(1)

Leathnaíodh raon feidhme Rialachán Uimh. 155 ó na Náisiúin Aontaithe (2) maidir le cibearshlándáil agus córas bainistithe cibearshlándála chun rialacha maidir le cibearshlándáil le haghaidh feithiclí de chatagóir L (feithiclí dhá roth agus trí roth agus cuadrothair) a chumhdach. Chun go mbeidh feidhm ag Rialachán Uimh. 155 ó na Náisiúin Aontaithe maidir le feithiclí de chatagóir L laistigh den Aontas, is gá tagairt dó a chuimsiú i Rialachán Tarmligthe (AE) Uimh. 44/2014 ón gCoimisiún (3).

(2)

Maidir le feithiclí de chatagóir L1e atá deartha i gcomhair troitheála dá dtagraítear in Airteagal 3, pointe (94)(b), de Rialachán (AE) Uimh. 168/2013 agus rothair le troitheáil chuidithe atá díolmhaithe ó chur i bhfeidhm Rialachán (AE) Uimh. 168/2013 faoi Airteagal 2(2), pointe (h) de, níl siad éagsúil go teicniúil ó thaobh na cibearshlándála de. Bheadh na rothair sin, arb iad formhór mór (97 % ar an meán) na tairisceana táirge de chuid fhormhór na monaróirí rothar iad, faoi réir na gceanglas cibearshlándála a leagtar síos i Rialachán (AE) 2024/2847 ó Pharlaimint na hEorpa agus ón gComhairle (4), ach bheadh na feithiclí de chatagóirí L1e atá deartha i gcomhair troitheánú, ar iad mionlach (3 % ar an meán) na tairisceana táirge de chuid fhormhór na monaróirí rothar iad, faoi réir cheanglais chibearshlándála Rialachán Uimh. 155 ó na Náisiúin Aontaithe. Monaróirí rothar a tháirgeann rothair leictreacha ag a bhfuil eilimintí digiteacha, is minic iad páirteach i dtáirgeadh na rothar le troitheáil chuidithe a shainítear faoi chlásal eisceachta Airteagal 2(2), pointe (h), de Rialachán (AE) Uimh. 168/2013 agus i dtáirgeadh feithiclí de chatagóir L1e atá deartha i gcomhair troitheála dá dtagraítear in Airteagal 3, pointe (94)(b), de Rialachán (AE) Uimh. 168/2013. Dá mbeadh ar mhonaróirí rothar comhlíontacht a fhorbairt le tacar difriúil ceanglas cibearshlándála le haghaidh sciar bheag den táirgeadh iomlán amháin, bheadh ualach riaracháin díréireach orthu. Ar na cúiseanna sin, is iomchuí feithiclí de chatagóir L1e atá deartha i gcomhair troitheála dá dtagraítear in Airteagal 3, pointe (94)(b), de Rialachán (AE) Uimh. 168/2013 a eisiamh ó raon feidhme Rialachán Tarmligthe (AE) Uimh. 44/2014 a mhéid a bhaineann leis na ceanglais chibearshlándála a leagtar amach ann.

(3)

Toisc feithiclí de chatagóir L1e atá deartha i gcomhair troitheála dá dtagraítear in Airteagal 3, pointe (94)(b), de Rialachán (AE) Uimh. 168/2013 a bheith faoi réir cheanglais Rialachán (AE) 2024/2847 faoi Rialachán Tarmligthe (AE) 2025/1535 ón gCoimisiún (5), is iomchuí infheidhmeacht cheanglais Rialachán Uimh. 155 ó na Náisiúin Aontaithe a ailíniú le dáta chur i bhfeidhm Rialachán (AE) 2024/2847.

(4)

Sa bhreis ar chomhlíontacht cineálacha nua feithiclí a áirithiú, tá am breise leordhóthanach de dhíth ar na húdaráis náisiúnta agus ar mhonaróirí chun a áirithiú go mbeidh gach cineál feithicle atá ann cheana i gcomhréir leis na rialacha cibearshlándála faoi Rialachán Uimh. 155 ó na Náisiúin Aontaithe freisin.

(5)

Ba cheart, dá bhrí sin, Rialachán Tarmligthe (AE) Uimh. 44/2014 a leasú dá réir sin,

(1)

leasaítear Iarscríbhinn I i gcomhréir le hIarscríbhinn I a ghabhann leis an Rialachán seo;

(2)

an téacs a leagtar amach in Iarscríbhinn II a ghabhann leis an Rialachán seo, cuirtear leis an rialachán é mar Iarscríbhinn XVIII.