1.   Beidh an méid seo a leanas i sonraí teagmhála an iarratasóra a cheanglaítear faoi Airteagal 11(1), pointe (a), agus i sonraí teagmhála an údaráis inniúil, an chomhlachta deimhniúcháin nó an duine nádúrtha a cheanglaítear faoi Airteagal 11(1), pointe (b), de Rialachán (AE) 2023/2411:

2.   I gcás ina mbaineann na sonraí teagmhála dá dtagraítear i mír 1 le duine nádúrtha, déanfar sonraí pearsanta a phróiseáil i gcomhréir le Rialachán (AE) 2018/1725 ó Pharlaimint na hEorpa agus ón gComhairle (3) agus úsáidfear iad chun na gcríoch seo a leanas:

3.   I gcás inar duine nádúrtha an t-iarratasóir, sonrófar an náisiúntacht sna doiciméid a ghabhann leis an iarratas ar chlárú.

4.   Más rud é go n-ainmníonn an Ballstát údarás áitiúil, údarás réigiúnach nó eintiteas príobháideach mar an t-iarratasóir i gcomhréir le hAirteagal 8(4) de Rialachán (AE) 2023/2411, cuirfear na cúiseanna leis an ainmniú sin in iúl ar dhoiciméad ar leithligh laistigh den doiciméadacht tionlacain. Cuimseofar leis na cúiseanna tagairt don dlí náisiúnta nó don chinneadh riaracháin maidir leis an ainmniú. Ní mór an t-údar atá leis a bheith sonrach d’iarratas aonair.

1.   Maidir le hinghlacthacht, i dteannta na gceanglas a leagtar amach in Airteagail 3 agus 8 agus Airteagal 22(1) nó Airteagal 20(1) agus Airteagal 22(2) nó Airteagal 22(3), de réir mar is infheidhme, agus Airteagal 22(6) agus Airteagal 65(3) de Rialachán (AE) 2023/2411, comhlíonfaidh iarratas ar chlárú Airteagal 3, Airteagal 7(1) agus Airteagal 8 i gcás clárúcháin dhíreacha agus iarratais tríú tír, chomh maith le hAirteagail 9 go 12 de Rialachán Cur Chun Feidhme (AE) 2025/1956 ón gCoimisiún (4).

2.   Maidir le hinghlacthacht, i dteannta na gceanglas a leagtar amach in Airteagal 22(4) agus (5) de Rialachán (AE) 2023/2411, comhlíonfaidh iarratas comhpháirteach ar chlárú Airteagal 6(1), (2) nó (3) de Rialachán Cur Chun Feidhme (AE) 2025/1956 agus mír 1 den Airteagal seo.

3.   Mura bhfuil iarratas inghlactha, cuirfidh an Rannóg um Thásca Geografacha an t-údarás inniúil agus an t-iarratasóir, de réir mar is ábhartha, ar an eolas faoi na cúiseanna le neamh-inghlacthacht de bhun Airteagal 23(6) de Rialachán (AE) 2023/2411.

1.   Beidh an méid seo a leanas i bhfógra achomhairc a chomhdófar i gcomhréir le hAirteagal 33(4) de Rialachán (AE) 2023/2411:

2.   Déanfar an fógra achomhairc a chomhdú in aon cheann de theangacha oifigiúla an Aontais.

3.   A luaithe a chomhdófar an fógra achomhairc, tabharfaidh an Bord Achomhairc fógra ina leith, de réir mar is infheidhme, don chosantóir agus do na húdaráis inniúla nó do phointí teagmhála aonair na mBallstát ina bhfuil an cosantóir agus an t-achomharcóir ina gcónaí nó ina bhfuil siad bunaithe, sa teanga oifigiúil a d’úsáid an t-achomharcóir sa chomhdú, in éineacht le meaisínaistriúchán fíoraithe air go dtí teanga oifigiúil ábhartha an Aontais de chuid na mBallstát faoi seach. I gcás ina bhfuil an cosantóir ina chónaí i dtríú tír nó i gcás ina bhfuil sé bunaithe i dtríú tír, tabharfaidh an Bord Achomhairc fógra faoin bhfógra achomhairc don chosantóir nó d’údarás inniúil an tríú tír, de réir mar is infheidhme, sa teanga oifigiúil inar comhdaíodh í, in éineacht le meaisínaistriúchán fíoraithe air go dtí an teanga oifigiúil de chuid an Aontais inar chomhdaigh an cosantóir an chéad chéim nós imeachta sna himeachtaí ábhartha os comhair na hOifige.

1.   I ráiteas i scríbhinn ina leagfar amach na forais achomhairc dá dtagraítear sa dara fomhír d’Airteagal 33(4) de Rialachán (AE) 2023/2411, beidh sainaithint shoiléir gan débhrí ar an méid seo a leanas:

2.   Comhdófar an ráiteas ar na forais sa teanga ina bhfuil an fógra achomhairc.

3.   A luaithe a chinnfear go bhfuil an fógra achomhairc inghlactha, tabharfaidh an Bord Achomhairc fógra faoin ráiteas ar na forais don chosantóir, do na húdaráis inniúla nó do phointí teagmhála aonair na mBallstát ina bhfuil an cosantóir agus an t-achomharcóir ina gcónaí nó ina bhfuil siad bunaithe, sa teanga oifigiúil a d’úsáid an t-achomharcóir sa chomhdú, in éineacht le meaisínaistriúchán fíoraithe air go dtí teanga oifigiúil ábhartha an Aontais de chuid na mBallstát faoi seach. I gcás ina bhfuil an cosantóir ina chónaí i dtríú tír nó i gcás ina bhfuil sé bunaithe i dtríú tír, tabharfaidh an Bord Achomhairc fógra faoin ráiteas ar na forais don chosantóir nó d’údarás inniúil an tríú tír, de réir mar is infheidhme, sa teanga oifigiúil inar comhdaíodh í, in éineacht le meaisínaistriúchán fíoraithe air go dtí an teanga oifigiúil de chuid an Aontais inar chomhdaigh an cosantóir an chéad chéim nós imeachta sna himeachtaí ábhartha os comhair na hOifige.

1.   Diúltóidh an Bord Achomhairc d’achomharc mar achomharc neamh-inghlactha in aon cheann de na cásanna seo a leanas:

2.   I gcás ina ndealraíonn sé go bhfuil an t-achomharc neamh-inghlactha, féadfaidh cathaoirleach an Bhoird Achomhairc ar sannadh an cás dó de bhun Airteagal 35(1) de Rialachán Tarmligthe (AE) 2018/625 a iarraidh ar an mBord Achomhairc cinneadh a dhéanamh gan mhoill maidir le hinghlacthacht an achomhairc sula dtabharfar fógra don chosantóir faoin bhfógra nó faoin ráiteas ar na forais, de réir mar a bheidh.

3.   Dearbhóidh an Bord Achomhairc go meastar nár comhdaíodh achomharc i gcás ina n-íoctar táille an achomhairc tar éis dhul in éag na teorann ama a leagtar amach sa chéad abairt d’Airteagal 33(4) de Rialachán (AE) 2023/2411 agus sa chás dá dtagraítear in Airteagal 30(4) de Rialachán Cur Chun Feidhme (AE) 2025/1956. I gcásanna den sórt sin, beidh feidhm ag mír (2) den Airteagal seo.

1.   Féadfaidh an cosantóir freagra a chomhdú in aon cheann de theangacha oifigiúla an Aontais laistigh de 2 mhí ón dáta a thugtar fógra faoi ráiteas an achomharcóra ar na forais. In imthosca eisceachtúla, féadfar síneadh a chur leis an teorainn ama sin ar iarraidh réasúnaithe ón gcosantóir.

2.   Beidh ainm agus seoladh an chosantóra sa fhreagra agus comhlíonfaidh sí, mutatis mutandis, na coinníollacha a leagtar síos in Airteagal 3(1), pointí (b) agus (c), agus in Airteagal 4(1), pointí (a) agus (c) den Rialachán seo.

3.   A luaithe a chomhdófar an freagra, tabharfaidh an Bord Achomhairc fógra ina leith don achomharcóir agus do na húdaráis inniúla nó do phointí teagmhála aonair na mBallstát ina bhfuil an t-achomharcóir agus cosantóir ina gcónaí nó ina bhfuil siad bunaithe, sa teanga oifigiúil a d’úsáid an cosantóir sa chomhdú, in éineacht le meaisínaistriúchán fíoraithe air go dtí teanga oifigiúil ábhartha an Aontais de chuid na mBallstát faoi seach.

4.   Ar iarraidh réasúnaithe an achomharcóra a chomhdaítear laistigh de 2 sheachtain tar éis an fhógra faoin bhfreagra agus an t-aistriúchán uirthi, féadfaidh an Bord Achomhairc an t-achomharcóir a údarú chun an ráiteas ar na forais a fhorlíonadh le freagra laistigh de thréimhse arna sonrú ag an mBord Achomhairc.

5.   A luaithe a chomhdófar an freagra forlíontach, tabharfaidh an Bord Achomhairc fógra ina leith don chosantóir agus do na húdaráis inniúla nó do phointí teagmhála aonair na mBallstát ina bhfuil an t-achomharcóir agus cosantóir ina gcónaí nó ina bhfuil siad bunaithe, sa teanga oifigiúil a d’úsáid an t-achomharcóir sa chomhdú, in éineacht le meaisínaistriúchán fíoraithe air go dtí teanga oifigiúil ábhartha an Aontais de chuid na mBallstát faoi seach.

6.   I gcás ina n-údaraíonn an Bord Achomhairc don achomharcóir an ráiteas ar na forais a fhorlíonadh le freagra, údaróidh an Bord Achomhairc don chosantóir freisin an freagra a fhorlíonadh le hathfhreagra laistigh de thréimhse arna sonrú ag an mBord Achomhairc.

7.   A luaithe a chomhdófar an t-athfhreagra, tabharfaidh an Bord Achomhairc fógra ina leith don achomharcóir, do na húdaráis inniúla nó do phointí teagmhála aonair na mBallstát ina bhfuil an t-achomharcóir agus cosantóir ina gcónaí nó ina bhfuil siad bunaithe, sa teanga oifigiúil a d’úsáid an cosantóir sa chomhdú, in éineacht le meaisínaistriúchán fíoraithe air go dtí teanga oifigiúil ábhartha an Aontais de chuid na mBallstát faoi seach. I gcás ina bhfuil an cosantóir nó an t-achomharcóir ina gcónaí i dtríú tír nó ina bhfuil siad bunaithe i dtríú tír, tabharfaidh an Bord Achomhairc fógra faoin bhfreagra, faoin bhfreagra forlíontach agus faoin athfhreagra don achomharcóir nó don chosantóir nó d’údarás inniúil an tríú tír, de réir mar is infheidhme, sa teanga oifigiúil a úsáideadh sa chomhdú, in éineacht le meaisínaistriúchán fíoraithe ar na doiciméid sin go dtí teanga oifigiúil an Aontais inar chomhdaigh an t-achomharcóir an fógra achomhairc nó inar chomhdaigh an cosantóir an freagra.

1.   Beidh an scrúdú ar an achomharc teoranta do na forais a agraítear sa ráiteas ar na forais. Ní dhéanfaidh an Bord Achomhairc scrúdú ar phointí dlí nach n-ardaíonn na páirtithe ach amháin i gcás ina mbaineann siad le ceanglais fhíor-riachtanacha nós imeachta nó i gcás inar gá iad a réiteach chun a áirithiú go gcuirfear Rialachán (AE) 2023/2411 i bhfeidhm i gceart, ag féachaint do na fíorais, don fhianaise agus do na hargóintí a chuireann na páirtithe i láthair.

2.   Ní bheidh sa scrúdú ar an achomharc ach éilimh nó iarrataí a ardaítear sa ráiteas ar na forais atá leis an achomharc agus a ardaítear in am trátha sna himeachtaí os comhair na Rannóige um Thásca Geografacha.

3.   Ní fhéadfaidh an Bord Achomhairc glacadh le fíorais nó fianaise a chuirtear faoina bhráid den chéad uair ach amháin i gcás ina gcomhlíonann na fíorais nó an fhianaise sin na ceanglais seo a leanas:

4.   Má chinneann an Bord Achomhairc dul i gcomhairle leis an mBord Comhairleach le linn an nós imeachta achomhairc dá dtagraítear in Airteagal 33(5) de Rialachán (AE) 2023/2411, tabharfar fógra tríd an gcóras digiteach faoin gcomhairliúchán sin don chosantóir agus don achomharcóir agus do na húdaráis inniúla nó do phointí teagmhála aonair an Bhallstáit ina bhfuil an t-achomharcóir agus an cosantóir ina gcónaí nó ina bhfuil siad bunaithe. In éineacht leis an bhfógra sin faoin gcomhairliúchán, cuirfidh an Bord Achomhairc meaisínaistriúchán fíoraithe go teanga oifigiúil ábhartha de chuid an Aontais de chuid na mBallstát faoi seach ar fáil dóibh.

5.   Tabharfaidh an Bord Achomhairc fógra tríd an gcóras digiteach faoi thuairim an Bhoird Chomhairligh don chosantóir agus don achomharcóir agus d’údaráis inniúla nó do phointí teagmhála aonair an Bhallstáit ina bhfuil an t-achomharcóir agus an cosantóir ina gcónaí nó ina bhfuil siad bunaithe. In éineacht le tuairim an Bhoird Chomhairligh, cuirfidh an Bord Achomhairc meaisínaistriúchán fíoraithe go dtí teanga oifigiúil ábhartha an Aontais de chuid na mBallstát faoi seach ar fáil dóibh.

6.   I gcás ina bhfuil an t-achomharcóir nó an cosantóir ina gcónaí i dtríú tír nó ina bhfuil siad bunaithe i dtríú tír, cuirfidh an Bord Achomhairc an fhaisnéis faoi chomhairliúcháin agus tuairim an Bhoird Chomhairligh in iúl don achomharcóir agus don chosantóir nó d’údaráis inniúla an tríú tír, de réir mar is infheidhme, in éineacht le meaisínaistriúcháin fhíoraithe go teanga oifigiúil an Aontais inar chomhdaigh an t-achomharcóir an fógra achomhairc nó inar chomhdaigh an cosantóir an freagra. I gcás nár chomhdaigh an cosantóir freagra, cuirfear aistriúcháin ar fáil sa teanga inar chomhdaigh an cosantóir an chéad chéim den nós imeachta sna himeachtaí ábhartha os comhair na hOifige.

1.   Féadfaidh Ballstát, arna ionadú ag a údarás inniúil nó a phointe teagmhála aonair dá dtagraítear in Airteagal 12 agus Airteagal 19(5), faoi seach, de Rialachán (AE) 2023/2411 (‘an t-idiragraí’) páirt a ghlacadh san achomharc.

2.   Beidh an idiragairt coimhdeach leis na príomhimeachtaí agus beidh sí teoranta do thacaíocht a thabhairt, go hiomlán nó go páirteach, don ordú atá á lorg ag an bpríomhpháirtí nó ag ceann de na príomhpháirtithe. Ní thabharfar na cearta nós imeachta céanna a thugtar do na príomhpháirtithe. Beidh sí gan chuspóir i gcás ina scoireann príomhpháirtí de na himeachtaí nó ina dtarraingíonn príomhpháirtí siar ó na himeachtaí nó i gcás ina dtagtar ar chomhaontú idir na príomhpháirtithe, nó i gcás ina ndearbhaítear go bhfuil an t-achomharc neamh-inghlactha. Glacfaidh an Ballstát leis an gcás mar a bheidh sé tráth a idiragartha.

3.   Tabharfar fógra faoin iarraidh ar idiragairt don Bhord Achomhairc in aon cheann de theangacha oifigiúla an Aontais laistigh de 4 mhí tar éis an fhaisnéis faoin achomharc atá á chomhdú a fhoilsiú i gclár an Aontais. Aon fhógra idiragartha a dhéanfar tar éis dhul in éag an teorainn ama sin, beidh sé neamhéifeachtach. Sainaithneofar san iarraidh páirtí a dtacóidh an t-idiragraí leis. Beidh an méid seo a leanas san iarratas ar idiragairt:

4.   A luaithe a chomhdófar an iarraidh ar idirghabháil, tabharfaidh an Bord Achomhairc fógra ina leith don achomharcóir, don chosantóir, do na húdaráis inniúla nó do phointí teagmhála aonair na mBallstát ina bhfuil an t-achomharcóir agus an cosantóir ina gcónaí nó ina bhfuil siad bunaithe, agus d’idiragraithe eile freisin, sa teanga oifigiúil a d’úsáid an t-idiragraí sa chomhdú, in éineacht le meaisínaistriúchán fíoraithe air go dtí teanga oifigiúil ábhartha an Aontais de chuid na mBallstát faoi seach.

5.   Cuirfidh an Bord Achomhairc gach doiciméad nós imeachta a sheirbheálfar ar na páirtithe ar fáil don idiragraí gan mhoill, mar aon le meaisínaistriúchán fíoraithe go dtí teanga oifigiúil ábhartha an Aontais de chuid an idiragraí.

6.   Féadfaidh an t-idiragraí ráiteas idiragartha a chur isteach laistigh den teorainn ama a fhorordóidh an Bord Achomhairc. Beidh an méid seo a leanas sa ráiteas sin:

7.   Nuair a bheidh an ráiteas idiragartha curtha isteach, forordóidh an Bord Achomhairc teorainn ama ar laistigh di a fhéadfaidh na páirtithe freagra a thabhairt ar an ráiteas sin. Tabharfar an deis do na páirtithe freagra a thabhairt ar an ráiteas sin in aon cheann de theangacha oifigiúla an Aontais.

8.   A luaithe a chomhdófar an ráiteas idiragartha agus na freagraí, tabharfaidh an Bord Achomhairc fógra ina leith don achomharcóir, don chosantóir, do na húdaráis inniúla nó do phointí teagmhála aonair na mBallstát ina bhfuil an t-achomharcóir agus an cosantóir ina gcónaí nó ina bhfuil siad bunaithe, agus d’idiragraithe eile freisin, sa teanga oifigiúil a d’úsáid an t-idiragraí sa chomhdú, in éineacht le meaisínaistriúchán fíoraithe orthu go dtí teanga oifigiúil ábhartha an Aontais de chuid na mBallstát faoi seach.

9.   I gcás ina bhfuil an t-achomharcóir nó an cosantóir ina gcónaí i dtríú tír nó ina bhfuil siad bunaithe i dtríú tír, tabharfaidh an Bord Achomhairc fógra faoin ráiteas idiragartha agus faoi na freagraí don achomharcóir nó don chosantóir nó d’údarás inniúil an tríú tír ina bhfuil siad ina gcónaí nó ina bhfuil siad bunaithe, de réir mar is infheidhme, in éineacht le meaisínaistriúchán fíoraithe orthu go dtí teanga oifigiúil an Aontais inar chomhdaigh an t-achomharcóir an fógra achomhairc nó inar chomhdaigh an cosantóir an freagra. I gcás nár chomhdaigh an cosantóir freagra, cuirfear aistriúcháin ar fáil sa teanga inar chomhdaigh an cosantóir an chéad chéim den nós imeachta sna himeachtaí ábhartha os comhair na hOifige.

1.   Féadfaidh an t-údarás inniúil nó pointe teagmhála aonair Ballstáit a iarraidh ar an mBord Achomhairc, trí bhíthin bosca ríomhphoist feidhmiúil tiomnaithe, gan na haistriúcháin dá dtagraítear in Airteagal 3(3), Airteagal 4(3), Airteagal 6(3), (5) agus (7), Airteagal 7(4) agus (5) agus Airteagal 8(4), (5) agus (8) den Rialachán seo a sholáthar. Cuirfear an iarraidh sin isteach roimh an 1 Bealtaine 2026. San iarraidh, cuirfidh an Ballstát na haistriúcháin nach mian leis a fháil in iúl go soiléir trí thagairt a dhéanamh do na hairteagail ábhartha.

2.   Féadfar an iarraidh ar dhíolúine dá dtagraítear i mír 1 a tharraingt siar go hiomlán nó go páirteach am ar bith, ar an mbealach céanna a dtugtar tuairisc air sa mhír sin.

1.   Tosófar ríomh teorann ama an lá tar éis an lae a tharlaíonn an teagmhas ábhartha, bíodh sé sin ina chéim nós imeachta nó dul in éag teorann ama eile. I gcás inar fógra é an chéim nós imeachta sin, is éard a bheidh sa teagmhas ábhartha an dáta ar a dtabharfar fógra faoin doiciméad nó an dáta a measfar fógra a bheith tugtha faoin doiciméad. I gcás fógra a dhéantar tríd an gcóras digiteach, meastar go bhfuil fógra tugtha an cúigiú lá féilire tar éis an lae a chuirtear an doiciméad i mbosca isteach an úsáideora cuntais sa chóras digiteach

2.   I gcás ina sloinnfear teorainn ama mar bhliain amháin nó mar líon áirithe blianta, rachaidh sí in éag sa bhliain ábhartha ina dhiaidh sin sa mhí a bhfuil an t-ainm céanna uirthi agus ar an lá a bhfuil an uimhir chéanna air agus atá ar an mí agus an lá a tharla an teagmhas ábhartha. I gcás nach mbeidh lá sa mhí ábhartha a bhfuil an uimhir chéanna ag gabháil leis, rachaidh an teorainn ama in éag ar an lá deireanach den mhí sin.

3.   I gcás ina sloinnfear teorainn ama mar mhí amháin nó mar líon áirithe míonna, rachaidh sí in éag sa mhí ábhartha ina dhiaidh sin ar an lá a bhfuil an uimhir chéanna air agus an lá a tharla an teagmhas ábhartha. I gcás nach mbeidh lá sa mhí ábhartha ina dhiaidh sin a bhfuil an uimhir chéanna ag gabháil leis, rachaidh an teorainn ama in éag ar an lá deireanach den mhí sin.

4.   I gcás ina sloinnfear teorainn ama mar sheachtain amháin nó mar líon áirithe seachtainí, rachaidh sí in éag sa tseachtain ábhartha ina dhiaidh sin ar an lá a bhfuil an t-ainm céanna air agus an lá a tharla an teagmhas lena mbaineann.

1.   Mura sonraítear teorainn ama go sainráite i Rialachán (AE) 2023/2411, i Rialachán Cur Chun Feidhme (AE) 2025/1956 nó sa Rialachán seo, sonróidh an Oifig an teorainn ama. Ní fhéadfaidh na teorainneacha ama arna sonrú ag an Oifig a bheith níos giorra ná mí amháin ná níos faide ná 6 mhí.

2.   Faoi réir na dteorainneacha ama a leagtar síos i Rialachán (AE) 2023/2411, i Rialachán Cur Chun Feidhme (AE) 2025/1956 nó sa Rialachán seo, féadfaidh an Oifig síneadh ar theorainn ama a dheonú ar iarraidh réasúnaithe. Cuirfidh an páirtí lena mbaineann an iarraidh sin isteach sula rachaidh an teorainn ama atá i gceist in éag. I gcás ina mbeidh beirt pháirtithe nó níos mó ann, féadfaidh an Oifig an síneadh ar theorainn ama a chur faoi réir chomhaontú na bpáirtithe eile.

1.   I gcás ina rachaidh teorainn ama in éag ar lá nach mbeidh an Oifig ar oscailt, cuirfear síneadh leis an teorainn ama go dtí an chéad lá ina dhiaidh sin ar a mbeidh an Oifig ar oscailt.

2.   I gcás ina rachaidh teorainn ama in éag ar lá a tharlaíonn briseadh ginearálta ar chumarsáid leictreonach, cuirfear síneadh leis an teorainn ama go dtí an chéad lá ina dhiaidh sin ar a mbeidh an chumarsáid leictreonach ag feidhmiú arís.