(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le húdarú L-tripteafain arna tháirgeadh le Corynebacterium glutamicum KCCM 80346. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le húdarú L-tripteafain arna tháirgeadh le Corynebacterium glutamicum KCCM 80346 mar bhreiseán beathaithe lena úsáid i mbeatha agus in uisce óil le haghaidh gach speicis ainmhíoch, iarratas ina n-iarrtar an breiseán a aicmiú sa chatagóir ‘breiseáin chothaitheacha’ agus san fheidhmghrúpa ‘aimíonaigéid, a salainn agus analóga’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 7 Márta 2024 (2) maidir le L-tripteafan arna tháirgeadh le Corynebacterium glutamicum KCCM 80346 nach bhfuil aon ábhar imní sábháilteachta ag baint leis i dtaca leis an tréithchineál táirgthe agus go bhfuil sé sábháilte do spriocspeicis neamh-athchogantacha faoi na coinníollacha úsáide atá beartaithe. Tháinig sé ar an gconclúid, áfach, go bhféadfadh riosca a bheith ann maidir le táirgeadh méadaithe na meitibilíte tocsainí scatóil nuair a úsáidtear tripteafan neamhchosanta in athchogantaigh. Rinne an tÚdarás tagairt don imní atá air maidir le sábháilteacht na spriocspeiceas mar thoradh ar L-tripteafan a thabhairt go comhuaineach de bhéal in uisce óil agus i mbeatha mar gheall ar mhíchothromaíochtaí aimíonaigéid a d’fhéadfadh a bheith ann agus mar gheall ar chúiseanna sláinteachais i gcás ina n-úsáidtear é in uisce oil. Tháinig sé ar an gconclúid freisin go meastar go bhfuil úsáid L-tripteafain a tháirgtear le Corynebacterium glutamicum KCCM 80346 i gcothú ainmhithe sábháilte do thomhaltóirí agus don chomhshaol agus maidir le sábháilteacht úsáideoirí nach greannaitheoir craicinn ná súl é ná nach íogróir craicinn é. Thairis sin, tháinig an tÚdarás ar an gconclúid gur foinse éifeachtúil den aimíonaigéad riachtanach L-tripteafan í an tsubstaint le haghaidh gach speiceas neamh-athchogantach agus gur cheart an tsubstaint a chosaint ar dhíghrádú sa chogansach ionas go mbeidh sé lán-éifeachtúil i gcás na n-athchogantach. Níor mheas an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh an tÚdarás freisin an tuarascáil ar an modh anailíse ar an mbreiseán beathaithe i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann L-tripteafan arna tháirgeadh le Corynebacterium glutamicum KCCM 80346 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú. Nuair a thugtar d’athchogantaigh í, is iomchuí foráil a dhéanamh maidir le bearta cosanta ar mhaithe lena a chosaint ar dhíghrádú sa chogansach. Is iomchuí na húsáideoirí a chur ar an eolas chun go gcuirfidh siad an soláthar cothaithe san áireamh leis na haimíonaigéid uile atá riachtanach agus atá riachtanach go coinníollach, go háirithe i gcás ina mbaintear úsáid as L-tripteafan mar fhorlíonadh in uisce óil. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,