn do phointe 3.2.2 de ERA/ERTMS/033281 V4	Tagann ERA/ERTMS/033281 V5 in ionad ERA/ERTMS/033281 V4	Sainítear an córas idirthréimhseach i dTábla B1 i bhFoscríbhinn B a ghabhann le STI RCC
Pointí a thagraíonn do phointe 4.2.2.4.1	Ní bhaineann le hábhar	Gairis chun leathleantóirí a dhaingniú - neart (fadneart, neart cliathánach agus neart ceartingearach anuas)	Infheidhme go díreach	An 4 Samhain 2026	An 4 Samhain 2026	Ní bhaineann le hábhar
Pointí a thagraíonn do phointe 4.2.2.4.2	Ní bhaineann le hábhar	Gairis chun leathleantóirí a dhaingniú - fórsa glasála (fórsa ceartingearach dírithe anuas)	Infheidhme go díreach	An 4 Samhain 2026	An 4 Samhain 2026	An 4 Bealtaine 2027
Pointí a thagraíonn do phointe 4.2.2.4.3	Ní bhaineann le hábhar	Gairis chun leathleantóirí a dhaingniú - tásca	Infheidhme go díreach	An 4 Samhain 2026	An 4 Samhain 2026	Ní bhaineann le hábhar
Pointí a thagraíonn do phointe 4.2.2.4.4	Ní bhaineann le hábhar	Marcáil a bhaineann le gairis chun leathleantóirí a dhaingniú	Infheidhme go díreach	An 4 Samhain 2026	An 4 Samhain 2026	An 4 Bealtaine 2027
4.2.6.1.2.1.2	Pointe nua nach mbaineann le hábhar	Coscairí spréach éigeantacha i gcás catagóirí áirithe vaigín	Infheidhme go díreach	An 1 Eanáir 2027	Ní bhaineann le hábhar	Ní bhaineann le hábhar
4.2.7	pointe nua nach mbaineann le hábhar	Ceanglas vaigín a aistriú ó na Rialacháin maidir le hIompar Idirnáisiúnta Earraí Contúirteacha d’Iarnród chuig STI	An 1 Eanáir 2027	An 1 Eanáir 2027	An 1 Eanáir 2033	Ní bhaineann le hábhar
7.1.2 (g)	Pointe nua nach mbaineann le hábhar	Ceanglas vaigín a aistriú ó na Rialacháin maidir le hIompar Idirnáisiúnta Earraí Contúirteacha d’Iarnród chuig STI	An 1 Eanáir 2027	An 1 Eanáir 2027	An 1 Eanáir 2033	Ní bhaineann le hábhar

(19)

i bhFoscríbhinn D, pointe D.1, leasaítear an tábla mar a leanas:

(a)

cuirtear isteach ró [1.6] seo a leanas:

‘[1.6]

Gnáthdhálaí oibriúcháin

Foscríbhinn I, pointe D

8’

(b)	scriostar ró [2.2];

(c)

Cuirtear an méid seo a leanas in ionad ró [2.3]:

‘[2.3]

Marcanna is infheidhme

7.1.2 (g)

gach pointe seachas 4.5.25(b) 4.5.35’

(d)

Cuirtear an méid seo a leanas in ionad ró [19.1]:

‘[19.1]

Bacainní agus coscairí spréach

6.2.2.8.1

4 go 12’

(e)

cuirtear isteach rónna [32.2] agus [32.3] seo a leanas:

‘[32.2]	Maoláin chatagóir C	Foscríbhinn I, pointe D.1.2	4 (seachas 4.3), 5, 6 (seachas 6.2.2.3, Iarscríbhinn E.4, agus Iarscríbhinn I)
[32.3]	Maoláin chatagóir AX	Foscríbhinn I, pointe D.2.1	4 (seachas 4.3), 5, 6 (seachas 6.2.2.3 agus E.4), agus 7’

(20)

in Foscríbhinn D, pointe D.2, cuirtear na rónna seo a leanas leis:

‘[D]	Doiciméad Teicniúil ERA maidir leis na nósanna imeachta chun comhlíonadh na gceanglas i bpointe 4.2.2.4 de STI VAI maidir le leathleantóirí a dhaingniú ERA/TD-2025/LEATHLEANTÓIRÍ A DHAINGNIÚ leagan 1.0 (arna eisiúint an 11.9.2025)
[D.1]	Saintreoracha le haghaidh marcála	4.2.2.4.4	Roinn 2.4
[D.2]	Measúnú comhréireachta maidir le leathleantóirí a dhaingniú	6.1.2.7	Ranna 2.1, 2.2 agus 2.3.
[E]	Doiciméad Teicniúil ERA maidir le coscairí spréach ERA/TD-2024/Coscairí spréach leagan 1.1 (arna eisiúint an 5.12.2024)
[E.1]	Coscairí spréach	4.2.6.1.2.1	Ranna 2.1, 2.2, 2.3’

(21)

Leasaítear Foscríbhinn F, Tábla F.1 ‘Measúnú arna shannadh do na céimeanna táirgthe’ mar a leanas:

(a)

cuirtear isteach na rónna seo a leanas:

‘Gaireas chun leathleantóirí a dhaingniú - neart	4.2.2.4.1	X	X	n/b	6.1.2.7
Gaireas chun leathleantóirí a dhaingniú – fórsa glasála	4.2.2.4.2	X	X	n/b	6.1.2.7
Gaireas chun leathleantóirí a dhaingniú– tásca	4.2.2.4.3	X	X	n/b	6.1.2.7
Marcáil ar an aonad	4.2.2.4.4	X	X	n/b	—’

(b)

cuirtear na rónna seo a leanas isteach:

‘Ceanglais shonracha maidir le vaigíní faoi raon feidhme chaibidil 7.1 de na Rialacháin maidir le hIompar Idirnáisiúnta Earraí Contúirteacha d’Iarnród	4.2.7
Foscríbhinn I	A go F	X	X	n/b’

(22)

cuirtear Foscríbhinn I seo a leanas leis:

‘Foscríbhinn I

Ceanglais shonracha maidir le vaigíní atá beartaithe chun earraí contúirteacha a iompar

Tá feidhm ag an bhFoscríbhinn sin maidir le haonaid faoi raon feidhme chaibidil 7.1 de na Rialacháin maidir le hIompar Idirnáisiúnta Earraí Contúirteacha d’Iarnród agus tá sé beartaithe í a léamh i gcomhar leis na Rialacháin maidir le hIompar Idirnáisiúnta Earraí Contúirteacha d’Iarnród.

Sainmhínítear earraí contúirteacha i bpointe 1.2.1 de na Rialacháin maidir le hIompar Idirnáisiúnta Earraí Contúirteacha d’Iarnród.

Tuigfear gurb ionann vaigín i gcomhthéacs na Foscríbhinne sin agus ‘vaigín’ mar a shainmhínítear i bpointe 1.2.1 de na Rialacháin maidir le hIompar Idirnáisiúnta Earraí Contúirteacha d’Iarnród, arb éard atá i gceist leis ‘aonad’ sa STI seo.

Is vaigíní sonracha iad umair, vaigíní umair agus vaigíní ceallra a shainmhínítear i bpointe 1.2.1 de na Rialacháin maidir le hIompar Idirnáisiúnta Earraí Contúirteacha d’Iarnród.

Áirítear i gceanglais D, E agus F na ceanglais bhreise chun Trealamh Vaigín (WE) a leagtar amach i bpointe 7.1.2.2 de na Rialacháin maidir le hIompar Idirnáisiúnta Earraí Contúirteacha d’Iarnród a chomhlíonadh.

Ceanglais maidir le forálacha ábhartha na Rialachán maidir le hIompar Idirnáisiúnta Earraí Contúirteacha d’Iarnród a chomhlíonadh

A) Ceanglais chun pointe 7.1.2.1.1 de na Rialacháin maidir le hIompar Idirnáisiúnta Earraí Contúirteacha d’Iarnród a chomhlíonadh

I dteannta na gceanglas a leagtar amach i bpointe 4.2.2.2 den STI seo, breithneofar an méid seo a leanas sna cásanna ualaigh atá le breithniú sa mheasúnú ar neart an umair agus ar a dhaingniú den vaigín:

(1)	cé acu a forchuireadh nó nár forchuireadh brú oibre uasta an umair ar na cásanna ualaigh;

(2)	raon teochta oibriúcháin an scealla;

(3)	íostiús bhalla an scealla i gcomhréir le pointí 6.8.2.1 agus 6.8.3.1 de na Rialacháin maidir le hIompar Idirnáisiúnta Earraí Contúirteacha d’Iarnród.

B) Ceanglais chun pointe 7.1.2.1.2 de na Rialacháin maidir le hIompar Idirnáisiúnta Earraí Contúirteacha d’Iarnród a chomhlíonadh

Trealamh vaigín

Feisteofar an vaigín le coscairí spréach mar a shainmhínítear i nDoiciméad Teicniúil ERA/TD-2024/Coscairí Spréach leagan 1.1.

Tá an nós imeachta mionsonraithe um measúnú leagtha amach i bpointe 6.2.2.8.1 den STI sin. Cumhdaítear leis an bpointe sin na ceanglais maidir le WE 6 i gcomhréir le forálacha na Rialachán maidir le hIompar Idirnáisiúnta Earraí Contúirteacha d’Iarnród.

C) Ceanglais chun pointe 7.1.2.1.3 de na Rialacháin maidir le hIompar Idirnáisiúnta Earraí Contúirteacha d’Iarnród a chomhlíonadh

Aon vaigín atá beartaithe lena úsáid in atmaisféir a d’fhéadfadh a bheith pléascach, comhlíonfaidh sé leibhéal oiriúnach cosanta a bhraitheann ar na criosanna ina bhfuil sé beartaithe an vaigín sin a úsáid.

Sainmhínítear na criosanna dá dtagraítear sa chéad mhír den phointe sin i dTreoir 1999/92/CE ó Pharlaimint na hEorpa agus ón gComhairle (*3).

Leagtar amach an leibhéal cosanta a chomhfhreagraíonn don ghrúpa trealaimh agus don chatagóir trealaimh roghnaithe i dTreoir 2014/34/AE ó Pharlaimint na hEorpa agus ón gComhairle (*4). Déanfar an leibhéal cosanta a ndéantar measúnú ar an vaigín ina leith a thuairisciú i gcomhad teicniúil an vaigín.

D) Ceanglais chun pointe 7.1.2.1.4 de na Rialacháin maidir le hIompar Idirnáisiúnta Earraí Contúirteacha d’Iarnród a chomhlíonadh

Déanfar vaigíní umair atá beartaithe lena n-úsáid chun earraí contúirteacha a iompar a thógáil agus a fheistiú ar bhealach a sheasfaidh tionchar imbhuailtí a mbíonn struis mar thoradh orthu, ar struis iad a sháraíonn na struis a tharlaíonn le linn gnáthdhálaí oibriúcháin mar a leagtar amach sa tsonraíocht dá dtagraítear i bhFoscríbhinn D Innéacs [1].

Ceanglas tógála

Beidh an t-íosachar idir an plána ceannstoic agus an pointe is faide amach den sceall ar vaigíní umair 300 mm ar a laghad. Ní bheidh feidhm ag an gceanglas sin maidir le vaigíní umair atá feistithe le cúpláil uathoibríoch ceann lárnach i gcomhréir le pointe E.1.2 den Fhoscríbhinn sin.

Trealamh vaigín

Cumhdaítear leis an bpointe sin na ceanglais maidir le WE 1 (D.1) agus WE 2 (D.2) i gcomhréir le forálacha na Rialachán maidir le hIompar Idirnáisiúnta Earraí Contúirteacha d’Iarnród.

D.1

Déanfar vaigíní a bhfuil cód WE 1 ag teastáil ina leith a fheistiú le gairis a chuireann teorainn le tionchar imbhuailte. Beidh na gairis sin in ann fuinneamh a ionsú trí dhífhoirmiú leaisteach a dhéanamh ar chomhpháirteanna sainithe an fhofhráma.

Déanfar an íostoilleadh leaisteach a ndearnadh measúnú ar an vaigín ina leith a thaifeadadh sa chomhad teicniúil.

Braitheann an toilleadh fuinnimh dhinimiciúil agus an nós imeachta measúnaithe ar an gcineál cúplaire mar a shonraítear thíos:

D.1.1. - Vaigíní atá feistithe le córas cúplála ceann Union Internationale des Chemins de fer (Aontas Idirnáisiúnta na nIarnród) láimhe

Toilleadh fuinnimh dhinimiciúil íosta: 70 kJ in aghaidh an mhaoláin.

Measfar ceanglais na forála speisialta seo a bheith comhlíonta trí mhaoláin Chatagóir C a fheistiú mar a leagtar amach sa tsonraíocht dá dtagraítear i bhFoscríbhinn D Innéacs [32].

Ní bheidh feidhm ag an bhforáil sin maidir le vaigíní atá feistithe le heilimintí ionsúcháin i gcomhréir le pointe D.2.1.

D.1.2 - Vaigíní atá feistithe le cúpláil uathoibríoch ceann lárnach

Toilleadh fuinnimh dhinimiciúil íosta: 140 kJ in aghaidh an chúplaire.

Ní bheidh feidhm ag an bhforáil sin maidir le vaigíní atá feistithe le heilimintí ionsúcháin i gcomhréir le pointe D.2.2.

D.2

Déanfar vaigíní a bhfuil cód WE 2 ag teastáil ina leith a fheistiú le gairis lena dteorannaítear imbhualadh. Beidh na gairis sin in ann fuinneamh a ionsú trí bhíthin dífhoirmiú leaisteach nó plaisteach ar chomhpháirteanna sainithe den fhofhráma nó trí ghnáthamh comhchosúil (e.g. eilimintí tuairte).

Déanfar an toilleadh íosta dífhoirmithe leaistigh agus plaistigh a ndearnadh measúnú ar an vaigín ina leith a thaifeadadh sa chomhad teicniúil.

Braitheann an toilleadh ionsúcháin fuinnimh iomlán agus an nós imeachta measúnaithe ar an gcineál cúplaire mar a shonraítear thíos:

D.2.1. - Vaigíní atá feistithe le córas cúplála ceann Aontas Idirnáisiúnta na nIarnród láimhe

Toilleadh fuinnimh dhinimiciúil íosta: 30 kJ in aghaidh an mhaoláin.

Toilleadh ionsúcháin fuinnimh iomlán íosta (inchúlaithe agus dochúlaithe): 400 kJ in aghaidh an mhaoláin.

Measfar ceanglais na forála speisialta sin a bheith comhlíonta trí mhaoláin Chatagóir AX a fheistiú mar a leagtar amach sa tsonraíocht dá dtagraítear i bhFoscríbhinn D Innéacs [32].

D.2.2 - Vaigíní atá feistithe le cúpláil uathoibríoch ceann lárnach

Toilleadh fuinnimh dhinimiciúil íosta: 75 kJ in aghaidh an chúplaire.

Toilleadh ionsúcháin fuinnimh iomlán íosta (inchúlaithe agus dochúlaithe): 675 kJ in aghaidh an chúplaire.

E) Ceanglais chun pointe 7.1.2.1.5 de na Rialacháin maidir le hIompar Idirnáisiúnta Earraí Contúirteacha d’Iarnród a chomhlíonadh

Trealamh vaigín

Cumhdófar le comhlíonadh Roinn E.1 nó E.2 den phointe sin na ceanglais maidir le WE 3 i gcomhréir le forálacha na Rialachán maidir le hIompar Idirnáisiúnta Earraí Contúirteacha d’Iarnród.

E.1 - Sárú vaigín a chosc

E.1.1 - Vaigíní atá feistithe le córas cúplála Aontas Idirnáisiúnta na nIarnrod láimhe

Déanfar an vaigín a chosaint ar shárú maolán le trealamh:

(1)	atá in ann fórsa ceartingearach (fórsa aníos nó anuas) 150 kN a sheasamh;

(2)	a dheartar agus a dhéantar measúnú air sa chaoi gur féidir leis cosc a chur ar an sárú fiú mura bhfuil an trealamh vaigín feistithe ach ar cheann amháin de na vaigíní san imbhualadh;

(3)	nach méadaítear leis an starradh chun an trealamh vaigín a dheisiú níos mó ná 20 mm;

(4)	ag a bhfuil leithead atá chomh mór ar a laghad le leithead an chinn mhaoláin (seachas an trealamh vaigín chun cosaint a thabhairt ar shárú maolán atá suite os cionn choschlár na láimhe clé, a bheidh tadhlaíoch leis an spás saor don siúntóir, cé nach mór uasleithead an mhaoláin a chumhdach);

(5)	atá suite os cionn gach maoláin;

(6)	a thógtar ar bhealach nach méadófar an riosca go gcuirfí poll i gceann an umair i gcás turrainge.

E.1.2 - Vaigíní atá feistithe le cúpláil uathoibríoch ceann lárnach

Léireofar go gcuireann an chúpláil uathoibríoch ceann lárnach cosc ar shárú trí fhanacht i suíomh cúpláilte agus trí fhanacht feistithe do na vaigíní cúpláilte nuair atá taobh amháin den chúplóir faoi réir fórsa ceartingearach 150 kN arna tharchur ag an vaigín aníos agus anuas fad a choinnítear an chuid eile den chúplóir i suíomh seasta.

Mura féidir an ceanglas sin a chomhlíonadh, déanfar iarmhairtí an tsáraithe a theorannú trí sciath chosanta a fheistiú ag gach ceann den vaigín i gcomhréir leis an tsonraíocht a leagtar amach i bpointe E.2.2.

E.2 - Trealamh vaigín lena dteorannaítear an tionchar ó vaigín sáraitheach ar na substaintí atá á n-iompar nuair a tharlaíonn sárú

E.2.1 - Vaigíní a úsáideann córas cúplála ceann Aontas Idirnáisiúnta na nIarnród láimhe

Beidh an vaigín feistithe le sciath chosanta ag gach ceann den vaigín chun iarmhairt maolán sáraitheach a theorannú.

Maidir le leithead na scéithe cosanta:

(1)	beidh sé chomh leathan ar a laghad leis an bhfad arna shainiú ag ciumhais sheachtrach na gceann maoláin;

(2)	agus cumhdófar leis leithead an umair.

Le hairde na scéithe cosanta, arna tomhas ó chiumhais uachtair an cheannstoic, cumhdófar ceachtar díobh seo a leanas:

(1)	dhá thrian de thrastomhas an umair;

(2)	900 mm ar a laghad, ar choinníoll go bhfuil an sciath chosanta feistithe ag an gcuimhais uachtair le gaireas coiscthe ionas go gcuirfear cosc ar mhaoláin a dhreapadh.

Cuirfear toimhde comhréireachta ar fáil le sciath chosanta atá déanta as cruach bhog nó as cruach thagartha agus íostiús balla 6 mm.

Ciallaíonn cruach thagartha cruach a bhfuil neart teanntachta 370 N/mm2 agus fadú ag briseadh 27 % inti.

Ciallaíonn cruach bhog cruach a bhfuil neart teanntachta idir 360 N/mm2 agus 490 N/mm2 agus fadú ag briseadh in % inti nach lú ná:

Má úsáidtear ábhair eile, ríomhfar an tiús coibhéiseach i gcomhréir leis an bhfoirmle seo a leanas:

tiús coibhéiseach = 6

i gcás inarb é Rm1 neart teanntachta an ábhair bheartaithe agus inarb é A1 fadú ag briseadh an ábhair bheartaithe.

Is iad luachanna Rm1 agus A1 a úsáidfear na híosluachanna sonraithe sna caighdeáin lena sainítear airíonna an ábhair.

Déanfar an sciath chosanta a mhúnlú agus a cheangal ar bhealach ina n-íoslaghdófar an fhéidearthacht go gcuirfeadh an sciath chosanta féin poll i gcinn an umair.

E.2.2 - Vaigíní a úsáideann cúpláil lárnach seachas cúpláil uathoibríoch ceann lárnach nach gcomhlíonann ceanglais phointe E.1.2.

Beidh an vaigín feistithe le sciath chosanta ag gach ceann den vaigín.

Sa chás sin, cumhdóidh an sciath chosanta ceann an umair go dtí airde 1 100 mm ar a laghad, arna thomhas ó chiumhais uachtair an cheannstoic, feisteofar na cúplairí le gairis fhrith-théaltaithe chun díchúpláil neamhbheartaithe a chosc agus beidh an sciath chosanta 1 200 mm ar leithead ar a laghad feadh airde iomlán na scéithe.

Cuirfear toimhde comhréireachta ar fáil le sciath chosanta atá déanta as cruach bhog nó as cruach thagartha mar a shainmhínítear i bpointe E.2.1, agus tiús balla 12 mm ann.

Má úsáidtear ábhair eile, ríomhfar an tiús coibhéiseach i gcomhréir leis an bhfoirmle seo a leanas:

tiús coibhéiseach = 12

i gcás inarb é Rm1 neart teanntachta an ábhair bheartaithe agus inarb é A1 fadú ag briseadh an ábhair bheartaithe.

Is iad luachanna Rm1 agus A1 a úsáidfear na híosluachanna sonraithe sna caighdeáin lena sainítear airíonna an ábhair.

Déanfar an sciath chosanta a mhúnlú agus a cheangal ar bhealach ina n-íoslaghdófar an fhéidearthacht go gcuirfeadh an sciath chosanta féin poll i gcinn an umair.

F) Ceanglais chun pointe 7.1.2.1.6 de na Rialacháin maidir le hIompar Idirnáisiúnta Earraí Contúirteacha d’Iarnród a chomhlíonadh

Trealamh vaigín

Cumhdaítear sa roinn seo na ceanglais maidir le WE 4 agus WE 5 i gcomhréir le forálacha na Rialachán maidir le hIompar Idirnáisiúnta Earraí Contúirteacha d’Iarnród.

F.1

Measfar gur leor comhlíonadh phointí 4.2.3.5.3.3 nó 4.2.3.5.3.4 den STI seo chun ceanglais WE 4 a chomhlíonadh.

F.2

Measfar gur leor comhlíonadh phointe 4.2.3.5.3.2 den STI seo chun ceanglais WE 5 a chomhlíonadh.’

(*2) Ní fhéadfar modúil CA1, CA2 nó CH a úsáid ach amháin i gcás táirgí a chuirtear ar an margadh, agus a fhorbraítear dá bhrí sin, roimh an 4 Samhain 2025, ar choinníoll go léiríonn an monaróir don chomhlacht faoina dtugtar fógra go ndearnadh athbhreithniú dearaidh agus scrúdú cineáil le haghaidh iarratais roimhe sin faoi choinníollacha inchomparáide, agus go bhfuil siad i gcomhréir le ceanglais an STI seo; déanfar an léiriú sin a dhoiciméadú, agus measfar go soláthrófar leis an leibhéal céanna cruthúnais agus a sholáthraítear le modúl CB nó scrúdú dearaidh i gcomhréir le modúl CH1.’;

(*3) Treoir 1999/92/CE ó Pharlaimint na hEorpa agus ón gComhairle an 16 Nollaig 1999 maidir leis na híoscheanglais chun sábháilteacht agus cosaint sláinte oibrithe a d’fhéadfadh a bheith i mbaol ó atmaisféir phléascacha a fheabhsú (an cúigiú Treoir déag ar leith de réir bhrí Airteagal 16(1) de Threoir 89/391/CEE) (IO L 23, 28.1.2000, lch. 57, ELI: http://data.europa.eu/eli/dir/1999/92/oj).

(*4) Treoir 2014/34/AE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú dhlíthe na mBallstát a bhaineann le trealamh agus córais chosanta atá ceaptha chun úsáid in atmaisféir a d’fhéadfadh bheith pléascach (IO L 96, 29.3.2014, lch. 309, ELI: http://data.europa.eu/eli/dir/2014/34/oj).