(1)

Le Rialachán (AE) 2024/1623 ó Pharlaimint na hEorpa agus ón gComhairle (2), leasaíodh roinnt forálacha de Rialachán (AE) Uimh. 575/2013, chun líon beag riachtanais CBMB nár cuireadh chun feidhme sa phacáiste baincéireachta roimhe sin agus roinnt soiléirithe ar na riachtanais atá ann cheana a thabhairt isteach. Dá bhrí sin, ba cheart na leasuithe sin a léiriú i Rialacháin Tarmligthe (AE) 2022/2059 (3), (AE) 2022/2060 (4) agus (AE) 2023/1577 ón gCoimisiún (5), lena bhforlíontar Rialachán (AE) Uimh. 575/2013.

(2)

Chun ailíniú níos soiléire le caighdeáin idirnáisiúnta CBMB agus le leasuithe breise a tugadh isteach i ndlí an Aontais trí Rialachán (AE) 2024/1623 a áirithiú, is gá Rialachán Tarmligthe (AE) 2022/2059 a leasú chun a shonrú gur cheart deasca creasa ghlais, mar a aicmítear iad i gcomhréir leis an Rialachán sin, a mheas mar dheasca a bhfuil athruithe teoiriciúla agus hipitéiseacha ar luach na punainne acu atá gar dá chéile, agus deasca trádála buí a mheas mar dheasca a bhfuil athruithe teoiriciúla agus hipitéiseacha ar luach na punainne acu atá gar go leor, ach nach bhfuil gar dá chéile. Ba cheart deasca creasa dheirg agus oráiste a mheas, ina ionad sin, mar dheasca a bhfuil athruithe teoiriciúla agus hipitéiseacha ar luach na punainne acu nach bhfuil gar dá chéile ná gar go leor dá chéile.

(3)

Is gá Rialachán Tarmligthe (AE) 2022/2059 a leasú chun an fhoirmle chomhiomlánaithe a bhaint, a leagtar síos faoi láthair in Airteagal 16 den Rialachán Tarmligthe sin, agus a leagtar síos anois in Airteagal 325ba(3) de Rialachán (AE) Uimh. 575/2013.

(4)

Chun tacú leis na húdaráis inniúla agus measúnú á dhéanamh acu ar cé acu ba cheart nó nár cheart dóibh cead a thabhairt d’institiúidí úsáid a bhaint as sonraí margaidh a sholáthraíonn díoltóirí tríú páirtí sa mheasúnú ar insamhaltaitheacht fachtóirí riosca i gcomhréir le hAirteagal 325be(1), an dara fomhír, de Rialachán (AE) Uimh. 575/2013, is gá na ceanglais doiciméadachta a leagtar síos i Rialachán Tarmligthe (AE) 2022/2060 a choigeartú.

(5)

Chun soiléireacht bhreise ar ríomh na gceanglas cistí dílse le haghaidh riosca margaidh maidir le suíomhanna leabhair neamhthrádála a áirithiú, ba cheart d’institiúidí beartais shoiléire a bheith acu lena leagtar amach cé hiad na deasca trádála atá i gceannas ar bhainistiú na suíomhanna sin, agus ba cheart dóibh a bheith in ann a shainaithint mura mbaineann na suíomhanna malairte eachtraí ach leis an riosca aistriúcháin. Dá bhrí sin, is gá Rialachán Tarmligthe (AE) 2023/1577 a leasú chun a áirithiú go mbainfear na cuspóirí sin amach.

(6)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach faoi bhráid an Choimisiúin.

(7)

Rinne an tÚdarás Baincéireachta Eorpach comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán sin bunaithe, rinne sé anailís ar na costais agus ar na tairbhí a d’fhéadfadh a bheith ag baint leo ann agus d’iarr sé comhairle ar an nGrúpa Geallsealbhóirí Baincéireachta arna bhunú i gcomhréir le hAirteagal 37 de Rialachán(AE) Uimh. 1093/2010 ó Pharlaimint na hEorpa agus ón gComhairle (6).

(8)

Na cumhachtuithe atá in Airteagal 325(9), an tríú fomhír, Airteagal 325be(3), an tríú fomhír, Airteagal 325bf(9), an tríú fomhír, agus Airteagal 325bg(4), an tríú fomhír de Rialachán (AE) Uimh. 575/2013, is é is aidhm dóibh na heilimintí teicniúla atá le húsáid ag na bainc i ríomh a gceanglas cistí dílse le haghaidh riosca margaidh faoi chur chuige na samhlacha inmheánacha malartacha a shonrú a thuilleadh. Ós rud go bhfuil na cumhachtuithe sin nasctha go dlúth le chéile trína n-ábhar, soláthraítear leis na leasuithe a mholtar sa Rialachán seo léargas iomlán ar na hathruithe uile is gá a dhéanamh ar shamhlacha inmheánacha malartacha tar éis ghlacadh Rialachán (AE) 2024/1623 agus dá bhrí sin, ba cheart iad a chuachadh sa Rialachán seo,

(1)

In Airteagal 6, cuirtear an méid seo a leanas in ionad mhír 1:

(2)

Leasaítear Airteagal 9 mar a leanas:

(3)

Cuirtear an méid seo a leanas in ionad Airteagal 10:

‘Airteagal 10

Ríomh an cheanglais cistí dílse breise dá dtagraítear in Airteagal 325bg(2) de Rialachán (AE) Uimh. 575/2013

1.   Beidh an ceanglas cistí dílse breise dá dtagraítear in Airteagal 325bg(2) cothrom le:

I gcás inarb amhlaidh:

PLA addon	=	PLA addon mar a shainmhínítear in Airteagal 325ba(3) de Rialachán (AE) Uimh. 575/2013;
k	=	faoi mar a shonraítear i mír 2;
ASA aima	=	ASA aima mar a shainmhínítear in Airteagal 325ba(3) de Rialachán (AE) Uimh. 575/2013;
AIMA	=	AIMA mar a shainmhínítear in Airteagal 325ba(3) de Rialachán (AE) Uimh. 575/2013.

2.   Chun críocha mhír 1, ríomhfar an chomhéifeacht k i gcomhréir leis an bhfoirmle seo a leanas:

I gcás inarb amhlaidh:

ASA i	=	na ceanglais cistí dílse le haghaidh rioscaí margaidh a ríomhtar i gcomhréir leis an gcur chuige caighdeánaithe malartach a leagtar amach i gCuid a Trí, Teideal IV, Caibidil 1a de Rialachán (AE) Uimh. 575/2013 maidir leis na suíomhanna go léir a sannadh don deasc thrádála “i”;
	=	innéacsanna na ndeasc trádála uile a aicmíodh mar dheasca creasa dheirg, oráiste nó bhuí i gcomhréir le hAirteagal 9 den Rialachán seo i measc na ndeasc sin a ndéantar na ceanglais cistí dílse le haghaidh rioscaí margaidh a ríomh ina leith i gcomhréir le cur chuige na samhlacha inmheánacha malartacha a leagtar amach i gCuid a Trí, Teideal IV, Caibidil 1b de Rialachán (AE) Uimh. 575/2013;
	=	innéacsanna na ndeasc trádála uile a ndéantar na ceanglais cistí dílse le haghaidh rioscaí margaidh a ríomh ina leith i gcomhréir le cur chuige na samhlacha inmheánacha malartacha a leagtar amach i gCuid a Trí, Teideal IV, Caibidil 1b de Rialachán (AE) Uimh. 575/2013.’;

(4)

Scriostar Airteagal 16.

(1)

In Airteagal 2, scriostar mír 4;

(2)

In Airteagal 7(1), cuirtear an fhomhír seo a leanas leis:

‘I gcás ina n-áirítear díoltóirí tríú páirtí i bhfoinsí faisnéise institiúide faoi phraghsanna infhíoraithe dá dtagraítear i bpointe (b) den chéad fhomhír, déanfaidh an institiúid, i gcás gach díoltóra tríú páirtí, an líon fachtóirí riosca a aicmíodh mar fhachtóir riosca insamhaltaithe ar bhonn na bpraghsanna infhíoraithe a sholáthar an díoltóir tríú páirtí sin, agus measúnú ábharthachta na bhfactóirí riosca sin, a dhoiciméadú.’.

(1)

in Airteagal 1, cuirtear an mhír 6 seo a leanas leis:

(2)

in Airteagal 3, cuirtear isteach na míreanna 7 agus 8 seo a leanas:

(3)

in Airteagal 4, cuirtear an mhír 4 seo a leanas leis: