(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú agus a athnuachan.

(2)

Údaraíodh ullmhóid arb é atá inti ion-1,4-béite-xiolanáis arna táirgeadh le Trichoderma reesei MUCL 49755 agus ion-1,3(4)-béite-ghlúcanáis arna táirgeadh le Trichoderma reesei MUCL 49754 ar feadh tréimhse 10 mbliana mar bhreiseán beathaithe le haghaidh bainbh scoite le Rialachán Cur Chun Feidhme (AE) Uimh. 1088/2011 ón gCoimisiún (2), le haghaidh béaróg agus mionspeicis éanlaithe clóis le bheith ina mbéaróga agus lena ramhrú le Rialachán Cur Chun Feidhme (AE) Uimh. 989/2012 ón gCoimisiún (3), agus le haghaidh muca lena ramhrú, mionspeicis mhucúla lena ramhrú seachas Sus scrofa domesticus agus turcaithe lena ramhrú le Rialachán Cur Chun Feidhme (AE) Uimh. 1040/2013 ón gCoimisiún (4).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh isteach iarratas chun údarú na hullmhóide arb é atá inti ion-1,4-béite-xiolanáis arna táirgeadh le Trichoderma reesei MUCL 49755, ion-1,3(4)-béite-ghlúcanáis arna táirgeadh le Trichoderma reesei MUCL 49754 mar bhreiseán beathaithe le haghaidh bainbh scoite, iarratas inar iarradh go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. I gcomhréir le hAirteagal 7 de Rialachán (CE) Uimh. 1831/2003, bhain an t-iarratas sin freisin le húdarú úsáide nua den ullmhóid chéanna le haghaidh bainbh diúil, agus iarradh ann go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. Bhí na sonraí agus na doiciméid a cheanglaítear faoi Airteagail 14(2) agus 7(3) de Rialachán (CE) Uimh. 1831/2003 ag gabháil leis an iarratas sin.

(4)

I gcomhréir le hAirteagal 14(1) de Rialachán (CE) Uimh. 1831/2003, cuireadh isteach iarratas eile chun údarú na hullmhóide arb é atá inti ion-1,4-béite-xiolanáis arna táirgeadh le Trichoderma reesei MUCL 49755 agus ion-1,3(4)-béite-ghlúcanáis arna táirgeadh le Trichoderma reesei MUCL 49754 mar bhreiseán beathaithe le haghaidh béaróg agus mionspeicis éanlaithe clóis le bheith ina mbéaróga agus lena ramhrú, iarratas inar iarradh go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis an iarratas sin.

(5)

I gcomhréir le hAirteagal 14(1) de Rialachán (CE) Uimh. 1831/2003, cuireadh isteach iarratas eile chun údarú na hullmhóide arb é atá inti ion-1,4-béite-xiolanáis arna táirgeadh le Trichoderma reesei MUCL 49755 agus ion-1,3(4)-béite-ghlúcanáis arna táirgeadh le Trichoderma reesei MUCL 49754 mar bhreiseán beathaithe a athnuachan le haghaidh muca lena ramhrú, mionspeicis mhucúla lena ramhrú seachas Sus scrofa domesticus agus turcaithe lena ramhrú, iarratas inar iarradh go n-aicmeofaí an breiseán sin i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. Bhí na sonraí agus na doiciméid a cheanglaítear faoi Airteagal 14(2) de Rialachán (CE) Uimh. 1831/2003 ag gabháil leis an iarratas sin.

(6)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sna tuairimí uaidh an 5 Meitheamh 2024 (5) agus an 3 Iúil 2024 (6) go bhfuil an ullmhóid arb é atá inti ion-1,4-béite-xiolanáis arna táirgeadh le Trichoderma reesei MUCL 49755, ion-1,3(4)-béite-ghlúcanáis arna táirgeadh le Trichoderma reesei MUCL 49754, sa dá fhoirmliú (púdar agus leacht), sábháilte i gcónaí do bhainbh scoite, do bhéaróga agus mionspeicis éanlaithe clóis le bheith ina mbéaróga agus lena ramhrú, do mhuca lena ramhrú, mionspeicis mhucúla lena ramhrú agus turcaithe lena ramhrú, do thomhaltóirí agus don chomhshaol faoi na coinníollacha úsáide atá údaraithe faoi na coinníollacha úsáide atá ann faoi láthair agus ós rud é nár modhnaíodh comhdhéanamh agus próiseas monaraíochta na mbreiseán go substaintiúil. Tháinig sé ar an gconclúid freisin nach ndéanfaí difear do na conclúidí sin dá ndéanfaí an úsáid a leathnú chuig bainbh diúil. Thairis sin, tháinig an tÚdarás ar an gconclúid maidir le foirmliú púdair na hullmhóide, ina bhfuil carbónáit chailciam agus séipilít, agus foirm leachtach na hullmhóide, nach greannaitheoirí craicinn ná súl iad Mar gheall ar an easpa sonraí, níor thángthas ar aon chonclúid maidir le hacmhainneacht greannaithe fhoirmliú púdair na hullmhóide, a fhoirmlítear le carbónáit chailciam agus plúr cruithneachta. Meastar gur íogróir riospráide agus craicinn é an breiseán, ina fhoirmlithe uile. Mheas an tÚdarás nach gá measúnú a dhéanamh ar éifeachtúlacht an bhreiseáin i gcomhthéacs athnuachan an údaraithe, ós rud é nach n-áirítear san iarratas aon togra maidir le coinníollacha úsáidte a leasú nó a fhorlíonadh, togra a mbeadh tionchar aige ar éifeachtúlacht an bhreiseáin, i dtaobh na speiceas/catagóirí a bhfuil údarás ann ina leith. Mheas sé gur féidir na conclúidí ar thángthas orthu maidir leis na speicis sin a leathnú chuig speicis eile agus dá bhrí sin tháinig sé ar an gconclúid go bhféadfadh an breiseán a bheith éifeachtach i gcás bainbh diúil ar leibhéal 4 000 XU agus 900 BGU/kg d’ábhar beatha iomlán. Níor mheas an tÚdarás go raibh gá le ceanglais shonracha maidir le faireachán iarmhargaidh.

(7)

Maidir leis na conclúidí agus na moltaí ar ar thángthas le linn an mheasúnaithe a rinneadh i ndáil leis an modh anailíse ar ion-1,4-béite-xiolanáis arna táirgeadh ag Trichoderma reesei MUCL 49755 agus ion-1,3(4)-béite-ghlúcanáis arna táirgeadh ag Trichoderma reesei MUCL 49754 mar bhreiseán beathaithe i gcomhthéacs an údaraithe roimhe seo, mheas an tSaotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí sin bailí agus infheidhme maidir leis na hiarratais atá ann faoi láthair. Dá bhrí sin, i gcomhréir le hAirteagal 5(4), pointí (a) agus (c) de Rialachán (CE) Uimh. 378/2005 ón gCoimisiún (7), níl gá le tuarascáil mheastóireachta ón tSaotharlann Tagartha.

(8)

I bhfianaise an mhéid thuas, measann an Coimisiún maidir leis an ullmhóid arb é atá inti ion-1,4-béite-xiolanáis arna táirgeadh le Trichoderma reesei MUCL 49755 agus ion-1,3(4) béite-ghlúcanáis arna táirgeadh le Trichoderma reesei MUCL 49754, go gcomhlíonann sí na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú an bhreiseáin sin a athnuachan le haghaidh bainbh scoite, béaróg, mionspeicis éanlaithe clóis le bheith ina mbéaróga agus lena ramhrú, muca lena ramhrú de gach speiceas Suidae (lena gcumhdaítear muca lena ramhrú agus mionspeicis mhucúla lena ramhrú) agus turcaithe lena ramhrú. Thairis sin, ba cheart úsáid na hullmhóide sin a údarú le haghaidh bainbh diúil. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(9)

Mar thoradh ar an athnuachan ar údarú na hullmhóide arb e atá inti ion-1,4-béite-xiolanáise arna táirgeadh le Trichoderma reesei MUCL 49755 agus ion-1,3(4) béite-ghlúcanáise arna táirgeadh le Trichoderma reesei MUCL 49754 mar bhreiseán beathaithe le haghaidh bainbh scoite, béaróg, mionspeicis éanlaithe clóis le bheith ina mbéaróga agus lena ramhrú, muca lena ramhrú de gach speiceas Suidae agus turcaithe lena ramhrú, ba cheart Rialacháin Cur Chun Feidhme (AE) Uimh. 1088/2011, (AE) Uimh. 989/2012 agus (AE) Uimh. 1040/2013 a aisghairm.

(10)

Ó tharla, ar chúiseanna sábháilteachta, nach bhfuil gá le cur i bhfeidhm láithreach modhnuithe ar choinníollacha údaraithe na hullmhóide arb e atá inti ion-1,4-béite-xiolanáise arna táirgeadh le Trichoderma reesei MUCL 49755 agus ion-1,3(4) béite-ghlúcanáise arna táirgeadh le Trichoderma reesei MUCL 49754 mar bhreiseán beathaithe le haghaidh bainbh scoite, béaróg, mionspeicis éanlaithe clóis le bheith ina mbéaróga agus lena ramhrú, muca lena ramhrú de gach speiceas Suidae agus turcaithe lena ramhrú, is iomchuí foráil a dhéanamh maidir le hidirthréimhse le haghaidh páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(11)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,