(1)

Le Rialachán (AE) 2023/1805 déantar foráil maidir le heisiamh ón sainmhíniú ar ‘chalafort cuarda’ i ndáil le stadanna long coimeádán i gcalafort trasloingsithe coimeádán comharsanachta a liostaítear sa ghníomh cur chun feidhme arna ghlacadh de bhun Airteagal 2(2) den Rialachán sin.

(2)

I gcomhréir le hAirteagal 2(2) de Rialachán (AE) 2023/1805, má chomhlíonann calafort dhá chritéar tá sé le liostú mar chalafort trasloingsithe coimeádán comharsanachta. Ní mór sciar trasloingsithe coimeádán an chalafoirt, arna thomhas in aonaid is coibhéiseach le 20 troigh, a bheith níos mó ná 65 % de thrácht iomlán coimeádán an chalafoirt sin le linn na tréimhse 12 mhí is déanaí a bhfuil sonraí ábhartha ar fáil ina leith. Ar an dara dul síos, ní mór an calafort a bheith lonnaithe lasmuigh den Aontas ach níos lú ná 300 muirmhíle ó chalafort atá faoi dhlínse Ballstáit. Thairis sin, calafoirt atá lonnaithe i dtríú tír a gcuireann an tríú tír sin bearta atá coibhéiseach le Rialachán (AE) 2023/1805 i bhfeidhm go héifeachtach ina leith, níl siad le liostú mar chalafort trasloingsithe coimeádán comharsanachta.

(3)

Le Rialachán Cur Chun Feidhme (AE) 2023/2297 ón gCoimisiún (2), sainaithnítear calafoirt trasloingsithe coimeádán chomharsanachta de bhun Threoir 2003/87/CE ó Pharlaimint na hEorpa agus ón gComhairle (3) Na critéir chun calafoirt trasloingsithe coimeádán chomharsanachta a shainaithint a leagtar amach in Airteagal 3ga(2) de Threoir 2003/87/CE, is ionann iad agus na critéir a leagtar amach in Airteagal 2(2) de Rialachán (AE) 2023/1805.

(4)

Chun na calafoirt trasloingsithe coimeádán chomharsanachta a shainaithint sa Rialachán seo, úsáideadh na sonraí agus na hanailísí céanna agus a úsáideadh chun na calafoirt trasloingsithe coimeádán chomharsanachta a shainaithint i Rialachán Cur Chun Feidhme (AE) 2023/2297 ar mhaithe le comhleanúnachas a chruthú idir an dá ghníomh agus chun cur chun feidhme agus comhlíonadh a chuíchóiriú le haghaidh cuideachtaí loingseoireachta, fíoraitheoirí agus údaráis na mBallstát.

(5)

Tá East Port Said lonnaithe níos lú ná 300 muirmhíle ó chalafort atá faoi dhlínse Ballstáit. Bhí sciar trasloingsithe coimeádán East Port Said níos mó ná 65 % de thrácht iomlán coimeádán an chalafoirt sin le linn na tréimhse 12 mhí is déanaí a bhfuil sonraí ábhartha ar fáil ina leith le haghaidh Rialachán Cur Chun Feidhme (AE) 2023/2297 ón gCoimisiún. Ní chuireann an Éigipt bearta i bhfeidhm atá coibhéiseach le Rialachán (AE) 2023/1805 i leith East Port Said. Dá bhrí sin, ba cheart East Port Said a liostú mar chalafort trasloingsithe coimeádán comharsanachta.

(6)

Tá Tanger Med lonnaithe níos lú ná 300 muirmhíle ó chalafort atá faoi dhlínse Ballstáit. Bhí sciar trasloingsithe coimeádán Tanger Med níos mó ná 65 % de thrácht iomlán coimeádán an chalafoirt sin le linn na tréimhse 12 mhí is déanaí a bhfuil sonraí ábhartha ar fáil ina leith le haghaidh Rialachán Cur Chun Feidhme (AE) 2023/2297 ón gCoimisiún. Ní chuireann Maracó bearta i bhfeidhm atá coibhéiseach le Rialachán (AE) 2023/1805 i leith Tanger Med. Dá bhrí sin, ba cheart Tanger Med a liostú mar chalafort trasloingsithe coimeádán comharsanachta.

(7)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Shábháilteacht ar Muir agus um Thruailliú ó Longa a Chosc,