(1)

Le hAirteagal 104(1), an dara fomhír, pointe (a), de Rialachán (AE) 2021/2116, foráiltear go leanfaidh Airteagal 4(1), pointe (b), Airteagal 5, Airteagal 7(3), Airteagail 9, 17, 21 agus 34, Airteagal 35(4), Airteagail 36, 37, 38, 40 go 43, 51, 52, 54, 56, 59, 63, 64, 67, 68, 70 go 75, 77, 91 go 97, 99 agus 100, Airteagal 102(2) agus Airteagail 110 agus 111 de Rialachán (AE) Uimh. 1306/2013 d’fheidhm a bheith acu, a mhéid a bhaineann leis an gCiste Eorpach um Ráthaíocht Talmhaíochta (CERT), i ndáil le caiteachas arna thabhú agus le híocaíochtaí arna ndéanamh le haghaidh na bliana airgeadais 2021.

(2)

Le hAirteagal 64, an dara mír, pointe (a), de Rialachán Cur Chun Feidhme (AE) 2022/128 ón gCoimisiún (3), foráiltear go leanfaidh Airteagal 2, Airteagal 3(1), an chéad fhomhír, Airteagal 3(2), Airteagal 4(1), pointe (b), Airteagail 5, 6 agus 7, Airteagail 21 go 25, Airteagail 27, 28 agus 29, Airteagal 30(1), pointí (a), (b) agus (c), Airteagal 30(2), (3) agus (4), agus Airteagail 31 go 40 de Rialachán Cur Chun Feidhme (AE) Uimh. 908/2014 ón gCoimisiún (4) d’fheidhm a bheith acu, a mhéid a bhaineann le CERT, i ndáil le caiteachas arna thabhú agus íocaíochtaí arna ndéanamh le haghaidh na bliana airgeadais 2021.

(3)

Le hAirteagal 64, an dara mír, pointe (c), de Rialachán Cur Chun Feidhme (AE) 2022/128, foráiltear go leanfaidh Iarscríbhinní II agus III a ghabhann le Rialachán Cur Chun Feidhme (AE) Uimh. 908/2014 d’fheidhm a bheith acu chun críocha Airteagal 32, pointí (f) agus (g), de Rialachán Cur Chun Feidhme (AE) 2022/128 le haghaidh na bliana airgeadais 2021.

(4)

Le Cinneadh Cur Chun Feidhme (AE) 2022/820 ón gCoimisiún (5), imréitíodh cuntais ghníomhaireachtaí íocaíochta na mBallstát a bhaineann le caiteachas arna mhaoiniú ag an gCiste Eorpach um Ráthaíocht Talmhaíochta (CERT) le haghaidh na bliana airgeadais 2021, cé is moite den ghníomhaireacht íocaíochta Ísiltíreach ‘Rijksdienst voor Ondernemend Nederland’.

(5)

Tar éis tarchur faisnéise nua, agus tar éis seiceálacha breise, is féidir leis an gCoimisiún cinneadh a dhéanamh maidir le hiomláine, cruinneas agus fírinneacht na gcuntas a chuir an ghníomhaireacht íocaíochta Ísiltíreach ‘Rijksdienst voor Ondernemend Nederland’ isteach a mhéid a bhaineann leis an gcaiteachas arna mhaoiniú ag CERT le haghaidh na bliana airgeadais 2021.

(6)

Le hAirteagal 33(2), an chéad fhomhír, de Rialachán Cur Chun Feidhme (AE) Uimh. 908/2014, maidir leis na méideanna is in-aisghabhála ó gach Ballstát nó na méideanna is iníoctha le gach Ballstát, i gcomhréir leis an gcinneadh maidir le himréiteach cuntas dá dtagraítear in Airteagal 33(1) den Rialachán Cur Chun Feidhme sin, foráiltear go bhfuil siad le leagan síos trí na híocaíochtaí míosúla le haghaidh na bliana airgeadais lena mbaineann, a asbhaint ón gcaiteachas a aithnítear le haghaidh na bliana sin, i gcomhréir leis an Airteagal 33(1) sin. Tá an Coimisiún leis an méid sin a asbhaint ón íocaíocht mhíosúil a bhaineann leis an gcaiteachas a dhéantar sa dara mí tar éis an chinnidh maidir le himréiteach cuntas nó tá an Coimisiún leis an méid sin a chur leis an íocaíocht sin.

(7)

De bhun Airteagal 40, an chéad fhomhír, de Rialachán (AE) Uimh. 1306/2013 i gcomhar le hAirteagal 5(1) de Rialachán Tarmligthe (AE) Uimh. 907/2014 ón gCoimisiún, i gcás ina ndearnadh íocaíochtaí tar éis an dáta íocaíochta is déanaí is féidir, tá an Coimisiún le méid na n-íocaíochtaí míosúla a dheonaítear do na Ballstáit a laghdú agus tionchar airgeadais an laghdaithe a choigeartú i gcomhréir leis an moill ar íocaíocht trí na rátaí éagsúla dá bhforáiltear in Airteagal 5(2) agus (3) de Rialachán Tarmligthe (AE) Uimh. 907/2014 (6). I gcomhréir le hAirteagal 5(5), an dara fomhír, de Rialachán Tarmligthe (AE) Uimh. 907/2014, tá aon sárú ar sprioc-amanna íocaíochta le cur san áireamh, ar a dhéanaí, sa chinneadh maidir le himréiteach cuntas. Rinneadh cuid den chaiteachas a dhearbhaigh an Ballstát lena mbaineann le linn na bliana airgeadais 2021 tar éis na sprioc-amanna is infheidhme. Dá bhrí sin, leis an gCinneadh seo ba cheart na laghduithe ábhartha a shocrú.

(8)

Laghdaigh an Coimisiún na híocaíochtaí míosúla ábhartha cheana le haghaidh na bliana airgeadais 2021 i gcás na méideanna atá dlite do CERT mar thoradh ar chinntí maidir le himréiteach comhréireachta agus airgeadais i gcás an Bhallstáit lena mbaineann, de bhun Airteagail 51 agus 52 de Rialachán (AE) Uimh. 1306/2013 a d’fhorghníomhaigh an Coimisiún sa bhliain airgeadais 2020. Cuirtear aon mhéid den sórt sin san áireamh sa Chinneadh seo.

(9)

De bhun Airteagal 54(2) de Rialachán (AE) Uimh. 1306/2013, tá an Ballstát lena mbaineann le 50 % de na hiarmhairtí airgeadais a eascraíonn as neamh-aisghabháil neamhrialtachtaí a sheasamh, mura ndearnadh an aisghabháil laistigh de 4 bliana ó dháta na hiarrata ar aisghabháil, nó laistigh de 8 mbliana i gcás ina dtugtar an aisghabháil os comhair na gcúirteanna náisiúnta. Le hAirteagal 54(4) de Rialachán (AE) Uimh. 1306/2013, ceanglaítear ar na Ballstáit tábla a chur i gceangal leis na cuntais bhliantúla atá le cur bhráid an Choimisiúin acu, de bhun Airteagal 29 de Rialachán Cur Chun Feidhme (AE) Uimh. 908/2014, ar tábla deimhnithe é lena léirítear na méideanna atá le seasamh acu faoi Airteagal 54(2) de Rialachán (AE) Uimh. 1306/2013. Rialacha maidir le cur i bhfeidhm oibleagáid na mBallstát chun na méideanna atá le haisghabháil a thuairisciú, leagtar síos i Rialachán Cur Chun Feidhme (AE) Uimh. 908/2014 iad. Le hIarscríbhinn II a ghabhann le Rialachán Cur Chun Feidhme (AE) Uimh. 908/2014, leagtar amach an tsamhail den tábla atá le húsáid ag na Ballstáit chun faisnéis a sholáthar faoi na méideanna atá le haisghabháil. Ar bhonn na dtáblaí a líonann na Ballstáit isteach, tá an Coimisiún le cinneadh a dhéanamh maidir leis na hiarmhairtí airgeadais a eascraíonn as an neamh-aisghabháil neamhrialtachtaí atá níos sine ná 4 nó 8 mbliana faoi seach.

(10)

De bhun Airteagal 54(3) de Rialachán (AE) Uimh. 1306/2013, féadfaidh na Ballstáit, ar chúiseanna cuí-réasúnaithe, a chinneadh gan iarracht a dhéanamh aisghabháil a dhéanamh. Ní féidir cinneadh den sórt sin a dhéanamh ach amháin más mó na costais a tabhaíodh cheana in éineacht leis na costais is dócha a thabhófar, ná an méid atá le haisghabháil, nó má tá an aisghabháil dodhéanta mar gheall ar dhócmhainneacht an fhéichiúnaí nó na ndaoine a bhfuil freagracht dhlíthiúil orthu as an neamhrialtacht, ar dócmhainneacht í a cláraíodh agus a aithníodh faoin dlí náisiúnta. Má dhéantar an cinneadh laistigh de 4 bliana ó dháta na hiarrata ar aisghabháil, nó laistigh de 8 mbliana i gcás ina dtugtar an aisghabháil os comhair na gcúirteanna náisiúnta, ba cheart 100 % de na hiarmhairtí airgeadais a eascraíonn as an neamh-aisghabháil a íoc as buiséad an Aontais. Tá na méideanna ar chinn Ballstát ar leith gan iarracht a dhéanamh iad a aisghabháil agus an foras lena chinneadh le cur sa tuarascáil achomair dá dtagraítear in Airteagal 54(4) den Rialachán sin. Dá bhrí sin, níor cheart na méideanna sin a ghearradh ar na Ballstáit lena mbaineann agus mar gheall air sin, tá siad le híoc as buiséad an Aontais.

(11)

Agus cuntais na gníomhaireachta íocaíochta lena mbaineann á n-imréiteach, tá an Coimisiún le cur san áireamh na méideanna a coinníodh siar cheana ón mBallstát lena mbaineann ar bhonn Chinneadh Cur Chun Feidhme (AE) 2022/820 a bhfuil fógra tugtha ina leith faoi dhoiciméad C(2022) 3307.

(12)

I gcomhréir le hAirteagal 51 de Rialachán (AE) Uimh. 1306/2013, ba cheart an Cinneadh seo a bheith gan dochar do na cinntí a d’fhéadfadh an Coimisiún a dhéanamh ina dhiaidh seo chun caiteachas nach ndéantar i gcomhréir le rialacha an Aontais a eisiamh ó mhaoiniú ón Aontas,