(1)

Tá feidhm ag pointe 7.1.1.6 maidir le carráistí pearsanra mar a shainmhínítear iad i bpointe 2.2.2(A) (3) faoi na coinníollacha a shainmhínítear i bpointe 2.3.1(A) (3),

(2)

Na coinníollacha maidir le húdarú cineáil feithicle agus/nó údarú maidir le cur ar an margadh nach bhfuil teoranta do limistéar úsáide ar leith, sonraítear iad i bpointí 7.1.1.6.1, 7.1.1.6.2 agus 7.1.1.6.3 mar cheanglais bhreise atá le cumhdach i bhfíorú CE rothstoc an fhochórais. Measfar go bhfuil na coinníollacha sin comhlántach leis na ceanglais a shainítear san STI seo agus comhlíonfar iad ina n-iomláine.

(3)

Níl feidhm ag pointe 7.1.1.5.

(4)

Beidh cur i bhfeidhm Rialachán (AE) Uimh 1304/2014 ón gCoimisiún teoranta do na ceanglais maidir le torann ina stad agus torann dul thar bráid, ceanglais a mheasófar ar bhonn na teorainnluachanna is infheidhme maidir le hilaonaid díosail, mar a leagtar amach i bpointe 4.2.1., tábla 2 san Iarscríbhinn a ghabhann le Rialachán (AE) Uimh 1304/2014 ón gCoimisiún.

(5)

Tá comhlíonadh na gcoinníollacha faoi phointe 7.1.1.6.1 éigeantach.

(6)

Tá comhlíonadh na gcoinníollacha faoi phointe 7.1.1.6.2 roghnach agus ní bhíonn sé éigeantach ach amháin i gcás ina bheartaítear an carráiste pearsanra a úsáid in oibríocht ghinearálta.

(7)

Tá comhlíonadh na gcoinníollacha faoi phointe 7.1.1.6.3 roghnach agus ní bhíonn sé éigeantach ach amháin i gcás ina bheartaítear an carráiste pearsanra a áireamh i dtraenacha paisinéirí.

(1)

Comhfhreagróidh an fheithicil d’aonad (mar a shainítear san STI seo) atá comhdhéanta d’fhochóras rothstoic agus dó sin amháin gan córas coiteann lastais ar bord a bheith suiteáilte.

(2)

Tá an t-aonad gan tarraingt.

(3)

Déanfar an t-aonad a dhearadh chun oibriú ar cheann amháin ar a laghad de na leithid rianta seo a leanas:

(4)

Beidh an t-aonad comhlíontach, de bhreis ar chatagóir rothstoic P-I, le catagóir F-I do gach cás fad-ualaigh de réir na sonraíochta dá dtagraítear in Aguisín J-1 innéacs [1]. Ina theannta sin, déanfar fíorú an oibrithe shábháilte faoi fadfhórsaí comhbhrúiteacha i gcomhréir leis an tsonraíocht dá dtagraítear in Aguisín J-1 Innéacs [75].

(5)

Beidh rothaí gaibhnithe agus rollta arna measúnú i gcomhréir le pointe 6.1.3.1 feistithe san aonad.

(6)

Beidh rothaí a bhfuil trastomhas íosta a rothaí os cionn 760 mm feistithe san aonad.

(7)

Beidh an t-aonad comhoiriúnach don chlaonadh iarnróid seo a leanas: 1/20, 1/30 agus 1/40. Eisiatar le neamh-chomhoiriúnacht le claonadh iarnróid amháin nó níos mó ná sin an gréasán nó na gréasáin lena mbaineann sa limistéar úsáide.

(8)

Dearbhófar go gcomhlíonann an t-aonad ceann de na próifílí tagartha seo a leanas: G1, GA, GB, GC nó DE3 lena n-áirítear na cinn a úsáidtear don chuid íochtarach GI1, GI2 nó GI3.

(9)

Beidh ualach uasta acastóra 22,5 tonna ag an aonad.

(10)

Beidh uasluas níos ísle ná nó cothrom le 140 km/h ag an aonad.

(11)

Beidh an t-aonad de chatagóir A ar a laghad mar a thagraítear i bpointe 4.1.4.

(12)

Beidh an t-aonad feistithe le feistí féintarrthála do gach duine ar bord, a chomhlíonann sonraíochtaí phointe 4.7.1 de Rialachán (AE) Uimh. 1303/2014 ón gCoimisiún.

(13)

Níl sé éigeantach go mbeidh an t-aonad feistithe le córas cumarsáide inchloiste mar a shonraítear i bpointe 4.2.5.2. Sa chás sin, cuirfear modhanna oibríochtúla i bhfeidhm chun cumarsáid a áirithiú. Déanfar comhlíonadh/neamhchomhlíonadh le pointe 4.2.5.2 a thaifeadadh sa doiciméadacht theicniúil a bhfuil tuairisc uirthi i bpointe 4.2.12.2.

(14)

Beidh an t-aonad comhlíontach le pointe 4.2.5.3 seachas na pointí seo a leanas:

(15)

Níl sé éigeantach go mbeidh an t-aonad feistithe le gléasanna cumarsáide do phaisinéirí mar a shonraítear i bpointe 4.2.5.4. Sa chás sin, cuirfear modhanna oibríochtúla i bhfeidhm chun cumarsáid a áirithiú. Déanfar comhlíonadh/neamhchomhlíonadh le pointe 4.2.5.4 a thaifeadadh sa doiciméadacht theicniúil a bhfuil tuairisc uirthi i bpointe 4.2.12.2.

(16)

Beidh an t-aonad comhlíontach le pointe 4.2.5.5 seachas na pointí seo a leanas:

(17)

Má tá bealaitheoirí feire feistithe san aonad, beifear ábalta iad a ghníomhachtú/a dhíghníomhachtú i gcomhréir leis an tsonraíocht dá dtagraítear in Aguisín J-2 innéacs [A].

(18)

Má tá coscán riain srutha guairneáin feistithe san aonad, beifear ábalta é a ghníomhachtú/a dhíghníomhachtú i gcomhréir leis an tsonraíocht dá dtagraítear in Aguisín J-2 innéacs [A].

(19)

Má tá coscán maighnéadach ráillí feistithe san aonad, beifear ábalta é a ghníomhachtú/a dhíghníomhachtú i gcomhréir leis an tsonraíocht dá dtagraítear in Aguisín J-2 innéacs [A].

(20)

Tástálfar aonaid a bhfuil córas coscánaithe EN-UIC feistithe iontu i gcomhréir leis an tsonraíocht dá dtagraítear in Aguisín J-1 innéacs [71].

(21)

Comhlíonfaidh an t-aonad an tsonraíocht dá dtagraítear in Aguisín J-2 innéacs [A].

(22)

Comhlíonfaidh saintréithe an aonaid an tsonraíocht dá dtagraítear in Aguisín J-2 innéacs [F].

(23)

Tabharfar tuairisc ar na comhéadain leictreacha idir aonaid agus ar phrótacail chumarsáide sa doiciméadacht ghinearálta ar a dtugtar tuairisc i bpointe 4.2.12.2 (3a), mar aon leis an tagairt do na caighdeáin nó do dhoiciméid normatacha eile a cuireadh i bhfeidhm.

(24)

Maolófar an riosca go gcuirfidh trealamh leictreach ar bord isteach ar na córais braite traenacha taobh riain trí chomhdhéanamh traenach. Má tá nasc leictreach idir an carráiste agus an t-inneall féinghluaiste, meastar gur toimhde comhlíontachta é úsáid uasmhéid de dhá cheann de na haonaid seo i dtraein faoi thiomáint ag inneall féinghluaiste amháin ar a mhéad, má tá an chuid eile de chomhdhéanamh na traenach gan cumhacht leictreach.

(25)

Comhlíonfaidh líonraí cumarsáide na sonraíochtaí dá dtagraítear in Aguisín J-1, innéacs [53].

(26)

Maidir le haonaid atá deartha chun oibriú ar leithead rianta 1 435 mm, cuirfear na cásanna sonracha seo a leanas san áireamh freisin:

(27)

Maidir le haonaid atá deartha lena n-oibriú ar leithid rianta 1 668 mm, tá comhlíonadh le pointí 7.3.2.5 agus 7.3.2.6 éigeantach agus breithneofar na cásanna sonracha seo a leanas:

(28)

Beidh srianta ar úsáid an ghréasáin ar sainíodh an coinníoll sonrach ina leith mar thoradh ar neamhchomhlíonadh aon choinníll shonraigh comhshaoil a leagtar amach i bpointe 7.4, ach ní eisiafar an gréasán sin ón limistéar úsáide.

(29)

Déanfar an t-aonad a mharcáil i gcomhréir leis an tsonraíocht dá dtagraítear in Aguisín J-1, innéacs [5].

(30)

Maidir le carráistí pearsanra, gníomhachtóidh brath dóiteáin aláram fuaime agus optúil sa charráiste iomlán. Beidh an comhartha fuaime leordhóthanach chun an pearsanra atá á iompar a dhúiseacht. Beidh an comhartha infheicthe go soiléir agus inchloiste sa limistéar inar dearadh é chun foláireamh a thabhairt.

(1)

Tá feidhm ag na coinníollacha seo de bhreis ar phointe 7.1.1.6.1.

(2)

Tá comhlíonadh na sraithe coinníollacha seo a leanas a leagtar amach i bpointí (2) go (10) roghnach agus tá sé mar aidhm leis malartú aonad atá beartaithe lena n-úsáid laistigh d’fhoirmíochtaí traenacha nach bhfuil sainithe ag an gcéim deartha a éascú, i.e. aonaid le haghaidh oibríochtaí ginearálta. Ní áirithítear le comhlíonadh na bhforálacha sin idir-inoibritheacht iomlán aonad agus ní dhíolmhaítear leis an gnóthas iarnróid óna fhreagrachtaí maidir le húsáid na n-aonad sin i bhfoirmíocht traenach mar a shainítear i bpointe 6.2.7. Má roghnaíonn an t-iarratasóir an rogha sin, déanfaidh comhlacht a dtugtar fógra dó measúnú ar an gcomhlíonadh laistigh den nós imeachta maidir le fíorú CE. Déanfar é sin a thuairisciú sa deimhniú agus sa doiciméadacht theicniúil.

(3)

Déanfar an t-aonad a fheistiú le córas cúplála láimhe mar a shainítear i bpointí 4.2.2.2.3(b) agus 5.3.2.

(4)

Déanfar an t-aonad a fheistiú le córas coscánaithe EN-UIC mar a shainítear sa tsonraíocht dá dtagraítear in Aguisín J-1, innéacs [12] agus innéacs [70]. Déanfar an córas coscánaithe a thástáil i gcomhréir leis an tsonraíocht dá dtagraítear in Aguisín J-1, innéacs [71].

(5)

Comhlíonfaidh an t-aonad ceanglais an STI seo laistigh den raon teochta T1 ar a laghad (– 25 °C go + 40 °C; ainmniúil) mar a shainítear i bpointe 4.2.6.1 agus sa tsonraíocht dá dtagraítear in Aguisín J-1, innéacs [18].

(6)

Soláthrófar na cúlsoilse arna n-iarraidh i bpointe 4.2.7.1 le cúlsoilse daingnithe.

(7)

Má tá geata bordála feistithe ar an aonad, comhlíonfaidh an geata bordála an tsonraíocht dá dtagraítear in Aguisín J-1, innéacs [54].

(8)

Comhlíonfaidh soláthar cumhachta ‘cuaille aonair’ pointe 4.2.11.6 (2).

(9)

Áiritheofar leis an gcomhéadan fisiceach idir aonaid don tarchur comhartha go mbeidh cábla agus plocóid líne amháin ar a laghad comhoiriúnach leis an gcábla 18-seoltóir a shainítear i bpláta 2 den tsonraíocht dá dtagraítear in Aguisín J-1, innéacs [61].

(10)

Beidh an feiste rialaithe dorais a shonraítear i bpointe 4.2.5.5.3 i gcomhréir leis na sonraíochtaí ar a dtugtar tuairisc in Aguisín J-1 innéacs [17].

(1)

Tá feidhm ag na coinníollacha sin i dteannta phointí 7.1.1.6.1 agus 7.1.1.6.2 maidir le haonaid is féidir a chur san áireamh, nuair nach bhfuil aon duine istigh iontu, i dtraein paisinéirí.

(2)

Meastar gur toimhde comhlíontachta é comhdhéanamh traenach a bhfuil an carráiste pearsanra ag deireadh na traenach agus gan cumhacht leictreach.

(3)

Bainfidh an t-aonad le catagóir A nó le catagóir B. Feisteofar aonaid de chatagóir B le deighiltí trasghearrtha iomlána i gcomhréir le pointe 4.2.10.3.4 (3).’