(1)

Le Rialachán (CE) Uimh. 1069/2009, ceanglaítear, i gcás inarb iomchuí, go mbeidh doiciméad tráchtála nó deimhniú sláinte ag gabháil le seachtháirgí ainmhithe agus táirgí díorthaithe agus iad á n-iompar laistigh den Aontas. Ina theannta sin, tá na hoibreoirí le taifid a choimeád de choinsíneachtaí agus de dhoiciméid tráchtála agus deimhnithe sláinte gaolmhara.

(2)

Leagtar amach in Iarscríbhinn VIII a ghabhann le Rialachán (AE) Uimh. 142/2011 ón gCoimisiún (2) an doiciméad tráchtála caighdeánach agus an deimhniú sláinte caighdeánach le haghaidh gluaiseacht seachtháirgí ainmhithe ó chriosanna srianta, chomh maith leis an bhfad ar cheart taifid a choimeád.

(3)

Tá na taifid agus na doiciméid ghaolmhara le coimeád ar feadh tréimhse 2 bhliain ar a laghad chun go mbeidís ar fáil don údarás inniúil i gcás inar gá. Ós rud é go ndéanann córas leictreonach an Chórais um Rialú Trádála agus um Shaineolaithe (TRACES) (3) leaganacha leictreonacha de dhoiciméid tráchtála agus deimhnithe sláinte a eisiúint agus a thaifeadadh, is iomchuí oibreoirí a dhíolmhú ón oibleagáid doiciméid tráchtála a choimeád sa chás ina bhfuair siad tríd an gcóras TRACES iad. Is iomchuí freisin oibreoirí a dhíolmhú ón oibleagáid deimhnithe sláinte ainmhithe a choimeád le haghaidh coinsíneachtaí d’aoileach neamhphróiseáilte sa chás ina bhfuair siad tríd an gcóras TRACES iad.

(4)

Ba cheart an deimhniú sláinte caighdeánach le haghaidh gluaiseachtaí seachtháirgí ainmhithe ó chriosanna srianta a thabhairt cothrom le dáta leis an deimhniú sláinte caighdeánach is déanaí a leagtar amach i Rialachán Cur Chun Feidhme (AE) 2020/2235 ón gCoimisiún (4).

(5)

Le Rialachán (CE) Uimh. 999/2001 ó Pharlaimint na hEorpa agus ón gComhairle (5) cuirtear toirmeasc ar ghluaiseacht isteach san Aontas coinsíneachtaí de bhaoití sealgaireachta atá déanta as fual a dhíorthaítear ó ainmhithe den chineál fia de thionscnamh na hIorua, agus cuirtear toirmeasc freisin ar bhaoití sealgaireachta atá déanta as fual a dhíorthaítear ó ainmhithe den chineál fia de thionscnamh na mBallstát a liostaítear i gCaibidil A, Roinn C, pointe 1.1 d’Iarscríbhinn VIII a ghabhann leis an Rialachán sin a mhonarú, a chur ar an margadh agus a úsáid. Ba cheart na toirmisc sin a léiriú sa doiciméad tráchtála chun a áirithiú go gcomhlíonfar iad.

(6)

Dá bhrí sin, ba cheart Rialachán (AE) Uimh. 142/2011 a leasú dá réir.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,