(1)

Socraítear le Rialachán (AE) 2019/631 ó Pharlaimint na hEorpa agus ón gComhairle (3) na caighdeáin feidhmíochta maidir le hastaíochtaí CO2 do ghluaisteáin nua paisinéirí agus d’fheithiclí tráchtála éadroma nua, ar cuid lárnach iad de chreat an Aontais chun glanastaíochtaí gás ceaptha teasa a laghdú 55 % ar a laghad i gcomparáid le leibhéil 1990 faoi 2030 agus chun aeráidneodracht ar fud an gheilleagair a bhaint amach faoi 2050.

(2)

Mar fhreagairt ar iarraidh ó pháirtithe leasmhara ar sholúbthacht chomhlíontachta bhreise maidir le spriocanna CO2 a mhéid a bhaineann leis an tréimhse 2025 go 2027, is iomchuí leasú a ghlacadh go práinneach lena bhforáiltear do sholúbthacht aonuaire do na 3 bliana sin i ndáil le comhlíonadh na gcaighdeán feidhmíochta maidir le hastaíochtaí CO2 a ríomh, agus na spriocanna chun astaíochtaí CO2 a laghdú á gcoinneáil ar bun ag an am céanna.

(3)

Le linn na tréimhse 2025 go 2027, ba cheart do mhonaróirí a áirithiú nach sáróidh meánastaíochtaí sonracha CO2 a bhfeithiclí sprioc astaíochtaí, sprioc arna ríomh mar mheán a spriocanna bliantúla i leith astaíochtaí sonracha i gcaitheamh na tréimhse sin. Ba cheart measúnú a dhéanamh ar chomhlíonadh na spriocanna sin ag deireadh na tréimhse 3 bliana i gcás gach monaróra aonair. Ba cheart na préimheanna astaíochtaí iomarcacha a ríomh dá réir sin.

(4)

Chun na forálacha maidir le díorma a dhéanamh a ailíniú leis an tsolúbthacht chomhlíontachta bhreise sna blianta 2025 go 2027, ba cheart é a bheith indéanta comhaontuithe maidir le díorma a dhéanamh le haghaidh na bliana féilire 2025 nó 2026 go dtí deireadh 2027.

(5)

Ós rud é nach féidir leis na Ballstáit cuspóir an Rialacháin seo, eadhon solúbthacht bhreise a chur ar fáil maidir le comhlíonadh CO2 sa tréimhse 2025 go 2027, agus na ceanglais maidir le laghdú astaíochtaí CO2 do ghluaisteáin nua paisinéirí agus d’fheithiclí tráchtála éadroma nua araon á gcaomhnú ag an am céanna, a ghnóthú go leordhóthanach agus, de bharr a fhairsinge agus a éifeachtaí, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(6)

I bhfianaise a phráinní atá sé solúbthacht bhreise a chur ar fáil maidir le comhlíonadh CO2 sa tréimhse 2025 go 2027, agus na ceanglais maidir le laghdú astaíochtaí CO2 do ghluaisteáin nua paisinéirí agus d’fheithiclí tráchtála éadroma nua araon á gcaomhnú ag an am céanna, meastar gurb iomchuí an eisceacht ar an tréimhse 8 seachtaine dá bhforáiltear in Airteagal 4 de Phrótacal Uimh. 1 maidir le ról na bparlaimintí náisiúnta san Aontas Eorpach, atá i gceangal leis an gConradh ar an Aontas Eorpach, leis an gConradh ar Fheidhmiú an Aontais Eorpaigh agus leis an gConradh ag bunú an Chomhphobail Eorpaigh do Fhuinneamh Adamhach, a agairt.

(7)

Ba cheart, dá bhrí sin, Rialachán (AE) 2019/631 a leasú dá réir sin,

(1)

in Airteagal 4, cuirtear an mhír seo a leanas isteach:

(2)

in Airteagal 6(2), cuirtear an dara fomhír seo a leanas leis:

‘De mhaolú ar an gcéad fhomhír, maidir le comhaontú chun díorma a dhéanamh lena gcumhdaítear an bhliain féilire 2025 nó 2026, féadfar comhaontú den sórt sin a dhéanamh suas go dtí an 31 Nollaig 2027.’

(3)

in Airteagal 8(1), cuirtear an dara fomhír seo a leanas leis:

‘De mhaolú ar an gcéad fhomhír, i leith na mblianta féilire 2025 go 2027, forchuirfidh an Coimisiún préimh astaíochtaí iomarcacha ar aon mhonaróir a sáraíonn a mheánastaíochtaí sonracha CO2 i gcaitheamh na 3 bliana sin a sprioc i leith astaíochtaí sonracha i gcaitheamh na tréimhse 2025 go 2027.’.