1.   Bunóidh an Coimisiún córas leictreonach le haghaidh foirmiúlachtaí neamhchustaim talmhaíochta (‘ELAN’) lena n-éascófar malartú agus stóráil leictreonach na ndoiciméad a úsáidtear chun na foirmiúlachtaí neamhchustaim is gá le haghaidh trádáil táirgí a chumhdaítear leis na hearnálacha a liostaítear in Airteagal 1(2) de Rialachán (AE) Uimh. 1308/2013 le tríú tíortha a chomhlíonadh.

2.   Le ELAN, beifear in ann na doiciméid seo a leanas a eisiúint, a tharchur, a stóráil agus a aisghabháil ar bhealach slán, iontaofa agus éifeachtúil:

3.   Áiritheoidh ELAN barántúlacht, sláine agus rúndacht na ndoiciméad malartaithe, chomh maith le fíorú thionscnamh na cumarsáide.

4.   Déanfaidh an Coimisiún ELAN a idirnascadh le Córas Malartaithe Deimhnithe an Ionaid Ilfhreastail AE maidir le Custam (‘CSW-CERTEX AE’) arna bhunú le Rialachán (AE) 2022/2399 faoin 18 Meán Fómhair 2028.

5.   Beidh feidhm ag an Rialachán seo maidir leis na Ballstáit uile agus maidir leis na tríú tíortha sin a eisíonn na doiciméid a liostaítear in Airteagal 4 de Rialachán Tarmligthe (AE) 2025/1269.

1.   Chun críocha an Rialacháin seo, tá feidhm ag na sainmhínithe seo a leanas:

2.   Chun críocha an Rialacháin seo, beidh feidhm ag na sainmhínithe a leagtar síos in Airteagal 3 de Rialachán Tarmligthe (AE) 2025/1269.

1.   Sainaithneofar doiciméid uile ELAN in ELAN i gcomhréir leis na treoracha a fhoilsítear i sraith C d’Iris Oifigiúil an Aontais Eorpaigh.

2.   Gach doiciméad a tháirgtear in ELAN nó a tharchuirfear chuige, comhlíonfaidh sé an tsamhail sonraí a leagtar síos i reachtaíocht ábhartha an Aontais a liostaítear in Airteagal 4 de Rialachán Tarmligthe (AE) 2025/1269 agus líonfar isteach é i gcomhréir leis na treoracha sonracha is infheidhme maidir leis.

1.   Déanfaidh údaráis eisiúna náisiúnta agus údaráis eisiúna tríú tír na doiciméid leictreonacha ábhartha a tháirgeadh go díreach in ELAN nó déanfaidh siad iad a tharchur chuig ELAN tar éis iad a tháirgeadh ina gcórais leictreonacha náisiúnta féin.

2.   Beidh an méid seo a leanas ar gach doiciméad a chuirfear ar fáil in ELAN:

3.   Fíoróidh ELAN bailíocht na ndoiciméad a tháirgfear sa chóras nó a tharchuirfear chuige go huathoibríoch.

1.   Ón 15 Iúil 2025 féadfaidh údaráis eisiúna náisiúnta tús a chur ar bhonn deonach leis na doiciméid dá dtagraítear in Airteagal 1(2), pointe (a) den Rialachán seo in ELAN (timpeallacht inghlacthachta) a tháirgeadh nó iad a tharchur chuig an gcóras sin chun críoch tástála. Ní bheidh aon stádas dlí ag na doiciméid sin.

2.   Ón 19 Eanáir 2026 féadfaidh údaráis eisiúna náisiúnta na doiciméid dá dtagraítear in Airteagal 1(2), pointe (a) a tháirgeadh in ELAN nó iad a tharchur chuig an gcóras sin ar bhonn deonach. Beidh luach dlí ag na doiciméid sin maidir le gníomhaíochtaí imréitigh custaim a dhéanamh.

3.   Ón 18 Eanáir 2027, soláthróidh na húdaráis eisiúna náisiúnta na doiciméid dá dtagraítear in Airteagal 1(2), pointe (a) den Rialachán seo i gcomhréir le hIarscríbhinn I.1 a ghabhann le Rialachán Cur Chun Feidhme (AE) 2016/1239 agus leis na treoracha dá dtagraítear in Airteagal 3(1) den Rialachán seo.

4.   Ón 17 Eanáir 2028, déanfaidh údaráis eisiúna náisiúnta agus údaráis eisiúna tríú tír na doiciméid dá dtagraítear in Airteagal 1(2), pointí (b), (c) agus (d) a tháirgeadh in ELAN nó ina gcórais leictreonacha náisiúnta. Sa chás deireanach sin, tarchuirfear na doiciméid chuig ELAN díreach tar éis iad a tháirgeadh sa chóras leictreonach náisiúnta.

5.   Ón 6 Deireadh Fómhair 2028, déanfaidh údaráis chustaim fíoruithe uathoibríocha ar na doiciméid dá dtagraítear in Airteagal 2 den Rialachán seo agus, i gcás inarb ábhartha, déanfar cainníochtaí imréitithe a thuairisciú do ELAN trí CSW-CERTEX AE i gcomhréir le Rialachán (AE) 2022/2399.

1.   I gcás nach mbeidh ELAN nó ceann dá fheidhmiúlachtaí ar fáil ar feadh níos mó ná uair an chloig, cuirfidh na húdaráis eisiúna náisiúnta nó údaráis eisiúna an tríú tír na doiciméid is gá chun foirmiúlachtaí custaim a dhéanamh ar fáil ar pháipéar nó i gcóras leictreonach náisiúnta.

2.   Sna himthosca a dtugtar tuairisc orthu i mír 1, táirgfear doiciméid go leictreonach i gcóras leictreonach náisiúnta.

Na húdaráis chustaim ar gá dóibh imréiteach custaim na n-earraí a dhéanamh agus na cainníochtaí imréitithe a thuairisciú ar na doiciméid ábhartha, nuair nach mbeidh rochtain acu ar chóras leictreonach náisiúnta na n-údarás nó na gcomhlachtaí eisiúna dá dtagraítear sa chéad fhomhír, priontálfar na doiciméid sin ar pháipéar agus beidh siad i seilbh an dearbhóra agus ar fáil do na húdaráis chustaim tráth a thaiscfear an dearbhú custaim.

3.   Doiciméid a phriontálfar ar pháipéar i gcomhréir le mír 1 agus mír 2, an dara fomhír, déanfaidh an t-údarás eisiúna inniúil iad a shíniú agus a stampáil go cuí.

Beidh an téacs ‘Arna tháirgeadh nuair nach raibh ELAN ar fáil’ ar gach doiciméad arna tháirgeadh i gcomhréir le míreanna 1 agus 2.

4.   I gcás doiciméid arna dtáirgeadh ag tríú tíortha ar réamhchoinníoll iad chun ceadúnais a eisiúint i gcomhréir le Rialachán Cur Chun Feidhme (AE) 2020/761, sonróidh na húdaráis náisiúnta a eisíonn an ceadúnas comhfhreagrach uimhir an doiciméid tríú tír ar an gceadúnas, agus bailíochtóidh siad an doiciméad tríú tír trí stampa an údaráis, síniú oifigigh údaraithe agus a dháta, chomh maith le huimhir an cheadúnais a bhaineann leis an doiciméad sin a chur ar a leathanach cúil.

Coinneoidh an t-údarás eisiúna náisiúnta na bunchóipeanna de na doiciméid arna dtáirgeadh ag na tríú tíortha dá dtagraítear sa chéad fhomhír, mura gceanglaítear ar an oibreoir an doiciméad a chur faoi bhráid na n-údarás custaim.

5.   I gcás doiciméad a tháirgeann tríú tíortha nach mór a thíolacadh ar leibhéal custaim amháin, déanfaidh na húdaráis chustaim an doiciméad a bhailíochtú trí stampa an údaráis, síniú oifigigh údaraithe agus an dáta a úsáidfear an doiciméad a chur ar a leathanach cúil.

6.   Cuirfidh oibreoirí eacnamaíocha na doiciméid arna gcló ar pháipéar i gcomhréir le mír 1 go mír 5 faoi bhráid na n-údarás custaim chun rialuithe custaim a dhéanamh.

1.   Rialóidh na húdaráis chustaim na doiciméid dá dtagraítear in Airteagal 8 den Rialachán seo i gcomhréir le forálacha ábhartha Rialachán (AE) Uimh. 952/2013 ó Pharlaimint na hEorpa agus ón gComhairle (16) agus le reachtaíocht ábhartha an Aontais dá dtagraítear in Airteagal 1(2) den Rialachán seo.

2.   I gcás ina gceanglaítear amhlaidh le reachtaíocht ábhartha an Aontais, léireoidh na húdaráis chustaim sa roinn ar leith den doiciméad cóid tráchtearraí agus cainníocht na dtáirgí a scaoiltear i saorchúrsaíocht nó a onnmhairítear agus, i gcás ina bhfuil roinnt ítimí i ndearbhú custaim nó i ndoiciméad ELAN, uimhir sheicheamhach na hítime sa doiciméad ELAN agus uimhir na hítime sa dearbhú custaim, mar aon leis an Máistir-Uimhir Thagartha, an oifig custaim, an dáta agus an t-am, síniú an oifigigh údaraithe a dhéanann an tseiceáil agus stampa an údaráis.

3.   Déanfar na rialuithe dá dtagraítear i mír 1, lena n-áirítear an t-imréiteach custaim agus tuairisciú na gcainníochtaí imréitithe, ar na doiciméid atá ar fáil ar an gcóras leictreonach eisiúna náisiúnta nuair a ligfidh an córas sin do na húdaráis chustaim rochtain a fháil air agus na gníomhaíochtaí a luaitear sa mhír seo a dhéanamh.

4.   Sna cásanna dá dtagraítear in Airteagal 8(2), déanfaidh na húdaráis chustaim na rialuithe a cheanglaítear le míreanna 1, 2 agus 3 den Airteagal seo ar an doiciméad páipéir.

1.   Déanfaidh an Coimisiún agus úinéirí na gcóras náisiúnta bulcmhalartú ad hoc ar na doiciméid a tháirgtear nuair nach bhfuil ELAN ar fáil chun iad a chlárú in ELAN a luaithe a bheidh sé ar fáil arís.

2.   Na doiciméid uile a tháirgfear i gcomhréir le hAirteagal 8(1) agus (2), a luaithe a bheidh ELAN ar fáil arís, cuirfear ar ais láithreach iad chuig na húdaráis nó na comhlachtaí eisiúna ábhartha, agus déanfaidh na húdaráis nó na comhlachtaí sin an méid seo a leanas:

1.   I gcás nach mbeidh ELAN ná ceann dá fheidhmiúlachtaí ar fáil ar feadh níos mó ná uair an chloig agus gur gá do na húdaráis chustaim rialú a dhéanamh ar dhoiciméid a cláraíodh in ELAN nuair nach bhfuil sé ar fáil, iarrfar ar an údarás a chuir na doiciméid ábhartha ar fáil sliocht nó cóip de na doiciméid sin a bheidh fíordheimhnithe go cuí a sholáthar.

2.   Agus cóip nó sliocht den doiciméad á thabhairt don oibreoir eacnamaíoch agus á chur ar fáil do na húdaráis chustaim, cuirfidh na húdaráis eisiúna náisiúnta san áireamh na saintréithe a thugtar don doiciméad sin go dtí an lá a tháirgfear an chóip.

3.   Beidh an téacs ‘Cóip lena húsáid nuair nach bhfuil ELAN ar fáil’ ar chóipeanna agus sleachta a tháirgtear i gcomhréir le míreanna 1 agus 2 den Rialachán seo agus déanfar iad a shíniú agus a stampáil go cuí má chuirtear ar fáil ar pháipéar iad, nó síneofar iad i gcomhréir le hAirteagal 3 má chuirtear faoi bhráid na n-údarás custaim iad trí chóras leictreonach náisiúnta.

4.   Tá feidhm mutatis mutandis ag Airteagal 9 maidir leis na rialuithe custaim a dhéantar ar na doiciméid dá dtagraítear i mír 1 den Airteagal seo.

5.   A luaithe a bheidh ELAN ar fáil arís, déanfaidh na húdaráis nó na comhlachtaí eisiúna ábhartha sna Ballstáit an méid seo a leanas láithreach:

1.   I gcás nach mbeidh ELAN nó ceann dá fheidhmiúlachtaí ar fáil ar feadh níos mó ná uair an chloig, agus nach mór do na húdaráis eisiúna náisiúnta nó d’údaráis eisiúna tríú tír doiciméad a cheartú, sliocht a bhaint as, é a aistriú, nó síneadh a chur lena bhailíocht, déanfaidh siad an doiciméad a atáirgeadh ar pháipéar, agus déanfaidh siad an oibríocht ar an doiciméad sin.

2.   Doiciméid a tháirgtear i gcomhréir le mír 1, beidh an téacs ‘Cóip lena húsáid nuair nach bhfuil ELAN ar fáil’ orthu agus déanfaidh an t-údarás eisiúna inniúil iad a shíniú agus a stampáil go cuí.

3.   I gcás inarb eol d’údaráis eisiúna na mBallstát go gcuirfear doiciméad faoi bhráid na n-údarás custaim ar féidir leo rochtain a fháil ar na doiciméid ina gcórais leictreonacha náisiúnta, féadfaidh na húdaráis eisiúna sin na hoibríochtaí a liostaítear i mír 1 a dhéanamh ina gcórais leictreonacha náisiúnta féin. Cláróidh na húdaráis nó na comhlachtaí eisiúna in ELAN na hoibríochtaí a dhéantar nuair nach bhfuil ELAN ar fáil a luaithe a bheidh sé ar fáil arís. Déanfar na doiciméid in ELAN neamh-inúsáidte go dtí go gcuirfear na cóipeanna priontáilte ar pháipéar le linn na tréimhse teagmhais ar ais chuig na húdaráis eisiúna.

4.   A luaithe a thabharfar na doiciméid ar a ndearna na húdaráis nó na comhlachtaí eisiúna ábhartha oibríochtaí i gcomhréir le míreanna 1, 2 agus 3 ar ais dóibh, déanfaidh na húdaráis nó na comhlachtaí sin an méid seo a leanas: