(1)

Le hAirteagal 104(1), an dara fomhír, pointe (a), de Rialachán (AE) 2021/2116, foráiltear go leanfaidh Airteagal 4(1), pointe (b), Airteagal 5, Airteagal 7(3), Airteagail 9, 17, 21 agus 34, Airteagal 35(4), Airteagail 36, 37, 38, 40 go 43, 51, 52, 54, 56, 59, 63, 64, 67, 68, 70 go 75, 77, 91 go 97, 99, 100, Airteagal 102(2) agus Airteagail 110 agus 111 de Rialachán (AE) Uimh. 1306/2013 d’fheidhm a bheith acu, a mhéid a bhaineann leis an gCiste Eorpach um Ráthaíocht Talmhaíochta, i ndáil le caiteachas arna thabhú agus íocaíochtaí arna ndéanamh le haghaidh na bliana airgeadais 2024.

(2)

Le hAirteagal 64, an dara mír, pointe (a), de Rialachán Cur Chun Feidhme (AE) 2022/128 ón gCoimisiún (3), foráiltear go leanfaidh Airteagal 2, Airteagal 3(1), an chéad fhomhír, Airteagal 3(2), Airteagal 4(1), pointe (b), Airteagail 5, 6, 7, 21 go 25, 27, 28, 29, Airteagal 30(1), pointí (a), (b) agus (c), Airteagal 30(2), (3) agus (4), agus Airteagail 31 go 40 de Rialachán Cur Chun Feidhme (AE) Uimh. 908/2014 ón gCoimisiún (4) d’fheidhm a bheith acu, a mhéid a bhaineann le CERT, i ndáil le caiteachas arna thabhú agus íocaíochtaí arna ndéanamh le haghaidh na bliana airgeadais 2024.

(3)

Le hAirteagal 64, an dara mír, pointe (c), de Rialachán Cur Chun Feidhme (AE) 2022/128, foráiltear go leanfaidh Iarscríbhinní II agus III a ghabhann le Rialachán Cur Chun Feidhme (AE) Uimh. 908/2014 d’fheidhm a bheith acu chun críocha Airteagal 32, pointí (f) agus (g), de Rialachán Cur Chun Feidhme (AE) 2022/128 le haghaidh na bliana airgeadais 2024.

(4)

Le hAirteagal 40, an dara mír, de Rialachán Tarmligthe (AE) 2022/127 ón gCoimisiún (5), foráiltear go leanfaidh Airteagal 5, Airteagal 5a, Airteagal 7(3) agus (4), Airteagal 10, Airteagal 11(1), an dara fomhír, Airteagal 11(2), Airteagail 12 agus 13 agus Airteagal 41(5) de Rialachán Tarmligthe (AE) Uimh. 907/2014 ón gCoimisiún (6) d’fheidhm a bheith acu, a mhéid a bhaineann le CERT, i ndáil le caiteachas arna thabhú agus íocaíochtaí arna ndéanamh le haghaidh na bliana airgeadais 2024.

(5)

De bhun Airteagal 51 de Rialachán (AE) Uimh. 1306/2013 agus Airteagal 53 de Rialachán (AE) 2021/2116, ar bhonn na gcuntas bliantúil arna gcur isteach ag na Ballstáit, agus an fhaisnéis is gá chun na cuntais a imréiteach ag gabháil leo chomh maith le tuairim iniúchóireachta maidir le hiomláine, cruinneas agus fírinneacht na gcuntas agus na dtuarascálacha arna mbunú ag na comhlachtaí deimhniúcháin, tá an Coimisiún le cuntais na ngníomhaireachtaí íocaíochta dá dtagraítear in Airteagal 7 de Rialachán (AE) Uimh. 1306/2013 agus Airteagal 9 de Rialachán (AE) 2021/2116 sin a imréiteach roimh an 31 Bealtaine an bhliain tar éis na bliana airgeadais i gceist.

(6)

I gcomhréir le hAirteagal 35 de Rialachán (AE) 2021/2116, cuirtear tús leis an mbliain airgeadais talmhaíochta an 16 Deireadh Fómhair de bhliain N-1 agus tagann deireadh léi an 15 Deireadh Fómhair i mbliain N. Agus cuntais á n-imréiteach le haghaidh na bliana airgeadais 2024, ba cheart caiteachas a thabhaigh na Ballstáit idir an 16 Deireadh Fómhair 2023 agus an 15 Deireadh Fómhair 2024 a chur san áireamh, i gcomhréir le hAirteagal 11(1) de Rialachán Cur Chun Feidhme (AE) Uimh. 2022/128.

(7)

Le hAirteagal 33(2), an chéad fhomhír, de Rialachán Cur Chun Feidhme (AE) Uimh. 908/2014 agus le hAirteagal 35(2), an chéad fhomhír, de Rialachán Cur Chun Feidhme (AE) 2022/128, foráiltear go bhfuil na méideanna is in-aisghabhála ó na Ballstáit uile nó is iníoctha leo, i gcomhréir leis an gcinneadh maidir le himréiteach cuntas dá dtagraítear in Airteagal 33(1) de Rialachán Cur Chun Feidhme (AE) Uimh. 908/2014 agus in Airteagal 35(1) de Rialachán Cur Chun Feidhme (AE) 2022/128, go bhfuil siad le leagan síos trí na híocaíochtaí míosúla le haghaidh na bliana airgeadais lena mbaineann a asbhaint ón gcaiteachas a aithnítear le haghaidh na bliana sin i gcomhréir le hAirteagal 33(1) de Rialachán Cur Chun Feidhme (AE) Uimh. 908/2014 agus le hAirteagal 35(1) de Rialachán Cur Chun Feidhme (AE) 2022/128. Tá an Coimisiún leis an méid sin a asbhaint ón íocaíocht mhíosúil a bhaineann leis an gcaiteachas a dhéantar sa dara mí tar éis an chinnidh maidir le himréiteach cuntas nó tá an Coimisiún leis an méid sin a chur leis an íocaíocht sin.

(8)

Sheiceáil an Coimisiún an fhaisnéis a chuir na Ballstáit faoina bhráid agus chuir sé torthaí na seiceálacha in iúl do na Ballstáit, mar aon leis na leasuithe atá molta aige.

(9)

I gcás na ngníomhaireachtaí íocaíochta uile, cuireann na cuntais bhliantúla agus na doiciméid tionlacain ar a chumas don Choimisiún cinneadh a dhéanamh maidir le cruinneas, iomláine agus fírinneacht na gcuntas bliantúil a chuirtear faoina bhráid.

(10)

De bhun Airteagal 41(1) de Rialachán (AE) Uimh. 1306/2013 agus Airteagal 39(1) agus (2) de Rialachán (AE) 2021/2116, tá an Coimisiún le fíorú go gcomhlíonann na Ballstáit na tréimhsí íocaíochta agus na huasteorainneacha airgeadais a leagtar síos i reachtaíocht an Aontais maidir le cabhair a íoc le tairbhithe agus tá sé le cinneadh a dhéanamh maidir le laghduithe a d’fhéadfaí a dhéanamh ar íocaíochtaí míosúla leis na Ballstáit.

(11)

De bhun Airteagal 40, an chéad fhomhír, de Rialachán (AE) Uimh. 1306/2013 agus Airteagal 38 de Rialachán (AE) 2021/2116 i gcomhar le hAirteagal 5(1) de Rialachán Tarmligthe (AE) Uimh. 907/2014 agus Airteagal 5(1) de Rialachán Tarmligthe (AE) 2022/127, faoi seach, i gcás ina ndearnadh íocaíochtaí tar éis an dáta íocaíochta is déanaí is féidir, tá an Coimisiún le méid na n-íocaíochtaí míosúla a dheonaítear do na Ballstáit a laghdú agus tionchar airgeadais an laghdaithe a choigeartú i gcomhréir leis an moill ar íocaíocht trí na rátaí éagsúla dá bhforáiltear in Airteagal 5(2) agus (3) de Rialachán Tarmligthe (AE) Uimh. 907/2014 agus Airteagal 5(2) agus (3) de Rialachán Tarmligthe (AE) 2022/127 a chur i bhfeidhm. I gcomhréir le hAirteagal 5(5), an dara fomhír, de Rialachán Tarmligthe (AE) Uimh. 907/2014 agus le hAirteagal 5(5), an dara fomhír, de Rialachán Tarmligthe (AE) 2022/127, cuirfear aon sárú ar sprioc-amanna íocaíochta san áireamh, ar a dhéanaí, sa chinneadh maidir le himréiteach cuntas. Rinneadh cuid den chaiteachas a dhearbhaigh Ballstáit áirithe le linn na bliana airgeadais 2024 tar éis na sprioc-amanna is infheidhme. Dá bhrí sin, leis an gCinneadh seo ba cheart na laghduithe ábhartha a leagan síos.

(12)

Leanfaidh Rialachán (AE) Uimh. 1307/2013 ó Pharlaimint na hEorpa agus ón gComhairle (7) d’fheidhm a bheith aige maidir le hiarratais ar chabhair a bhaineann le blianta éilimh a thosaigh roimh an 1 Eanáir 2023, de bhun Airteagal 154(2) de Rialachán (AE) 2021/2115 ó Pharlaimint na hEorpa agus ón gComhairle (8). I roinnt Rialacháin ón gCoimisiún lena bhforlíontar Rialachán (AE) Uimh. 1307/2013, leagtar síos uasteorainneacha airgeadais le haghaidh bearta áirithe arna maoiniú i leith íocaíochtaí díreacha faoi CERT. Tar éis an laghdú líneach, an smacht airgeadais agus an laghdú ar íocaíochtaí a leagtar síos in Airteagail 7, 8 agus 11, faoi seach, de Rialachán (AE) Uimh. 1307/2013 a chur san áireamh, eascraíonn laghduithe ar na híocaíochtaí míosúla atá le déanamh leis an mBallstát lena mbaineann de bhun Airteagal 41(1), an dara fomhír, de Rialachán (AE) Uimh. 1306/2013 as aon sárú ar na huasteorainneacha sin. Tar éis measúnú deiridh a dhéanamh i ndiaidh na cuntais bhliantúla a chur isteach, ba cheart aon sárú ar na huasteorainneacha a bhraitear agus nach n-asbhaintear ó na híocaíochtaí míosúla a chur san áireamh sa Chinneadh seo.

(13)

De bhun Airteagal 41 de Rialachán (AE) Uimh. 1306/2013 agus Airteagal 39 de Rialachán (AE) 2021/2116, tá roinnt íocaíochtaí míosúla le haghaidh na bliana airgeadais 2024 laghdaithe ag an gCoimisiún cheana mar gheall ar chaiteachas nach ndearnadh i gcomhréir le rialacha an Aontais. Leis an gCinneadh seo, ba cheart don Choimisiún na méideanna sin a laghdaíodh a chur san áireamh chun aon íocaíocht nó aisíocaíocht mhíchuí nó mhíthráthúil a sheachaint, ar íocaíochtaí nó aisíocaíochtaí iad a d’fhéadfadh a bheith faoi réir ceartú airgeadais níos déanaí. Ba cheart scrúdú a dhéanamh ar na méideanna atá i gceist, i gcás inarb iomchuí, faoi imeachtaí imréitigh comhréireachta de bhun Airteagal 52 de Rialachán (AE) Uimh. 1306/2013 agus Airteagal 55 de Rialachán (AE) 2021/2116

(14)

Tá na híocaíochtaí míosúla ábhartha laghdaithe cheana ag an gCoimisiún le haghaidh na bliana airgeadais 2024 i gcás na méideanna atá dlite do CERT mar thoradh ar chinntí maidir le himréiteach comhréireachta agus airgeadais, de bhun Airteagail 51 agus 52 de Rialachán (AE) Uimh. 1306/2013 agus Airteagail 53 agus 55 de Rialachán (AE) 2021/2116, arna bhforghníomhú ag an gCoimisiún sa bhliain airgeadais 2024. Cuirtear aon mhéid den sórt sin san áireamh sa Chinneadh seo.

(15)

De bhun Airteagal 54(2) de Rialachán (AE) Uimh. 1306/2013, ba cheart don Bhallstát lena mbaineann 50 % de na hiarmhairtí airgeadais a eascraíonn ón neamh-aisghabháil neamhrialtachtaí a íoc, mura ndéantar an aisghabháil laistigh de 4 bliana ó dháta na hiarrata ar aisghabháil, nó laistigh de 8 mbliana i gcás ina dtugtar an aisghabháil os comhair na gcúirteanna náisiúnta. Le hAirteagal 54(4) de Rialachán (AE) Uimh. 1306/2013, ceanglaítear ar na Ballstáit tábla a chur i gceangal leis na cuntais bhliantúla nach mór dóibh a chur faoi bhráid an Choimisiúin, de bhun Airteagal 29 de Rialachán Cur Chun Feidhme (AE) Uimh. 908/2014, ar tábla deimhnithe é lena léirítear na méideanna atá le híoc acu faoi Airteagal 54(2) de Rialachán (AE) Uimh. 1306/2013. Rialacha maidir le cur i bhfeidhm oibleagáid na mBallstát chun na méideanna atá le haisghabháil a thuairisciú, leagtar síos i Rialachán Cur Chun Feidhme (AE) Uimh. 908/2014 iad. Le hIarscríbhinn II a ghabhann le Rialachán Cur Chun Feidhme (AE) Uimh. 908/2014, leagtar amach an tsamhail den tábla ar cheart do na Ballstáit a úsáid chun faisnéis a sholáthar faoi na méideanna atá le haisghabháil. Ar bhonn na dtáblaí a líonann na Ballstáit isteach, ba cheart don Choimisiún na hiarmhairtí airgeadais a eascraíonn ón neamh-aisghabháil neamhrialtachtaí atá níos sine ná 4 nó 8 mbliana faoi seach a chinneadh.

(16)

De bhun Airteagal 54(3) de Rialachán (AE) Uimh. 1306/2013, ar chúiseanna cuí-réasúnaithe, féadfaidh na Ballstáit a chinneadh gan iarracht a dhéanamh aisghabháil a dhéanamh. Ní féidir cinneadh den sórt sin a dhéanamh ach amháin más mó na costais a tabhaíodh cheana in éineacht leis na costais is dócha a thabhófar, ná an méid atá le haisghabháil, nó má tá an aisghabháil dodhéanta mar gheall ar dhócmhainneacht an fhéichiúnaí nó na ndaoine a bhfuil freagracht dhlíthiúil orthu as an neamhrialtacht, ar dócmhainneacht í a cláraíodh agus a aithníodh faoin dlí náisiúnta. Má dhéantar an cinneadh laistigh de 4 bliana ó dháta na hiarrata ar aisghabháil, nó laistigh de 8 mbliana i gcás ina dtugtar an aisghabháil os comhair na gcúirteanna náisiúnta, ba cheart 100 % d’iarmhairtí airgeadais a eascraíonn ón neamh-aisghabháil a íoc as buiséad an Aontais. Na méideanna ar chinn Ballstát ar leith gan iarracht a dhéanamh iad a aisghabháil agus na forais lena chinneadh, cuimseofar iad sa tuarascáil achomair dá dtagraítear in Airteagal 54(4) den Rialachán sin. Dá bhrí sin, níor cheart na méideanna sin a ghearradh ar na Ballstáit lena mbaineann agus mar gheall air sin, tá siad le híoc as buiséad an Aontais.

(17)

I gcomhréir le hAirteagal 51 de Rialachán (AE) Uimh. 1306/2013 agus le hAirteagal 53 de Rialachán (AE) 2021/2116, ba cheart an Cinneadh seo a bheith gan dochar do na cinntí a d’fhéadfadh an Coimisiún a dhéanamh ina dhiaidh seo chun caiteachas a eisiamh ó mhaoiniú ón Aontas de bhun Airteagal 52 de Rialachán (AE) Uimh. 1306/2013 agus Airteagail 54 agus 55 de Rialachán (AE) 2021/2116,