(1)

Foráiltear le hAirteagal 300(3) den Chonradh go bhfuil Coiste na Réigiún le bheith comhdhéanta d’ionadaithe do chomhlachtaí réigiúnacha agus áitiúla a bhfuil acu sainordú toghchánach in údarás réigiúnach nó áitiúil nó atá freagrach go polaitiúil do thionól tofa.

(2)

Foráiltear le hAirteagal 305 den Chonradh go ndéanfaidh an Chomhairle comhaltaí Choiste na Réigiún mar aon lena chomhlíon de chomhaltaí malartacha a cheapadh go ceann téarma 5 bliana i gcomhréir leis na moltaí arna ndéanamh ag gach Ballstát.

(3)

Ós rud é go ndeachaigh téarma oifige chomhaltaí agus chomhaltaí malartacha Choiste na Réigiún in éag an 25 Eanáir 2025, ba cheart comhaltaí nua agus comhaltaí malartacha nua a cheapadh.

(4)

An 10 Nollaig 2024, ghlac an Chomhairle Cinneadh (AE) 2025/71 (2). Leis an gCinneadh sin, cheap sí na comhaltaí agus na comhaltaí malartacha de Choiste na Réigiún arna moladh ag rialtas na hEastóine, na hÉireann, na Cróite, na Cipire, na Laitvia, Lucsamburg, Mhálta, na hÍsiltíre, na hOstaire, na Portaingéile, na Slóivéine, na Slóvaice, na Fionlainne, agus na Sualainne don tréimhse ón 26 Eanáir 2025 go dtí an 25 Eanáir 2030. Le Cinneadh (AE) 2025/71, cheap an Chomhairle don tréimhse chéanna, 12 chomhalta agus 9 gcomhalta mhalartacha arna moladh ag Rialtas na Seice, 7 gcomhalta agus 9 gcomhalta mhalartacha arna moladh ag Rialtas na Danmhairge, 23 chomhalta agus 19 gcomhalta mhalartacha arna moladh ag Rialtas na Gearmáine, 11 chomhalta agus 12 chomhalta mhalartacha arna moladh ag Rialtas na Gréige, 20 comhalta agus 20 comhalta malartach arna moladh ag Rialtas na Spáinne, 22 chomhalta agus 24 chomhalta mhalartacha arna moladh ag Rialtas na hIodáile, 21 chomhalta agus 20 comhalta malartach arna moladh ag Rialtas na Polainne, agus 9 gcomhalta agus 9 gcomhalta mhalartacha arna moladh ag Rialtas na Rómáine. Ní fhéadfaí na comhaltaí ná na comhaltaí malartacha ina leith siúd nár cuireadh moltaí lena gceapadh in iúl don Chomhairle roimh an 22 Samhain 2024 a chur san áireamh i gCinneadh (AE) 2025/71.

(5)

An 21 Eanáir 2025, ghlac an Chomhairle Cinneadh (AE) 2025/201 (3). Leis an gCinneadh sin, cheap sí don tréimhse ón 26 Eanáir 2025 go dtí an 25 Eanáir 2030, na comhaltaí agus na comhaltaí malartacha de Choiste na Réigiún a mhol Rialtais na Bulgáire, na Liotuáine agus na hUngáire, mar aon le 10 gcomhalta agus 10 gcomhalta mhalartacha a mhol Rialtas na Beilge, agus 24 chomhalta agus 23 chomhalta mhalartacha a mhol Rialtas na Fraince. Thairis sin, le Cinneadh (AE) 2025/201, cheap an Chomhairle 2 chomhalta agus comhalta malartach amháin a mhol Rialtas na Danmhairge, agus ceapadh duine de na comhaltaí sin mar chomhalta malartach ar dtús le Cinneadh (AE) 2025/71. Cheap sí freisin comhalta malartach amháin a mhol Rialtas na hIodáile tar éis do chomhalta malartach arna cheapadh le Cinneadh (AE) 2025/71 éirí as oifig. Ní fhéadfaí na comhaltaí ná na comhaltaí malartacha ina leith siúd nár cuireadh moltaí lena gceapadh in iúl don Chomhairle roimh an 31 Nollaig 2024 a chur san áireamh i gCinneadh (AE) 2025/201.

(6)

An 18 Feabhra 2025, ghlac an Chomhairle Cinneadh (AE) 2025/378 (4). Leis an gCinneadh sin, cheap sí, don tréimhse ón 18 Feabhra 2025 go dtí an 25 Eanáir 2030, beirt chomhaltaí agus beirt chomhaltaí mhalartacha de Choiste na Réigiún a mhol Rialtas na Beilge, beirt chomhaltaí mhalartacha a mhol Rialtas na Gearmáine, comhalta amháin a mhol Rialtas na Gréige, comhalta amháin agus comhalta malartach amháin a mhol Rialtas na Spáinne, beirt chomhaltaí a mhol Rialtas na hIodáile, seisear comhaltaí agus seisear comhaltaí malartacha a mhol Rialtas na Rómáine, agus comhalta malartach amháin a mhol Rialtas na Polainne. Thairis sin, le Cinneadh (AE) 2025/378, cheap an Chomhairle comhalta amháin a mhol Rialtas na Gearmáine tar éis do chomhalta arna cheapadh le Cinneadh (AE) 2025/71 éirí as oifig. Ní fhéadfaí na comhaltaí ná na comhaltaí malartacha ina leith siúd nár cuireadh moltaí lena gceapadh in iúl don Chomhairle roimh an 7 Feabhra 2025 a chur san áireamh i gCinneadh (AE) 2025/378.

(7)

Faoin 30 Aibreán 2025, cuireadh liosta breise faoi bhráid na Comhairle, eadhon liosta ar a raibh triúr comhaltaí malartacha de Choiste na Réigiún a mhol Rialtas na Seice, agus liosta ar a raibh comhalta amháin agus comhalta malartach amháin a mhol Rialtas na Gearmáine. Ba cheart an comhalta agus na comhaltaí malartacha sin a cheapadh don tréimhse ón 13 Bealtaine 2025 go dtí an 25 Eanáir 2030.

(8)

Le Cinneadh (AE) 2025/71, ceapadh Malte Krückels ina chomhalta de Choiste na Réigiún don tréimhse ón 26 Eanáir 2025 go dtí an 25 Eanáir 2030. Mar sin féin, tháinig deireadh an 14 Nollaig 2024 leis an sainordú ar dá bhun a moladh é a cheapadh ar Choiste na Réigiún. I ndiaidh dheireadh an tsainordaithe sin, mhol Rialtas na Gearmáine go gceapfaí André KNAPP ina chomhalta de Choiste na Réigiún. Dá bhrí sin, ba cheart André KNAPP a cheapadh ina chomhalta de Choiste na Réigiún agus ba cheart an liosta de na comhaltaí thar ceann na Gearmáine i gCinneadh (AE) 2025/71 a oiriúnú dá réir.

(9)

Le Cinneadh (AE) 2025/71 ceapadh Werner AMON ina chomhalta de Choiste na Réigiún don tréimhse ón 26 Eanáir 2025 go dtí an 25 Eanáir 2030. Mar sin féin, tháinig deireadh an 18 Nollaig 2024 leis an sainordú ar dá bhun a moladh é a cheapadh ar Choiste na Réigiún. I ndiaidh dheireadh an tsainordaithe sin, mhol Rialtas na hOstaire go gceapfaí Manuela KHOM ina comhalta de Choiste na Réigiún. Dá bhrí sin, ba cheart Manuela KHOM a cheapadh ina comhalta de Choiste na Réigiún agus ba cheart an liosta de na comhaltaí thar ceann na hOstaire i gCinneadh (AE) 2025/71 a oiriúnú dá réir.

(10)

Nuair a bheidh na comhaltaí agus na comhaltaí malartacha de Choiste na Réigiún ceaptha trí bhíthin an Chinnidh seo, leanfar, ar dháta níos faide anonn, de chomhaltaí malartacha eile a cheapadh, ar ina leith nár cuireadh na moltaí lena gceapadh in iúl don Chomhairle faoi 30 Aibreán 2025,

—

ina gcomhaltaí, na daoine a liostaítear de réir Ballstáit in Iarscríbhinn I,

—

ina gcomhaltaí malartacha, na daoine a liostaítear de réir Ballstáit in Iarscríbhinn II.

(1)

sa liosta don Ghearmáin, scriostar an iontráil seo a leanas:

‘Malte KRÜCKELS

Staatssekretär für Medien und Europa, Bevollmächtigter Thüringens beim Bund (Státrúnaí na Meán agus na hEorpa, Ionadaí Shaorstát Thuringia chuig an Rialtas Cónaidhme)’

(2)

sa liosta don Ostair, scriostar an iontráil seo a leanas:

‘Werner AMON

Landesrat der Steiermärkischen Landesregierung (Comhalta de Státrialtas Styria)’.