1.   Ceadófar don Chóiré páirt a ghlacadh i gcláir nó i ngníomhaíochtaí an Aontais agus rannchuidiú leo, nó, i gcásanna eisceachtúla, sna codanna díobh atá oscailte le haghaidh rannpháirtíocht na Cóiré i gcomhréir leis na bunghníomhartha agus mar a chumhdaítear leis na Prótacail a ghabhann leis an gComhaontú seo.

2.   Leagtar síos na téarmaí agus na coinníollacha sonracha maidir le rannpháirtíocht na Cóiré i bhFís Eorpach sa Phrótacal maidir le Comhlachas Phoblacht na Cóiré le Fís Eorpach – an Clár Réime um Thaighde agus um Nuálaíocht (2021-2027) a ghabhann leis an gComhaontú seo (dá ngairtear ‘an Rialachán Airgeadais’ anseo feasta). De mhaolú ar Airteagal 17(8) den Chomhaontú seo, féadfaidh an Comhchoiste arna bhunú faoi Airteagal 14 den Chomhaontú seo (dá ngairtear ‘an Comhchoiste’ anseo feasta) an Prótacal sin a leasú.

3.   De mhaolú ar Airteagal 17(8) den Chomhaontú seo, leagfar síos na téarmaí agus na coinníollacha sonracha maidir le rannpháirtíocht na Cóiré in aon chlár nó in aon ghníomhaíocht áirithe eile de chuid an Aontais sna Prótacail a ghabhann leis an gComhaontú seo atá le glacadh agus le leasú ag an gComhchoiste.

4.   Leis na Prótacail:

1.   Glacfaidh an Chóiré páirt i gcláir nó i ngníomhaíochtaí an Aontais, nó codanna díobh, a chumhdaítear leis na Prótacail a ghabhann leis an gComhaontú seo faoi na téarmaí agus na coinníollacha a bhunaítear sa Chomhaontú seo, sna Prótacail a ghabhann leis, sna bunghníomhartha agus sna rialacha eile a bhaineann le cur chun feidhme chláir nó ghníomhaíochtaí an Aontais.

2.   Áireofar an méid seo a leanas sna téarmaí agus sna coinníollacha dá dtagraítear i mír 1:

3.   Beidh na téarmaí agus na coinníollacha dá dtagraítear i mír 2, pointe (b), coibhéiseach leis na téarmaí agus na coinníollacha sin is infheidhme maidir le heintitis incháilithe Bhallstáit an Aontais (dá ngairtear ‘Ballstáit’ anseo feasta), lena n-áirítear urraim do bhearta sriantacha an Aontais (4), mura bhforáiltear a mhalairt sna téarmaí agus sna coinníollacha dá dtagraítear i mír 1.

1.   Mura rud é go mbaineann sé le pointí a fhorchoimeádtar do Bhallstáit, agus dóibh sin amháin, nó i ndáil le clár nó gníomhaíocht de chuid an Aontais, nó codanna díobh, nach nglacann an Chóiré páirt ann nó inti, ceadófar d’ionadaithe nó do shaineolaithe na Cóiré, nó do shaineolaithe arna n-ainmniú ag an gCóiré, páirt a ghlacadh mar bhreathnóirí, i gcoistí, i gcruinnithe na ngrúpaí saineolaithe nó i gcruinnithe comhchosúla eile a nglacann ionadaithe nó saineolaithe ó Bhallstáit, nó saineolaithe arna n-ainmniú ag Ballstáit, páirt iontu, agus a thugann cúnamh don Choimisiún Eorpach maidir le cur chun feidhme agus bainistiú na gclár nó na ngníomhaíochtaí, nó codanna díobh, nó atá bunaithe ag an gCoimisiún Eorpach i leith chur chun feidhme dhlí an Aontais i ndáil leis na cláir nó na gníomhaíochtaí sin, nó codanna díobh, a nglacann an Chóiré páirt iontu i gcomhréir le hAirteagal 3. Ionadaithe nó saineolaithe na Cóiré, nó na saineolaithe arna n-ainmniú ag an gCóiré, ní bheidh siad i láthair tráth na vótála. Cuirfear toradh na vótála in iúl don Chóiré.

2.   I gcás nach ar bhonn náisiúntachta a cheapfar saineolaithe nó meastóirí, ní bheidh náisiúntacht ina cúis le náisiúnaigh de chuid na Cóiré a eisiamh.

3.   Faoi réir choinníollacha mhír 1, rialófar rannpháirtíocht ionadaithe na Cóiré sna cruinnithe dá dtagraítear i mír 1, nó i gcruinnithe eile a bhaineann le cur chun feidhme chláir nó ghníomhaíochtaí an Aontais, rialófar í leis na rialacha agus leis na nósanna imeachta céanna is infheidhme maidir le hionadaithe Bhallstáit, a mhéid a bhaineann le cearta labhartha, faisnéis a fháil, agus doiciméadacht mura rud é go mbaineann sé le pointí a fhorchoimeádtar do Bhallstáit, agus dóibh sin amháin, nó i ndáil le clár nó gníomhaíocht de chuid an Aontais, nó codanna díobh, nach nglacann an Chóiré páirt ann nó inti. Leis na Prótacail a ghabhann leis an gComhaontú seo, féadfar módúlachtaí breise a shainmhíniú chun costais taistil agus chothaithe a aisíoc.

4.   Sna Prótacail a ghabhann leis an gComhaontú seo, féadfar módúlachtaí breise le haghaidh rannpháirtíocht saineolaithe a shainmhíniú, mar aon le rannpháirtíocht na Cóiré, i mboird rialúcháin agus i struchtúir arna gcruthú chun críocha chláir nó ghníomhaíochtaí an Aontais a shainmhínítear sa Phrótacal a chur chun feidhme.

1.   Rannpháirtíocht na Cóiré nó rannpháirtíocht eintitis na Cóiré i gcláir nó i ngníomhaíochtaí an Aontais, nó, i gcásanna eisceachtúla, codanna díobh, beidh sí faoi réir ranníocaíocht airgeadais ón gCóiré leis an gcistiú comhfhreagrach faoi bhuiséad an Aontais.

2.   Beidh an ranníocaíocht airgeadais, i leith gach cláir nó gníomhaíochta de chuid an Aontais, nó, i gcásanna eisceachtúla, i leith codanna de, i bhfoirm shuim na méideanna seo a leanas:

3.   Beidh an ranníocaíocht airgeadais i bhfoirm íocaíochta bliantúla a dhéanfar i dtráthchuid amháin nó níos mó.

4.   Gan dochar do mhír 9 den Airteagal seo agus d’Airteagal 7, is 4 % den ranníocaíocht oibríochtúil bhliantúil a bheidh sa táille rannpháirtíochta agus ní bheidh sí faoi réir coigeartuithe cúlghabhálacha. Ó 2028 ar aghaidh, féadfaidh an Comhchoiste leibhéal na táille rannpháirtíochta a choigeartú.

5.   Cumhdófar leis an ranníocaíocht oibríochtúil caiteachas oibríochtúil agus caiteachas tacaíochta agus beidh sí sa bhreis, i gcás leithreasuithe faoi chomhair gealltanas agus leithreasuithe faoi chomhair íocaíochtaí araon, ar na méideanna arna n-iontráil i mbuiséad an Aontais a ghlacfar go cinntitheach le haghaidh clár nó gníomhaíochtaí de chuid an Aontais, nó, i gcásanna eisceachtúla, codanna díobh, arna méadú, i gcás inarb iomchuí, le hioncam sannta seachtrach nach n-eascraíonn as ranníocaíochtaí airgeadais le cláir nó gníomhaíochtaí an Aontais ó dheontóirí eile, méideanna a chumhdaítear le gach Prótacal faoi seach a ghabhann leis an gComhaontú seo.

6.   Beidh an ranníocaíocht oibríochtúil bunaithe ar threoir ranníoca arna sainiú mar an cóimheas idir Olltáirgeacht Intíre (OTI) na Cóiré ag praghsanna an mhargaidh agus OTI an Aontais ag praghsanna an mhargaidh. Is iad seirbhísí tiomnaithe an Choimisiúin Eorpaigh a chinnfidh an OTI ag praghsanna an mhargaidh a bheidh le cur i bhfeidhm bunaithe ar na sonraí staidrimh is déanaí atá ar fáil do ríomhanna buiséid sa bhliain roimh an mbliain ina mbeidh an íocaíocht bhliantúil le híoc. Féadfar coigeartuithe ar an treoir ranníoca sin a leagan síos sna Prótacail faoi seach.

7.   Beidh an ranníocaíocht oibríochtúil bunaithe ar chur i bhfeidhm na treorach ranníoca ar na leithreasuithe faoi chomhair gealltanas tosaigh, a mhéadófar mar a thuairiscítear i mír 5 agus arna n-iontráil i mbuiséad an Aontais Eorpaigh a ghlacfar go cinntitheach i leith na bliana is infheidhme chun cláir nó gníomhaíochtaí an Aontais, nó, i gcásanna eisceachtúla, codanna díobh, a mhaoiniú, a nglacann an Chóiré páirt iontu.

8.   De mhaolú ar mhíreanna 6 agus 7, déanfar ranníocaíocht oibríochtúil bhliantúil na Cóiré le Fís Eorpach le haghaidh na mblianta 2025 go 2027 a shocrú i méideanna socraithe mar a leagtar síos in Iarscríbhinn I a ghabhann leis an bPrótacal maidir le Comhlachas na Cóiré le Fís Eorpach.

9.   Is é an luach seo a leanas an luach a bheidh ar an táille rannpháirtíochta dá dtagraítear i mír 2, pointe (b), ó 2025 go 2027:

10.   Arna iarraidh sin, soláthróidh an tAontas Eorpach faisnéis don Chóiré i ndáil lena ranníocaíocht airgeadais mar a áirítear san fhaisnéis bhuiséadach, chuntasaíochta, feidhmíochta agus mheastóireachta arna soláthar d’údaráis bhuiséadacha agus d’údaráis um urscaoileadh an Aontais maidir le cláir nó gníomhaíochtaí an Aontais, nó, i gcásanna eisceachtúla, codanna díobh, a nglacann an Chóiré páirt iontu. Soláthrófar an fhaisnéis sin agus aird chuí á tabhairt ar rialacha rúndachta agus cosanta sonraí an Aontais agus na Cóiré agus tá sí gan dochar don fhaisnéis atá an Chóiré i dteideal a fháil faoi Airteagal 10.

11.   Is in euro a dhéanfar aon ranníocaíochtaí airgeadais ón gCóiré nó na híocaíochtaí uile ón Aontas agus is in euro a ríomhfar na méideanna a bheidh dlite nó le fáil.

12.   Leagtar amach forálacha mionsonraithe maidir le cur chun feidhme an Airteagail seo sna Prótacail faoi seach a ghabhann leis an gComhaontú seo.

1.   I gcás ina bhforáiltear amhlaidh i bPrótacal sonrach a ghabhann leis an gComhaontú seo, féadfar ranníocaíocht oibríochtúil chláir nó ghníomhaíochta de chuid an Aontais, nó, i gcásanna eisceachtúla, codanna de, le haghaidh bhliain N a choigeartú go cúlghabhálach i mbliain amháin nó níos mó blianta ina dhiaidh sin ar bhonn na ngealltanas buiséadach a dhéanfar maidir leis na leithreasuithe faoi chomhair gealltanas le haghaidh na bliana sin, agus ar bhonn chur chun feidhme a ngealltanas dlíthiúil agus a ngealltanas saortha.

2.   Sa bhliain N+1 a dhéanfar an chéad choigeartú, nuair a choigeartófar an ranníocaíocht oibríochtúil de réir na difríochta idir an ranníocaíocht agus ranníocaíocht choigeartaithe arna ríomh trí threoir ranníoca bhliain N, arna coigeartú trí chur i bhfeidhm comhéifeachta i gcás ina bhforáiltear amhlaidh i bPrótacal sonrach a ghabhann leis an gComhaontú seo, a chur i bhfeidhm maidir le suim:

3.   Gach bliain ina dhiaidh sin, go dtí go mbeidh na gealltanais bhuiséadacha uile a mhaoinítear faoi leithreasuithe faoi chomhair gealltanas a thionscnaítear ó bhliain N íoctha nó saortha, agus 3 bliana ar a dhéanaí tar éis dheireadh an chláir nó tar éis dheireadh an chreata airgeadais ilbhliantúil a chomhfhreagraíonn do bhliain N, cibé acu is túisce, ríomhfaidh an tAontas coigeartú ar ranníocaíocht bhliain N trí ranníocaíocht na Cóiré a laghdú faoin méid a fuarthas trí threoir ranníoca bhliain N, arna coigeartú i gcás ina bhforáiltear amhlaidh sa Phrótacal faoi seach a ghabhann leis an gComhaontú seo, a chur i bhfeidhm maidir leis na gealltanais saortha a rinneadh gach bliain i ndáil le gealltanais bhliain N a mhaoinítear faoi bhuiséad an Aontais nó ó ghealltanais saortha a cuireadh ar fáil arís.

4.   I gcás ina gcuirfear ar ceal na leithreasuithe ó ioncam sannta seachtrach nach dtagann as ranníocaíochtaí airgeadais le cláir nó gníomhaíochtaí an Aontais ó dheontóirí eile a chumhdaítear le gach Prótacal a ghabhann leis an gComhaontú seo, déanfar ranníocaíocht na Cóiré leis an gclár nó leis an ngníomhaíocht de chuid an Aontais, nó, i gcásanna eisceachtúla, codanna díobh, a laghdú faoin méid a fuarthas trí threoir ranníoca bhliain N, arna coigeartú i gcás ina bhforáiltear amhlaidh sa Phrótacal a ghabhann leis an gComhaontú seo, a chur i bhfeidhm maidir leis an méid a cuireadh ar ceal.

1.   Beidh feidhm ag sásra ceartúcháin uathoibríoch i ndáil leis na cláir nó na gníomhaíochtaí sin de chuid an Aontais, nó, i gcásanna eisceachtúla, codanna díobh, ar ina leith a dhéantar foráil maidir le cur i bhfeidhm an tsásra ceartúcháin uathoibríoch sa Phrótacal faoi seach a ghabhann leis an gComhaontú seo. Féadfar cur i bhfeidhm an tsásra uathoibríoch ceartúcháin sin a theorannú do chodanna de chlár nó de ghníomhaíocht an Aontais a shonraítear sa Phrótacal faoi seach a ghabhann leis an gComhaontú seo, codanna a chuirtear chun feidhme trí dheontais ar ina leith a eagraítear glaonna iomaíocha. Rialacha mionsonraithe maidir le sainaithint na gcodanna sin den chlár nó den ghníomhaíocht de chuid an Aontais a mbeidh nó nach mbeidh feidhm ag an sásra ceartúcháin uathoibríoch maidir leo, feadfar iad a bhunú sa Phrótacal faoi seach a ghabhann leis an gComhaontú seo.

2.   Is éard a bheidh i méid an cheartúcháin uathoibríoch le haghaidh cláir nó gníomhaíochta, nó, i gcásanna eisceachtúla, codanna díobh, an difríocht idir méideanna tosaigh na ngealltanas dlíthiúil a dhéanfar iarbhír leis an gCóiré nó le heintitis na Cóiré a mhaoineofar le leithreasuithe faoi chomhair gealltanas na bliana atá i gceist agus an ranníocaíocht oibríochtúil chomhfhreagrach a íocfaidh an Chóiré de réir mar a choigeartófar de bhun Airteagal 7 den Chomhaontú seo, má fhoráiltear sa Phrótacal faoi seach a ghabhann leis an gComhaontú seo maidir le coigeartú den chineál sin, cé is moite de chaiteachas tacaíochta lena gcumhdaítear an tréimhse chéanna.

3.   Rialacha mionsonraithe maidir le bunú mhéideanna ábhartha na ngealltanas dlíthiúil dá dtagraítear i mír 2, lena n-áirítear i gcás cuibhreannas, agus rialacha mionsonraithe maidir le ríomh an cheartúcháin uathoibríoch, féadfar iad a leagan síos sa Phrótacal faoi seach a ghabhann leis an gComhaontú seo.

1.   I gcomhréir leis na gníomhartha is infheidhme ó cheann amháin nó níos mó d’institiúidí an Aontais agus a mhéid a fhoráiltear sa chomhaontú cistiúcháin ábhartha agus in aon chonradh eile is infheidhme, beidh sé de cheart ag an Aontas athbhreithnithe agus iniúchtaí teicniúla, eolaíocha, airgeadais, nó cineálacha eile athbhreithnithe agus iniúchtaí, a dhéanamh ar áitreabh aon duine nádúrtha a bhfuil cónaí air sa Chóiré nó ar áitreabh aon eintitis atá bunaithe sa Chóiré agus a fhaigheann cistiú ón Aontas, chomh maith le haon tríú páirtí atá rannpháirteach i gcistiú ón Aontas a chur chun feidhme atá ina chónaí nó atá bunaithe sa Chóiré. Féadfaidh gníomhairí institiúidí agus chomhlachtaí an Aontais, go háirithe gníomhairí an Choimisiúin Eorpaigh agus Chúirt Iniúchóirí na hEorpa, na hathbhreithnithe agus na hiniúchtaí sin a dhéanamh, nó féadfaidh daoine eile iad a dhéanamh, ar thug an Coimisiún Eorpach sainordú dóibh i gcomhréir le dlí an Aontais. Agus a ndualgais á bhfeidhmiú acu i gcríoch na Cóiré, gníomhóidh gníomhairí institiúidí agus chomhlachtaí an Aontais agus na daoine eile ar thug an Coimisiún Eorpach sainordú dóibh ar shlí atá comhsheasmhach le dlí na Cóiré.

2.   Agus iniúchadh nó athbhreithniú dá dtagraítear i mír 1 á dhéanamh, beidh rochtain iomchuí ag gníomhairí institiúidí agus chomhlachtaí an Aontais, go háirithe gníomhairí an Choimisiúin Eorpaigh agus Chúirt Iniúchóirí na hEorpa, agus na daoine eile ar thug an Coimisiún Eorpach sainordú dóibh, ar láithreáin, oibreacha agus doiciméid, i leaganacha leictreonacha agus i leaganacha páipéir, agus ar an bhfaisnéis uile is gá chun na hiniúchtaí sin a dhéanamh, lena n-áirítear an ceart chun cóip fhisiceach nó leictreonach a fháil d’aon doiciméad nó d’ábhar aon mheán sonraí, agus sleachta ó na doiciméid sin, atá ag an duine nádúrtha nó dlítheanach atá faoi iniúchadh nó ag an tríú páirtí atá faoi iniúchadh.

3.   Ní chuirfidh an Chóiré cosc ná aon bhac ar leith ar an gceart iontrála sa Chóiré ná ar rochtain ar áitreabh na ngníomhairí nó na ndaoine eile dá dtagraítear i mír 2 ar fhorais fheidhmiú a ndualgas dá dtagraítear san Airteagal seo.

4.   Féadfar na hathbhreithnithe agus na hiniúchtaí a dhéanamh freisin tar éis chur i bhfeidhm an Phrótacail a ghabhann leis an gComhaontú seo a chur ar fionraí de bhun Airteagal 17(4) den Chomhaontú seo, tar éis scor chur i bhfeidhm sealadach an Chomhaontaithe seo nó tar éis fhoirceannadh an Chomhaontaithe seo. Déanfar na hathbhreithnithe agus na hiniúchtaí sin i gcomhréir leis na téarmaí a leagtar síos sna gníomhartha is infheidhme ó cheann amháin nó níos mó d’institiúidí nó comhlachtaí an Aontais agus dá bhforáiltear i gcomhaontuithe agus/nó i gconarthaí ábhartha a bhaineann le haon ghealltanas dlíthiúil lena gcuirtear chun feidhme buiséad an Aontais, ar gealltanas é a bheidh déanta ag an Aontas roimh an dáta óna ngabhfaidh éifeacht le fionraí chur i bhfeidhm an Phrótacail ábhartha, le scor chur i bhfeidhm sealadach an Chomhaontaithe seo nó le foirceannadh an Chomhaontaithe seo.

1.   Beidh an Coimisiún Eorpach agus an Oifig Eorpach Frith-Chalaoise (OLAF) i dteideal imscrúduithe riaracháin a dhéanamh, lena n-áirítear seiceálacha agus cigireachtaí ar an láthair, ar chríoch na Cóiré, ar eintiteas de chuid na Cóiré atá ina pháirtí i gcomhaontú cistiúcháin ábhartha nó ar thríú páirtí d’eintiteas de chuid na Cóiré a chuireann an comhaontú cistiúcháin chun feidhme faoi chonradh i gcomhréir leis an gcomhaontú cistiúcháin ábhartha agus le haon chonradh eile is infheidhme, agus a mhéid a fhoráiltear iontu. Déanfar na himscrúduithe sin i gcomhréir leis na téarmaí agus na coinníollacha arna mbunú leis na gníomhartha is infheidhme ó cheann amháin nó níos mó d’institiúidí an Aontais. Agus a ndualgais á bhfeidhmiú acu i gcríoch na Cóiré, gníomhóidh an Coimisiún Eorpach agus OLAF ar bhealach atá comhsheasmhach le dlí na Cóiré.

2.   Cuirfidh pointe teagmhála na Cóiré a ainmníodh faoi mhír 11 an Coimisiún Eorpach nó OLAF ar an eolas laistigh de thréimhse réasúnach ama faoi aon fhíoras nó amhras atá tugtha faoi deara acu i ndáil le neamhrialtacht, calaois nó gníomhaíocht neamhdhleathach eile a bhaineann leis an gcomhaontú cistiúcháin nó leis an gconradh dá dtagraítear i mír 1 lena ndéantar difear do leasanna airgeadais an Aontais.

3.   Agus imscrúdú riaracháin dá dtagraítear i mír 1 á dhéanamh, féadfar seiceálacha agus cigireachtaí ar an láthair a dhéanamh ar áitreabh an eintitis de chuid na Cóiré dá dtagraítear sa mhír sin agus ar aon tríú páirtí atá rannpháirteach i gcistiú ón Aontas a chur chun feidhme atá ina chónaí nó atá bunaithe sa Chóiré.

4.   Is é an Coimisiún Eorpach nó OLAF, i ndlúthchomhar le húdarás inniúil na Cóiré arna ainmniú ag Rialtas na Cóiré, a ullmhóidh agus a thabharfaidh na seiceálacha agus na cigireachtaí ar an láthair i gcrích. Tabharfar fógra, tréimhse réasúnach roimh ré, d’údarás inniúil na Cóiré faoi aidhm, cuspóir agus bunús dlí na seiceálacha agus na gcigireachtaí, ionas go mbeidh sé in ann cúnamh a thabhairt. Chuige sin, féadfaidh oifigigh údaráis inniúla na Cóiré páirt a ghlacadh sna seiceálacha agus cigireachtaí ar an láthair.

5.   Arna iarraidh sin d’údaráis inniúla na Cóiré, féadfar na seiceálacha agus na cigireachtaí ar an láthair a dhéanamh go comhpháirteach leis an gCoimisiún Eorpach nó le OLAF.

6.   Agus imscrúdú riaracháin á dhéanamh ag oifigigh an Aontais faoin Airteagal seo, beidh rochtain acu ar an bhfaisnéis agus ar an doiciméadacht uile, lena n-áirítear sonraí ríomhaireachta, maidir leis na hoibríochtaí lena mbaineann, atá riachtanach chun na seiceálacha agus na cigireachtaí ar an láthair a dhéanamh mar is cuí. Féadfaidh siad, go háirithe, doiciméid ábhartha a chóipeáil.

7.   I gcás ina gcuireann duine, eintiteas nó páirtí eile i gcoinne seiceáil nó cigireacht ar an láthair, tabharfaidh údaráis na Cóiré cúnamh, ag gníomhú dóibh i gcomhréir le dlíthe agus rialacháin náisiúnta, don Choimisiún Eorpach nó do OLAF, ionas gur féidir leo a ndualgas a chomhlíonadh maidir le seiceáil nó cigireacht ar an láthair a dhéanamh. Áireofar leis an gcúnamh sin na bearta réamhchúraim iomchuí a dhéanamh faoin dlí náisiúnta, go háirithe chun fianaise a chosaint.

8.   Cuirfidh an Coimisiún Eorpach nó OLAF pointe teagmhála ainmnithe na Cóiré ar an eolas faoi thoradh na seiceálacha agus na gcigireachtaí sin. Go sonrach, tuairisceoidh an Coimisiún Eorpach nó OLAF a luaithe is féidir do phointe teagmhála na Cóiré maidir le haon fhíoras nó aon amhras a bhaineann le neamhrialtacht atá tugtha faoi deara acu le linn na seiceála nó na cigireachta ar an láthair.

9.   Gan dochar do chur i bhfeidhm dhlí coiriúil na Cóiré, féadfaidh an Coimisiún Eorpach bearta agus pionóis riaracháin a fhorchur ar eintiteas de chuid na Cóiré dá dtagraítear i mír 1 i gcomhréir le dlí an Aontais.

10.   Chun críocha chur chun feidhme cuí an Airteagail seo, déanfaidh an Coimisiún Eorpach nó OLAF agus pointe teagmhála ainmnithe na Cóiré faisnéis a mhalartú go rialta agus, arna iarraidh sin do cheann de na Páirtithe, rachaidh siad i gcomhairle le chéile.

11.   Chun comhar agus malartú faisnéise éifeachtach le OLAF a éascú, ainmneoidh an Chóiré pointe teagmhála.

12.   Maidir leis an malartú faisnéise idir an Coimisiún Eorpach nó OLAF agus pointe teagmhála ainmnithe na Cóiré, déanfar é agus aird chuí á tabhairt ar na ceanglais maidir le rúndacht. Aon sonraí pearsanta a áireofar sa mhalartú faisnéise, cosnófar iad i gcomhréir leis na rialacha is infheidhme.

1.   Féadfaidh an Coimisiún Eorpach cinneadh a ghlacadh lena bhforchuirtear oibleagáid airgeadais ar eintiteas de chuid na Cóiré cé is moite den Stát, i ndáil le haon éileamh a eascraíonn as an gcomhaontú cistiúcháin. Mura ndéanann an t-eintiteas sin íocaíocht laistigh den tréimhse fhorordaithe, tar éis fógra a bheith tugtha faoin gcinneadh sin don eintiteas de chuid na Cóiré i gcomhréir le hAirteagal 13, tabharfaidh an Coimisiún Eorpach fógra faoin gcinneadh sin do phointe teagmhála ainmnithe na Cóiré, agus íocfaidh an Chóiré leis an gCoimisiún Eorpach méid aon oibleagáide airgid agus iarrfaidh sí aisíoc an mhéid sin ar an eintiteas de chuid na Cóiré.

2.   Chun in-fhorfheidhmitheacht breithiúnas agus orduithe ó Chúirt Bhreithiúnais an Aontais Eorpaigh arna dtabhairt i gcur i bhfeidhm clásail eadrána atá i gconradh nó i gcomhaontú i ndáil le cláir, gníomhaíochtaí, gníomhartha nó tionscadail de chuid an Aontais a áirithiú, i gcás ina bhfuil fógra tugtha don eintiteas ábhartha de chuid na Cóiré faoi na breithiúnais nó na horduithe sin i gcomhréir le rialacha Chúirt Bhreithiúnais an Aontais Eorpaigh a bhaineann le fógra a thabhairt, agus nach n-íocann an t-eintiteas sin na méideanna arna mbunú laistigh de thréimhse 2 mhí agus 10 lá, tabharfaidh an Coimisiún Eorpach fógra thar a cheann féin nó thar ceann na Gníomhaireachta Feidhmiúcháin ábhartha nó chomhlachtaí an Aontais arna mbunú faoin gConradh ar Fheidhmiú an Aontais Eorpaigh (CFAE), faoi bhreithiúnas nó ordú Chúirt Bhreithiúnais an Aontais Eorpaigh do phointe teagmhála ainmnithe na Cóiré. Íocfaidh an Chóiré méid aon oibleagáide airgid leis an gCoimisiún Eorpach ansin agus iarrfaidh sí aisíoc an mhéid sin ar an eintiteas de chuid na Cóiré.

Cuirfidh Rialtas na Cóiré a phointe teagmhála ainmnithe in iúl don Choimisiún Eorpach.

3   Beidh dlínse ag Cúirt Bhreithiúnais an Aontais Eorpaigh chun athbhreithniú a dhéanamh ar dhlíthiúlacht na gcinntí ón gCoimisiún Eorpach dá dtagraítear i mír 1 agus forfheidhmiú na gcinntí sin a chur ar fionraí.

1.   Leis seo, bunaíonn na páirtithe Comhchoiste. Beidh an Comhchoiste comhdhéanta d’ionadaithe ón Aontas agus ón gCóiré.

2.   Gníomhóidh an Comhchoiste i gcomhréir le Rialacha Nós Imeachta an Chomhchoiste a leagtar amach san Iarscríbhinn a ghabhann leis an gComhaontú seo.

3.   Áireofar an méid seo a leanas i gcúraimí an Chomhchoiste:

4.   Is de chomhthoil a ghlacfar cinntí an Chomhchoiste.

5.   Féadfaidh an Comhchoiste meitheal nó comhlacht comhairleach a bhunú ar bhonn ad hoc ar leibhéal na saineolaithe a bheidh in ann cúnamh a thabhairt an Comhaontú seo a chur chun feidhme.

6.   Tiocfaidh an Comhchoiste le chéile uair amháin sa bhliain ar a laghad, agus, i gcás ina n-éileofar sin le himthosca speisialta, arna iarraidh sin do Pháirtí.

1.   Féachfaidh na Páirtithe, de mheon macánta, le haon cheist eatarthu a eascraíonn as léirmhíniú nó cur chun feidhme an Chomhaontaithe seo a réiteach go cairdiúil, trí phlé sa Chomhchoiste.

2.   Má eascraíonn ceist as léirmhíniú nó cur chun feidhme an Chomhaontaithe seo nach féidir í a réiteach trí phlé sa Chomhchoiste laistigh de 2 mhí ó d’ardaigh ceachtar den dá Pháirtí í, féadfaidh Páirtí comhairliúcháin leis an bPáirtí eile a iarraidh faoin gceist. Is trí chaibidlíocht a réiteoidh na Páirtithe aon mhalairt tuairime eatarthu.

1.   Tiocfaidh an Comhaontú seo i bhfeidhm ar an dáta a thabharfaidh an dá Pháirtí fógra dá chéile gur cuireadh i gcrích a nósanna imeachta inmheánacha is gá chun na críche sin. Beidh feidhm aige ón 1 Eanáir 2025.

2.   Féadfaidh an tAontas agus an Chóiré an Comhaontú seo a chur i bhfeidhm go sealadach i gcomhréir lena gcuid nósanna imeachta inmheánacha agus reachtaíochta féin, chun gur féidir leis an gCóiré a bheith rannpháirteach i gcláir nó gníomhaíochtaí an Aontais. Cuirfear tús leis an gcur i bhfeidhm sealadach ar an dáta a bheidh fógra tugtha ag an dá Pháirtí dá chéile gur cuireadh i gcrích a nósanna imeachta inmheánacha is gá chun na críche sin.

3.   Sa chás go dtabharfaidh an Chóiré fógra don Aontas nach gcuirfidh sí i gcrích a nósanna imeachta inmheánacha is gá le haghaidh theacht i bhfeidhm an Chomhaontaithe seo, scoirfidh an Comhaontú seo d’fheidhm shealadach a bheith aige ar an dáta a gheobhaidh an tAontas an fógra sin, agus is éard a bheidh sa dáta sin an dáta scoir chun críocha an Chomhaontaithe seo.

Scoirfidh cinntí an Chomhchoiste d’fheidhm a bheith acu ar an dáta céanna.

4.   Féadfaidh an tAontas cur i bhfeidhm an Phrótacail ábhartha a ghabhann leis an gComhaontú seo a chur ar fionraí i gcás neamhíocaíocht pháirteach nó neamhíocaíocht iomlán na ranníocaíochta airgeadais atá le híoc ag an gCóiré faoi chlár nó faoi ghníomhaíocht an Aontais lena mbaineann.

I gcás neamhíocaíocht a d’fhéadfadh cur chun feidhme agus bainistiú chlár nó ghníomhaíocht ábhartha an Aontais a chur i mbaol go mór, seolfaidh an Coimisiún Eorpach litir mheabhrúcháin fhoirmiúil. I gcás nach ndéanfar aon íocaíocht laistigh de 20 lá oibre tar éis na litreach meabhrúcháin foirmiúla, tabharfaidh an Coimisiún Eorpach fógra don Chóiré maidir le fionraí chur i bhfeidhm an Phrótacail ábhartha a ghabhann leis an gComhaontú seo trí litir fógra fhoirmiúil, fionraí a thiocfaidh i bhfeidhm 15 lá tar éis don Chóiré an fógra sin a fháil.

I gcás ina gcuirfear cur i bhfeidhm Prótacail a ghabhann leis an gComhaontú seo ar fionraí faoin mír seo, ní bheidh eintitis na Cóiré incháilithe páirt a ghlacadh i nósanna imeachta dámhachtana de chuid an Aontais nach mbeidh tugtha i gcrích go fóill nuair a chuirfear an fhionraí i bhfeidhm. Measfar nós imeachta dámhachtana de chuid an Aontais a bheith tugtha i gcrích nuair a ghlacfar gealltanais dhlíthiúla de láimh mar thoradh ar an nós imeachta sin. Leis an bhfionraí faoin mír seo, ní dhéanfar difear do na gealltanais dhlíthiúla arna nglacadh de láimh le heintitis na Cóiré faoi chlár nó faoi ghníomhaíocht ábhartha an Aontais sular tháinig an fhionraí i bhfeidhm. Leanfaidh an Prótacal ábhartha a ghabhann leis an gComhaontú seo d’fheidhm a bheith aige maidir le gealltanais dhlíthiúla den sórt sin. Tabharfaidh an tAontas fógra don Chóiré láithreach a luaithe a gheobhaidh an tAontas méid iomlán na ranníocaíochta airgeadais atá dlite. Cuirfear deireadh leis an bhfionraí faoin mír seo le héifeacht láithreach ar an bhfógra sin a thabhairt. Ón dáta a chuirfear deireadh leis an bhfionraí, beidh eintitis na Cóiré incháilithe arís le haghaidh nósanna imeachta dámhachtana de chuid an Aontais a sheolfar faoi chlár nó faoi ghníomhaíocht ábhartha an Aontais tar éis an dáta sin agus le haghaidh nósanna imeachta dámhachtana a seoladh roimh an dáta sin, ar nósanna imeachta dámhachtana iad nach bhfuil na sprioc-amanna chun iarratais a chur isteach dulta in éag.

5.   Féadfaidh ceachtar Páirtí an Comhaontú seo a fhoirceannadh tráth ar bith trí fhógra i scríbhinn a thabhairt don Pháirtí eile go bhfuil sé beartaithe aige é a fhoirceannadh. Ní fhéadfar an Comhaontú seo a fhoirceannadh, ach amháin ina iomláine. Tiocfaidh an foirceannadh i bhfeidhm 3 mhí féilire tar éis an dáta a gheobhaidh an Páirtí eile an fógra. Is éard a bheidh sa dáta foirceanta chun críocha an Chomhaontaithe seo, an dáta a thiocfaidh an foirceannadh i bhfeidhm.

6.   I gcás ina scoirfidh an Comhaontú seo d’fheidhm shealadach a bheith aige i gcomhréir le mír 3 nó i gcás ina ndéanfar é a fhoirceannadh i gcomhréir le mír 5, comhaontaíonn na Páirtithe an méid seo a leanas:

7.   Socróidh na Páirtithe de chomhthoil aon iarmhairt eile a ghabhann le cur i bhfeidhm sealadach an Chomhaontaithe seo a fhoirceannadh nó a scor.

8.   Ní fhéadfar an Comhaontú seo a leasú ach amháin i scríbhinn de chomhthoil na bPáirtithe. Leanfaidh teacht i bhfeidhm na leasuithe an nós imeachta céanna is infheidhme maidir le teacht i bhfeidhm an Chomhaontaithe seo mar a fhoráiltear le mír 1.

9.   Cuid dhílis den Chomhaontú seo a bheidh sna Prótacail dá dtagraítear in Airteagal 3 agus an Iarscríbhinn.

10.   Tarraingeofar an Comhaontú seo i ndúblach sa Bhéarla, sa Bhulgáiris, sa Chróitis, sa Danmhairgis, san Eastóinis, san Fhionlainnis, sa Fhraincis, sa Ghaeilge, sa Ghearmáinis, sa Ghréigis, san Iodáilis, sa Laitvis, sa Liotuáinis, sa Mháltais, san Ollainnis, sa Pholainnis, sa Phortaingéilis, sa Rómáinis, sa tSeicis, sa tSlóvaicis, sa tSlóivéinis, sa Spáinnis, sa tSualainnis, san Ungáiris agus sa Chóiréis, agus comhúdarás ag gach téacs. I gcás ina mbeidh malairt tuairime ann maidir le léirmhíniú, is ag an téacs Béarla a bheidh an forlámhas.