(1)

Chun cosc a chur ar thabhairt isteach i gcríoch an Aontais Davidsoniella virescens (R.W. Davidson) Z.W. de Beer, T.A. Duong & M.J. Wingfield, an phataigin is cúis le galar sú-adhmaid smálaithe na mailpe, tolladóir criathraithe an chrainn tae Euwallacea fornicatus sensu lato„ agus Phytophthora ramorum Werres, De Cock & Man in ‘t Veld (aonraígh nach aonraígh de chuid an Aontais iad) (‘na lotnaidí sonraithe’), ní fhéadfar adhmad ó roinnt speiceas de chuid Acer L., de thionscnamh Cheanada (‘an t-adhmad sonraithe’), a thabhairt isteach i gcríoch an Aontais ach amháin má chomhlíonann sé ceanglais speisialta phointí 85, 86, 102 agus 111 d’Iarscríbhinn VII a ghabhann le Rialachán Cur Chun Feidhme (AE) 2019/2072 ón gCoimisiún (2). Is iad na speicis adhmaid lena mbaineann Acer saccharum Marsh, Acer macrophyllum Pursh, Acer buergerianum Miq., Acer negundo L., Acer palmatum Thunb., Acer paxii Franch., agus Acer pseudoplatanus L., dá dtagraítear sna pointí den Iarscríbhinn sin lena mbaineann.

(2)

I mí an Mheithimh 2021, chuir Ceanada iarraidh faoi bhráid an Choimisiúin ar mhaolú ar na ceanglais speisialta a leagtar síos in Iarscríbhinn VII a ghabhann le Rialachán (AE) 2019/2072 maidir leis an adhmad sonraithe i bhfoirm veiníre a thabhairt isteach i gcríoch an Aontais. Bhí sainchomhad ag gabháil leis an iarraidh sin ina raibh faisnéis theicniúil agus eolaíoch faoi phróiseas táirgthe veiníre, lena n-áirítear veinír mhailpe, sa tír sin agus faoina thionchar ar lotnaidí atá ábhartha don adhmad sonraithe, agus go háirithe ar na lotnaidí sonraithe. Cuimsítear sa phróiseas sin céimeanna amhail cóireáil teasa ar an adhmad cruinn, rúisceadh, bearradh, gearradh agus triomú ardteasa. Rinneadh an sainchomhad sin a fhorlíonadh le faisnéis bhreise i mí Eanáir 2022.

(3)

Chuir Ceanada an sainchomhad faoi bhráid an Údaráis Eorpaigh um Shábháilteacht Bia (‘an tÚdarás’) i mí Eanáir 2022. Rinne an tÚdarás anailís ar an sainchomhad agus tháinig sé ar an gconclúid sa tuairim uaidh (3) go bhfuil na bearta a dhéantar tuairisc orthu ann in ann láithreacht lotnaidí coraintín de chuid an Aontais a bhaineann le veinír mailpe san adhmad sonraithe a laghdú go leibhéal an-íseal nó na lotnaidí sonraithe a bhaint go hiomlán. Dá bhrí sin, leis an bpróiseas táirgthe le haghaidh adhmad atá beartaithe chun veinír a tháirgeadh i gCeanada, soláthraítear an leibhéal céanna cosanta ar thabhairt isteach na lotnaidí sonraithe agus a sholáthraíonn na ceanglais shonracha dá bhforáiltear in Iarscríbhinn VII a ghabhann le Rialachán (AE) 2019/2072 maidir leis an adhmad sonraithe de thionscnamh Cheanada a thabhairt isteach i gcríoch an Aontais.

(4)

Leis an bpróiseas táirgthe chun an t-adhmad sonraithe atá beartaithe le haghaidh veinír a tháirgeadh is féidir an riosca a bhaineann leis na lotnaidí sonraithe agus lotnaidí coraintín eile de chuid an Aontais a thabhairt isteach i gcríoch an Aontais a laghdú go héifeachtach go leibhéal inghlactha, agus ina fhianaise sin, ba cheart cead a thabhairt an t-adhmad sonraithe a thabhairt isteach i gcríoch an Aontais faoi cheanglais áirithe. Ba cheart a áireamh ar na ceanglais sin scrúduithe agus cóireálacha ar na lomáin a úsáidtear chun veinír a tháirgeadh agus ar an veinír féin.

(5)

Ós rud é nár tugadh isteach aon adhmad sonraithe ó Cheanada, adhmad a táirgeadh de réir an phróisis táirgthe thuasluaite, i gcríoch an Aontais go dtí seo agus nár tharla trádáil den chineál sin fós, tá riosca fíteashláintíochta ag baint leis an adhmad sonraithe nach bhfuil measúnú iomlán déanta air go fóill. Dá bhrí sin, ba cheart feidhm a bheith ag an Rialachán seo ar feadh tréimhse shealadach chun gur féidir measúnú iomlán a dhéanamh ar an riosca sin.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(a)

ciallaíonn ‘adhmad sonraithe’ adhmad ó Acer saccharum Marsh, Acer macrophyllum Pursh, Acer buergerianum Miq., Acer negundo L., Acer palmatum Thunb., Acer paxii Franch. nó Acer pseudoplatanus L., i bhfoirm veiníre de thiús de 6 mm nó níos lú agus atá de thionscnamh Cheanada;

(b)

ciallaíonn ‘lotnaidí sonraithe’Davidsoniella virescens (R.W. Davidson) Z.W. de Beer, T.A. Duong & M.J. Wingfield, Euwallacea fornicatus sensu lato agus Phytophthora ramorum Werres, De Cock & Man in ‘t Veld (aonraígh nach aonraígh de chuid an Aontais iad).

(a)

comhlíontar na ceanglais a leagtar síos i bpointe 1 d’Iarscríbhinn I a ghabhann leis an Rialachán seo;

(b)

faoin 31 Márta gach bliain, tá tuarascáil bhliantúil curtha faoi bhráid an Choimisiúin ag Eagraíocht Cosanta Plandaí Náisiúnta Cheanada, tuarascáil ar na gníomhaíochtaí a rinneadh sa bhliain féilire roimhe sin agus a bhfuil na heilimintí uile a leagtar amach i bpointe 2 d’Iarscríbhinn I a ghabhann leis an Rialachán seo inti.