Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/1474 |
21.7.2025 |
RIALACHÁN CUR CHUN FEIDHME (AE) 2025/1474 ÓN gCOMHAIRLE
an 18 Iúil 2025
lena gcuirtear chun feidhme Airteagal 12(1) de Rialachán (AE) 2017/1770 a bhaineann le bearta sriantacha i bhfianaise na staide i Mailí
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2017/1770 ón gComhairle an 28 Meán Fómhair 2017 a bhaineann le bearta sriantacha i bhfianaise na staide i Mailí (1), agus go háirithe Airteagal 12(1) agus (4) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 28 Meán Fómhair 2017, ghlac an Chomhairle Rialachán (AE) 2017/1770. |
|
(2) |
An 13 Nollaig 2021, ghlac an Chomhairle Rialachán (AE) 2021/2201 (2) chun éifeacht a thabhairt do Chinneadh (CBES) 2021/2208 ón gComhairle (3), lenar leasaíodh Cinneadh (CBES) 2017/1775 (4) ón gComhairle, agus lenar bunaíodh creat nua lena ndéantar foráil do bhearta sriantacha breise a fhorchur ar dhaoine aonair agus eintitis atá freagrach as gníomhaíochtaí nó beartais lena gcuirtear síocháin, slándáil nó cobhsaíocht Mhailí i mbaol, nó a bhí comhpháirteach iontu nó a bhí páirteach iontu, go díreach nó go hindíreach, sna gníomhaíochtaí nó beartais sin, nó a chuireann bac ar chur i gcrích rathúil aistriú polaitiúil Mhailí nó chun an bonn a bhaint de chur i gcrích rathúil an aistrithe pholaitiúil sin. |
|
(3) |
I bhfianaise athbhreithniú ar liosta na ndaoine nádúrtha agus dlítheanacha, na n-eintiteas agus na gcomhlachtaí in Iarscríbhinn Ia a ghabhann le Rialachán (AE) 2017/1770, chinn an Chomhairle gur cheart an iontráil a bhaineann le duine amháin atá faoi réir bearta sriantacha a scriosadh. |
|
(4) |
Ba cheart, dá bhrí sin, Rialachán (AE) 2017/1770 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn Ia a ghabhann le Rialachán (AE) 2017/1770 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 18 Iúil 2025.
Thar ceann na Comhairle
An tUachtarán
M. BJERRE
(1) IO L 251, 29.9.2017, lch. 1, ELI: http://data.europa.eu/eli/reg/2017/1770/oj.
(2) Rialachán (AE) 2021/2201 ón gComhairle an 13 Nollaig 2021 lena leasaítear Rialachán (AE) 2017/1770 a bhaineann le bearta sriantacha i bhfianaise na staide i Mailí (IO L 446, 14.12.2021, lch. 1, ELI: http://data.europa.eu/eli/reg/2021/2201/oj).
(3) Cinneadh (CBES) 2021/2208 ón gComhairle an 13 Nollaig 2021 lena leasaítear Cinneadh (CBES) 2017/1775 a bhaineann le bearta sriantacha i bhfianaise na staide i Mailí (IO L 446, 14.12.2021, lch. 44, ELI: http://data.europa.eu/eli/dec/2021/2208/oj).
(4) Cinneadh (CBES) 2017/1775 ón gComhairle an 28 Meán Fómhair 2017 a bhaineann le bearta sriantacha i bhfianaise na staide i Mailí (IO L 251, 29.9.2017, lch. 23, ELI: http://data.europa.eu/eli/dec/2017/1775/oj).
IARSCRÍBHINN
In Iarscríbhinn Ia ghabhann le Rialachán (AE) 2017/1770, scriostar an iontráil a bhaineann leis an duine seo a leanas:
|
‘3. |
MAÏGA, Choguel’. |
ELI: http://data.europa.eu/eli/reg_impl/2025/1474/oj
ISSN 1977-0839 (electronic edition)