1.

Earraí atá ceaptha chun daoine a chur chun báis, mar a leanas:

1.1.

Crocha, gilitíní agus lanna le haghaidh gilitíní

1.2.

Cathaoireacha leictreacha a úsáidtear chun daoine a chur chun báis

1.3.

Seomraí aerdhíonacha, déanta as cruach nó gloine mar shampla, atá ceaptha chun daoine a chur chun báis trí ghás marfach nó substaint mharfach a thabhairt dóibh.

1.4.

Córais uathoibríocha insteallta drugaí atá ceaptha chun daoine a chur chun báis trí shubstaint cheimiceach mharfach a thabhairt dóibh

2.

Earraí nach bhfuil oiriúnach lena n-úsáid ag údaráis forfheidhmithe dlí chun daoine a shrianadh, mar a leanas:

2.1.

Gléasanna turrainge leictrí atá ceaptha lena gcaitheamh ar an gcorp ag duine faoi shrian, amhail criosanna, muinchillí agus cufaí, atá ceaptha le daoine a shrianadh trí thurraing leictreach a thabhairt dóibh.

2.2.

Glais ordóg, glais méar, bíseanna ordóige agus bíseanna méire.

2.3.

Barra-laincisí, srianta ualaithe cos agus cuibhrigh bhuíne a bhfuil barra-laincisí nó srianta ualaithe cos mar chuid díobh.

1.

Geimhle nó fáinní murnáin is ea barra-laincisí agus iad feistithe le fearas glasála, nasctha le barra docht is gnách a bheith déanta as miotal.

2.

Leis an ítim seo, áirítear barra-laincisí agus srianta ualaithe cos atá ceangailte de ghnáthghlais lámh le slabhra.

2.4.

Cuibhrigh bhuíne

2.5.

Geimhle cos

2.6.

Glais chun daoine a shrianadh, atá ceaptha le bheith ceangailte de bhalla, d’urlár nó de shíleáil

2.7.

Cathaoireacha srianta: cathaoireacha atá feistithe le geimhle nó le gléasanna eile chun duine a shrianadh.

2.8.

Cláir gheimhle agus leapacha geimhle: cláir agus leapacha atá feistithe le geimhle nó le gléasanna eile chun duine a shrianadh.

2.9.

Leapacha caighin: leapacha ar caighin iad (ceithre thaobh agus clár uachtair orthu) nó struchtúr atá cosúil le caighean ina ndúntar duine taobh istigh den spás leapa, an clár uachtair nó taobh amháin nó níos mó de na taobhanna feistithe le barraí miotail nó barraí eile, agus nach féidir a oscailt ach ón taobh amuigh

2.10.

Leapacha eangaí: leapacha ar caighin iad (ceithre thaobh agus clár uachtair orthu) nó struchtúr atá cosúil le caighean ina ndúntar duine taobh istigh den spás leapa, an clár uachtair nó taobh amháin nó níos mó de na taobhanna feistithe le heangacha, agus nach féidir a oscailt ach ón taobh amuigh

2.11.

Cochaill agus dallóga atá deartha chun críocha fhorfheidhmiú an dlí amháin chun radharc an duine atá á choinneáil a bhlocáil agus/nó a chlúdach, lena n-áirítear cochaill agus dallóga den sórt sin i gcás ina bhfuil siad nasctha le gnáthghlais lámh nó le srianta eile le slabhra.

3.

Gléasanna iniompartha nach bhfuil oiriúnach lena n-úsáid ag údaráis forfheidhmithe dlí chun críoch smachtaithe círéibe nó chun críoch féinchosanta, mar a leanas:

3.1.

Bataí nó smachtíní atá déanta as miotal nó ábhar eile agus ag a bhfuil crann ar a bhfuil spící miotail

3.2.

Smachtíní ualaithe nó smachtíní atá clúdaithe le leathar tiubh nó rubar a bhfuil ualú breise acu atá deartha chun an t-imbhualadh cinéiteach leis an targaid a mhéadú chomh maith le lámhainní ualaithe nó gairis comhchosúla eile

1.

Smachtín ualaithe: Gaireas cothrom arb é atá ann miotal (cruach sprionga) atá clúdaithe le leathar tiubh nó rubar agus a úsáidtear chun duine a bhualadh; nó smachtín gearr arb é atá ann cruach sprionga atá clúdaithe le leathar, a bhíonn ualaithe uaireanta ag foirceann amháin le grán luaidhe, agus a úsáidtear chun duine a bhualadh.

2.

Is iondúil go ndéantar lámhainní ualaithe as leathar agus go mbíonn cruach nó luaidhe phúdraithe fuaite san ábhar thar an alt, na méara, nó cúl na láimhe acu.

3.3.

‘Lathis’

3.4.

Sciatha ar a bhfuil spící miotail

3.5.

Armúr coirp ar a bhfuil spící nó cíoradh atá déanta as miotal nó as ábhar crua eile.

4.

Fuipeanna mar a leanas:

4.1.

Fuipeanna ag a bhfuil an iliomad lasca nó iallacha, amhail lasca Rúiseacha nó lasca na naoi gcraobh.

4.2.

Fuipeanna ag a bhfuil lasc nó iall, nó níos mó ná lasc nó iall amháin, ar a bhfuil friofaic, crúcaí, spící, sreang mhiotail nó rudaí comhchosúla feistithe a chuireann le héifeacht bhuille na laisce nó na héille.

4.3.

‘Sjamboks’

5.

Airm agus trealamh lena scaiptear ceimiceáin éagumasúcháin nó ghreannacha nó diúracáin imbhuailte agus armlón gaolmhar nach bhfuil oiriúnach lena n-úsáid ag údaráis forfheidhmithe dlí chun críoch smachtaithe círéibe nó chun críoch féinchosanta.

5.1.

Is éard atá sa trealamh suite chun substaintí ceimiceacha éagumasúcháin nó greannacha a scaipeadh i spásanna iata, ar féidir é a fheistiú ar bhalla nó ar shíleáil laistigh d’fhoirgneamh, ceanastar oibreán ceimiceach éagumasúcháin nó greannach a ghníomhaítear trí úsáid a bhaint as córas cianrialaithe.

5.2.

Trealamh agus diúracáin phléascacha chun cainníochtaí díobhálacha d’oibreáin smachtaithe círéibe a dháileadh ó aerardáin.

1.

Earraí atá ceaptha chun daoine a shrianadh, mar a leanas:

1.1.

Geimhle

1.

Srianta is ea geimhle ar a bhfuil dhá ghlas nó dhá fháinne agus iad feistithe le fearas glasála, nasctha le slabhra nó barra.

2.

Leis an ítim seo, ní rialaítear geimhle cos agus cuibhrigh bhuíne a thoirmeasctar le hítimí 2.3 agus 2.4 d’Iarscríbhinn II.

3.

Leis an ítim seo, ní rialaítear ‘gnáthghlais lámh’. Gnáthghlais lámh is ea glais lámh a chomhlíonann na coinníollacha uile seo a leanas:

1.2.

Glais nó fáinní aonair a bhfuil fearas glasála feistithe orthu, ar mó an imlíne taobh istigh ná 165 mm nuair atá an bhacfhiacail gafa san eang dheiridh a théann isteach san fhearas glasála.

1.3.

Glais cos

1.

Is srianta iad glais cos ina bhfuil dhá ghlas, déanta as miotal de ghnáth, feistithe timpeall na rúitín, agus ceangailte le slabhra chun gluaiseacht éigin a cheadú don duine atá á choinneáil. Is iondúil go mbíonn méid an ghlais níos mó ná méid na ngnáthghlas lámh, agus is féidir é a choigeartú.

2.

Leis an ítim seo, ní rialaítear geimhle cos agus cuibhrigh bhuíne a thoirmeasctar le hítimí 2.3, 2.4, 2.5 agus 2.6 d’Iarscríbhinn II.

1.4.

Cochaill frithsheile: cochaill, lena n-áirítear cochaill atá déanta d’eangach ag a bhfuil clúdach béil a chuireann cosc ar dhuine seile a chaitheamh.

2.

Airm agus gléasanna atá ceaptha chun críoch smachtaithe círéibe nó chun críoch féinchosanta, mar a leanas:

2.1.

Airm turrainge leictrí iniompartha nach féidir a dhíriú ach ar dhuine amháin gach uair a thugtar turraing leictreach, lena n-áirítear stiúdsmachtíní, sciatha turrainge leictrí, stiúdghunnaí agus ga-ghunnaí turrainge leictrí

1.

Leis an ítim seo, ní rialaítear criosanna turrainge leictrí agus gléasanna eile a thagann faoi ítim 2.1 d’Iarscríbhinn II.

2.

Leis an ítim seo, ní rialaítear gléasanna turrainge leictrí aonair nuair is lena n-úsáideoir atá siad ar mhaithe le cosaint phearsanta an úsáideora.

2.2.

Fearais ina bhfuil na comhpháirteanna riachtanacha uile chun airm turrainge leictrí iniompartha a rialaítear le hítim 2.1 a chóimeáil.

—

an t-aonad a ghineann an turraing leictreach,

—

an lasc, bíodh sí ina cianlasc nó ná bíodh, agus

—

na leictreoidí nó, i gcás inarb infheidhme, na sreanga trína dtugtar an turraing leictreach

2.3.

Airm turrainge leictrí suite nó insuite a chlúdaíonn limistéar fairsing agus lenar féidir turraingí leictreacha a dhíriú ar níos mó ná duine amháin

2.4.

Teilgeoirí diúracán imbhuailte chinéitigh aonurchair agus diúracáin imbhuailte cinéitigh ghaolmhara

2.5.

Lainseálaithe agus gléasanna scaipthe lena n-áirítear teilgeoirí ilbhairillí

2.6.

Armlón ina bhfuil diúracáin imbhuailte cinéitigh iomadúla

3.

Airm agus trealamh lena scaiptear ceimiceáin éagumasúcháin nó ghreannacha lena n-úsáid ag údaráis forfheidhmithe dlí chun críoch smachtaithe círéibe nó chun críoch féinchosanta, mar a leanas:

3.1.

Airm agus trealamh iniompartha lena dtugtar dáileog de shubstaint cheimiceach ghreannach nó éagumasúcháin a dhírítear ar dhuine amháin nó lena scaiptear dáileog de shubstaint den sórt sin a dhéanann difear do limistéar beag, mar shampla i bhfoirm ceobhráin nó scamaill, nuair a thugtar an tsubstaint cheimiceach nó nuair a scaiptear í.

1.

Leis an ítim seo, ní rialaítear trealamh a rialaítear le hítim ML7(e) ó Liosta Comhchoiteann Míleata an Aontais Eorpaigh (1).

2.

Leis an ítim seo, ní rialaítear trealamh iniompartha aonair, fiú má tá substaint cheimiceach ann, nuair is lena úsáideoir atá sé ar mhaithe le cosaint phearsanta an úsáideora.

3.

Le cois substaintí ceimiceacha ábhartha, amhail oibreáin smachtaithe círéibe nó PAVA, measfar gur substaintí ceimiceacha greannacha nó éagumasúcháin iad na hearraí a rialaítear le hítimí 3.3, 3.4 agus 3.7.

3.2.

Fanailealaimíd aigéid pheileargónaigh (PAVA) (CAS RN 2444-46-4)

3.3.

Capsacaim oiléaroisín (OC) (CAS RN 8023-77-6)

3.4.

Meascáin de 0,3 % PAVA nó OC ar a laghad de réir meáchain agus tuaslagóir (amhail eatánól, 1-própánól nó heacsán), a d’fhéadfaí a thabhairt mar oibreáin ghreannacha nó éagumasúcháin, go háirithe in aerasóil agus i bhfoirm leachtach, nó a d’fhéadfaí a úsáid chun oibreáin ghreannacha nó éagumasúcháin a dhéanamh.

1.

Leis an ítim seo, ní rialaítear anlainn agus ullmhóidí lena n-aghaidh, anraithí agus ullmhóidí lena n-aghaidh agus tarsainn mheasctha nó blastanais mheasctha, ar choinníoll nach iad PAVA nó OC an t-aon bhlas comhpháirteach atá iontu.

2.

Leis an ítim seo, ní rialaítear táirgí íocshláinte dá dtugtar údarú margaíochta i gcomhréir le dlí an Aontais (2).

3.5.

Trealamh suite nó insuite chun oibreáin cheimiceacha ghreannacha nó éagumasúcháin a scaipeadh a chlúdaíonn limistéar fairsing agus nach bhfuil ceaptha le bheith ceangailte de bhalla nó de shíleáil laistigh d’fhoirgneamh.

1.

Leis an ítim seo, ní rialaítear trealamh a rialaítear le hítim ML7(e) ó Liosta Comhchoiteann Míleata an Aontais Eorpaigh.

2.

Leis an ítim seo, rialaítear freisin canónacha uisce.

3.

Le cois substaintí ceimiceacha ábhartha, amhail oibreáin smachtaithe círéibe nó PAVA, measfar gur substaintí ceimiceacha greannacha nó éagumasúcháin iad na hearraí a rialaítear le hítimí 3.3 agus 3.4.

3.6.

Diúracáin mhórchalabra ina bhfuil oibreáin smachtaithe círéibe.

3.7.

Meascáin cheimiceacha a mbíonn boladh bréan uathu a fhoirmlítear chun boladh bréan an-mhíthaitneamhach a tháirgeadh chun críoch smachtaithe círéibe ar choinníoll go bhfuil siad neamhdhíobhálach agus nach mbíonn aon éifeacht fhadtéarmach acu ar an tsláinte.

1.

Sainmhínítear an ítim seo mar mheascán atá deartha chun críocha fhorfheidhmiú an dlí, agus chun na gcríoch sin amháin, ina bhfuil ceann amháin ar a laghad den raon ceimiceán seo a leanas a ceapadh chun boladh bréan an-mhíthaitneamhach a tháirgeadh agus is féidir a scaipeadh le sprae láimhe, gránáidí, diúracáin sheolta, ladrainn, agus canóin uisce:

2.

Ní rialaítear leis an ítim seo meascáin cheimiceacha bhréana nach bhfuil beartaithe chun críocha fhorfheidhmiú an dlí.