1.   Bainfidh na Ballstáit úsáid as ceann amháin nó meascán de na foinsí sonraí seo a leanas, ar choinníoll go gceadaítear leo staidreamh a tháirgeadh a chomhlíonann na ceanglais cháilíochta a leagtar síos in Airteagal 7:

2.   Féachfaidh na Ballstáit agus an Coimisiún (Eurostat) le modhanna agus foinsí sonraí nuálacha a úsáid chun feabhas a chur ar staidreamh a thiomsaítear de bhun an Rialacháin seo agus chun an t-ualach freagartha a laghdú, ar choinníoll go gceadaítear leis na modhanna agus na foinsí sin staidreamh a tháirgeadh a chomhlíonann na ceanglais cháilíochta a leagtar síos in Airteagal 7.

3.   I gcás inar le sonraí pearsanta a bhaineann iarraidh arna tíolacadh ag institiúid náisiúnta staidrimh nó ag an gCoimisiún (Eurostat) chuig sealbhóir sonraí príobháideach i gcomhréir le Rialachán (CE) Uimh. 223/2009, beidh an iarraidh sin teoranta do na catagóirí sonraí pearsanta a chumhdaítear leis na réimsí agus na topaicí a shonraítear in Airteagal 4 den Rialachán seo.

4.   Beidh na suirbhéanna a úsáidtear chun críoch staidrimh margaidh saothair i dtaca le gnólachtaí bunaithe ar shamplaí atá ionadaíoch don daonra staidrimh. Déanfar samplaí d’fhiontair nó d’aonaid áitiúla a tharraingt as na cláir ghnó staidrimh náisiúnta a dtugtar tuairisc orthu in Airteagal 8(4) de Rialachán (AE) 2019/2152 ó Pharlaimint na hEorpa agus ón gComhairle (18).

5.   Tarchuirfidh na Ballstáit chuig an gCoimisiún (Eurostat) na tuarascálacha cáilíochta dá dtagraítear in Airteagal 7(4), ina mbeidh faisnéis mhionsonraithe faoi na foinsí agus na modhanna a úsáideadh.

1.   Cumhdófar leis an staidreamh margaidh saothair i dtaca le gnólachtaí na réimsí agus na topaicí seo a leanas:

Ar na topaicí innéacs na gcostas saothair, dá dtagraítear sa chéad fhomhír, pointe (b)(ii), agus folúntais phoist, dá dtagraítear sa chéad fhomhír, pointe (c)(i), áireofar a meastacháin luatha faoi seach dá dtagraítear in Airteagal 5.

2.   I gcás gach topaice a liostaítear i mír 1, is mar a leagtar amach san Iarscríbhinn a bheidh na topaicí mionsonraithe, a dtréimhsiúlacht chomhfhreagrach, a dtréimhsí tagartha, lena n-áirítear an chéad tréimhse thagartha, agus a spriocdhátaí tarchurtha sonraí.

3.   I gcomhréir le hAirteagal 12, tabharfar de chumhacht don Choimisiún gníomhartha tarmligthe a ghlacadh chun liosta na dtopaicí mionsonraithe a leagtar amach san Iarscríbhinn a leasú. I gcás ina dtugtar isteach topaic mhionsonraithe nua le gníomh tarmligthe, féadfar an tréimhsiúlacht, an tréimhse thagartha agus an spriocdháta tarchuir a áireamh sa ghníomh tarmligthe sin freisin. Glacfar na gníomhartha tarmligthe 18 mí ar a laghad roimh thús na tréimhse tagartha ábhartha.

4.   Agus an chumhacht chun gníomhartha tarmligthe a ghlacadh de bhun mhír 3 á feidhmiú aige, áiritheoidh an Coimisiún an méid seo a leanas:

Is i gcomhréir le hAirteagal 9 a mhaoineofar na staidéir dá dtagraítear i mír 4, pointe (b).

5.   Tarchuirfear na sonraí chuig an gCoimisiún (Eurostat) i bhfoirm sonraí comhiomlánaithe, cé is moite den topaic struchtúr tuillimh, dá dtagraítear i mír 1, pointe (a)(i), a dtarchuirfear micreashonraí ina leith maidir le fostaithe aonair agus maidir le haonaid áitiúla.

6.   Le haghaidh gach tacair sonraí, soláthróidh na Ballstáit sonraí réamhsheiceáilte agus meiteashonraí gaolmhara trí fhormáid theicniúil arna sonrú ag an gCoimisiún (Eurostat) a úsáid. Úsáidfear seirbhísí an phointe teagmhála aonair chun na sonraí a sholáthar don Choimisiún (Eurostat).

7.   Glacfaidh an Coimisiún gníomhartha cur chun feidhme lena leagtar amach na heilimintí seo a leanas le haghaidh gach topaice:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 13(2), ar a laghad 18 mí roimh thús na tréimhse tagartha ábhartha, cé is moite den chéad tréimhse thagartha mar a luaitear san Iarscríbhinn, a mbeidh tréimhse 12 mhí i bhfeidhm ina leith. Glacfar an gníomh cur chun feidhme i gcás na topaice struchtúr tuillimh roimh an 1 Meán Fómhair 2025 le haghaidh na chéad tréimhse tagartha dar tús 2026. Áiritheoidh an Coimisiún go gcomhlíonfaidh na gníomhartha cur chun feidhme arna nglacadh de bhun na míre seo prionsabal na comhréireachta agus nach bhforchuirfear leo costas ná ualach suntasach breise ar na Ballstáit ná ar ghnólachtaí.

8.   Déanfar staidéir féidearthachta nó phíolótacha mar a leagtar amach in Airteagal 8 agus déanfar measúnú cuí ar thorthaí na staidéar sin agus cuirfear san áireamh iad sula ndéanfar aon mhodhnú ar na miondealuithe sonraí dá dtagraítear i mír 7, an chéad fhomhír, pointe (b), den Airteagal seo.

9.   I gcomhréir le hAirteagal 12, tugtar de chumhacht don Choimisiún gníomhartha tarmligthe a ghlacadh lena bhforlíontar an Rialachán seo tríd an bhfaisnéis a leagan amach atá le soláthar ag na Ballstáit ar feadh uastréimhse 3 bliana tagartha i gcás ina meastar, faoi raon feidhme an Rialacháin seo, gur gá faisnéis bhreise a tháirgeadh chun aghaidh a thabhairt ar riachtanais bhreise maidir le sonraí staidrimh, ar riachtanais iad nach féidir a chomhlíonadh ar bhealach ar bith eile.

Go háirithe, ní bheidh oibleagáid ann suirbhé nua staidrimh a dhéanamh ar ghnólachtaí mar thoradh ar na gníomhartha tarmligthe dá dtagraítear sa mhír seo.

Leagfar amach an méid seo a leanas sna gníomhartha tarmligthe sin:

Ní bheidh feidhm ag na gníomhartha tarmligthe dá dtagraítear sa mhír seo maidir le tréimhsí tagartha roimh 2029 agus beidh 2 bhliain ar a laghad acu idir gach táirgeadh breise sonraí ag tosú ón spriocdháta chun sonraí an táirgthe breise sonraí is déanaí a tharchur.

Déanfar staidéir féidearthachta nó phíolótacha mar a leagtar amach in Airteagal 8 agus déanfar measúnú cuí ar thorthaí na staidéar sin agus cuirfear san áireamh iad sula nglacfar aon ghníomh tarmligthe.

Is i gcomhréir le hAirteagal 9 a mhaoineofar na staidéir dá dtagraítear sa chúigiú fomhír den mhír seo.

10.   Glacfaidh an Coimisiún gníomhartha cur chun feidhme lena leagtar amach an fhaisnéis bhreise dá dtagraítear i mír 9 agus meiteashonraí. Leagfar amach sna gníomhartha cur chun feidhme sin na heilimintí teicniúla seo a leanas, i gcás inarb iomchuí:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 13(2) tráth nach déanaí ná 18 mí roimh thús na tréimhse tagartha ábhartha.

Déanfar staidéir féidearthachta nó phíolótacha mar a leagtar amach in Airteagal 8 agus déanfar measúnú cuí ar thorthaí na staidéar sin agus cuirfear san áireamh iad sula nglacfar aon ghníomh cur chun feidhme.

1.   Tarchuirfidh na Ballstáit seo a leanas meastacháin luatha maidir leis an innéacs costais saothair dá dtagraítear in Airteagal 4(1), pointe (b)(ii), agus maidir leis na folúntais phoist dá dtagraítear in Airteagal 4(1), pointe (c)(i):

2.   Déanfaidh an Coimisiún (Eurostat) measúnú ar chion na bhfostaithe as an líon iomlán san Aontas agus as an líon iomlán sa limistéar euro a luaitear i mír 1, bunaithe ar shonraí bliantúla shuirbhé an Aontais Eorpaigh ar an bhfórsa saothair atá ar fáil.

3.   I gcás ina bhfuil aon athrú ar liosta na mBallstát a bhfuil a líon fostaithe bliantúil níos airde ná na tairseacha dá dtagraítear i mír 1, pointí (a) agus (b), tabharfaidh an Coimisiún (Eurostat) fógra do na Ballstáit lena mbaineann laistigh de 6 mhí tar éis dheireadh na tréimhse a úsáideadh chun measúnú a dhéanamh ar an tairseach 3 %. Má thiteann cion nuashonraithe na bhfostaithe faoi bhun na dtairseach faoi seach dá dtagraítear i mír 1, pointí (a) agus (b), féadfaidh na Ballstáit lena mbaineann stop a chur le meastacháin luatha a tharchur ón ráithe thagartha den chéad bhliain féilire tar éis dháta an fhógra. Má tá an cion nuashonraithe os cionn na dtairseach sin, déanfaidh na Ballstáit lena mbaineann na meastacháin luatha a tharchur ón gcéad ráithe thagartha den tríú bliain féilire tar éis dháta an fhógra.

1.   Déanfar staidreamh faoin Rialachán seo a thiomsú maidir le haonad staidrimh amháin nó níos mó díobh seo a leanas:

2.   I gcás na dtopaicí innéacs na gcostas saothair, dá dtagraítear in Airteagal 4(1), pointe (b)(ii), agus folúntais phoist, dá dtagraítear in Airteagal 4(1), pointe (c)(i), is é a bheidh sa daonra staidrimh fiontair chónaitheacha uile nó aonaid áitiúla chónaitheacha uile an Bhallstáit a chomhlíonann na coinníollacha seo a leanas:

3.   I gcás na dtopaicí struchtúr tuillimh, dá dtagraítear in Airteagal 4(1), pointe (a)(i), agus an bhearna phá idir na hinscní, dá dtagraítear in Airteagal 4(1), pointe (a)(ii), a mhéid a bhaineann le sonraí faoin bhfostóir, is é a bheidh sa daonra staidrimh aonaid áitiúla chónaitheacha an Bhallstáit a chomhlíonann na coinníollacha seo a leanas:

I gcás na dtopaicí struchtúr tuillimh agus an bhearna phá idir na hinscní, a mhéid a bhaineann le sonraí faoin bhfostaí, is é a bheidh sa daonra staidrimh gach fostaí a mbaineann a n-aonad áitiúil leis an daonra staidrimh dá dtagraítear sa chéad fhomhír.

4.   I gcás na topaice struchtúr na gcostas saothair, dá dtagraítear in Airteagal 4(1), pointe (b)(i), is é a bheidh sa daonra staidrimh aonaid áitiúla uile an Bhallstáit a chomhlíonann na coinníollacha seo a leanas:

1.   Déanfaidh na Ballstáit na bearta is gá chun cáilíocht na sonraí agus na meiteashonraí arna dtarchur a áirithiú.

2.   Áiritheoidh na Ballstáit go gcumhdófar go hiomlán, leis na sonraí a tháirgtear faoin Rialachán seo, na haonaid staidrimh agus an daonra staidrimh a shainítear in Airteagal 6, agus go dtugtar meastacháin cruinn orthu.

3.   Chun críocha an Rialacháin seo, beidh feidhm ag na critéir cháilíochta a leagtar amach in Airteagal 12(1) de Rialachán (CE) Uimh. 223/2009.

4.   Tarchuirfidh na Ballstáit tuarascálacha cáilíochta maidir leis na foinsí agus na modhanna a bhaineann le gach ceann de na topaicí a liostaítear in Airteagal 4.

5.   Glacfaidh an Coimisiún gníomhartha cur chun feidhme lena leagtar amach socruithe praiticiúla le haghaidh na dtuarascálacha cáilíochta agus ábhar na dtuarascálacha cáilíochta sin. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 13(2) agus ní fhorchuirfear leo costas ná ualach suntasach breise ar na Ballstáit.

6.   Cuirfidh na Ballstáit an Coimisiún (Eurostat) ar an eolas maidir le haon fhaisnéis nó aon athrú ábhartha maidir le cur chun feidhme an Rialacháin seo a mbeadh tionchar aici nó aige ar cháilíocht na sonraí arna dtarchur. Soláthrófar an fhaisnéis sin a luaithe is féidir agus tráth nach déanaí ná 3 mhí tar éis d’aon athrú den sórt sin tarlú.

7.   Ar iarraidh chuí-réasúnaithe a fháil ón gCoimisiún (Eurostat), déanfaidh na Ballstáit an fhaisnéis bhreise is gá a sholáthar dó chun meastóireacht a dhéanamh ar cháilíocht na faisnéise staidrimh.

8.   Déanfaidh an Coimisiún (Eurostat) measúnú ar cháilíocht na sonraí arna dtarchur, ar na foinsí agus ar na modhanna arna n-úsáid agus ar na creataí samplála. Ullmhóidh agus foilseoidh an Coimisiún (Eurostat) tuarascálacha maidir le cáilíocht na sonraí arna dtarchur agus na foinsí agus na modhanna arna n-úsáid. Sna tuarascálacha sin, cuirfidh an Coimisiún (Eurostat) treoir ar fáil faoi mar is féidir tuilleadh feabhais a chur ar cháilíocht an staidrimh arna thiomsú faoin Rialachán seo.

1.   Chun staidreamh margaidh saothair i dtaca le gnólachtaí a fheabhsú nó chun an t-ualach riaracháin agus airgeadais ar fhiontair a theorannú, go háirithe do FBManna agus do mhicrifhiontair, féadfaidh an Coimisiún (Eurostat) staidéir féidearthachta agus phíolótacha a thionscnamh. Beidh ceann amháin ar a laghad de na heilimintí seo a leanas san áireamh ar chuspóir staidéar den sórt sin:

Cuirfear san áireamh sna staidéir dá dtagraítear sa chéad fhomhír forbairtí teicneolaíochta agus digiteacha.

2.   Féadfaidh na Ballstáit páirt a ghlacadh sna staidéir sin ar bhonn deonach. Áiritheoidh siad, i gcomhar leis an gCoimisiún (Eurostat), go mbeidh na staidéir ionadaíoch ar leibhéal an Aontais.

3.   Déanfaidh an Coimisiún (Eurostat), i gcomhar leis na Ballstáit agus leis na príomhpháirtithe leasmhara, lena n-áirítear comhpháirtithe sóisialta, meastóireacht ar thorthaí na staidéar sin. Ullmhóidh an Coimisiún (Eurostat), i gcomhar leis na Ballstáit, tuarascálacha ar thorthaí na staidéar, lena n-áirítear an úsáid a d’fhéadfaí a bhaint as na torthaí amach anseo. Cuirfear na tuarascálacha sin ar fáil go poiblí.

1.   Maidir le cur chun feidhme an Rialacháin seo, cuirfear ranníocaíocht airgeadais ar fáil ó Chlár an Mhargaidh Aonair a bunaíodh le Rialachán (AE) 2021/690 ó Pharlaimint na hEorpa agus ón gComhairle (20) agus i gcomhréir le Rialachán (AE, Euratom) 2024/2509 ó Pharlaimint na hEorpa agus ón gComhairle (21) do na hinstitiúidí náisiúnta staidrimh agus d’údaráis náisiúnta eile, dá dtagraítear in Airteagal 5(2) de Rialachán (CE) Uimh. 223/2009, chun an méid seo a leanas a dhéanamh:

Féadfar ranníocaíocht airgeadais a chur ar fáil freisin ó bhuiséad ginearálta an Aontais.

2.   Bunófar méid na ranníocaíochta airgeadais ón Aontas faoi mhír 1, an chéad fhomhír, i gcomhréir le rialacha Chlár an Mhargaidh Aonair mar chuid den nós imeachta buiséadach bliantúil, faoi réir infhaighteacht an chistithe. Cinnfidh an t-údarás buiséadach na leithreasuithe a bheidh ar fáil gach bliain.

3.   Ní rachaidh an ranníocaíocht airgeadais ón Aontas thar 90 % de na costais incháilithe.

1.   Déanfaidh an Coimisiún bearta iomchuí chun a áirithiú, nuair a chuirtear gníomhaíochtaí arna maoiniú faoin Rialachán seo chun feidhme, go gcosnófar leasanna airgeadais an Aontais trí bhearta coisctheacha a chur i bhfeidhm i gcoinne na calaoise, an éillithe agus aon ghníomhaíochtaí neamhdhleathacha eile, trí sheiceálacha éifeachtacha a dhéanamh agus, má bhraitear neamhrialtachtaí, trí na méideanna a íocadh go mícheart a aisghabháil agus, i gcás inarb iomchuí, trí phionóis riaracháin agus airgeadais a ghearradh a bheidh éifeachtach, comhréireach agus athchomhairleach.

2.   Beidh an chumhacht ag an gCoimisiún nó ag a ionadaithe agus ag an gCúirt Iniúchóirí iniúchtaí a dhéanamh, ar bhonn seiceálacha ar dhoiciméid agus seiceálacha ar an láthair, ar gach tairbhí deontais, ar gach conraitheoir agus ar gach fochonraitheoir a fuair cistí de chuid an Aontais faoin Rialachán seo.

3.   Féadfaidh an Oifig Eorpach Frith-Chalaoise (OLAF) imscrúduithe a dhéanamh, lena n-áirítear seiceálacha agus cigireachtaí ar an láthair, i gcomhréir leis na forálacha agus na nósanna imeachta a leagtar síos i Rialachán (AE, Euratom) Uimh. 883/2013 ó Pharlaimint na hEorpa agus ón gComhairle (22) agus Rialachán (Euratom, CE) Uimh. 2185/96 ón gComhairle (23) d’fhonn a shuí ar tharla calaois, éilliú nó aon ghníomhaíocht neamhdhleathach eile a dhéanann difear do leasanna airgeadais an Aontais i ndáil le comhaontú deontais nó le cinneadh deontais nó le conradh arna chistiú faoin Rialachán seo.

4.   Gan dochar do mhíreanna 1, 2 agus 3, beidh i gcomhaontuithe comhair le tríú tíortha agus le heagraíochtaí idirnáisiúnta, i gconarthaí, i gcomhaontuithe deontais agus i gcinntí deontais a thagann ó chur chun feidhme an Rialacháin seo, forálacha lena dtugtar cumhacht shainráite don Choimisiún, don Chúirt Iniúchóirí, d’Oifig an Ionchúisitheora Phoiblí Eorpaigh agus do OLAF iniúchtaí agus imscrúduithe den sórt sin a dhéanamh i gcomhréir lena n-inniúlachtaí faoi seach.

1.   I gcás ina gceanglaítear, le cur i bhfeidhm an Rialacháin seo, nó na ngníomhartha tarmligthe nó cur chun feidhme a glacadh dá bhun, go ndéanfar mórathruithe ar chóras náisiúnta staidrimh de chuid Ballstáit, féadfaidh an Coimisiún maoluithe a bhfuil údar cuí leo a dheonú, trí bhíthin gníomhartha cur chun feidhme, do Bhallstát ar feadh uastréimhse dar fad bliain amháin i gcás sonraí a bhfuil tréimhsiúlacht ráithiúil acu, 2 bhliain i gcás sonraí a bhfuil tréimhsiúlacht bhliantúil acu, agus 4 bliana i gcás sonraí a bhfuil tréimhsiúlacht ilbhliantúil acu. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 13(2). Cuirfidh an Ballstát ábhartha iarraidh a bhfuil údar cuí léi faoi bhráid an Choimisiúin laistigh de 3 mhí ó dháta theacht i bhfeidhm an Rialacháin seo nó na ngníomhartha tarmligthe nó cur chun feidhme a glacadh dá bhun.

Agus na maoluithe á ndeonú aige, cuirfidh an Coimisiún san áireamh inchomparáideacht staidreamh na mBallstát agus ríomh tráthúil na gcomhiomlán Eorpach ionadaíoch iontaofa is gá. Áiritheoidh an Coimisiún freisin, i dtaca leis na ceanglais maidir le staidreamh, meiteashonraí agus cáilíocht a chumhdaítear faoin Rialachán seo agus a cumhdaíodh roimhe sin faoi na rialacháin aisghairthe, go leanfar de na ceanglais sin a chomhlíonadh gan bhriseadh.

2.   I gcás ina bhfuil údar fós le maolú ag deireadh na tréimhse dár deonaíodh é, féadfaidh an Coimisiún gníomh cur chun feidhme a ghlacadh lena ndeonaítear maolú breise ar feadh uastréimhse dar fad bliain amháin. Cuirfidh an Ballstát lena mbaineann iarraidh i dtaca leis an síneadh sin faoi bhráid an Choimisiúin ina leagtar amach na cúiseanna agus na forais réasúnaithe atá leis an síneadh sin tráth nach déanaí ná 6 mhí roimh dheireadh thréimhse bhailíochta an mhaolaithe reatha arna dheonú de bhun mhír 1.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 4(3) agus in Airteagal 4(9) don Choimisiún go ceann tréimhse 5 bliana ón an 9 Meitheamh 2025. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 4(3) agus in Airteagal 4(9) a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Tiocfaidh sé i bhfeidhm an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 4(3) ná Airteagal 4(9) i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse 3 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 3 mhí ar thionscnamh Pharlaimint na hEorpa nó na Comhairle.

1.   Déanfaidh an Coiste um an gCóras Staidrimh Eorpach, a bunaíodh le Rialachán (CE) Uimh. 223/2009, cúnamh a thabhairt don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

1.   Aisghairtear Rialachán (CE) Uimh. 530/1999 le héifeacht ón 1 Eanáir 2026 agus aisghairtear Rialacháin (CE) Uimh. 450/2003 agus (CE) Uimh. 453/2008 le héifeacht ón 1 Eanáir 2027, gan dochar do na hoibleagáidí a leagtar amach sna rialacháin sin a bhaineann le tarchur sonraí agus meiteashonraí, lena n-áirítear tuarascálacha cáilíochta, maidir le tréimhsí tagartha a thagann, go hiomlán nó go páirteach, roimh an dáta sin.

2.   Déanfar tagairtí do na Rialacháin aisghairthe a fhorléiriú mar thagairtí don Rialachán seo.