Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/1490 |
25.7.2025 |
RIALACHÁN CUR CHUN FEIDHME (AE) 2025/1490 ÓN gCOIMISIÚN
an 24 Iúil 2025
lena leasaítear Rialachán Cur Chun Feidhme (AE) Uimh. 564/2013 a mhéid a bhaineann le táillí a oiriúnú don bhoilsciú
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicídeacha a chur ar fáil ar an margadh agus a úsáid (1), agus go háirithe Airteagal 80(1) de,
De bharr an mhéid seo a leanas:
|
(1) |
I gcomhréir le hAirteagal 17 de Rialachán Cur Chun Feidhme (AE) Uimh. 564/2013 ón gCoimisiún (2), déanfar athbhreithniú bliantúil ar na táillí dá bhforáiltear sa Rialachán sin faoi threoir an ráta boilscithe arna thomhas trí bhíthin an Innéacs Eorpaigh Praghsanna do Thomhaltóirí arna fhoilsiú ag Eurostat. |
|
(2) |
Chun an t-athbhreithniú bliantúil sin a dhéanamh le haghaidh na bliana 2024, ba cheart na táillí a choigeartú i gcomhréir leis na meánrátaí boilscithe bliantúla le haghaidh 2021, 2022 agus 2023, arna bhfoilsiú ag Eurostat, chun teacht leis an ráta boilscithe carnach 19,5 %. |
|
(3) |
Dá bhrí sin, ba cheart Rialachán Cur Chun Feidhme (AE) Uimh. 564/2013 a leasú dá réir. |
|
(4) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Bithicídeacha, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (AE) Uimh. 564/2013 mar a leanas:
|
(1) |
leasaítear Iarscríbhinní I agus II i gcomhréir le hIarscríbhinn I a ghabhann leis an Rialachán seo; |
|
(2) |
cuirtear an téacs a leagtar amach in Iarscríbhinn II a ghabhann leis an Rialachán seo in ionad Iarscríbhinn III. |
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 24 Iúil 2025.
Thar ceann an Choimisiúin
An tUachtarán
Ursula VON DER LEYEN
(1) IO L 167, 27.6.2012, lch. 1, ELI: https://data.europa.eu/eli/reg/2012/528/oj.
(2) Rialachán Cur Chun Feidhme (AE) Uimh. 564/2013 ón gCoimisiún an 18 Meitheamh 2013 maidir leis na táillí agus na muirir is iníoctha leis an nGníomhaireacht Eorpach Ceimiceán de bhun Rialachán (AE) Uimh. 528/2012 ó Pharlaimint na hEorpa agus ón gComhairle maidir le táirgí bithicídeacha a chur ar fáil ar an margadh agus a úsáid (IO L 167, 19.6.2013, lch. 17, ELI: http://data.europa.eu/eli/reg_impl/2013/564/oj).
IARSCRÍBHINN I
Leasaítear Iarscríbhinní I agus II de Rialachán (AE) Uimh. 564/2013 mar a leanas:
|
(1) |
in Iarscríbhinn I, cuirtear an méid seo a leanas in ionad Thábla 1: ‘Tábla 1 Táillí caighdeánacha
|
|
(2) |
in Iarscríbhinn II, cuirtear an méid seo a leanas in ionad Thábla 1: ‘Tábla 1 Táillí caighdeánacha
|
(1) Rialachán Tarmligthe (AE) Uimh. 1062/2014 ón gCoimisiún an 4 Lúnasa 2014 maidir leis an gclár oibre chun scrúdú córasach a dhéanamh ar gach substaint ghníomhach atá ann cheana i dtáirgí bithicídeacha dá dtagraítear i Rialachán (AE) Uimh. 528/2012 ó Pharlaimint na hEorpa agus ón gComhairle (IO L 294, 10.10.2014, lch. 1, ELI: http://data.europa.eu/eli/reg_del/2014/1062/oj)’.
(2) Rialachán Cur Chun Feidhme (AE) Uimh. 414/2013 ón gCoimisiún an 6 Bealtaine 2013 lena sonraítear nós imeachta maidir le húdarú na dtáirgí bithicídeacha céanna i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle (IO L 125, 7.5.2013, lch. 4, ELI: http://data.europa.eu/eli/reg_impl/2013/414/oj).
(3) Rialachán Cur Chun Feidhme (AE) Uimh. 354/2013 ón gCoimisiún an 18 Aibreán 2013 maidir le hathruithe táirgí bithicídeacha arna n-údarú i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle (IO L 109, 19.4.2013, lch. 4, ELI: http://data.europa.eu/eli/reg_impl/2013/354/oj).’
IARSCRÍBHINN II
‘IARSCRÍBHINN III
Táillí eile
|
Tuairisc ghinearálta ar an gcúram; an fhoráil ábhartha i Rialachán (AE) Uimh. 528/2012 |
Coinníoll sonrach nó tuairisc shonrach ar an gcúram |
Táille (EUR) |
|
Coibhéis theicniúil; Airteagal 54(3) |
Táille, i gcás ina bhfuil an difríocht idir foinsí na substainte gníomhaí teoranta d’athrú ar an suíomh monaraíochta, agus ina bhfuil an t-iarratas bunaithe ar shonraí anailíseacha amháin |
5 975 |
|
Táille, i gcás inar mó an difríocht idir foinsí na substainte gníomhaí ná athrú sa suíomh monaraíochta, agus ina bhfuil an t-iarratas bunaithe ar shonraí anailíseacha amháin |
23 900 |
|
|
Táille i gcás nach gcomhlíontar coinníollacha roimhe seo. |
47 800 |
|
|
Táille bhliantúil ar tháirgí bithicídeacha arna n-údarú ag an Aontas; Airteagal 80(1)(a) |
Táille in aghaidh an údaraithe Aontais ar tháirge bithicídeach |
11 950 |
|
Táille in aghaidh an údaraithe Aontais ar fhine táirgí bithicídeacha |
23 900 |
|
|
Táille le haghaidh Iarratas ar Aitheantas Frithpháirteach; Airteagal 80(1)(a) |
Táille in aghaidh an táirge nó na fine táirgí lena mbaineann iarratas ar aitheantas frithpháirteach, in aghaidh an Bhallstáit ina bhfuil aitheantas frithpháirteach á lorg |
837 |
|
Achomharc; Airteagal 77(1) |
Táille in aghaidh an achomhairc |
2 988 |
|
Iarratas chun daoine ábhartha a chuimsiú ar an liosta; Airteagal 95 |
Táille in aghaidh na litreach rochtana a chuirtear isteach, ar litir rochtana í ar shainchomhad ar chinn an Ghníomhaireacht nó Údarás Inniúil meastóireachta cheana féin go bhfuil sé iomlán |
2 390 |
|
Táille in aghaidh na litreach rochtana a chuirtear isteach, ar litir rochtana í ar chuid de shainchomhad ar chinn an Ghníomhaireacht nó Údarás Inniúil meastóireachta cheana féin go bhfuil sé iomlán, in éineacht le sonraí comhlántacha |
23 900 |
|
|
Táille in aghaidh an tsainchomhaid nua a chuirtear isteach |
47 800 |
|
|
Iarrataí faoi Airteagal 66(4) arna gcur faoi bhráid na Gníomhaireachta |
Táille in aghaidh na míre a n-iarrtar rúndacht ina leith |
1 195 |
ELI: http://data.europa.eu/eli/reg_impl/2025/1490/oj
ISSN 1977-0839 (electronic edition)