(1)

Maidir leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (1) (‘an Comhaontú Trádála agus Comhair’), thug an tAontas agus an Comhphobal Eorpach do Fhuinneamh Adamhach i gcrích é an 30 Nollaig 2020 agus tháinig sé i bhfeidhm an 1 Bealtaine 2021.

(2)

Leis an gComhaontú Trádála agus Comhair, agus go háirithe a Phrótacal maidir le comhar riaracháin agus calaois a chomhrac i réimse na cánach breisluacha agus ar chúnamh frithpháirteach chun éilimh a bhaineann le cánacha agus dleachtanna a aisghabháil (‘an Prótacal’), déantar foráil maidir le creat láidir dlíthiúil i ndáil le comhar maidir leis an gcomhrac in aghaidh na calaoise agus maidir le héilimh a aisghabháil. Is chun tairbhe don chomhar sin a bheidh formhór na n-uirlisí a úsáideann na Ballstáit faoi láthair chun comhar riaracháin a dhéanamh agus chun éilimh a aisghabháil.

(3)

Tá an Coiste Speisialaithe Trádála um Chomhar Riaracháin in CBL agus um Aisghabháil Cánacha agus Dleachtanna, arna bhunú leis an gComhaontú Trádála agus Comhair (‘an Coiste Speisialaithe Trádála’), le moltaí a dhéanamh agus cinntí a ghlacadh chun feidhmiú agus cur chun feidhme cuí an Phrótacail a áirithiú.

(4)

Glacfaidh an Coiste Speisialaithe Trádála cinneadh maidir leis an nós imeachta a bhaineann le cur chun feidhme agus feidhmiú cuí an Phrótacail agus leagfaidh sé síos na foirmeacha caighdeánacha le haghaidh na cumarsáide.

(5)

Is iomchuí an seasamh atá le glacadh thar ceann an Aontais sa Choiste Speisialaithe Trádála a bhunú, ós rud é go mbeidh an cinneadh lena leagtar síos na foirmeacha caighdeánacha le haghaidh na cumarsáide ina cheangal ar an Aontas.

(6)

I bhfianaise éabhlóid an chórais um malartú foirmeacha dá dtagraítear in Iarscríbhinn II a ghabhann le Cinneadh Cur Chun Feidhme C(2019)2866 ón gCoimisiún agus an ghá atá leis na foirmeacha caighdeánacha de bhun Airteagal PVAT.19(1) a chur i gcomhréir leis an gCinneadh Cur Chun Feidhme sin, chomh maith leis an ngá a eascraíonn as an méid sin go gcuirfí na forbairtí sin san áireamh i seasamh an Aontais, ba cheart forálacha maidir le comhar agus comhordú a leagan síos, i gcomhréir le prionsabal an chomhair dhílis a leagtar amach in Airteagal 13(2) den Chonradh ar an Aontas Eorpach, le haghaidh shonraíocht sheasamh an Aontais.

(7)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (2) agus thug sé tuairim uaidh an 28 Aibreán 2025,