CINNEADH Ó CHOMHCHOISTE LEE Uimh. 307/2024

an 6 Nollaig 2024

lena leasaítear Iarscríbhinn XXII (Dlí na gCuideachtaí) a ghabhann le Comhaontú LEE [2025/572]

TÁ COMHCHOISTE LEE,

Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

De bharr an mhéid seo a leanas:

(1)	Rialachán (AE) 2023/1803 ón gCoimisiún an 13 Lúnasa 2023 lena nglactar caighdeáin áirithe idirnáisiúnta chuntasaíochta i gcomhréir le Rialachán (CE) Uimh. 1606/2002 ó Pharlaimint na hEorpa agus ón gComhairle (1), arna cheartú le IO L 239, 28.9.2023, lch. 39, tá sé le hionchorprú i gComhaontú LEE.

(2)	Rialachán (AE) 2023/2468 ón gCoimisiún an 8 Samhain 2023 lena leasaítear Rialachán (AE) 2023/1803 a mhéid a bhaineann le Caighdeán Idirnáisiúnta Cuntasaíochta 12 (2), tá sé le hionchorprú i gComhaontú LEE.

(3)	Rialachán (AE) 2023/2579 ón gCoimisiún an 20 Samhain 2023 lena leasaítear Rialachán (AE) 2023/1803 a mhéid a bhaineann leis an gCaighdeán Idirnáisiúnta um Thuairisciú Airgeadais 16 (3), tá sé le hionchorprú i gComhaontú LEE.

(4)	Rialachán (AE) 2023/2822 ón gCoimisiún an 19 Nollaig 2023 lena leasaítear Rialachán (AE) 2023/1803 a mhéid a bhaineann le Caighdeán Idirnáisiúnta Cuntasaíochta 1 (4), tá sé le hionchorprú i gComhaontú LEE.

(5)	Dá bhrí sin, ba cheart Iarscríbhinn XXII a ghabhann le Comhaontú LEE a leasú dá réir sin,

TAR ÉIS AN CINNEADH SEO A GHLACADH:

Airteagal 1

Cuirtear an méid seo a leanas isteach i bpointe 10ba (Rialachán (CE) Uimh. 1126/2008 ón gCoimisiún) d’Iarscríbhinn XXII a ghabhann le Comhaontú LEE:

‘10bb.

32023 R 1803: Rialachán (AE) 2023/1803 ón gCoimisiún an 13 Lúnasa 2023 lena nglactar caighdeáin áirithe idirnáisiúnta chuntasaíochta i gcomhréir le Rialachán (CE) Uimh. 1606/2002 ó Pharlaimint na hEorpa agus ón gComhairle (IO L 237, 26.9.2023, lch. 1), arna cheartú le IO L 239. 28.9.2023, lch. 39, arna leasú le:

—	32023 R 2468: Rialachán (AE) 2023/2468 ón gCoimisiún an 8 Samhain 2023 (IO L, 2023/2468, 9.11.2023),

—	32023 R 2579: Rialachán (AE) 2023/2579 ón gCoimisiún an 20 Samhain 2023 (IO L, 2023/2579, 21.11.2023),

—	32023 R 2822: Rialachán (AE) 2023/2822 ón gCoimisiún an 19 Nollaig 2023 (IO L, 2023/2822, 20.12.2023).’

Airteagal 2

Is téacsanna barántúla a bheidh i dtéacsanna Rialachán Cur Chun Feidhme (AE) 2023/1803, arna cheartú le IO L 239, 28.9.2023, lch. 39, Rialacháin Cur Chun Feidhme (AE) 2023/2468, (AE) 2023/2579 agus (AE) 2023/2822 san Íoslainnis agus san Ioruais, téacsanna atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 7 Nollaig 2024, ar choinníoll go mbeidh na fógraí uile faoi Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.

Arna dhéanamh sa Bhruiséil, an 6 Nollaig 2024.

Thar ceann Chomhchoiste LEE

An tUachtarán

Anders H. EIDE

(1) IO L 237, 26.9.2023, lch. 1.

(2) IO L, 2023/2468, 9.11.2023, ELI: http://data.europa.eu/eli/reg/2023/2468/oj.

(3) IO L, 2023/2579, 21.11.2023, ELI: http://data.europa.eu/eli/reg/2023/2579/oj.

(4) IO L, 2023/2822, 20.12.2023, ELI: http://data.europa.eu/eli/reg/2023/2822/oj.

(*1) Ní shonraítear aon cheanglas bunreachtúil.