CINNEADH Ó CHOMHCHOISTE LEE Uimh. 110/2025

an 8 Bealtaine 2025

lena leasaítear Iarscríbhinn XX (An Comhshaol) a ghabhann le Comhaontú LEE [2025/1364]

TÁ COMHCHOISTE LEE,

Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)

Rialachán Cur Chun Feidhme (AE) 2023/2767 ón gCoimisiún an 13 Nollaig 2023 lena mbunaítear nós imeachta maidir le teicneolaíochtaí nuálacha a cheadú agus a dheimhniú i ndáil le hastaíochtaí CO2 ó ghluaisteáin paisinéirí agus ó fheithiclí tráchtála éadroma a laghdú de bhun Rialachán (AE) 2019/631 ó Pharlaimint na hEorpa agus ón gComhairle (1), tá sé le hionchorprú i gComhaontú LEE.

(2)

Rialachán Cur Chun Feidhme (AE) 2023/2866 ón gCoimisiún an 15 Nollaig 2023 lena gcuirtear chun feidhme Rialachán (AE) 2019/631 ó Pharlaimint na hEorpa agus ón gComhairle trí na nósanna imeachta a chinneadh chun fíorú inseirbhíse na luachanna astaíochtaí CO2 agus ídithe breosla de ghluaisteáin paisinéirí agus d’fheithiclí tráchtála éadroma a dhéanamh (fíorú inseirbhíse) (2), tá sé le hionchorprú i gComhaontú LEE.

(3)

Rialachán Cur Chun Feidhme (AE) 2024/889 ón gCoimisiún an 15 Márta 2024 lena gceartaítear an leagan Ollainnise de Rialachán Cur Chun Feidhme (AE) 2023/2866 lena gcuirtear chun feidhme Rialachán (AE) 2019/631 ó Pharlaimint na hEorpa agus ón gComhairle trí na nósanna imeachta a chinneadh chun fíorú inseirbhíse na luachanna astaíochtaí CO2 agus ídithe breosla de ghluaisteáin paisinéirí agus d’fheithiclí tráchtála éadroma a dhéanamh (fíorú inseirbhíse) (3), tá sé le hionchorprú i gComhaontú LEE.

(4)	Le Rialachán Cur Chun Feidhme (AE) 2023/2767 aisghairtear Rialacháin Cur Chun Feidhme (AE) Uimh. 725/2011 (4) agus (AE) 427/2014 (5) ón gCoimisiún, Rialacháin atá ionchorpraithe i gComhaontú LEE agus atá le haisghairm, dá réir sin, faoi Chomhaontú LEE.

(5)	Dá bhrí sin, ba cheart Iarscríbhinn XX a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Iarscríbhinn XX a ghabhann le Comhaontú LEE, leasófar í mar a leanas:

Cuirtear an méid seo a leanas isteach i ndiaidh phointe 21azq, (Cinneadh Cur Chun Feidhme (AE) 2024/865 ón gCoimisiún):

‘21azr.

32023 R 2767: Rialachán Cur Chun Feidhme (AE) 2023/2767 ón gCoimisiún an 13 Nollaig 2023 lena mbunaítear nós imeachta maidir le teicneolaíochtaí nuálacha a cheadú agus a dheimhniú i ndáil le hastaíochtaí CO2 ó ghluaisteáin paisinéirí agus ó fheithiclí tráchtála éadroma a laghdú de bhun Rialachán (AE) 2019/631 ó Pharlaimint na hEorpa agus ón gComhairle (IO L, 2023/2767, 14.12.2023).

Chun críocha an Chomhaontaithe seo, tá forálacha an Rialacháin oiriúnaithe mar a leanas:

(a)

Cuirfear an fhomhír seo a leanas isteach in Airteagal 3(1):

‘Cuirfidh iarratasóirí atá bunaithe i Stáit CSTE iarratais de bhun an Airteagail seo chuig an gCoimisiún. Tabharfaidh an Coimisiún an tosaíocht chéanna d’iarratais den sórt sin agus a thugann sé d’iarratais eile de bhun an Airteagail seo.’

(b)	Cuirfear an fhomhír seo a leanas isteach in Airteagal 6(4): ‘Cinntí formheasa maidir le teicneolaíochtaí éiceanuálaíochta de bhun an Airteagail seo , tá siad infheidhme go ginearálta agus tá siad le hionchorprú i gComhaontú LEE.’

21azs

32023 R 2866: Rialachán Cur Chun Feidhme (AE) 2023/2866 ón gCoimisiún an 15 Nollaig 2023 lena gcuirtear chun feidhme Rialachán (AE) 2019/631 ó Pharlaimint na hEorpa agus ón gComhairle trí na nósanna imeachta a chinneadh chun fíorú inseirbhíse na luachanna astaíochtaí CO2 agus ídithe breosla de ghluaisteáin paisinéirí agus d’fheithiclí tráchtála éadroma a dhéanamh (fíorú inseirbhíse) (IO L, 2023/2866, 18.12.2023), arna leasú le:

—	32024 R 0889: Rialachán Cur Chun Feidhme (AE) 2024/889 ón gCoimisiún an 15 Márta 2024 (IO L, 2024/889, 18.3.2024).

Chun críocha an Chomhaontaithe seo, tá forálacha an Rialacháin oiriúnaithe mar a leanas:

Gan dochar do Phrótacal 1 a ghabhann leis an gComhaontú, in Airteagail 16(1) agus (2), cuirfear na focail ‘nó Údarás Faireacháin CSTE, a mhéid a bhaineann le monaróirí atá bunaithe i Stáit CSTE,’ isteach tar éis an fhocail ‘Coimisiún’.’

2.	Scriostar téacs phointí 21aeb (Rialachán Cur Chun Feidhme (AE) Uimh. 725/2011 ón gCoimisiún) agus 21ayc (Rialachán Cur Chun Feidhme (AE) Uimh. 427/2014 ón gCoimisiún).

Airteagal 2

Is téacsanna barántúla a bheidh i dtéacsanna Rialacháin Cur Chun Feidhme (AE) 2023/2767, (AE) 2023/2866 agus (AE) 2024/889 san Íoslainnis agus san Ioruais, téacsanna atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 9 Bealtaine 2025, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 08 Bealtaine 2025.

Thar ceann Chomhchoiste an LEE

An tUachtarán

Nicolas VON LINGEN

(1) IO L, 2023/2767, 14.12.2023, ELI: http://data.europa.eu/eli/reg_impl/2023/2767/oj.

(2) IO L, 2023/2866, 18.12.2023, ELI: http://data.europa.eu/eli/reg_impl/2023/2866/oj.

(3) IO L, 2024/889, 18.3.2024, ELI: http://data.europa.eu/eli/reg_impl/2024/889/oj.

(4) IO L 194, 26.7.2011, lch. 19.

(5) IO L 125, 26.4.2014, lch. 57.

(*1) Ní shonraítear aon cheanglas bunreachtúil.