(1)

Leagtar síos le Rialachán (AE) Uimh. 904/2010 (3) ón gComhairle na coinníollacha faoina gcomhoibreoidh na húdaráis inniúla sna Ballstáit, atá freagrach as na dlíthe maidir le cáin bhreisluacha (CBL) a chur i bhfeidhm, le chéile agus leis an gCoimisiún chun a áirithiú go gcomhlíonfar na dlíthe sin. Baineann na coinníollacha sin, i measc cinn eile, le rialacha maidir le faisnéis a stóráil agus a mhalartú, trí mhodhanna leictreonacha, a d’fhéadfadh cuidiú le measúnú ceart CBL a dhéanamh, faireachán a dhéanamh ar chur i bhfeidhm ceart CBL, go háirithe ar idirbhearta laistigh den Chomhphobal, agus calaois CBL a chomhrac.

(2)

Le Treoir (AE) 2025/516 ón gComhairle (4) tugadh isteach i dTreoir 2006/112/CE (5) ón gComhairle ceanglais maidir le tuairisciú digiteach. Leis na ceanglais sin, cuirtear d’oibleagáid ar dhaoine inchánacha a shainaithnítear chun críocha CBL faisnéis a chur faoi bhráid na mBallstát maidir le gach soláthar earraí laistigh den Chomhphobal, maidir le gach soláthar seirbhísí atá inchánach i mBallstát seachas an ceann ina bhfuil an soláthróir bunaithe agus, mura rud é gur bhain an Ballstát úsáid as an rogha daoine inchánacha a eisiamh ón oibleagáid sin, maidir le gach fáil earraí laistigh den Chomhphobal agus maidir le gach fáil seirbhísí atá inchánach agus a bhfuil an faighteoir faoi dhliteanas CBL a íoc ina leith. Le malartú agus próiseáil na faisnéise sin maidir le hidirbhearta laistigh den Chomhphobal, cabhraítear leis na Ballstáit faireachán a dhéanamh ar chur i bhfeidhm ceart CBL agus calaois a bhrath.

(3)

Tá an comhar atá ann cheana idir údaráis chánach na mBallstát bunaithe ar fhaisnéis chomhiomlánaithe a mhalartú idir córais leictreonacha náisiúnta. Is é an aidhm a bhaineann le ceanglais maidir le tuairisciú digiteach a thabhairt isteach bailiú cánach a mhéadú ach sonraí ar bhonn gach idirbhirt a sholáthar do riaracháin chánach go tráthúil. Chun na sonraí sin a chur ar fáil do riaracháin chánach eile ar bhealach éifeachtúil, agus chun cur chun feidhme comhchoiteann anailíse agus cros-seiceálacha, chomh maith le léirmhíniú comhchoiteann a éascú, tá gá le lárchóras ina roinnfear faisnéis maidir le CBL.

(4)

Chun é a chur ar a gcumas do na Ballstáit calaois CBL a chomhrac ar bhealach níos éifeachtaí, ba cheart don Choimisiún lárchóras leictreonach malartaithe faisnéise CBL (‘VIES lárnach’) a bhunú chun faisnéis maidir le CBL a roinnt. Ba cheart do gach Ballstát córas leictreonach náisiúnta a bhunú chun tarchur uathoibríoch a dhéanamh chuig an VIES lárnach maidir le hidirbhearta laistigh den Chomhphobal faoi mar a thuairiscíonn na soláthróirí agus na faighteoirí faoi seach i mBallstáit éagsúla iad. Ba cheart do na Ballstáit freisin tarchur go huathoibríoch chuig an VIES lárnach, lena n-áirítear uimhreacha aitheantais CBL eile arna n-eisiúint do dhuine. Thairis sin, tráth ar bith a athraítear sonraí, ba cheart do na Ballstáit na meiteashonraí a úsáidtear chun an t-am modhnaithe a rianú a uaslódáil chuig VIES lárnach freisin.

(5)

Ba cheart do na Ballstáit faisnéis aitheantais CBL na ndaoine inchánacha a dhéanann idirbhearta laistigh den Chomhphobal a bheith tugtha cothrom le dáta go huathoibríoch in VIES lárnach gan mhoill tráth ar bith a athraítear faisnéis aitheantais, ach amháin i gcás ina gcomhaontaíonn na Ballstáit nach bhfuil an nuashonrú sin ábhartha, fíor-riachtanach nó úsáideach. Tá gá leis na nuashonruithe sin toisc go bhfuil bailíocht uimhreacha aitheantais CBL daoine inchánacha faoi réir fíorú a mhéid a bhaineann leis an gcoinníoll chun soláthairtí laistigh den Chomhphobal a dhíolmhú dá ndéantar foráil in Airteagal 138 de Threoir 2006/112/CE. Chun leibhéal réasúnta dearbhaithe a sholáthar do riaracháin chánach maidir le cáilíocht agus le hiontaofacht na faisnéise sin, ba cheart do na Ballstáit faisnéis maidir le hidirbhearta laistigh den Chomhphobal a bheith tugtha cothrom le dáta go huathoibríoch in VIES lárnach tráth nach déanaí ná 1 lá amháin tar éis don Bhallstát an fhaisnéis a fháil ón duine inchánach.

(6)

Thairis sin, maidir le faisnéis aitheantais CBL in VIES lárnach, ba cheart do na Ballstáit bearta a dhéanamh lena áirithiú go ndéanfaidh an Ballstát faoi seach measúnú ar na sonraí a sholáthraíonn daoine inchánacha lena sainaithint chun críocha CBL agus go bhfuil siad iomlán agus cruinn, i gcomhréir le hAirteagal 214 de Threoir 2006/112/CE. Chomh maith leis sin, ba cheart do na Ballstáit a áirithiú go dtaispeántar an uimhir aitheantais CBL a bheith neamhbhailí in VIES lárnach i gcás nach n-urramaíonn duine inchánach na hoibleagáidí maidir le sonraí a chur in iúl, i gcás ina gcuirtear deireadh leis an ngníomhaíocht eacnamaíoch nó i gcás ina measann an t-údarás inniúil gur chuir an duine inchánach deireadh leis an ngníomhaíocht sin.

(7)

Ba cheart do gach Ballstát an fhaisnéis maidir le hidirbhearta laistigh den Chomhphobal arna dtuairisciú ag na soláthróirí agus ag na faighteoirí i mBallstáit éagsúla a chur isteach in VIES lárnach go pras tar éis don Bhallstát í a fháil. Is gá an fhaisnéis a fhaightear a phróiseáil go tapa, ar chúiseanna teicniúla a bhaineann leis an méid sonraí chomh maith le hidirbhearta amhrasacha agus cásanna féideartha calaoise CBL a bhrath go luath.

(8)

Chun cúnamh a thabhairt do na Ballstáit sa chomhrac in aghaidh na calaoise CBL agus chun calaoiseoirí a bhrath, ba cheart faisnéis aitheantais CBL agus faisnéis CBL maidir le hidirbhearta laistigh den Chomhphobal a bheith ar fáil in VIES lárnach ar feadh 10 mbliana. Is ionann an tréimhse sin agus an íostréimhse ama is gá do na Ballstáit chun rialuithe a dhéanamh go héifeachtach agus chun imscrúdú a dhéanamh ar chalaois a mheastar a bheith á déanamh ar cháin bhreisluacha nó chun calaois mar sin a bhrath. Tá sé comhréireach freisin nuair a chuirtear san áireamh an méid ollmhór faisnéise maidir le hidirbhearta laistigh den Chomhphobal agus íogaireacht na faisnéise mar shonraí tráchtála agus pearsanta.

(9)

Chun neamhréireanna a bhrath go tráthúil agus ar an gcaoi sin feabhas a chur ar an gcumas atá ann calaois CBL a chomhrac, ba cheart do VIES lárnach a bheith in ann an fhaisnéis a bhailítear ón soláthróir agus ón bhfaighteoir araon a chros-seiceáil go huathoibríoch trí na ceanglais maidir le tuairisciú digiteach a tugadh isteach le Treoir (AE) 2025/516 a ghabhann le Treoir 2006/112/CE. Ba cheart torthaí na cros-seiceála sin a chur ar fáil do na Ballstáit le haghaidh na mbeart leantach iomchuí.

(10)

Thairis sin, lena cheadú do VIES lárnach cumais an chórais malartaithe faisnéise CBL atá i bhfeidhm faoi láthair dá ndéantar foráil in Airteagal 17(1), pointe (a), de Rialachán (AE) Uimh. 904/2010 a choinneáil ar bun, ba cheart VIES lárnach a bheith in ann faisnéis a chomhiomlánú freisin chun forbhreathnú a sholáthar ar sholáthairtí agus ar fhálacha arna dtuairisciú ag daoine inchánacha atá lonnaithe sna Ballstáit. Lena áirithiú go gceadaítear le VIES lárnach do Bhallstáit leanúint de rochtain a bheith acu ar fhaisnéis a chéile mar atá struchtúrtha faoi láthair laistigh den chóras malartaithe faisnéise CBL atá ann cheana, ba cheart do VIES lárnach tacú le comhiomlánú sonraí.

(11)

Chun tacú le húdaráis inniúla na mBallstát maidir le measúnú ceart a dhéanamh ar CBL, faireachán a dhéanamh ar chur i bhfeidhm ceart CBL, calaois CBL a chomhrac, agus leas a bhaint as na sineirgí idir córais faisnéise éagsúla ina bhfuil faisnéis atá ábhartha maidir le CBL, ba cheart do VIES lárnach faisnéis a fhaightear ó na Ballstáit a phróiseáil in éineacht le haon fhaisnéis a chuirtear in iúl nó a bhailítear de bhun Rialachán (AE) Uimh. 904/2010.

(12)

Ba cheart rochtain ar an bhfaisnéis in VIES lárnach a sholáthar ar bhonn riachtanas eolais. Maidir le rochtain ar shonraí íogaire a cheadú do na húsáideoirí sin a bhfuil na sonraí sin ábhartha go hintuartha, ba cheart iad a fhorfheidhmiú le ceadanna rochtana agus logaí rochtana lena gcosnaítear an fhaisnéis in VIES lárnach. Níor cheart an fhaisnéis sin a úsáid chun críocha eile seachas chun faireachán a dhéanamh ar chur i bhfeidhm ceart CBL agus chun calaois CBL a chomhrac. Tá úsáideoirí uile le bheith faoi cheangal na rialacha rúndachta a leagtar síos in Airteagal 55 de Rialachán (AE) Uimh. 904/2010.

(13)

Chun calaois CBL a chomhrac, ba cheart d’oifigigh idirchaidrimh Eurofisc na mBallstát dá dtagraítear in Airteagal 36 de Rialachán (AE) Uimh. 904/2010 a bheith in ann rochtain a fháil ar fhaisnéis CBL maidir le hidirbhearta laistigh den Chomhphobal agus anailís a dhéanamh uirthi. Chun faireachán a dhéanamh ar chur i bhfeidhm ceart dlíthe CBL, ba cheart d’oifigigh na mBallstát a sheiceálann an bhfuil feidhm ag an díolúine ó CBL ar earraí allmhairithe áirithe, a leagtar síos in Airteagal 143(1), pointe (d), de Threoir 2006/112/CE, rochtain a bheith acu freisin ar fhaisnéis aitheantais CBL a stóráiltear in VIES lárnach. Thairis sin, ar na cúiseanna céanna, ba cheart d’údaráis inniúla na mBallstát oifigigh eile a roghnú ar gá dóibh rochtain dhíreach a bheith acu ar VIES lárnach agus an rochtain sin a dheonú dóibh nuair is gá. Ar deireadh, ba cheart do dhaoine ón gCoimisiún atá creidiúnaithe go cuí a bheith in ann rochtain a fháil ar an bhfaisnéis atá in VIES lárnach, ach a mhéid is gá an rochtain sin amháin chun an córas sin a fhorbairt agus a chothabháil.

(14)

Chun imscrúdú a dhéanamh ar chalaois CBL a mheastar a bheith á déanamh agus chun an chalaois sin a bhrath, ba cheart rochtain dhíreach a bheith ag na córais faisnéise lena dtacaítear le líonra Eurofisc sa chomhrac in aghaidh na calaoise CBL, lena n-áirítear an córas Anailíse ar Líonraí Idirbheart agus an lárchóras leictreonach faisnéise íocaíochta (‘CESOP’), ar VIES lárnach.

(15)

Leis an líon sonraí agus a mhinice a tharchuirtear sonraí chuig VIES lárnach, tá gá le huathoibriú na sreabh faisnéise ó VIES lárnach chuig na córais leictreonacha náisiúnta. Leis an uathoibriú sin ba cheart foráil a dhéanamh freisin maidir le cainéal cumarsáide meaisín go meaisín atá éifeachtúil agus slán, agus ba cheart a áirithiú leis nach bhfuil gá le hidirghabháil an duine a thuilleadh agus rochtain á fáil ar shonraí comhroinnte. Dá bhrí sin, ba cheart rochtain a bheith ag córais leictreonacha náisiúnta freisin trína dtarchuirtear faisnéis chuig VIES lárnach ar an bhfaisnéis a stóráiltear in VIES lárnach, lena n-áirítear an fhaisnéis phróiseáilte agus chomhiomlánaithe chun críocha rialaithe CBL agus ar mhaithe leis an gcomhrac in aghaidh na calaoise CBL.

(16)

Chun coinníollacha aonfhoirmeacha a áirithiú maidir le Rialachán (AE) Uimh. 904/2010 a chur chun feidhme, ba cheart cumhachtaí cur chun feidhme a thabhairt don Choimisiún maidir leis na cúraimí atá le déanamh aige chun VIES lárnach a fhorbairt, a choinneáil, a óstáil agus a bhainistiú go teicniúil, maidir leis na socruithe praiticiúla maidir le sainaithint na n-oifigeach agus na gcóras leictreonach agus na mionsonraí teicniúla a bhaineann le rochtain ag oifigigh agus córais leictreonacha ar VIES lárnach, le ceadanna rochtana mionsonraithe na n-oifigeach agus na gcóras leictreonach ar na sonraí mionsonraithe ar VIES lárnach ar cheart rochtain a dheonú ina leith, maidir le sonraí teicniúla agus formáid na faisnéise arna tarchur chuig VIES lárnach agus maidir le róil agus freagrachtaí na mBallstát agus an Choimisiúin agus iad ag gníomhú mar rialaitheoir agus mar phróiseálaí faoi Rialacháin (AE) 2016/679 (6) agus (AE) 2018/1725 (7) ó Pharlaimint na hEorpa agus ón gComhairle. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (8).

(17)

Is fadhb choiteann do na Ballstáit uile í calaois CBL. Níl an fhaisnéis is gá ag na Ballstáit ina n-aonar lena áirithiú go gcuirtear na rialacha CBL i bhfeidhm i gceart agus chun dul i ngleic le calaois CBL. Ós rud é nach féidir leis na Ballstáit cuspóir Rialachán (AE) Uimh. 904/2010, eadhon an comhrac in aghaidh na calaoise CBL, a ghnóthú go leordhóthanach de bharr nádúr trasteorann an mhargaidh inmheánaigh, ach gur fearr is féidir é a ghnóthú ar leibhéal an Aontais, féadfaidh an tAontas bearta a dhéanamh, i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta, mar a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a ghnóthú.

(18)

Féadann daoine inchánacha a éascaíonn soláthairtí earraí nó seirbhísí ach comhéadan leictreonach a úsáid a bheith faoi réir iarrataí ar thaifid ón mBallstát ina bhfuil na soláthairtí sin inchánach dá dtagraítear in Airteagal 242a de Threoir 2006/112/CE. Chun an t-ualach riaracháin agus na costais chomhlíontachta ar na daoine inchánacha sin a laghdú agus chun dúbailt oibre a sheachaint, ba cheart don Bhallstát aitheantais na hiarrataí sin a chomhordú a oiread agus is féidir. Chun na críche sin, is gá foirm chaighdeánach a leagan síos chun an fhaisnéis sin a tharchur go leictreonach chuig na Ballstáit. Féadfaidh na Ballstáit, áfach, i gcomhréir le hAirteagal 242a(2), an dara fomhír, de Threoir 2006/112/CE, leanúint de na taifid a iarraidh go díreach ón duine inchánach, atá le soláthar ar bhonn rialta córasach go dtí go mbeidh rochtain uathoibrithe ar na taifid sin ar fáil.

(19)

Chun coinníollacha aonfhoirmeacha a áirithiú maidir le Rialachán (AE) Uimh. 904/2010 a chur chun feidhme, ba cheart cumhachtaí cur chun feidhme a thabhairt don Choimisiún na sonraí teicniúla don fhoirm chaighdeánach a ghlacadh, agus ba cheart na mionsonraí teicniúla, lena n-áirítear teachtaireachtaí leictreonacha coiteanna, maidir le taifid a chur isteach ag daoine inchánacha a éascaíonn soláthairtí trí chomhéadan leictreonach a úsáid dá dtagraítear in Airteagal 242a de Threoir 2006/112/CE. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011

(20)

Le Treoir (AE) 2025/516 tugtar isteach scéim simplithe ionad ilfhreastail (OSS) i dTreoir 2006/112/CE le haghaidh daoine inchánacha a aistríonn earraí dílse áirithe thar teorainn. Dá bhrí sin, is gá an scéim sin a chomhtháthú i gcreat foriomlán na scéimeanna speisialta OSS CBL a leagtar amach i gCaibidil XI, Roinn 3, de Rialachán (AE) Uimh. 904/2010. Ba cheart a áireamh léi go háirithe soláthar faisnéise idir na Ballstáit a n-aistrítear na hearraí uathu agus chucu.

(21)

Toisc go bhfuil an scéim simplithe OSS a tugadh isteach cuimsitheach agus go gcuimsítear inti gluaiseachtaí trasteorann earraí a chumhdaítear le socruithe stoic ar glao i gcomhréir le hAirteagal 17a de Threoir 2006/112/CE, baineadh na socruithe sin as Treoir 2006/112/CE. Is gá an leasú sin ar Threoir 2006/112/CE a léiriú in Airteagal 21 de Rialachán (AE) Uimh. 904/2010.

(22)

Shainaithin páirtithe leasmhara gur riosca féideartha í mí-úsáid uimhreacha aitheantais CBL an ionaid ilfhreastail allmhairiúcháin. Chun úsáid cheart agus próiseas fíoraithe uimhreacha aitheantais IOSS CBL a dhaingniú ar bhealach níos fearr, is gá Airteagal 47h de Rialachán (AE) Uimh. 904/2010 lena ndeonaítear rochtain d’údaráis chustaim ar fhaisnéis maidir le trádálaithe atá cláraithe le IOSS a leathnú, rud a chuirfidh feabhas ar bhainistíocht riosca agus cumais rialaithe na n-údarás custaim sin.

(23)

Chun rialuithe a fheabhsú i ndáil leis an scéim allmhairiúcháin, is gá luach iomlán na n-earraí a allmhairítear faoin scéim allmhairiúcháin in aghaidh na huimhreach aitheantais CBL IOSS in aghaidh an Bhallstáit tomhaltais a chur le hAirteagal 17(1), pointe (e) de Rialachán (AE) Uimh. 904/2010.

(24)

Urramaítear leis an Rialachán seo na cearta bunúsacha agus na prionsabail arna n-aithint i gCairt um Chearta Bunúsacha an Aontais Eorpaigh (‘an Chairt’). Áirithítear leis an Rialachán seo go háirithe go dtabharfar lánurraim don cheart chun sonraí pearsanta a chosaint a leagtar síos in Airteagal 8 den Chairt. I ndáil leis sin, cuirtear teorainn dhocht sa Rialachán seo leis an méid sonraí pearsanta a chuirfear ar fáil do na húdaráis chánach. Níor cheart próiseáil faisnéise maidir le idirbhearta laistigh den Chomhphobal de bhun an Rialacháin seo a dhéanamh ach amháin chun críocha an Rialacháin seo.

(25)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé a thuairim uaidh an 3 Márta 2023 (9).

(26)

De bhrí go mbeidh gá le forbairtí teicneolaíocha nua chun lárchóras VIES a chur chun feidhme, ní mór cur i bhfeidhm na bhforálacha a bhaineann le VIES lárnach a chur siar chun go mbeidh an deis ag na Ballstáit agus ag an gCoimisiún na teicneolaíochtaí sin a fhorbairt.

(27)

Le rochtain uathoibrithe ar fhaisnéis maidir le hidirbhearta laistigh den Chomhphobal, a tuairiscíodh trí ráitis achoimreacha, déantar difear díreach d’éifeachtúlacht na rialuithe CBL. Dá bhrí sin, ba cheart an córas malartaithe faisnéise CBL atá ann faoi láthair dá ndéantar foráil in Airteagal 17(1), pointe (a), de Rialachán (AE) Uimh. 904/2010 a choinneáil ar bun ar feadh tréimhse ama tar éis deireadh a chur leis na ráitis achoimreacha sin. Lastall den tréimhse sin, ba cheart forálacha ábhartha an chórais malartaithe faisnéise CBL atá ann faoi láthair a scriosadh agus ba cheart an fhaisnéis arna tuairisciú trí ráitis achoimreacha a bheith inrochtana fós arna iarraidh.

(28)

Ba cheart, dá bhrí sin, Rialachán (AE) Uimh. 904/2010 a leasú dá réir,

‘(e)

sonraí maidir leis na huimhreacha aitheantais CBL dá dtagraítear in Airteagal 369q de Threoir 2006/112/CE a eisíodh agus de réir na huimhreach aitheantais CBL arna heisiúint ag aon Bhallstát, luach iomlán na n-allmhairí earraí atá díolmhaithe faoi Airteagal 143(1), pointe (ca), den Treoir sin le linn gach míosa, in aghaidh an Bhallstáit tomhaltais mar a shainmhínítear in Airteagal 369l, an dara mír, pointe (4) den Treoir sin;’.

(1)

in Airteagal 1, cuirtear an méid seo a leanas in ionad mhír 4:

(2)

in Airteagal 2, cuirtear an méid seo a leanas in ionad mhír 2:

(3)

in Airteagal 17(1), cuirtear an méid seo a leanas in ionad phointe (d):

;

(4)

Cuirtear an méid seo a leanas in ionad Airteagal 47b:

(5)

cuirtear an méid seo a leanas in ionad Airteagal 47d:

(6)

in Airteagal 47h, cuirtear an mhír seo a leanas leis:

‘Chun críocha na chéad mhíre den Airteagal seo, deonóidh na Ballstáit rochtain d’údaráis inniúla ar an bhfaisnéis dá dtagraítear in Airteagal 369p(1) agus (3) de Threoir 2006/112/CE.’

(7)

Leasaítear Airteagal 47i mar a leanas:

(8)

cuirtear an t-airteagal seo a leanas isteach:

(9)

in Airteagal 47j(2), cuirtear an méid seo a leanas in ionad na cheád fomhíre:

‘Gan dochar d’Airteagal 7(4), má chinneann an Ballstát tomhaltais nó an Ballstát ar seoladh nó ar iompraíodh na hearraí uaidh nó chuige go bhfuil gá le fiosrúchán riaracháin, rachaidh sé i gcomhairle ar dtús leis an mBallstát aitheantais maidir leis an ngá atá leis an bhfiosrúchán sin.’

(10)

cuirtear an chaibidil seo a leanas isteach:

(1)

cuirtear an méid seo a leanas in ionad phointe (c):

;

(2)

i bpointe (e), cuirtear an méid seo a leanas in ionad na bhfocal tosaigh:

‘luach iomlán na soláthairtí earraí agus seirbhísí dá dtagraítear i bpointe (b) ó gach duine dá dtagraítear i bpointe (c) do gach duine a bhfuil uimhir aitheantais CBL acu arna heisiúint ag Ballstát eile faoi na coinníollacha seo a leanas:’.

(1)

in Airteagal 2(1), cuirtear an méid seo a leanas in ionad phointí (g) agus (h):

;

(2)

in Airteagal 17(1), cuirtear an méid seo a leanas in ionad phointe (a):

(*1)  Treoir (AE) 2022/890 ón gComhairle an 3 Meitheamh 2022 lena leasaítear Treoir 2006/112/CE a mhéid a bhaineann le síneadh a chur le tréimhse chur i bhfeidhm an tsásra aistrithe táillí roghnaigh i ndáil le soláthairtí earraí agus seirbhísí áirithe atá soghabhálach do chalaois agus le tréimhse chur i bhfeidhm an tSásra Frithghnímh Mhear in aghaidh na calaoise CBL (IO L 155, 8.6.2022, lch. 1, ELI: http://data.europa.eu/eli/dir/2022/890/oj).’;"

(3)

i gCaibidil V, cuirtear an roinn seo a leanas leis:

(*2)  Treoir 2014/55/AE ó Pharlaimint na hEorpa agus ón gComhairle an 16 Aibreán 2014 maidir le ríomhshonrascadh i gcás an tsoláthair phoiblí (IO L 133, 6.5.2014, lch. 1, ELI: http://data.europa.eu/eli/dir/2014/55/oj).’ "

(1)

in Airteagal 17(1), scriostar pointí (a), (b) agus (c);

(2)

leasaítear Airteagal 20 mar a leanas:

(3)

leasaítear Airteagal 21 mar a leanas:

(4)

scriostar Airteagail 22 agus 23;

(5)

in Airteagal 31, cuirtear an méid seo a leanas in ionad mhír 1: