(1)

I gcomhréir le hAirteagal 13(3) d’Iarscríbhinn VII a ghabhann leis na Rialacháin Foirne, chuir Eurostat tuarascáil isteach maidir le héabhlóid praghsanna óstán, bialann agus seirbhísí lónadóireachta.

(2)

Léirítear sa tuarascáil sin gur cheart athbhreithniú a dhéanamh ar na liúntais chothaithe laethúla agus ar na huasteorainneacha óstán chun éabhlóid praghsanna óstán, bialann agus seirbhísí lónadóireachta a chur san áireamh.

(3)

Tá measúnú ar staideanna casta eacnamaíocha agus/nó sóisialta i gceist le hathbhreithniú ar rátaí an liúntais cothaithe laethúil agus na n-uasteorainneacha óstán.

(4)

San athchóiriú deireanach a rinneadh ar Rialacháin Foirne oifigigh an Aontais Eorpaigh agus ar Choinníollacha Fostaíochta sheirbhísigh eile an Aontais Eorpaigh, leagadh béim ar an ngá atá le hiarracht ar leith ó gach uile riarachán poiblí agus ó gach uile chomhalta dá fhoireann chun éifeachtúlacht a fheabhsú agus chun dul in oiriúint don chomhthéacs eacnamaíoch agus sóisialta atá ag athrú san Eoraip.

(5)

Tar éis tharraingt siar na Ríochta Aontaithe as an Aontas Eorpach an 1 Feabhra 2020, aisíocaíocht le hoifigigh agus seirbhísigh eile ar chaiteachas arna thabhú ar mhisean sa Bhallstát sin, níor cheart í a bheith faoi réir na rialacha a leagtar amach in Airteagal 13(2), pointe (a), d’Iarscríbhinn VII a ghabhann leis na Rialacháin Foirne a thuilleadh.

(6)

Dá bhrí sin, ba cheart Airteagal 13(2), pointe (a), d’Iarscríbhinn VII a ghabhann leis na Rialacháin Foirne a leasú dá réir sin,