1.   Áiritheoidh Ceanada go ndéanfar sonraí PNR a fhaightear de bhun an Chomhaontaithe seo a phróiseáil go docht chun cionta sceimhlitheoireachta nó coireacht thromchúiseach thrasnáisiúnta a chosc, a bhrath, a imscrúdú nó a ionchúiseamh agus chun maoirseacht a dhéanamh ar phróiseáil shonraí PNR de réir théarmaí an Chomhaontaithe seo, lena n-áirítear le haghaidh oibríochtaí anailíseacha.

2.   Chun críocha an Chomhaontaithe seo, ciallaíonn ‘cion sceimhlitheoireachta’:

Chun críocha na míre seo, ciallaíonn ‘eintiteas sceimhlitheoireachta’ an méid seo a leanas:

3.   Chun críocha an Chomhaontaithe seo, ciallaíonn coireacht thromchúiseach thrasnáisiúnta aon chion is inphionóis i gCeanada le cailleadh saoirse uasta 4 bliana ar a laghad nó pionós níos tromchúisí agus mar a shainmhínítear le dlí Cheanada iad, más de chineál trasnáisiúnta í an choir.

Chun críocha an Chomhaontaithe seo, meastar coireacht a bheith de chineál trasnáisiúnta más rud é go ndéantar é in aon cheann de na háiteanna seo a leanas:

4.   I gcásanna eisceachtúla, féadfaidh Údarás Inniúil Cheanada sonraí PNR a phróiseáil i gcás inar gá chun leasanna ríthábhachtacha aon duine aonair a chosaint, amhail sna cásanna seo a leanas:

5.   Féadfaidh Ceanada sonraí PNR a phróiseáil freisin ar bhonn cás ar chás i gcás ina gcuirtear iallach ar na comhlachtaí seo a leanas sonraí PNR ábhartha a nochtadh:

1.   Áiritheoidh an tAontas Eorpach nach gcuirfear cosc ar aeriompróirí sonraí PNR a aistriú chuig Údarás Inniúil Cheanada de bhun an Chomhaontaithe seo.

2.   Ní cheanglóidh Ceanada ar aeriompróir eilimintí de shonraí PNR a chur ar fáil nach bhfuil bailithe cheana nó nach bhfuil i seilbh an aeriompróra cheana féin chun críoch áirithinte.

3.   Scriosfaidh Ceanada aon sonraí a aistreoidh aeriompróir chuige de bhun an Chomhaontaithe seo, mura liostaítear an eilimint sonraí sin san Iarscríbhinn.

4.   Áiritheoidh na Páirtithe go bhféadfaidh aeriompróirí sonraí PNR a aistriú chuig Údarás Inniúil Cheanada trí ghníomhairí údaraithe, gníomhairí a ghníomhaíonn thar ceann an aeriompróra agus faoina fhreagracht, chun críoch na gcoinníollacha a leagtar síos sa Chomhaontú seo agus faoi na coinníollacha sin.

1.   Déanfaidh Ceanada, a luaithe is indéanta, faisnéis anailíseach ábhartha agus iomchuí ina bhfuil sonraí PNR a fhaightear faoin gComhaontú seo a chomhroinnt le Europol nó Eurojust, laistigh de raon feidhme a sainorduithe féin, nó le húdarás póilíneachta nó breithiúnach Bhallstát de chuid an Aontais Eorpaigh. Áiritheoidh Ceanada go gcomhroinnfear an fhaisnéis sin i gcomhréir le comhaontuithe agus socruithe maidir le forfheidhmiú an dlí nó comhroinnt faisnéise idir Ceanada agus Europol, Eurojust, nó an Ballstát sin.

2.   Déanfaidh Ceanada, arna iarraidh sin do Europol nó Eurojust, laistigh de raon feidhme a sainorduithe féin, nó údarás póilíneachta nó breithiúnach Bhallstát de chuid an Aontais Eorpaigh, sonraí PNR nó faisnéis anailíseach a chomhroinnt ina bhfuil sonraí PNR a fhaightear faoin gComhaontú seo, i gcásanna sonracha chun cion sceimhlitheoireachta nó coireacht thromchúiseach thrasnáisiúnta a chosc, a bhrath, a imscrúdú nó a ionchúiseamh laistigh den Aontas Eorpach. Cuirfidh Ceanada an fhaisnéis sin ar fáil i gcomhréir le comhaontuithe agus socruithe maidir le forfheidhmiú an dlí, comhar breithiúnach nó comhroinnt faisnéise idir Ceanada agus Europol, Eurojust, nó an Ballstát sin.

1.   Cuirfidh Ceanada bearta rialála, nós imeachta nó teicniúla chun feidhme chun sonraí PNR a chosaint ar rochtain, próiseáil nó caillteanas de thaisme, neamhdhleathach nó neamhúdaraithe.

2.   Áiritheoidh Ceanada fíorú comhlíontachta agus cosaint, slándáil, rúndacht, agus sláine na sonraí. Déanfaidh Ceanada an méid seo a leanas:

3.   Má fhaightear rochtain ar shonraí PNR duine aonair nó má nochtar iad gan údarú, déanfaidh Ceanada bearta chun fógra a thabhairt don duine aonair sin, chun an riosca díobhála a mhaolú, agus chun gníomhaíocht feabhais a dhéanamh.

4.   Áiritheoidh Ceanada go gcuirfidh údarás inniúil Cheanada an Coimisiún Eorpach ar an eolas go pras maidir le teagmhais shuntasacha neamhdhleathacha nó neamhúdaraithe i ndáil le rochtain a fháil ar shonraí PNR, iad a phróiseáil nó iad a chailleadh.

5.   Áiritheoidh Ceanada go bhfuil aon sárú ar shlándáil sonraí, go háirithe aon sárú a mbeidh scriosadh de thaisme nó go neamhdhleathach nó cailleadh, athrú, nochtadh nó rochtain neamhúdaraithe nó de thaisme, nó próiseáil neamhdhleathach d’aon chineál mar thoradh air, faoi réir bearta ceartaitheacha éifeachtacha athchomhairleacha a bhféadfadh smachtbhannaí a bheith san áireamh leo.

1.   Beidh na coimircí cosanta sonraí chun sonraí PNR a phróiseáil faoin gComhaontú seo faoi réir maoirseacht a dhéanfaidh údarás poiblí amháin nó níos mó (na ‘húdaráis mhaoirseachta’). Áiritheoidh Ceanada go mbeidh cumhachtaí éifeachtacha ag na húdaráis mhaoirseachta chun imscrúdú a dhéanamh ar chomhlíonadh na rialacha a bhaineann le sonraí PNR a bhailiú, a úsáid, a nochtadh, a choinneáil nó a dhiúscairt. Féadfaidh na húdaráis mhaoirseachta athbhreithnithe agus imscrúduithe ar chomhlíontacht a dhéanamh, agus féadfaidh siad moltaí a dhéanamh chuig Údarás Inniúil Cheanada. Áiritheoidh Ceanada go mbeidh sé de chumhacht ag na húdaráis mhaoirseachta sáruithe ar an dlí a bhaineann leis an gComhaontú seo a tharchur le haghaidh ionchúisimh nó gníomhaíocht araíonachta, nuair is iomchuí.

2.   Áiritheoidh Ceanada go n-áiritheoidh na húdaráis mhaoirseachta go bhfaighfear gearáin a bhaineann le neamhchomhlíonadh an Chomhaontaithe seo agus go ndéanfar iad a imscrúdú, go bhfreagrófar iad, agus go ndéanfar iad a cheartú go hiomchuí.

3.   Ina theannta sin, cuirfidh Ceanada an Comhaontú seo i bhfeidhm faoi réir athbhreithniú neamhspleách a dhéanfaidh eintitis phoiblí ainmnithe a bhfuil an sainordú acu maoirseacht nó cuntasacht an riaracháin phoiblí a áirithiú.

1.   Áiritheoidh Ceanada go gcuirfidh Údarás Inniúil Cheanada an fhaisnéis seo a leanas ar fáil ar a shuíomh gréasáin:

2.   Oibreoidh na Páirtithe le páirtithe leasmhara, amhail an tionscal aerthaistil, chun trédhearcacht a chur chun cinn, tráth na háirithinte más féidir, tríd an bhfaisnéis seo a leanas a sholáthar do phaisinéirí:

3.   Má úsáideadh sonraí PNR arna gcoinneáil i gcomhréir le hAirteagal 16 faoi réir na gcoinníollacha a leagtar amach in Airteagal 17 nó má nochtadh iad i gcomhréir le hAirteagal 19 nó le hAirteagal 20, tabharfaidh Ceanada fógra do na paisinéirí lena mbaineann i scríbhinn, agus iarrachtaí réasúnacha á gcur san áireamh, ar bhonn aonair agus laistigh de thréimhse ama réasúnach a luaithe nach mbeidh baol ann a thuilleadh go gcuirfear imscrúdaithe údaráis rialtais i gcontúirt leis an bhfógra sin a mhéid a bheidh sonraí teagmhála ábhartha na bpaisinéirí ar fáil nó a mhéid is féidir iad a aisghabháil. Áireofar san fhógra faisnéis faoin gcaoi ar féidir leis an duine aonair lena mbaineann sásamh riaracháin nó breithiúnach a lorg de bhun Airteagal 14.

1.   Áiritheoidh Ceanada go mbeidh aon duine aonair in ann rochtain a fháil ar a sonraí PNR.

2.   Áiritheoidh Ceanada go ndéanfaidh Údarás Inniúil Cheanada an méid seo a leanas, laistigh de thréimhse ama réasúnach:

3.   Ar chúiseanna tábhachtacha a bhaineann le leas an phobail, féadfaidh Ceanada aon rochtain ar fhaisnéis faoin Airteagal seo a chur faoi réir ceanglais agus teorainneacha dlíthiúla réasúnta, lena n-áirítear aon teorainneacha is gá chun cionta coiriúla a chosc, a bhrath, a imscrúdú nó a ionchúiseamh, nó chun an tslándáil phoiblí nó náisiúnta a chosaint, agus aird chuí á tabhairt ar leasanna dlisteanacha an duine aonair lena mbaineann.

1.   Áiritheoidh Ceanada go mbeidh aon duine aonair in ann ceartúchán ar a shonraí PNR a iarraidh.

2.   Áiritheoidh Ceanada go mbreithneoidh Údarás Inniúil Cheanada gach iarraidh ar cheartúchán a dhéantar i scríbhinn, agus go ndéanfaidh sé an méid seo a leanas, laistigh de thréimhse réasúnach ama:

1.   Áiritheoidh Ceanada go bhfaighidh údarás poiblí neamhspleách gearáin a dhéanann duine aonair a bhaineann lena iarraidh ar rochtain, ceartúchán nó anótáil ar a shonraí PNR, go ndéanfaidh sé iad a imscrúdú agus go bhfreagróidh sé dóibh. Áiritheoidh Ceanada go dtabharfaidh an t-údarás ábhartha fógra don ghearánach maidir leis na modhanna sásamh breithiúnach a leagtar amach i mír 2 a lorg.

2.   Áiritheoidh Ceanada go bhféadfaidh aon duine aonair atá den tuairim gur sáraíodh a chearta le cinneadh nó gníomhaíocht i ndáil lena shonraí PNR sásamh breithiúnach éifeachtach a lorg i gcomhréir le dlí Cheanada trí athbhreithniú breithiúnach nó trí leigheas eile a bhféadfar cúiteamh a áireamh ann.

1.   Áiritheoidh Ceanada go mbeidh aon uathphróiseáil sonraí PNR bunaithe ar shamhlacha agus critéir réamhbhunaithe atá sonrach agus iontaofa chun é a chur ar a chumas d’Údarás Inniúil Cheanada an méid seo a leanas a dhéanamh:

2.   Áiritheoidh Ceanada, maidir leis na bunachair sonraí a gcuirtear sonraí PNR i gcomparáid leo, go mbeidh siad iontaofa, cothrom le dáta agus teoranta dóibh siúd arna úsáid ag Ceanada i ndáil leis na cuspóirí a leagtar amach in Airteagal 3.

3.   Ní ghlacfaidh Ceanada aon chinneadh a dhéanfaidh difear suntasach do dhuine aonair ar bhonn próiseáil uathoibrithe ar shonraí PNR amháin.

1.   Ní choinneoidh Ceanada sonraí PNR ar feadh tréimhse níos faide ná 5 bliana ón dáta a gheobhaidh sé na sonraí PNR.

2.   Déanfaidh Ceanada athbhreithniú ar thréimhse choinneála shonraí PNR gach 2 bhliain agus cinnfidh sé an bhfuil sé fós i gcomhréir le leibhéal riosca na sceimhlitheoireachta agus na coireachta tromchúisí trasnáisiúnta a thagann ón Aontas Eorpach agus atá ar idirthuras tríd. Soláthróidh Ceanada tuarascáil rúnaicmithe don Aontas Eorpach ina leagfar amach toradh an athbhreithnithe, lena n-áirítear an leibhéal riosca a sainaithníodh, tosca a mheastar chun an tréimhse choinneála a íoslaghdú, agus an cinneadh gaolmhar maidir le coinneáil.

3.   Féadfar sonraí PNR a choinneáil faoin gComhaontú seo tar éis dháta imeachta an phaisinéara, i gcás ina measann Ceanada go bhfuil nasc ann leis na cuspóirí a leagtar amach in Airteagal 3, ar bhonn gnéithe oibiachtúla óna bhféadfaí a thuiscint go bhféadfadh sonraí PNR cur le haghaidh a thabhairt ar na cuspóirí sin ar bhealach éifeachtach.

4.   Cuirfidh Ceanada srian ar na daoine a bhfuil rochtain acu shonraí PNR, is iad sin líon teoranta oifigeach atá údaraithe go sonrach ag Ceanada.

5.   Tá úsáid sonraí PNR a choinnítear faoin Airteagal seo faoi réir na gcoinníollacha a leagtar síos in Airteagal 17.

6.   Déanfaidh Ceanada sonraí PNR a dhíphearsantú trí faisnéis aitheantais gach paisinéara a cheilt 30 lá ar a dhéanaí tar éis do Cheanada í a fháil.

7.   Ní fhéadfaidh Ceanada sonraí PNR a nochtadh ach amháin, ar bhonn na faisnéise atá ar fáil, más gá é a nochtadh chun imscrúduithe a dhéanamh faoi raon feidhme Airteagal 3, mar a leanas:

8.   D’ainneoin mhír 1:

9.   Déanfaidh Ceanada sonraí PNR a dhiúscairt ag deireadh thréimhse choinneála shonraí PNR.

1.   Áiritheoidh Ceanada nach nochtfaidh Údarás Inniúil Cheanada sonraí PNRd’údaráis rialtais eile i gCeanada ach amháin má chomhlíontar na coinníollacha seo a leanas:

2.   Agus aistriú á dhéanamh ar fhaisnéis anailíseach ina bhfuil sonraí PNR a fhaightear faoin gComhaontú seo, déanfar na coimircí a bhfuil feidhm acu maidir le sonraí PNR san Airteagal seo a urramú.

1.   Áiritheoidh Ceanada nach nochtfaidh Údarás Inniúil Cheanada sonraí PNR d’údaráis rialtais i dtíortha seachas Ballstáit an Aontais Eorpaigh ach amháin má chomhlíontar na coinníollacha seo a leanas ar fad:

2.   Mar eisceacht le mír 1, pointe (e), féadfaidh Údarás Inniúil Cheanada sonraí PNR a chomhroinnt le tír eile má mheasann Ceann Údarás Inniúil Cheanada nó oifigeach sinsearach arna shainordú go sonrach ag an gCeann, go bhfuil an nochtadh riachtanach chun garbhagairt thromchúiseach ar an tslándáil phoiblí a chosc nó a imscrúdú agus má thugann an tír sin dearbhú i scríbhinn, de bhun socraithe, comhaontaithe nó eile, go gcosnófar an fhaisnéis i gcomhréir leis na cosaintí a leagtar amach sa Chomhaontú seo.

3.   Más rud é, i gcomhréir le mír 1, go nochtfaidh Údarás Inniúil Cheanada sonraí PNR duine aonair ar saoránach de Bhallstát an Aontais Eorpaigh é, áiritheoidh Ceanada go dtabharfaidh Údarás Inniúil Cheanada fógra d’údaráis an Bhallstáit sin maidir leis an nochtadh a luaithe is féidir. Eiseoidh Ceanada an fógra sin i gcomhréir le comhaontuithe agus socruithe maidir le forfheidhmiú an dlí nó comhroinnt faisnéise idir Ceanada agus an Ballstát sin.

4.   Agus aistriú á dhéanamh ar fhaisnéis anailíseach ina bhfuil sonraí PNR a fhaightear faoin gComhaontú seo á haistriú, déanfar na coimircí a bhfuil feidhm acu maidir le sonraí PNR san Airteagal seo a urramú.

1.   Áiritheoidh Ceanada go gceanglóidh Údarás Inniúil Cheanada ar aeriompróir sonraí PNR a aistriú ar an mbealach seo a leanas:

2.   Áiritheoidh Ceanada go gcuirfidh Údarás Inniúil Cheanada aeriompróirí ar an eolas faoi na hamanna sonraithe le haghaidh na n-aistrithe.

3.   I gcásanna sonracha ina léirítear go bhfuil gá le rochtain bhreise chun freagairt do bhagairt shonrach a bhaineann leis na cuspóirí a leagtar amach in Airteagal 3, féadfaidh Údarás Inniúil Cheanada a cheangal ar aeriompróir sonraí PNR a chur ar fáil roimh na haistrithe sceidealta, idir na haistrithe sceidealta nó ina ndiaidh. Agus an discréid sin á feidhmiú aige, gníomhóidh Ceanada go breithiúnach agus go comhréireach agus ceanglóidh sé go n-úsáidfear an modh aistrithe dá dtagraítear in Airteagal 21.

1.   Réiteoidh na Páirtithe aon díospóid a eascróidh as léirmhíniú, cur i bhfeidhm nó cur chun feidhme an Chomhaontaithe seo trí bhealaí taidhleoireachta d’fhonn teacht ar réiteach a bheidh inghlactha go frithpháirteach, lena n-áirítear deis a thabhairt do cheachtar Páirtí comhlíonadh laistigh de thréimhse réasúnach ama.

2.   Mura mbeidh na Páirtithe in ann an díospóid a réiteach, féadfaidh ceachtar Páirtí cur i bhfeidhm an Chomhaontaithe seo a chur ar fionraí trí fhógra i scríbhinn a thabhairt don Pháirtí eile, trí bhealaí taidhleoireachta. Tiocfaidh an fhionraí i bhfeidhm 120 lá ó dháta an fhógra sin, mura gcinnfidh na Páirtithe a mhalairt go comhpháirteach.

3.   An Páirtí a chuireann cur i bhfeidhm an Chomhaontaithe seo ar fionraí, cuirfidh sé deireadh leis an bhfionraí a luaithe a bheidh an díospóid réitithe chun shástacht an dá Pháirtí. Tabharfaidh an Páirtí fionraíochta fógra i scríbhinn don Pháirtí eile maidir leis an dáta a atosófar cur i bhfeidhm an Chomhaontaithe seo.

4.   Leanfaidh Ceanada de théarmaí an Chomhaontaithe seo a chur i bhfeidhm maidir leis na sonraí PNR uile a fhaightear roimh aon fhionraí ar an gComhaontú seo.

1.   Cuirfidh na Páirtithe in iúl dá chéile aon bheart atá le hachtú a d’fhéadfadh difear a dhéanamh don Chomhaontú seo.

2.   Déanfaidh na Páirtithe cur chun feidhme an Chomhaontaithe seo a athbhreithniú go comhpháirteach bliain amháin tar éis dó teacht i bhfeidhm, go tráthrialta ina dhiaidh sin, agus ina theannta sin má iarrann ceachtar Páirtí amhlaidh agus má chinntear go comhpháirteach é. Agus na hathbhreithnithe sin á ndéanamh acu, tabharfaidh na Páirtithe aird ar leith ar an ngá atá le sonraí PNR a phróiseáil agus a choinneáil le haghaidh gach ceann de na cuspóirí a leagtar amach in Airteagal 3 agus ar chomhréireacht na próiseála agus na coinneála sin. Comhaontaíonn na Páirtithe go bhféachfaidh an t-athbhreithniú comhpháirteach go háirithe ar choinneáil eisceachtúil sonraí PNR de réir Airteagal 16(3). Áireofar sna hathbhreithnithe comhpháirteacha freisin an scrúdú maidir leis an gcaoi ar áirithigh Údarás Inniúil Cheanada go bhfuil na samhlacha, na critéir agus na bunachair sonraí réamhbhunaithe dá dtagraítear in Airteagal 15 iontaofa, ábhartha agus cothrom le dáta, agus sonraí staidrimh á gcur san áireamh.

3.   Déanfaidh na Páirtithe meastóireacht chomhpháirteach ar an gComhaontú seo 4 bliana tar éis a theacht i bhfeidhm.

4.   Déanfaidh na Páirtithe cinneadh roimh ré maidir le módúlachtaí an athbhreithnithe chomhpháirtigh agus cuirfidh siad comhdhéanamh a bhfoirne féin in iúl dá chéile. Chun críche an athbhreithnithe sin, déanfaidh an Coimisiún Eorpach ionadaíocht thar ceann an Aontais Eorpaigh. Áireofar ar na foirne saineolaithe ábhartha ar chosaint sonraí agus ar fhorfheidhmiú an dlí. Faoi réir na ndlíthe is infheidhme, ceanglófaidh na Páirithe ar na rannpháirtithe uile atá mar chuid d’athbhreithniú rúndacht na bpléití a urramú agus imréitigh shlándála iomchuí a bheith acu. Chun críocha aon athbhreithnithe, soláthróidh Ceanada rochtain ar dhoiciméadacht, staidreamh, córais agus pearsanra ábhartha arna iarraidh sin.

5.   Tar éis gach athbhreithnithe chomhpháirtigh, tíolacfaidh an Coimisiún Eorpach tuarascáil do Pharlaimint na hEorpa agus do Chomhairle an Aontais Eorpaigh. Tabharfar deis do Cheanada barúlacha i scríbhinn a sholáthar atá i gceangal leis an tuarascáil.

6.   Aon Pháirtí a mholfaidh leasú ar an gComhaontú seo, déanfaidh sé amhlaidh i scríbhinn.

1.   Féadfaidh Páirtí an Comhaontú seo a fhoirceannadh tráth ar bith trí fhógra a thabhairt don Pháirtí eile trí bhealaí taidhleoireachta go bhfuil sé ar intinn aige an Comhaontú seo a fhoirceannadh. Déanfar an Comhaontú seo a fhoirceannadh 120 lá tar éis don Pháirtí eile an fógra a fháil.

2.   Leanfaidh Ceanada de théarmaí an Chomhaontaithe seo a chur i bhfeidhm maidir leis na sonraí PNR uile a fhaightear roimh fhoirceannadh an Chomhaontaithe seo.

1.   Faoi réir mhír 2, fanfaidh an Comhaontú seo i bhfeidhm go ceann tréimhse 7 mbliana ón dáta a thiocfaidh sé i bhfeidhm.

2.   Ag deireadh gach tréimhse 7 mbliana, déanfar an Comhaontú seo a athnuachan go huathoibríoch go ceann tréimhse bhreise 7 mbliana, mura rud é go dtabharfaidh Páirtí amháin fógra don Pháirtí eile, i scríbhinn trí bhealaí taidhleoireachta, 6 mhí ar a laghad roimh dhul in éag na tréimhse 7 mbliana, nach bhfuil sé beartaithe aige an Comhaontú seo a athnuachan.

3.   Leanfaidh Ceanada de théarmaí an Chomhaontaithe seo a chur i bhfeidhm maidir leis na sonraí PNR uile a fhaightear roimhfhoirceannadh an Chomhaontaithe seo.

1.   Beidh feidhm ag an gComhaontú seo maidir le críoch Cheanada, agus le críoch an Aontais Eorpaigh i gcomhréir leis an gConradh ar an Aontas Eorpach agus an Conradh ar Fheidhmiú an Aontais Eorpaigh.

2.   Faoi dháta theacht i bhfeidhm an Chomhaontaithe seo, tabharfaidh an tAontas Eorpach fógra do Cheanada faoi na Ballstáit a bhfuil feidhm ag an gComhaontú seo maidir lena gcríocha. Féadfaidh sé ina dhiaidh sin, tráth ar bith, fógra a thabhairt faoi aon athruithe air sin.

1.   Tabharfaidh gach Páirtí fógra i scríbhinn don Pháirtí eile nuair a bheidh na nósanna imeachta is gá le haghaidh theacht i bhfeidhm an Chomhaontaithe seo curtha i gcrích aige. Tiocfaidh an Comhaontú seo i bhfeidhm ar dháta an dara fhógra as na fógraí sin.

2.   Tabharfaidh Ceanada fógra don Choimisiún Eorpach sula dtiocfaidh an Comhaontú seo i bhfeidhm trí bhealaí taidhleoireachta maidir le céannacht na n-údarás seo a leanas:

3.   Déanfaidh an tAontas Eorpach an fhaisnéis sin dá dtagraítear i mír 2 a fhoilsiú in Iris Oifigiúil an Aontais Eorpaigh.

4.   Cuirtear an Comhaontú seo in ionad aon réamhshocruithe maidir le réamhaisnéis faoi phaisinéirí agus sonraí PNR a phróiseáil, lena n-áirítear an Comhaontú idir Rialtas Cheanada agus an Comhphobal Eorpach maidir le Réamhfhaisnéis faoi Phaisinéirí agus Sonraí maidir le Taifead Ainmneacha Paisinéirí a Phroiseáil, arna dhéanamh i Lucsamburg an 3 Deireadh Fómhair 2005.

Arna dhéanamh i ndúblach sa Bhéarla, sa Bhulgáiris, sa Chróitis, sa Danmhairgis, san Eastóinis, san Fhionlainnis, sa Fhraincis, sa Ghaeilge, sa Ghearmáinis, sa Ghréigis, san Iodáilis, sa Laitvis, sa Liotuáinis, sa Mháltais, san Ollainnis, sa Pholainnis, sa Phortaingéilis, sa Rómáinis, sa tSeicis, sa tSlóvaicis, sa tSlóivéinis, sa Spáinnis, sa tSualainnis agus san Ungáiris, agus comhúdarás ag gach téacs.