1.   Cuirfidh an maoirseoir comhdhlúthacháin an dréachtmhapáil, arna hullmhú i gcomhréir le hAirteagal 2 de Rialachán Tarmligthe (AE) 2025/791 ón gCoimisiún (7), faoi bhráid na n-údarás atá incháilithe le bheith ina gcomhaltaí den choláiste maoirseoirí de bhun Airteagal 3(1) den Rialachán sin (‘comhaltaí féideartha an choláiste maoirseoirí’), agus iarrfaidh siad ar na húdaráis sin a dtuairimí a chur in iúl agus sprioc-am a chur in iúl chun na tuairimí sin a chur isteach.

2.   Chun críocha na mapála agus gan dochar d’Airteagal 51 de Threoir 2013/36/AE, déanfaidh an maoirseoir comhdhlúthacháin aon tuairim ó chomhaltaí féideartha an choláiste maoirseoirí a mheas.

3.   Tar éis bailchríoch a chur air, cuirfidh an maoirseoir comhdhlúthacháin an mhapáil in iúl do chomhaltaí féideartha uile an choláiste maoirseoirí.

4.   Déanfaidh an maoirseoir comhdhlúthacháin an mhapáil a thabhairt cothrom le dáta, i gcomhréir leis an nós imeachta a leagtar amach i míreanna 1, 2 agus 3, ar bhonn bliantúil ar a laghad. Tabharfar an mhapáil cothrom le dáta níos minice i gcás ina mbeidh athruithe móra ar struchtúr an ghrúpa institiúidí.

5.   Úsáidfidh an maoirseoir comhdhlúthacháin an teimpléad a leagtar amach in Iarscríbhinn I chun an mhapáil a bhunú agus a thabhairt cothrom le dáta.

1.   Cuirfidh an maoirseoir comhdhlúthacháin an iarraidh dá dtagraítear in Airteagal 3(1) de Rialachán Tarmligthe (AE) 2025/791 chuig na húdaráis dá dtagraítear san Airteagal sin agus leagfaidh sé síos sprioc-am chun glacadh léi.

Na húdaráis a fhaigheann an iarraidh dá dtagraítear sa chéad fhomhír, gheobhaidh siad stádas mar chomhaltaí den choláiste maoirseoirí ar ghlacadh leis an iarraidh dóibh nó, mura ndearnadh aon agóid laistigh den sprioc-am le haghaidh glacadh leis an iarraidh, ar dhul in éag an sprioc-ama sin.

2.   Tabharfaidh an maoirseoir comhdhlúthacháin fógra do na húdaráis a ghlac leis an iarraidh dá dtagraítear i mír 1. Beidh an méid seo a leanas san fhógra sin:

3.   San fhógra dá dtagraítear i mír 2, socróidh an maoirseoir comhdhlúthacháin sprioc-am leordhóthanach faoina bhféadfaidh aon chomhalta easaontach den choláiste maoirseoirí a agóid lánréasúnaithe in aghaidh thogra nó thuairim an mhaoirseora comhdhlúthacháin dá dtagraítear sa mhír sin, pointe (b), pointe (c) nó pointe (d), a chur in iúl i scríbhinn. Mura mbeidh aon agóid curtha in iúl laistigh den sprioc-am sin, measfar gur chomhaontaigh comhaltaí an choláiste maoirseoirí ar an togra nó ar an tuairim.

4.   Rachaidh an maoirseoir comhdhlúthacháin i mbun idirphlé le haon chomhalta easaontach dá dtagraítear i mír 3 le rannpháirtíocht ÚBE agus chomhaltaí eile an choláiste maoirseoirí, de réir mar is iomchuí, idirphlé arb é is aidhm dó teacht ar chomhaontú.

5.   Ar chomhaontú chomhaltaí uile an choláiste maoirseoirí maidir leis an togra agus an tuairim dá dtagraítear i mír 2, seolfaidh an maoirseoir comhdhlúthacháin na hiarrataí chuig na húdaráis dá dtagraítear in Airteagal 3(3) de Rialachán Tarmligthe (AE) 2025/791 le bheith ina mbreathnóirí den choláiste maoirseoirí agus leagfaidh sé síos sprioc-am chun glacadh leis. Beidh téarmaí rannpháirtíochta an bhreathnóra ag gabháil leis an iarraidh.

Gheobhaidh na húdaráis dá dtagraítear sa chéad fhomhír stádas mar bhreathnóirí an choláiste maoirseoirí nuair a ghlacfaidh siad leis an iarraidh agus le téarmaí rannpháirtíochta na mbreathnóirí nó nuair a rachaidh an sprioc-am chun glacadh leis in éag mura mbeidh aon agóid déanta acu roimh an sprioc-am sin.

6.   Na húdaráis dá dtagraítear in Airteagal 3(3) de Rialachán Tarmligthe (AE) 2025/791, féadfaidh siad a iarraidh chun bheith ina mbreathnóirí ar choláiste maoirseoirí. Cuirfear an iarraidh faoi bhráid an mhaoirseora comhdhlúthacháin. I gcás ina gcinnfidh an maoirseoir comhdhlúthacháin a iarraidh ar na húdaráis sin a bheith rannpháirteach sa choláiste maoirseoirí mar bhreathnóirí, beidh feidhm ag an nós imeachta a leagtar amach i míreanna 2 go 5 den Airteagal seo.

1.   Déanfaidh an maoirseoir comhdhlúthacháin liosta teagmhálaithe a bhunú agus a choinneáil ar bun ina mbeidh sonraí teagmhála iomlána agus liosta teagmhálaithe éigeandála ina mbeidh sonraí teagmhála iomlána agus sonraí teagmhála lasmuigh de ghnáthuaireanta oibre a bheidh le húsáid le linn staideanna éigeandála agus cuirfidh sé na liostaí teagmhálaithe sin in iúl do chomhaltaí agus do bhreathnóirí an choláiste maoirseoirí agus úsáid á baint as an teimpléad a leagtar amach in Iarscríbhinn II. Cuirfear an liosta teagmhálaithe agus an liosta teagmhálaithe éigeandála i gceangal leis na socruithe scríofa maidir le comhordú agus comhar dá dtagraítear in Airteagal 5 de Rialachán Tarmligthe (AE) 2025/791.

2.   Soláthróidh comhaltaí an choláiste maoirseoirí a sonraí teagmhála agus a gcuid sonraí teagmhála lasmuigh de na gnáthuaireanta oibre don mhaoirseoir comhdhlúthacháin agus cuirfidh siad an maoirseoir comhdhlúthacháin ar an eolas faoi aon athrú ar na sonraí sin gan moill mhíchuí.

3.   Tar éis dó faisnéis a fháil faoi athrú dá dtagraítear i mír 2, cuirfidh an maoirseoir comhdhlúthacháin leagan nuashonraithe den liosta teagmhálaithe nó den liosta teagmhálaithe éigeandála in iúl do chomhaltaí agus do bhreathnóirí an choláiste maoirseoirí gan moill mhíchuí.

1.   Ullmhóidh an maoirseoir comhdhlúthacháin togra maidir le tabhairt i gcrích socruithe scríofa maidir le comhordú agus comhar dá dtagraítear in Airteagal 115 de Threoir 2013/36/AE agus in Airteagal 5 de Rialachán Tarmligthe (AE) 2025/791.

2.   Cuirfidh an maoirseoir comhdhlúthacháin a thogra in iúl do chomhaltaí an choláiste maoirseoirí agus iarrfaidh sé orthu a dtuairimí a sholáthar, agus sonróidh sé sprioc-am chun na tuairimí sin a chur isteach.

3.   Chun na socruithe scríofa maidir le comhordú agus comhar a thabhairt chun críche, cuirfidh an maoirseoir comhdhlúthacháin san áireamh aon tuairim a chuir comhaltaí an choláiste maoirseoirí in iúl agus míneoidh sé, más gá, an chúis nár cuireadh san áireamh na tuairimí sin.

4.   Tar éis bailchríoch a chur air, cuirfidh an maoirseoir comhdhlúthacháin na socruithe scríofa maidir le comhordú agus comhar in iúl do chomhaltaí an choláiste maoirseoirí.

5.   Má mheasann an maoirseoir comhdhlúthacháin agus comhaltaí an choláiste maoirseoirí gur gá sin, déanfar cur chun feidhme na socruithe scríofa maidir le comhordú agus comhar a thástáil trí bhíthin cleachtaí ionsamhlúcháin nó ar bhealach ar bith eile, de réir mar is iomchuí.

6.   Leasóidh an maoirseoir comhdhlúthacháin agus comhaltaí an choláiste maoirseoirí, i gcás inar gá, na socruithe scríofa maidir le comhordú agus comhar i gcás athruithe ar aon cheann dá n-eilimintí dá dtagraítear in Airteagal 5 de Rialachán Tarmligthe (AE) 2025/791.

Leasófar na socruithe scríofa maidir le comhordú agus comhar i gcomhréir le mír 7 chun aon athrú ar chomhaltas an choláiste maoirseoirí a léiriú.

Déanfaidh an maoirseoir comhdhlúthacháin agus comhaltaí an choláiste maoirseoirí athbhreithniú ar eilimintí na socruithe scríofa maidir le comhordú agus comhar dá dtagraítear in Airteagal 5 de Rialachán Tarmligthe (AE) 2025/791 ar bhonn tráthrialta atá le cinneadh sna socruithe.

7.   Leasóidh an maoirseoir comhdhlúthacháin agus comhaltaí an choláiste maoirseoirí na socruithe scríofa maidir le comhordú agus comhar i gcomhréir leis an nós imeachta a leagtar amach i mír 1 go mír 4.

8.   Úsáidfidh an maoirseoir comhdhlúthacháin an teimpléad in Iarscríbhinn II chun na socruithe scríofa maidir le comhordú agus comhar a thabhairt i gcrích agus a leasú.

1.   Tionólfaidh coláistí maoirseoirí cruinniú amháin ar a laghad in aghaidh na bliana. Mar sin féin, féadfaidh an maoirseoir comhdhlúthacháin, le toiliú chomhaltaí uile an choláiste maoirseoirí, tar éis sainiúlachtaí an ghrúpa a chur san áireamh, minicíocht éagsúil cruinnithe a chinneadh.

2.   Bunóidh an maoirseoir comhdhlúthacháin cuspóirí chruinnithe an choláiste maoirseoirí. Áiritheoidh an maoirseoir comhdhlúthacháin go ndéanfar na cuspóirí sin a léiriú i gclár oibre na gcruinnithe.

3.   Cinnfidh an maoirseoir comhdhlúthacháin cé acu i bhformáid fhisiciúil nó i bhformáid fhíorúil a thionólfar an cruinniú, bunaithe ar chuspóirí an chruinnithe.

4.   Cuirfidh an maoirseoir comhdhlúthacháin clár oibre beartaithe an chruinnithe chuig comhaltaí uile an choláiste maoirseoirí, chuig an údarás réitigh ar ghrúpleibhéal, agus chuig na breathnóirí sin den choláiste maoirseoirí a bhfuil sé beartaithe ag an maoirseoir comhdhlúthacháin cuireadh a thabhairt dóibh i gcomhréir le hAirteagal 6(1) de Rialachán Tarmligthe 2025/791 agus iarrfaidh sé orthu aon mhír bhreise ar an gclár oibre a mholadh.

Cuirfidh an maoirseoir comhdhlúthacháin san áireamh aon mholadh maidir le míreanna ar an gclár oibre a dhéanfaidh na comhaltaí agus na breathnóirí dá dtagraítear sa chéad fhomhír agus míneoidh sé, i gcás ina n-iarrfar sin, an chúis nach ndearnadh na tograí sin a chur san áireamh.

5.   Déanfaidh an maoirseoir comhdhlúthacháin agus comhaltaí agus breathnóirí an choláiste maoirseoirí a bhfuil baint acu le cruinniú nó le gníomhaíocht ar leith doiciméid agus rannchuidithe le doiciméid oibre a mhalartú i bhfad roimh an gcruinniú nó roimh an ngníomhaíocht chun é a chur ar a gcumas do na rannpháirtithe uile sa chruinniú nó sa ghníomhaíocht cur go gníomhach leis an bplé.

1.   Maidir leis an bhfaisnéis dá dtagraítear in Airteagal 9(3) de Rialachán Tarmligthe (AE) 2025/791, nuair a gheofar í ó chomhalta den choláiste maoirseoirí, tarchuirfidh an maoirseoir comhdhlúthacháin chuig comhaltaí eile an choláiste maoirseoirí í.

Má mheasann an maoirseoir comhdhlúthacháin, i dtaca le haon fhaisnéis dá dtagraítear sa chéad fhomhír, nach bhfuil sí ábhartha do chomhalta ar leith den choláiste maoirseoirí, rachaidh sé i gcomhairle ar dtús leis an gcomhalta sin agus soláthróidh sé príomhphointí na faisnéise dó lena gcuirfear ar a chumas dó ábharthacht na faisnéise sin a chinneadh.

2.   Tarchuirfidh an maoirseoir comhdhlúthacháin agus comhaltaí an choláiste maoirseoirí an fhaisnéis dá dtagraítear in Airteagal 9(4) agus (5) de Rialachán Tarmligthe (AE) 2025/791 chuig a chéile.

3.   I gcás inar gá ar mhaithe le feidhmiú éifeachtúil agus éifeachtach an choláiste maoirseoirí, eagróidh an maoirseoir comhdhlúthacháin an coláiste sin i bhfostruchtúir éagsúla. I gcás ina n-eagraítear an coláiste maoirseoirí i bhfostruchtúir éagsúla, coinneoidh an maoirseoir comhdhlúthacháin comhaltaí uile an choláiste maoirseoirí go hiomlán ar an eolas, gan moill mhíchuí, faoi na gníomhaíochtaí nó na bearta a dhéantar i bhfostruchtúir éagsúla.

4.   Tiocfaidh an maoirseoir comhdhlúthacháin agus comhaltaí an choláiste maoirseoirí ar chomhaontú maidir leis na modhanna chun faisnéis a mhalartú agus sonróidh siad an comhaontú sin sna socruithe scríofa maidir le comhordú agus comhar dá dtagraítear in Airteagal 5 de Rialachán Tarmligthe (AE) 2025/791.

1.   Ar theacht ar chinneadh comhpháirteach maidir leis na ceanglais stuamachta institiúidsonracha i gcomhréir le hAirteagal 113 de Threoir 2013/36/AE, soláthróidh an maoirseoir comhdhlúthacháin don údarás réitigh ar ghrúpleibhéal an fhaisnéis dá dtagraítear in Airteagal 17(2), pointe (a), de Rialachán Tarmligthe (AE) 2025/791.

2.   I gcás teagmhas a bhfuil éifeacht ábhartha dhíobhálach aige ar phróifíl riosca an ghrúpa nó a eintiteas, cuirfidh an maoirseoir comhdhlúthacháin in iúl do na breathnóirí ábhartha an fhaisnéis ábhartha a chomhroinntear chun críoch Airteagal 18 de Rialachán Tarmligthe (AE) 2025/791.

1.   I gcás nach gcomhlíonfaidh na hinstitiúidí a bunaíodh i mBallstát, lena n-áirítear máthairghnóthas AE, na ceanglais a thuilleadh maidir le cur chuige inmheánach a chur i bhfeidhm i gcomhréir le hAirteagal 143(1), Airteagal 151(4) nó (9), Airteagal 283, Airteagal 312(2), nó Airteagal 363 de Rialachán (AE) Uimh. 575/2013, nó i gcás ina sainaithníonn aon chomhalta ábhartha den choláiste maoirseoirí dá dtagraítear in Airteagal 11(1) de Rialachán Tarmligthe (AE) 2025/791 (‘comhalta ábhartha’) easnaimh ábhartha i gcomhréir le hAirteagal 101 de Threoir 2013/36/AE, oibreoidh an maoirseoir comhdhlúthacháin agus an comhalta ábhartha le chéile, i gcomhairliúchán iomlán, chun teacht ar chomhaontú maidir le haon cheann díobh seo a leanas:

2.   Déanfaidh an maoirseoir comhdhlúthacháin agus comhaltaí ábhartha an choláiste maoirseoirí a dhéanann maoirseacht ar eintitis a úsáideann an tsamhail inmheánach fhormheasta agus a ndéanann na heasnaimh dá dtagraítear i mír 1 difear dóibh, déanfaidh siad an cinneadh go comhpháirteach maidir le cúlghairm an cheada chun samhail inmheánach a úsáid nó maidir le srian ar úsáid na samhla inmheánaí. Beidh an comhar idir an maoirseoir comhdhlúthacháin agus na comhaltaí sin de réir an nós imeachta a leagtar amach in Airteagail 3 go 9 de Rialachán Cur Chun Feidhme (AE) 2016/100 ón gCoimisiún (8).

3.   Déanfar cinneadh maidir le ceanglas cistí dílse breise a fhorchur dá dtagraítear i mír 1, pointe (c), den Airteagal seo i gcomhréir leis an nós imeachta maidir le cinneadh comhpháirteach caipitil a leagtar amach in Airteagal 113(1), pointe (a), de Threoir 2013/36/AE.

4.   Cuirfidh an maoirseoir comhdhlúthacháin gach comhalta eile den choláiste maoirseoirí ar an eolas faoi na cinntí a dhéantar de bhun mhír 1, i gcás ina measann sé gur dócha go ndéanfaidh an fhaisnéis sin difear do ghníomhaíochtaí eile an choláiste nó go bhfuil sí fíor-riachtanach chun cúraimí chomhaltaí eile an choláiste a fheidhmiú.

1.   Cuirfidh an maoirseoir comhdhlúthacháin comhaltaí ábhartha uile an choláiste maoirseoirí ar an eolas gan mhoill faoi aon síneadh neamhábhartha nó aon athrú neamhábhartha ar shamhail inmheánach fhormheasta a dhéanann difear d’aon cheann de na hinstitiúidí atá bunaithe i mBallstát.

2.   Cuirfidh comhalta ábhartha de choláiste maoirseoirí an maoirseoir comhdhlúthacháin ar an eolas faoi aon síneadh neamhábhartha nó aon athrú neamhábhartha a dhéanann difear d’aon cheann de na hinstitiúidí atá faoi shainchúram maoirseachta an chomhalta sin.

3.   Comhalta ábhartha de choláiste maoirseoirí a bhfuil imní air maidir le síneadh nó athrú a aicmiú mar shíneadh nó athrú neamhábhartha, cuirfidh sé na hábhair imní sin in iúl don mhaoirseoir comhdhlúthacháin. Soláthróidh an maoirseoir comhdhlúthacháin an fhaisnéis sin do chomhaltaí ábhartha eile an choláiste maoirseoirí.

Maoirseoir comhdhlúthacháin a bhfuil imní air maidir le síneadh nó athrú a aicmiú mar shíneadh nó athrú neamhábhartha, cuirfidh sé na hábhair imní sin in iúl do chomhaltaí ábhartha uile an choláiste maoirseoirí. Pléifidh an maoirseoir comhdhlúthacháin agus na comhaltaí sin sonraí na n-ábhar imní sin chun teacht ar dhearcadh coiteann maidir le hábharthacht an tsínidh nó an athraithe.

4.   I gcás ina measfaidh an maoirseoir comhdhlúthacháin agus comhaltaí ábhartha an choláiste maoirseoirí go bhfuil síntí nó athruithe ar shamhail inmheánach fhormheasta aicmithe go mícheart ag an institiúid lena mbaineann mar shíntí nó athruithe neamhábhartha, cuirfidh siad an institiúid sin ar an eolas gan mhoill.

1.   Ríomhfaidh comhaltaí an choláiste maoirseoirí na táscairí dá dtagraítear in Airteagal 12 de Rialachán Tarmligthe (AE) 2025/791 ar bhonn na faisnéise a bhailíonn údaráis inniúla ó institiúidí faoi mhaoirseacht i gcomhréir le Rialachán Cur Chun Feidhme (AE) 2024/3117.

Leagfar amach na táscairí comhaontaithe sna socruithe scríofa maidir le comhordú agus comhar, dá dtagraítear in Airteagal 5 de Rialachán Tarmligthe (AE) 2025/791 agus beidh siad bunaithe ar an teimpléad le haghaidh liosta na dtáscairí a leagtar amach in Iarscríbhinn II a ghabhann leis an Rialachán seo.

2.   Gach comhalta den choláiste maoirseoirí atá rannpháirteach i bhforbairt tuarascála ar mheasúnú riosca an ghrúpa dá dtagraítear in Airteagal 113(2), pointe (a), de Threoir 2013/36/AE nó tuarascála ar mheasúnú riosca leachtachta grúpa dá dtagraítear in Airteagal 113(2), pointe (b), den Treoir sin chun cinntí comhpháirteacha a dhéanamh maidir le ceanglais stuamachta institiúidsonracha i gcomhréir leis an Airteagal sin, cuirfidh sé luachanna na dtáscairí comhaontaithe le haghaidh na n-institiúidí atá faoina shainchúram maoirseachta in iúl don mhaoirseoir comhdhlúthacháin, de réir mar is ábhartha.

3.   Soláthróidh an maoirseoir comhdhlúthacháin an méid seo a leanas do gach comhalta den choláiste maoirseoirí dá dtagraítear i mír 2:

4.   Déanfaidh an maoirseoir comhdhlúthacháin agus comhaltaí an choláiste maoirseoirí dá dtagraítear i mír 2 luachanna na dtáscairí comhaontaithe a mhalartú ar bhonn bliantúil ar a laghad, nó níos minice ná sin i gcás ina gcomhaontaíonn na húdaráis inniúla sin amhlaidh. I gcás teagmhas a bhfuil éifeacht ábhartha dhíobhálach aige ar phróifíl riosca an ghrúpa nó a eintiteas, déanfaidh an maoirseoir comhdhlúthacháin agus comhaltaí an choláiste maoirseoirí dá dtagraítear i mír 2 luachanna na dtáscairí sin dá dtagraítear sa mhír sin, a bhfuil tionchar ag an teagmhas orthu, a thabhairt cothrom le dáta agus a mhalartú gan moill mhíchuí.

1.   Ar theacht ar an gcinneadh comhpháirteach maidir le ceanglais stuamachta institiúidsonracha dá dtagraítear in Airteagal 113 de Threoir 2013/36/AE, soláthróidh comhaltaí an choláiste maoirseoirí a rannchuidithe don mhaoirseoir comhdhlúthacháin chun clár scrúdúcháin an choláiste maoirseoirí a bhunú dá dtagraítear in Airteagal 116(1), pointe (c), de Threoir 2013/36/AE i gcomhréir le hAirteagal 16 de Rialachán Tarmligthe (AE) 2025/791.

2.   Tar éis don mhaoirseoir comhdhlúthacháin na rannchuidithe dá dtagraítear i mír 1 a fháil, ullmhóidh sé dréachtchlár scrúdúcháin don choláiste maoirseoirí, lena n-áirítear, i gcás inarb ábhartha, tograí chun cúraimí a chur ar pháirtithe agus freagrachtaí a tharmligean.

3.   Scaipfidh an maoirseoir comhdhlúthacháin an dréachtchlár scrúdúcháin ar chomhaltaí an choláiste maoirseoirí agus iarrfaidh sé orthu a dtuairimí a sholáthar i scríbhinn maidir le réimsí na hoibre comhpháirtí agus aon togra maidir le cúraimí a chur ar pháirtithe agus freagrachtaí a tharmligean, agus sonróidh sé sprioc-am chun na tuairimí sin a chur isteach.

4.   Chun an clár scrúdúcháin a thabhairt i gcrích, cuirfidh an maoirseoir comhdhlúthacháin san áireamh aon tuairim agus amhras a chuir comhaltaí an choláiste maoirseoirí in iúl agus míneoidh sé, más gá, an chúis nár cuireadh na tuairimí sin san áireamh.

5.   Ar thabhairt i gcrích an chláir scrúdúcháin, cuirfidh an maoirseoir comhdhlúthacháin an clár sin in iúl do chomhaltaí an choláiste maoirseoirí mar aon le haon chomhaontú a bheidh tugtha i gcrích acu, ar bhonn deonach maidir le cúraimí a chur ar pháirtithe agus freagrachtaí a tharmligean i gcomhréir le hAirteagal 7(1) de Rialachán Tarmligthe (AE) 2025/791.

6.   Tabharfar clár scrúdúcháin an choláiste maoirseoirí cothrom le dáta uair sa bhliain ar a laghad, nó níos minice má mheastar gur gá sin de thoradh an athbhreithnithe agus na meastóireachta maoirseachta de bhun Airteagal 97 de Threoir 2013/36/AE, nó de thoradh cinntí comhpháirteacha maidir le ceanglais stuamachta institiúidsonracha i gcomhréir le hAirteagal 113 den Treoir sin.

7.   Déanfaidh an maoirseoir comhdhlúthacháin an clár scrúdúcháin a thabhairt cothrom le dáta i gcomhréir leis an nós imeachta a leagtar amach i mír 1 go mír 5.

1.   Chun críocha Airteagal 19 de Rialachán Tarmligthe (AE) 2025/791, ullmhóidh an maoirseoir comhdhlúthacháin togra chun creat coláiste a bhunú le haghaidh staideanna éigeandála.

2.   Cuirfidh an maoirseoir comhdhlúthacháin a thogra faoi bhráid chomhaltaí an choláiste maoirseoirí agus iarrfaidh sé orthu a dtuairimí a sholáthar, agus sonróidh sé spriocdháta chun na tuairimí sin a chur isteach.

3.   Cuirfidh an maoirseoir comhdhlúthacháin san áireamh aon tuairim agus aon amhras a chuir comhaltaí an choláiste maoirseoirí in iúl agus, i gcás nár cuireadh na tuairimí agus na forchoimeádais sin san áireamh, tabharfaidh sé na cúiseanna atá leis sin.

4.   Cuirfidh an maoirseoir comhdhlúthacháin an leagan críochnaitheach de chreat an choláiste le haghaidh staideanna éigeandála in iúl do chomhaltaí an choláiste maoirseoirí.

5.   Déanfaidh an maoirseoir comhdhlúthacháin agus comhaltaí an choláiste maoirseoirí athbhreithniú ar chreat an choláiste le haghaidh staideanna éigeandála ar bhonn bliantúil ar a laghad agus tabharfaidh siad an creat coláiste sin cothrom le dáta i gcás inar gá sin.

6.   Déanfaidh an maoirseoir comhdhlúthacháin agus comhaltaí an choláiste maoirseoirí creat an choláiste le haghaidh staideanna éigeandála a thabhairt cothrom le dáta i gcomhréir leis an nós imeachta a leagtar amach i míreanna 1 go 4.

1.   Maoirseoir comhdhlúthacháin a fhaigheann amach faoi staid éigeandála a dhéanann difear, nó ar dócha go ndéanfaidh sí difear, d’institiúid nó do bhrainse den ghrúpa atá bunaithe i mBallstát, tabharfaidh sé foláireamh gan moill mhíchuí do ÚBE agus do chomhalta an choláiste maoirseoirí a dhéanann maoirseacht ar an institiúid nó ar an mbrainse a ndéanann an staid éigeandála sin difear dóibh nó ar dócha go ndéanfaidh an staid éigeandála sin difear dóibh.

2.   Comhalta den choláiste maoirseoirí a fhaigheann amach faoi staid éigeandála a dhéanann difear, nó ar dócha go ndéanfaidh sí difear, d’institiúid nó do bhrainse den ghrúpa atá bunaithe i mBallstát, tabharfaidh sé foláireamh don mhaoirseoir comhdhlúthacháin gan moill mhíchuí.

3.   Áiritheoidh an maoirseoir comhdhlúthacháin go gcuirfear gach comhalta eile den choláiste maoirseoirí ar an eolas go leormhaith maidir leis an méid seo a leanas:

4.   I gcás staid éigeandála a bheidh srianta do ghrúpeintiteas sonrach, is é comhalta an choláiste maoirseoirí atá freagrach as maoirseacht a dhéanamh ar an ngrúpeintiteas sin in éineacht leis an maoirseoir comhdhlúthacháin a bhainisteoidh an staid éigeandála sin.

5.   An fhaisnéis dá dtagraítear in Airteagal 20(2) agus (3) de Rialachán Tarmligthe (AE) 2025/791, tabharfar cothrom le dáta í láithreach nuair a bheidh faisnéis nua ar fáil.

6.   I gcás ina ndéanfar an malartú faisnéise nó aon teachtaireacht dá dtagraítear in Airteagal 20 de Rialachán Tarmligthe (AE) 2025/791 ó bhéal, deimhneoidh na húdaráis inniúla lena mbaineann ábhar na teachtaireachta nó na faisnéise sin i scríbhinn gan moill mhíchuí.

1.   Chun críocha Airteagal 21 de Rialachán Tarmligthe (AE) 2025/791, comhordóidh an maoirseoir comhdhlúthacháin forbairt dréachtmheasúnaithe maoirseachta chomhordaithe ar an staid éigeandála, bunaithe ar a mheasúnú féin agus ar mheasúnú chomhaltaí an choláiste maoirseoirí a dhéanann maoirseacht ar ghrúpeintitis a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh.

2.   Cumhdófar sa dréacht-mheasúnú maoirseachta comhordaithe na grúpeintitis a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh. Cuirfidh an maoirseoir comhdhlúthacháin san áireamh go leormhaith tuairimí agus measúnuithe chomhaltaí an choláiste maoirseoirí atá freagrach as maoirseacht a dhéanamh ar na grúpeintitis sin dá dtagraítear in Airteagal 14(4) agus an t-ionchur ón údarás réitigh ar ghrúpleibhéal.

3.   I gcás ina mbeidh an staid éigeandála teoranta do ghrúpeintiteas sonrach, déanfaidh an comhalta den choláiste maoirseoirí atá freagrach as maoirseacht a dhéanamh ar an ngrúpeintiteas sin, in éineacht leis an maoirseoir comhdhlúthacháin, an measúnú maoirseachta ar an staid éigeandála.

1.   Chun críocha Airteagal 22 de Rialachán Tarmligthe (AE) 2025/791, beidh an maoirseoir comhdhlúthacháin i gceannas ar fhreagairt mhaoirseachta chomhordaithe a fhorbairt ar an staid éigeandála maidir leis an ngrúpa agus na grúpeintitis a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh. Cuirfidh an maoirseoir comhdhlúthacháin tuairimí agus measúnuithe chomhaltaí an choláiste maoirseoirí atá freagrach as maoirseacht a dhéanamh ar na grúpeintitis sin san áireamh go leormhaith.

2.   I gcás ina mbeidh an staid éigeandála teoranta do ghrúpeintiteas sonrach, is é an comhalta den choláiste maoirseoirí atá freagrach as maoirseacht a dhéanamh ar an ngrúpeintiteas sin, in éineacht leis an maoirseoir comhdhlúthacháin, a dhéanfaidh an fhreagairt mhaoirseachta chomhordaithe ar an staid éigeandála a fhorbairt.

3.   Déanfaidh an maoirseoir comhdhlúthacháin agus comhaltaí an choláiste maoirseoirí na cúraimí dá dtagraítear i mír 1 agus i mír 2 gan moill mhíchuí.

4.   Féadfar forbairt an mheasúnaithe maoirseachta chomhordaithe ar an staid éigeandála dá dtagraítear in Airteagal 15 agus forbairt na freagartha maoirseachta comhordaithe ar an staid éigeandála sin a dhéanamh i gcomhthráth.

1.   Chun críocha Airteagal 23 de Rialachán Tarmligthe (AE) 2025/791, comhordóidh an maoirseoir comhdhlúthacháin an faireachán ar chur chun feidhme na ngníomhaíochtaí maoirseachta a shonraítear sa fhreagairt mhaoirseachta chomhordaithe.

2.   Comhaltaí an choláiste maoirseoirí a dhéanann maoirseacht ar na grúpeintitis a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh, cuirfidh siad an maoirseoir comhdhlúthacháin ar an eolas faoi éabhlóid na staide éigeandála agus faoi chur chun feidhme na ngníomhaíochtaí maoirseachta a bhaineann lena ngrúpeintitis féin, de réir mar is ábhartha.

3.   Coinneoidh an maoirseoir comhdhlúthacháin comhaltaí an choláiste maoirseoirí, lena n-áirítear ÚBE, cothrom le dáta maidir leis an bhfaireachán ar an bhfreagairt mhaoirseachta chomhordaithe. Na tuairiscí chun dáta sin, cumhdófar leo an grúpa agus na grúpeintitis a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh.

4.   An maoirseoir comhdhlúthacháin agus comhaltaí an choláiste maoirseoirí a dhéanann maoirseacht ar ghrúpeintitis a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh, breithneoidh siad an gá atá leis an bhfreagairt mhaoirseachta chomhordaithe a thabhairt cothrom le dáta agus an fhaisnéis a fhaightear ó chéile á cur san áireamh agus faireachán á dhéanamh ar chur chun feidhme na freagartha sin.

5.   Déanfar na cúraimí dá dtagraítear i míreanna 1 go 4 gan moill mhíchuí.

1.   Maidir le coláistí maoirseoirí dá dtagraítear in Airteagal 51(3) de Threoir 2013/36/AE, déanfaidh údarás inniúil an Bhallstáit baile na cúraimí seo a leanas:

2.   Chun críoch mhír (1), beidh feidhm ag Airteagail 1 go 4 mutatis mutandis.

1.   Bunóidh údarás inniúil an Bhallstáit baile comhar tráthrialta le comhaltaí an choláiste maoirseoirí i bhfoirm cruinnithe nó gníomhaíochtaí eile.

2.   Cuirfidh údarás inniúil an Bhallstáit baile eagrú na gcruinnithe agus na ngníomhaíochtaí, agus a gcuspóirí, in iúl do chomhaltaí an choláiste maoirseoirí, lena n-áirítear ÚBE.

3.   Déanfaidh údarás inniúil an Bhallstáit baile cuspóirí na gcruinnithe nó na ngníomhaíochtaí a leagan síos go soiléir agus áiritheoidh sé go gcuimseofar na cuspóirí sin sna míreanna ar chlár oibre na gcruinnithe nó na ngníomhaíochtaí.

4.   Cuirfidh údarás inniúil an Bhallstáit baile clár oibre beartaithe an chruinnithe chuig comhaltaí uile an choláiste maoirseoirí, chuig údarás réitigh an Bhallstáit baile, agus chuig na breathnóirí sin den choláiste maoirseoirí a bhfuil sé beartaithe aige cuireadh a thabhairt dóibh i gcomhréir le hAirteagal 28(1) de Rialachán Tarmligthe (AE) 2025/791 agus iarrfaidh sé orthu aon mhír bhreise ar an gclár oibre a mholadh. Déanfaidh údarás inniúil an Bhallstáit baile aon mholadh a dhéanfaidh na comhaltaí agus na breathnóirí sin maidir le míreanna ar an gclár oibre a chur san áireamh agus míneoidh sé, i gcás ina n-iarrfar sin, an chúis nár tugadh isteach na tograí sin.

5.   Déanfaidh údarás inniúil an Bhallstáit baile agus comhaltaí agus breathnóirí an choláiste maoirseoirí a bhfuil baint acu le cruinniú nó le gníomhaíocht ar leith doiciméid agus rannchuidithe le doiciméid oibre a scaipeadh in am roimh an ngníomhaíocht nó roimh an gcruinniú ionas go measfaidh comhaltaí agus breathnóirí rannpháirteacha an choláiste go leormhaith iad.

1.   Maidir leis an bhfaisnéis dá dtagraítear in Airteagal 30(4) de Rialachán Tarmligthe (AE) 2025/791, nuair a gheofar í ó chomhalta den choláiste maoirseoirí, tarchuirfidh údarás inniúil an Bhallstáit baile chuig comhaltaí eile an choláiste maoirseoirí í.

Má mheasann údarás inniúil an Bhallstáit baile, i dtaca le haon fhaisnéis dá dtagraítear sa chéad fhomhír, nach bhfuil sí ábhartha do chomhalta ar leith den choláiste maoirseoirí, rachaidh sé i gcomhairle ar dtús leis an gcomhalta sin agus soláthróidh sé príomhphointí na faisnéise dó lena gcuirfear ar a chumas dó ábharthacht na faisnéise sin a chinneadh.

2.   Tarchuirfidh údarás inniúil an Bhallstáit baile agus comhaltaí an choláiste maoirseoirí an fhaisnéis dá dtagraítear in Airteagal 30(4) den Rialachán Tarmligthe chuig a chéile.

3.   I gcás inar gá ar mhaithe le feidhmiú éifeachtúil agus éifeachtach an choláiste maoirseoirí, eagróidh údarás inniúil an Bhallstáit baile an coláiste i bhfostruchtúir éagsúla. I gcás ina n-eagraítear an coláiste maoirseoirí i bhfostruchtúir éagsúla, coinneoidh údarás inniúil an Bhallstáit baile comhaltaí uile an choláiste maoirseoirí go hiomlán ar an eolas, gan moill mhíchuí, faoi na gníomhaíochtaí nó na bearta a dhéantar i bhfostruchtúir éagsúla.

4.   Tiocfaidh údarás inniúil an Bhallstáit baile agus comhaltaí an choláiste maoirseoirí ar chomhaontú maidir leis na modhanna chun faisnéis a mhalartú agus sonróidh siad an comhaontú sin sna socruithe scríofa maidir le comhordú agus comhar dá dtagraítear in Airteagal 5 de Rialachán Tarmligthe (AE) 2025/791.

1.   An fhaisnéis dá dtagraítear in Airteagal 31(3), pointe (a), de Rialachán Tarmligthe (AE) 2025/791 soláthróidh údarás inniúil an Bhallstáit baile d’údarás réitigh an Bhallstáit sin í a luaithe a bheidh an t-athbhreithniú maoirseachta agus an mheastóireacht mhaoirseachta le haghaidh na hinstitiúide dá dtagraítear in Airteagal 97 de Threoir 2013/36/AE tugtha i gcrích.

2.   I gcás teagmhas a bhfuil éifeacht ábhartha dhíobhálach aige ar phróifíl riosca na hinstitiúide nó a brainsí suntasacha, cuirfidh údarás inniúil an Bhallstáit baile in iúl do na breathnóirí ábhartha an fhaisnéis ábhartha a chomhroinntear chun críocha Airteagal 35 de Rialachán Tarmligthe (AE) 2025/791.

1.   Chun clár scrúdúcháin an choláiste maoirseoirí dá dtagraítear in Airteagal 99 de Threoir 2013/36/AE a bhunú agus i gcomhréir le hAirteagal 33 de Rialachán Tarmligthe (AE) 2025/791, soláthróidh comhaltaí an choláiste maoirseoirí a rannchuidithe d’údarás inniúil an Bhallstáit baile.

2.   Tar éis d’údarás inniúil an Bhallstáit baile na rannchuidithe dá dtagraítear i mír 1 a fháil, ullmhóidh sé dréachtchlár scrúdúcháin don choláiste maoirseoirí.

3.   Scaipfidh údarás inniúil an Bhallstáit baile an dréachtchlár scrúdúcháin ar chomhaltaí an choláiste maoirseoirí agus iarrfaidh sé orthu a dtuairimí a sholáthar i scríbhinn maidir le réimsí na hoibre comhpháirtí, agus sonróidh sé sprioc-am chun na tuairimí sin a chur isteach.

4.   Chun an clár scrúdúcháin a thabhairt i gcrích, cuirfidh údarás inniúil an Bhallstáit baile san áireamh aon tuairim a chuir comhaltaí an choláiste maoirseoirí in iúl agus míneoidh sé, i gcás inar gá, na cúiseanna nár tugadh isteach na tuairimí sin.

5.   Ar thabhairt i gcrích an chláir scrúdúcháin, cuirfidh údarás inniúil an Bhallstáit baile an clár sin in iúl do chomhaltaí an choláiste maoirseoirí.

6.   Déanfaidh údarás inniúil an Bhallstáit baile clár scrúdúcháin an choláiste maoirseoirí a thabhairt cothrom le dáta i gcomhréir leis an nós imeachta a leagtar amach i míreanna 1 go 5 den Airteagal seo uair sa bhliain ar a laghad, nó níos minice ná sin i gcás ina measfaidh údarás inniúil an Bhallstáit baile nó comhaltaí an choláiste maoirseoirí gur gá é a thabhairt cothrom le dáta mar sin mar thoradh ar an athbhreithniú maoirseachta agus ar an meastóireacht mhaoirseachta arna ndéanamh de bhun Airteagal 97 de Threoir 2013/36/AE.

1.   Chun críocha Airteagal 36 de Rialachán Tarmligthe (AE) 2025/791, ullmhóidh údarás inniúil an Bhallstáit baile togra chun creat coláiste a bhunú le haghaidh staideanna éigeandála.

2.   Cuirfidh údarás inniúil an Bhallstáit baile a thogra maidir le creat coláiste a bhunú le haghaidh staideanna éigeandála faoi bhráid chomhaltaí an choláiste maoirseoirí, iarrfaidh sé orthu a dtuairimí a sholáthar, agus socróidh sé sprioc-am chun na tuairimí sin a chur isteach.

3.   Cuirfidh údarás inniúil an Bhallstáit baile san áireamh aon tuairim a chuirfidh comhaltaí an choláiste maoirseoirí in iúl agus, i gcás nár cuireadh na tuairimí sin san áireamh, tabharfaidh sé na cúiseanna atá leis sin.

4.   Cuirfidh údarás inniúil an Bhallstáit baile an leagan críochnaitheach de chreat an choláiste le haghaidh staideanna éigeandála in iúl do chomhaltaí an choláiste maoirseoirí.

5.   Déanfaidh údarás inniúil an Bhallstáit baile agus comhaltaí an choláiste maoirseoirí, ar bhonn bliantúil ar a laghad, creat an choláiste le haghaidh staideanna éigeandála a athbhreithniú agus, i gcás inar gá, a thabhairt cothrom le dáta.

6.   Déanfaidh údarás inniúil an Bhallstáit baile agus comhaltaí an choláiste maoirseoirí creat an choláiste le haghaidh staideanna éigeandála a thabhairt cothrom le dáta i gcomhréir leis an nós imeachta a leagtar amach i míreanna 1 go 4.

1.   An fhaisnéis dá dtagraítear in Airteagal 37(2) agus (3) de Rialachán Tarmligthe (AE) 2025/791, tabharfar cothrom le dáta í láithreach nuair a bheidh faisnéis nua ar fáil.

2.   I gcás ina ndéanfar an malartú faisnéise nó aon teachtaireacht dá dtagraítear in Airteagal 37 de Rialachán Tarmligthe (AE) 2025/791 ó bhéal, deimhneoidh na húdaráis inniúla lena mbaineann ábhar na teachtaireachta nó na faisnéise sin i scríbhinn gan moill mhíchuí.

3.   I gcás ina bhfaighidh comhalta den choláiste maoirseoirí amach faoi staid éigeandála a dhéanann difear, nó ar dócha go ndéanfaidh sí difear, do bhrainse ina dhlínse, cuirfidh sé údarás inniúil an Bhallstáit baile ar an eolas gan moill mhíchuí.

1.   Chun críocha Airteagal 38 de Rialachán Tarmligthe (AE) 2025/791, comhordóidh údarás inniúil an Bhallstáit baile forbairt dréachtmheasúnaithe maoirseachta chomhordaithe ar an staid éigeandála, bunaithe ar a mheasúnú féin agus ar mheasúnú chomhaltaí an choláiste maoirseoirí a dhéanann maoirseacht ar bhrainsí a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh.

2.   Cumhdófar sa dréacht-mheasúnú maoirseachta comhordaithe na brainsí a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh. Sa dréachtmheasúnú maoirseachta comhordaithe, léireofar go leormhaith tuairimí agus measúnuithe chomhaltaí an choláiste maoirseoirí a dhéanann maoirseacht ar bhrainsí a ndéantar difear dóibh nó ar dócha go ndéanfar difear dóibh.

3.   I gcás ina mbeidh an staid éigeandála srianta do bhrainse sonrach, déanfaidh an comhalta den choláiste maoirseoirí atá freagrach as maoirseacht a dhéanamh ar an mbrainse sin, in éineacht le húdarás inniúil an Bhallstáit baile, an measúnú maoirseachta ar an staid éigeandála.

1.   Agus an fhreagairt chomhordaithe ar staid éigeandála á forbairt mar a leagtar síos in Airteagal 39 de Rialachán Tarmligthe (AE) 2025/791, cuirfidh údarás inniúil an Bhallstáit baile san áireamh go leormhaith tuairimí chomhaltaí an choláiste maoirseoirí a dhéanann maoirseacht ar bhrainsí a ndéanann an staid éigeandála difear dóibh nó ar dócha go ndéanfaidh an staid éigeandála difear dóibh.

2.   I gcás inarb ábhartha, comhordóidh údarás inniúil an Bhallstáit baile an faireachán ar chur chun feidhme aon ghníomhaíochta a leagtar amach sa fhreagairt mhaoirseachta chomhordaithe.

3.   Cuirfidh comhaltaí an choláiste maoirseoirí údarás inniúil an Bhallstáit baile ar an eolas faoi éabhlóid na staide éigeandála agus faoi chur chun feidhme aon ghníomhaíochta comhaontaithe a bhaineann leis na brainsí ina ndlínse.

4.   Coinneoidh údarás inniúil an Bhallstáit baile comhaltaí an choláiste maoirseoirí, lena n-áirítear ÚBE, cothrom le dáta ar an bhfaireachán ar an bhfreagairt mhaoirseachta chomhordaithe.

5.   Féadfar forbairt an mheasúnaithe maoirseachta ar staid éigeandála dá dtagraítear in Airteagal 26 agus forbairt na freagartha maoirseachta comhordaithe ar an staid éigeandála sin a dhéanamh i gcomhthráth.