(a)

oibleagáidí na mBallstát agus a ngealltanais trádbhaic arm na Náisiún Aontaithe, an Aontais Eorpaigh agus na hEagraíochta um Shlándáil agus Comhar san Eoraip a fhorfheidhmiú;

(b)

oibleagáidí na mBallstát faoin gConradh maidir le Neamhleathadh Núicléach, faoin gCoinbhinsiún maidir le hAirm Bhitheolaíocha agus Thocsaine agus faoin gCoinbhinsiún maidir le hAirm Cheimiceacha;

(c)

oibleagáidí na mBallstát faoin gCoinbhinsiún maidir le Gnáth-Airm Áirithe agus na Prótacail iomchuí atá i gceangal leis;

(d)

oibleagáidí na mBallstát faoin gConradh Trádála Arm;

(e)

oibleagáidí na mBallstát faoin gCoinbhinsiún maidir le Toirmeasc ar Úsáid, Stoc-Charnadh, Táirgeadh agus Aistriú Mianach Frithphearsanra agus maidir lena nDíothú (Coinbhinsiún Ottawa);

(f)

gealltanais na mBallstát faoin gClár Gníomhaíochta chun Gach Gné den Trádáil Aindleathach i Mionairm agus in Armáin Éadroma a Chosc, a Chomhrac agus a Dhíothú;

(g)

gealltanais na mBallstát faoin gCreat Domhanda maidir le Bainistiú Gnáth-Armlóin ar feadh a Shaoil;

(h)

gealltanais na mBallstát faoi chuimsiú Ghrúpa na hAstráile, an Chórais Rialaithe um Theicneolaíocht Diúracán, Choiste Zangger, Ghrúpa na Soláthraithe Núicléacha, Chomhshocraíocht Wassenaar agus Chód Iompair na Háige in aghaidh leathadh diúracán balaistíoch.

—

Tar éis measúnú a dhéanamh ar dhearcadh na tíre is faighteoir i leith na bprionsabal ábhartha arna mbunú le hionstraimí idirnáisiúnta um chearta an duine, lena n-áirítear staid chearta an duine sa tír sin, déanfaidh na Ballstáit an méid seo a leanas:

Chun na gcríoch sin, ar an teicneolaíocht nó ar an trealamh a d’fhéadfaí a úsáid le haghaidh cos ar bolg inmheánach áirítear, inter alia, teicneolaíocht nó trealamh a bhfuil fianaise ina leith go bhfuil siad á n-úsáid, nó go bhfuil teicneolaíocht nó trealamh comhchosúil á n-úsáid, le haghaidh cos ar bolg inmheánach ag an úsáideoir deiridh atá beartaithe, nó i gcás ina bhfuil cúis lena cheapadh go ndéanfar an teicneolaíocht nó an trealamh a atreorú óna (h)úsáid deiridh luaite nó óna (h)úsáideoir deiridh luaite agus go n-úsáidfear le haghaidh cos ar bolg inmheánach é. I gcomhréir le hAirteagal 1, measfar cineál na teicneolaíochta nó an trealaimh go cúramach, go háirithe má tá sé beartaithe chun críocha na slándála inmheánaí. Áirítear ar an gcos ar bolg inmheánach, inter alia, céastóireacht agus íde nó pionós eile atá cruálach, mídhaonna nó táireach, básuithe achomair nó treallacha, fuadach, coinneáil threallach agus sáruithe tromchúiseacha eile ar chearta an duine agus ar shaoirsí bunúsacha mar a leagtar amach in ionstraimí ábhartha idirnáisiúnta maidir le cearta an duine iad, lena n-áirítear Dearbhú Uilechoiteann Chearta an Duine agus an Cúnant Idirnáisiúnta ar Chearta Sibhialta agus Polaitiúla.

—

Tar éis measúnú a dhéanamh ar dhearcadh na tíre is faighteoir i leith na bprionsabal ábhartha arna mbunú le hionstraimí a bhaineann leis an dlí daonnúil idirnáisiúnta agus ar urraim na tíre sin don dlí daonnúil idirnáisiúnta, déanfaidh na Ballstáit an méid seo a leanas:

(a)

gur ann do choinbhleacht armtha idir an tír is faighteoir agus tír eile nó gur dócha go mbeidh coinbhleacht armtha ann eatarthu;

(b)

éileamh críche a ndearna an faighteoir iarracht nó bagairt é a shaothrú le forneart san am a chuaigh thart;

(c)

an dóchúlacht go n-úsáidfear teicneolaíocht mhíleata nó trealamh míleata ar chúiseanna seachas le haghaidh shlándáil agus chosaint náisiúnta dhlisteanach dhleathach na tíre is faighteoir, nó le haghaidh fheidhmiú cheart bunúsach féinchosanta na tíre is faighteoir i gcomhréir leis an dlí idirnáisiúnta, a chumhdaítear in Airteagal 51 de Chairt na Náisiún Aontaithe;

(d)

an gá gan dochar a dhéanamh do chobhsaíocht réigiúnach ar aon slí shuntasach.

(a)

na héifeachtaí a d’fhéadfadh a bheith ag an teicneolaíocht mhíleata nó ag an trealamh míleata atá le honnmhairiú ar a leasanna cosanta agus slándála agus ar leasanna cosanta agus slandála Ballstát eile, tíortha cairdiúla agus comhghuaillithe, gan dochar do bhreithniú na gcritéar maidir le hurraim do chearta an duine agus don dlí daonnúil idirnáisiúnta agus don tsíocháin, don tslándáil agus don chobhsaíocht réigiúnach;

(b)

an riosca go n-úsáidfear an teicneolaíocht mhíleata nó an trealamh míleata lena mbaineann i gcoinne a bhfórsaí nó fórsaí na mBallstát agus i gcoinne fórsaí tíortha cairdiúla agus comhghuaillithe.

(a)

tacaíocht a thabhairt don sceimhlitheoireacht agus don choireacht eagraithe idirnáisiúnta nó iad a spreagadh;

(b)

a gealltanais idirnáisiúnta, go háirithe na gealltanais gan forneart a úsáid agus maidir leis an dlí daonnúil idirnáisiúnta, a bheith á gcomhlíonadh aici;

(c)

a tiomantas don neamhleathadh agus do réimsí eile rialaithe arm agus dí-armála, go háirithe síniú, daingniú agus cur chun feidhme coinbhinsiún ábhartha maidir le rialú arm agus dí-armáil dá dtagraítear i bpointí (b) go (d) de Chritéar 1.

(a)

leasanna dlisteanacha cosanta agus slándála intíre na tíre is faighteoir, lena n-áirítear aon rannpháirtíocht i ngníomhaíocht síochánaíochta de chuid na Náisiún Aontaithe nó i ngníomhaíocht síochánaíochta eile;

(b)

cumas teicniúil na tíre is faighteoir an teicneolaíocht nó an trealamh sin a úsáid agus a chosaint;

(c)

cumas na tíre is faighteoir rialuithe éifeachtacha onnmhairiúcháin a chur i bhfeidhm, lena n-áirítear i gcás inar earraí atá le hionchorprú i dtáirgí lena n-onnmhairiú ina dhiaidh sin ag an tír is faighteoir an teicneolaíocht mhíleata nó an trealamh míleata atá le honnmhairiú;

(d)

an riosca go n-ath-onnmhaireofar an teicneolaíocht nó an trealamh sin chuig cinn scríbe neamh-inmhianaithe, agus taifead ón tír is faighteoir maidir le haon soláthar nó toiliú ath-onnmhairiúcháin sula ndéanfar an t-athonnmhairiú a mheasfaidh an Ballstát onnmhairíochta a bheith iomchuí a fhorchur;

(e)

an riosca go ndéanfaí an teicneolaíocht nó an trealamh sin a atreorú chuig eagraíochtaí sceimhlitheoireachta nó chuig sceimhlitheoirí aonair;

(f)

an riosca a bhaineann leis an ais-innealtóireacht nó le haistriú neamhbheartaithe teicneolaíochta;

(g)

an riosca go n-úsáidfí an teicneolaíocht nó an trealamh sin chun dul timpeall ar bhearta sriantacha arna nglacadh ag na Náisiúin Aontaithe nó arna nglacadh ag an Aontas Eorpach;

(h)

an riosca go ngéarófaí coinbhleacht, foréigean agus gníomhaíochtaí neamhdhleathacha mar gheall ar chineál sonrach na teicneolaíochta agus an trealaimh atá le honnmhairiú, go háirithe i ndáil leis an riosca go n-atreorófar mionairm agus armáin éadroma.