1.   Tá feidhm ag an Rialachán seo maidir leis na córais lárnacha seo a leanas a forbraíodh nó a uasghrádaíodh trí na tionscadail seo a leanas dá dtagraítear san Iarscríbhinn a ghabhann le Cinneadh Cur Chun Feidhme (AE) 2023/2879:

(a)	an Córas um Chinntí Custaim (CÓCC), arna fhorbairt tríd an tionscadal dar teideal ‘Cinntí Custaim CCA’;

(b)	an Córas Aonfhoirmeach um Bainistiú Úsáideoirí agus um Síniú Digiteach (CABÚSD), arna fhorbairt tríd an tionscadal dar teideal ‘Rochtain Dhíreach Trádálaí ar na Córais Eorpacha Faisnéise (Bainistíocht Úsáideora Aonfhoirmeach & Síniú Digiteach)’;

(c)	an Córas Eorpach um Fhaisnéis Taraife Cheangailteach (CEFTC), arna uasghrádú tríd an tionscadal dar teideal ‘Faisnéis Taraife Cheangailteach (FTC) CCA’;

(d)	an córas um Chlárú agus Sainaithint Oibreoirí Eacnamaíocha (córas EORI), arna uasghrádú tríd an tionscadal dar teideal ‘Córas Clárúcháin agus Aitheantais Oibreoirí Eacnamaíocha Chód Custaim an Aontais (EORI 2)’;

(e)	an córas Oibreoirí Eacnamaíocha Údaraithe (córas OEÚ), arna uasghrádú i gcomhréir le ceanglais an Chóid tríd an tionscadal dar teideal ‘Oibreoirí Eacnamaíocha Údaraithe Chód Custaim an Aontais (AEO) uasghrádú’;

(f)	Córas Rialaithe Allmhairí 2 (CRA2), arna fhorbairt tríd an tionscadal dar teideal ‘Córas Rialaithe Allmhairí 2 (ICS2) CCA’;

(g)	an córas um Bileoga Faisnéise (BF) le haghaidh Nósanna Imeachta Speisialta (córas BF-NIS), arna fhorbairt tríd an tionscadal dar teideal ‘Bileoga Eolais CCA (INF) le haghaidh Nósanna Imeachta Speisialta’;

(h)	Córas na nOnnmhaireoirí Cláraithe (córas REX), arna fhorbairt tríd an tionscadal dar teideal ‘Córas Onnmhaireoirí Cláraithe Chód Custaim an Aontais (REX)’;

(i)	an córas um Chruthúnas ar Stádas AE (córas CSAE), arna fhorbairt tríd an tionscadal dar teideal ‘Cruthúnas ar Stádas an Aontais CCA (PoUS)’;

(j)	an Córas Faireachais, arna uasghrádú tríd an tionscadal dar teideal ‘Faireachas 3 CCA’.

2.   Beidh feidhm ag an Rialachán seo maidir leis na córais díláraithe seo a leanas a forbraíodh nó a uasghrádaíodh trí na tionscadail seo a leanas dá dtagraítear san Iarscríbhinn a ghabhann le Cinneadh Cur Chun Feidhme (AE) 2023/2879:

(a)	an Córas Onnmhairiúcháin Uathoibrithe (COU), arna fhorbairt i gcomhréir le ceanglais an Chóid tríd an tionscadal maidir le COU;

(b)	an Córas Ríomhairithe Idirthurais Nua (CRIN), arna fhorbairt i gcomhréir le ceanglais an Chóid tríd an tionscadal maidir le huasghrádú CRIN;

(c)	an Córas um Imréiteach Láraithe Allmhairiúcháin (ILA), arna fhorbairt tríd an tionscadal maidir le himréiteach láraithe allmhairiúcháin faoi chuimsiú CCA;

(d)	an Córas Bainistithe Ráthaíochtaí (CÓBAR), arna fhorbairt tríd an tionscadal maidir le bainistíocht ráthaíochtaí faoi chuimsiú CCA.

3.   Tá feidhm ag an Rialachán seo freisin maidir leis na córais lárnacha seo a leanas:

(a)	Tairseach Chustaim an Aontais Eorpaigh do Thrádálaithe (TCT-AE);

(b)	an córas bainistithe riosca custaim (CBRC) dá dtagraítear in Airteagal 36 de Rialachán Cur Chun Feidhme (AE) 2015/2447 ón gCoimisiún.

1.   Déanfar fíordheimhniú agus fíorú rochtana oibreoirí eacnamaíocha agus daoine eile chun rochtain a fháil ar TCT-AE trí úsáid a bhaint as CABÚSD.

Chun go bhfíordheimhneofar ionadaithe custaim agus go mbeidh siad in ann rochtain a fháil ar TCT-AE, déanfar a gcumhachtú chun gníomhú sa cháil sin a chlárú in CABÚSD nó i gcóras bainistithe céannachta agus rochtana arna bhunú ag Ballstát de bhun Airteagal 20 den Rialachán seo. Ní chlárófar an cumhachtú chun rochtain a fháil ar an gcomhéadan comhroinnte do thrádálaithe le haghaidh CRA2 dá dtagraítear in Airteagal 45 den Rialachán seo.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar TCT-AE trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar TCT-AE, trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Le TCT-AE, cuirfear rochtain ar fáil ar na tairseacha sonracha do trádálaithe sna córais thras-Eorpacha CEFTC, córas OEÚ, córas BF-NIS, córas REX agus córas CSAE dá dtagraítear in Airteagail 24, 38, 68, 83 agus 96 den Rialachán seo, faoi seach, chomh maith leis an gcomhéadan comhroinnte do thrádálaithe le haghaidh CRA2 dá dtagraítear in Airteagal 45 den Rialachán seo.

2.   Úsáidfear TCT-AE chun faisnéis a mhalartú idir údaráis chustaim na mBallstát agus oibreoirí eacnamaíocha agus daoine eile, maidir leis na hiarrataí, na hiarratais, na húdaruithe agus na cinntí a bhaineann le CEFTC, córas OEÚ, córas BF-NIS, córas REX agus córas CSAE.

3.   Féadfar TCT-AE a úsáid chun faisnéis a mhalartú idir údaráis chustaim na mBallstát agus oibreoirí eacnamaíocha agus daoine eile, maidir le dearbhuithe iontrála achomair agus, i gcás inarb infheidhme, maidir lena leasuithe, le tarchuir eisithe agus le neamhbhailíochtú a bhaineann le CRA2.

1.   Leis an gCóras um Chinntí Custaim (‘CÓCC’), cumasófar cumarsáid idir an Coimisiún, údaráis chustaim na mBallstát, oibreoirí eacnamaíocha agus daoine eile chun na iarratais agus na cinntí dá dtagraítear in Airteagal 8(1) den Rialachán seo a chur isteach agus a phróiseáil, agus chun cinntí a bhaineann leis na húdaruithe, mar atá, leasuithe, cúlghairmeacha, neamhnithe agus fionraíochtaí, a bhainistiú.

2.   Beidh na comhpháirteanna coiteanna seo a leanas in CCA:

(a)	Tairseach trádálaithe AE;

(b)	córas lárnach um bainistiú cinntí custaim (‘CBCC lárnach’);

(c)	seirbhísí tagartha do chustaiméirí (CRS).

3.   Féadfaidh na Ballstáit na comhpháirteanna náisiúnta seo a leanas a chruthú:

(a)	Tairseach náisiúnta trádálaithe;

(b)	córas náisiúnta um bainistiú cinntí custaim (‘CBCC náisiúnta’).

1.   Úsáidfear CÓCC chun iarratais ar na húdaruithe seo a leanas a chur isteach agus a phróiseáil, agus chun cinntí a bhaineann leis na hiarratais nó leis na húdaruithe sin a bhainistiú:

(a)	údarú a thabhairt chun cinneadh na méideanna a shimpliú, ar cuid iad de luach custam na n-earraí, dá dtagraítear in Airteagal 73 den Chód;

(b)	údarú a thabhairt chun ráthaíocht chuimsitheach a chur ar fáil, lena n-áirítear aon laghdú nó tarscaoileadh a d’fhéadfaí a dhéanamh, dá dtagraítear in Airteagal 95 den Chód;

(c)	údarú a thabhairt maidir le hiarchur íocaíocht na dleachta is iníoctha, a mhéid nach dtugtar an cead i ndáil le hoibríocht aonair, dá dtagraítear in Airteagal 110 den Chód;

(d)	údarú a thabhairt maidir le háiseanna stórála sealadaí a oibriú, dá dtagraítear in Airteagal 148 den Chód;

(e)	údarú a thabhairt chun seirbhísí rialta loingseoireachta a bhunú, dá dtagraítear in Airteagal 120 de Rialachán Tarmligthe (AE) 2015/2446;

(f)	údarú a thabhairt maidir le stádas eisitheora údaraithe, dá dtagraítear in Airteagal 128 de Rialachán Tarmligthe (AE) 2015/2446;

(g)	údarú a thabhairt maidir le húsáid rialta an dearbhaithe shimplithe, dá dtagraítear in Airteagal 166(2) den Chód;

(h)	údarú a thabhairt maidir le himréiteach láraithe, dá dtagraítear in Airteagal 179 den Chód;

(i)	údarú a thabhairt maidir le dearbhú custaim a thaisceadh trí shonraí a iontráil i dtaifid an dearbhóra, lena n-áirítear le haghaidh an nós imeachta onnmhairiúcháin, dá dtagraítear in Airteagal 182 den Chód;

(j)	údarú a thabhairt maidir le féinmheasúnú, dá dtagraítear in Airteagal 185 den Chód;

(k)	údarú a thabhairt maidir le stádas meádóir údaraithe bananaí, dá dtagraítear in Airteagal 155 de Rialachán Tarmligthe (AE) 2015/2446;

(l)	údarú a thabhairt maidir le húsáid an nós imeachta próiseála isteach, dá dtagraítear in Airteagal 211(1), pointe (a), den Chód;

(m)	údarú chun úsáid a bhaint as an nós imeachta próiseála amach, dá dtagraítear in Airteagal 211(1), pointe (a), den Chód;

(n)	údarú a thabhairt maidir le húsáid an nós imeachta úsáide deiridh, dá dtagraítear in Airteagal 211(1), pointe (a), den Chód;

(o)	údarú a thabhairt maidir le húsáid an nós imeachta um chead isteach sealadach, dá dtagraítear in Airteagal 211(1), pointe (a), den Chód;

(p)	údarú chun saoráidí stórála a oibriú le haghaidh stórasú custaim earraí, dá dtagraítear in Airteagal 211(1), pointe (b), den Chód;

(q)	údarú a thabhairt maidir le stádas coinsíní údaraithe le haghaidh oibriú TIR, dá dtagraítear in Airteagal 230 den Chód;

(r)	údarú i ndáil le stádas mar choinsíneoir údaraithe le haghaidh idirthuras san Aontas, dá dtagraítear in Airteagal 233(4), pointe (a), den Chód;

(s)	údarú a thabhairt maidir le stádas coinsíní údaraithe le haghaidh idirthurais an Aontais, dá dtagraítear in Airteagal 233(4), pointe (b), den Chód;

(t)	údarú a thabhairt maidir le húsáid séalaí de chineál speisialta, dá dtagraítear in Airteagal 233(4), pointe (c), den Chód;

(u)	údarú a thabhairt maidir le húsáid dearbhú idirthurais lena laghdaítear na ceanglais maidir le sonraí, dá dtagraítear in Airteagal 233(4), pointe (d), den Chód;

(v)	údarú a thabhairt maidir le húsáid doiciméad leictreonach maidir le hiompair mar dhearbhú custaim, dá dtagraítear in Airteagal 233(4), pointe (e), den Chód.

2.   Úsáidfear comhpháirteanna coiteanna an Chórais um Chinntí Custaim i ndáil leis na hiarratais agus leis na húdaruithe dá dtagraítear i mír 1, agus chun cinntí a bhaineann leis na hiarratais agus leis na húdaruithe sin a bhainistiú, i gcás ina bhféadfadh tionchar a bheith ag na húdaruithe nó ag na cinntí sin i níos mó ná Ballstát amháin. Na húdaruithe nó na cinntí dá dtagraítear i mír 1, pointe (f), den Rialachán seo, déanfar iad a stóráil in CBCC lárnach chun iad a chur ar fáil do chóras lárnach CSAE.

3.   Féadfaidh Ballstát a chinneadh go bhféadfar comhpháirteanna coiteanna an Chórais um Chinntí Custaim a úsáid i ndáil leis na hiarratais agus leis na húdaruithe dá dtagraítear i mír 1, agus chun cinntí a bhaineann leis na hiarratais agus leis na húdaruithe sin a bhainistiú, i gcás ina mbeidh tionchar ag na húdaruithe nó na cinntí sin sa Bhallstát sin, agus sa Bhallstát sin amháin.

4.   Ní úsáidfear an Córas um Chinntí Custaim i ndáil le hiarratais, údaruithe ná cinntí seachas iad siúd a liostaítear i mír 1.

1.   Déanfar fíordheimhniú agus fíorú rochtana oibreoirí eacnamaíocha agus daoine eile chun rochtain a fháil ar chomhpháirteanna coiteanna CÓCC trí úsáid a bhaint as CABÚSD.

Chun go bhfíordheimhneofar ionadaithe custaim agus go mbeidh siad in ann rochtain a fháil ar chomhpháirteanna coiteanna CÓCC, déanfar a gcumhachtú chun gníomhú sa cháil sin a chlárú in CABÚSD nó i gcóras bainistithe céannachta agus rochtana arna bhunú ag Ballstát de bhun Airteagal 20 den Rialachán seo.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna CÓCC trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna CÓCC trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Pointe iontrála ar an gCóras um Chinntí Custaim a bheidh i dtairseach an Aontais Eorpaigh do thrádálaithe le haghaidh oibreoirí eacnamaíocha agus daoine eile.

2.   Idiroibreoidh tairseach an Aontais Eorpaigh do thrádálaithe le CBCC lárnach chomh maith le CBCC náisiúnta i gcás ina mbeidh ceann cruthaithe ag Ballstát.

3.   Úsáidfear tairseach an Aontais Eorpaigh do thrádálaithe i ndáil leis na hiarratais agus leis na húdaruithe dá dtagraítear in Airteagal 8(1) den Rialachán seo, agus chun cinntí a bhaineann leis na hiarratais agus leis na húdaruithe sin a bhainistiú, i gcás ina bhféadfadh tionchar a bheith ag na húdaruithe nó ag na cinntí sin i níos mó ná Ballstát amháin.

4.   Féadfaidh Ballstát a chinneadh go bhféadfar tairseach an Aontais Eorpaigh do thrádálaithe a úsáid i ndáil leis na hiarratais agus leis na húdaruithe dá dtagraítear in Airteagal 8(1) den Rialachán seo, agus chun cinntí a bhaineann leis na hiarratais agus leis na húdaruithe sin a bhainistiú, i gcás ina mbeidh tionchar ag na húdaruithe nó na cinntí sin sa Bhallstát sin, agus sa Bhallstát sin amháin.

I gcás ina ndéanann Ballstát cinneadh tairseach an Aontais Eorpaigh do thrádálaithe a úsáid le haghaidh údaruithe nó cinntí a bhfuil tionchar acu sa Bhallstát sin, agus sa Bhallstát sin amháin, cuirfidh sé an Coimisiún ar an eolas faoi.

1.   Úsáidfidh údaráis chustaim na mBallstát CBCC lárnach chun na hiarratais agus na húdaruithe dá dtagraítear in Airteagal 8(1) den Rialachán seo a phróiseáil, agus chun na cinntí a bhaineann leis na hiarratais agus leis na húdaruithe sin a bhainistiú, chun fíorú a dhéanamh i dtaobh an gcomhlíontar na coinníollacha chun glacadh le hiarratas agus chun cinneadh a dhéanamh.

2.   Idiroibreoidh CBCC lárnach le tairseach an Aontais Eorpaigh do thrádálaithe, leis na seirbhísí tagartha do chustaiméirí dá dtagraítear in Airteagal 13 den Rialachán seo, agus le CBCC náisiúnta, i gcás ina mbeidh ceann cruthaithe ag Ballstát.

1.   Úsáidfear na seirbhísí tagartha do chustaiméirí chun sonraí a bhaineann leis na húdaruithe dá dtagraítear in Airteagal 8(1) den Rialachán seo, mar aon le cinntí a bhaineann leis na húdaruithe sin, a stóráil go lárnach, agus leis na seirbhísí sin beifear in ann na húdaruithe sin a cheadú, a mhacasamhlú agus a bhailíochtú le córais leictreonacha eile arna mbunú chun críocha Airteagal 16 den Chód.

2.   Úsáidfear na seirbhísí tagartha do chustaiméirí chun sonraí a bhaineann leis na clárucháin ó chóras REX dá dtagraítear in Airteagail 81 agus 88 den Rialachán seo a stóráil go lárnach, agus leis na seirbhísí sin beifear in ann na clárúcháin sin a cheadú, a mhacasamhlú agus a bhailíochtú le córais leictreonacha eile arna mbunú chun críocha Airteagal 16 den Chód. Úsáidfidh Andóra, an Iorua, San Mairíne, an Eilvéis agus an Tuirc na seirbhísí tagartha do chustaiméirí chun sonraí a stóráil óna n-oibreoirí eacnamaíocha cláraithe náisiúnta, agus chun sonraí ó chóras REX do na Ballstáit agus sonraí ó chóras REX do thríú tíortha a bhfuil socrú fabhrach trádála ag an Aontas leo, a cheadú, a mhacasamhlú agus a bhailíochtú chun críoch a scéimeanna faoi seach faoin gCóras Ginearálaithe um Fhabhair.

3.   Cé is moite de na sonraí ó CBCC lárnach, úsáidfear na seirbhísí tagartha do chustaiméirí chun sonraí a stóráil ó chórais EORI, CEFTC, OEÚ agus CÓBAR, agus leis na seirbhísí sin beifear in ann na sonraí sin a cheadú, a mhacasamhlú agus a bhailíochtú le córais leictreonacha eile arna mbunú chun críocha Airteagal 16 den Chód.

4.   Féadfaidh an Coimisiún agus údaráis inniúla chomhpháirtíochta na mBallstát na seirbhísí tagartha do chustaiméirí a úsáid chun sonraí ó chóras EORI a cheadú, a mhacasamhlú agus a bhailíochtú, chun críocha Airteagal 16 de Rialachán (AE) 2022/2399 ó Pharlaimint na hEorpa agus ón gComhairle (13).

1.   Beidh an tairseach náisiúnta do thrádálaithe, i gcás ina mbeidh ceann cruthaithe ag Ballstát, ina pointe iontrála breise ar an gCóras um Chinntí Custaim d’oibreoirí eacnamaíocha agus do dhaoine eile.

2.   Maidir leis na hiarratais agus na húdaruithe dá dtagraítear in Airteagal 8(1) den Rialachán seo, agus chun cinntí a bhaineann leis na hiarratais agus na húdaruithe sin a bhainistiú i gcás ina bhféadfadh tionchar a bheith ag na húdaruithe nó na cinntí sin i níos mó ná Ballstát amháin, féadfaidh oibreoirí eacnamaíocha agus daoine eile rogha a dhéanamh úsáid a bhaint as an tairseach náisiúnta do thrádálaithe, i gcás ina mbeidh ceann cruthaithe, nó as tairseach an Aontais Eorpaigh do thrádálaithe.

3.   Idiroibreoidh an tairseach náisiúnta do thrádálaithe le CBCC náisiúnta, i gcás ina mbeidh ceann cruthaithe ag Ballstát.

4.   I gcás ina gcruthóidh Ballstát tairseach náisiúnta do thrádálaithe, cuirfidh sé an Coimisiún ar an eolas faoi sin.

1.   I gcás ina mbeidh ceann cruthaithe ag Ballstát, úsáidfidh údaráis chustaim an Bhallstáit a chruthaigh é, CBCC náisiúnta chun na hiarratais agus na húdaruithe dá dtagraítear in Airteagal 8(1) den Rialachán seo a phróiseáil, agus chun na cinntí a bhaineann leis na hiarratais agus leis na húdaruithe sin a bhainistiú chun fíorú a dhéanamh i dtaobh an gcomhlíontar na coinníollacha chun glacadh le hiarratas agus chun cinneadh a dhéanamh.

2.   Idiroibreoidh CBCC náisiúnta le CBCC lárnach chun críche comhairliúcháin idir údaráis chustaim na mBallstát dá dtagraítear in Airteagal 12 den Rialachán seo.

1.   Leis an gCóras Aonfhoirmeach um Bainistiú Úsáideoirí agus Síniú Digiteach (‘CABÚSD’), cumasófar an chumarsáid idir an Coimisiún agus córais bainistithe céannachta agus rochtana na mBallstát dá dtagraítear in Airteagal 20 den Rialachán seo chun rochtain shlán údaraithe ar na córais leictreonacha a chur ar fáil d’fhoireann an Choimisiúin, d’oibreoirí eacnamaíocha, agus do dhaoine eile.

2.   Beidh na comhpháirteanna coiteanna seo a leanas ag CABÚSD:

(a)	córas bainistithe rochtana;

(b)	córas bainistithe riaracháin.

3.   Cruthóidh Ballstát córas bainistithe céannachta agus rochtana mar chomhpháirt náisiúnta de CABÚSD.

1.   Leis an gCóras Eorpach um Fhaisnéis Taraife Cheangailteach (‘CEFTC’), i gcomhréir le hAirteagail 33 agus 34 den Chód, cumasófar an méid seo a leanas:

(a)	cumarsáid idir an Coimisiún, údaráis chustaim na mBallstát, oibreoirí eacnamaíocha agus daoine eile chun iarratais FTC agus cinntí FTC a chur isteach agus a phróiseáil;

(b)	bainistiú aon teagmhais ina dhiaidh sin a d’fhéadfadh difear a dhéanamh don iarratas bunaidh nó don chinneadh bunaidh;

(c)	faireachán ar úsáid éigeantach chinntí BTI;

(d)	faireachán agus bainistiú a dhéanamh ar an úsáid shínithe a bhaintear as cinntí BTI;

(e)	faireachán an Choimisiúin ar chinntí FTC, lena n-áirítear na próisis chun iarratas a dhéanamh ar na cinntí sin, iad a dhéanamh agus iad a bhainistiú, chun cur i bhfeidhm aonfhoirmeach na reachtaíochta custaim agus dhlí eile an Aontais a áirithiú.

2.   Beidh na comhpháirteanna coiteanna seo a leanas in CEFTC:

(a)	Tairseach Shonrach AE do Thrádálaithe le haghaidh CEFTC;

(b)	CEFTC lárnach;

(c)	an cumas faireachán a dhéanamh ar úsáid cinntí FTC.

3.   Féadfaidh na Ballstáit, mar chomhpháirt náisiúnta, córas faisnéise um tharaifí ceangailteacha náisiúnta (‘córas náisiúnta BTI’) a chruthú in éineacht le tairseach náisiúnta trádálaithe.

1.   Úsáidfear CEFTC chun faisnéis a chur isteach, a phróiseáil, a mhalartú agus a stóráil, ar faisnéis í a bhaineann le hiarratais agus cinntí a bhaineann le FTC nó le haon teagmhas iartheachtach a d’fhéadfadh difear a dhéanamh don iarratas bunaidh nó don chinneadh bunaidh dá dtagraítear in Airteagal 21(1) de Rialachán Cur Chun Feidhme (AE) 2015/2447.

2.   Úsáidfear CEFTC chun tacú leis an bhfaireachán a dhéanfaidh údaráis chustaim na mBallstát ar chomhlíonadh na n-oibleagáidí a eascraíonn as FTC faoi Airteagal 21(3) de Rialachán Cur Chun Feidhme (AE) 2015/2447.

3.   Úsáidfidh an Coimisiún CEFTC chun na Ballstáit a chur ar an eolas, de bhun an tríú fomhír d’Airteagal 22(2) de Rialachán Cur Chun Feidhme (AE) 2015/2447, gur sroicheadh na cainníochtaí earraí a fhéadfar a imréiteach le linn tréimhse úsáide a luaithe a shroichtear na cainníochtaí sin.

1.   Déanfar fíordheimhniú agus fíorú rochtana oibreoirí eacnamaíocha agus daoine eile chun rochtain a fháil ar chomhpháirteanna coiteanna CEFTC trí úsáid trí úsáid a bhaint as CABÚSD.

Chun go bhfíordheimhneofar ionadaithe custaim agus go mbeidh siad in ann rochtain a fháil ar chomhpháirteanna coiteanna CEFTC, déanfar a gcumhachtú chun gníomhú sa cháil sin a chlárú in CABÚSD nó i gcóras bainistithe céannachta agus rochtana arna bhunú ag Ballstát de bhun Airteagal 20 den Rialachán seo.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna CEFTC trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna CEFTC trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Déanfaidh an Tairseach Shonrach AE do Thrádálaithe le haghaidh CEFTC cumarsáid le TCT-AE, i gcás ina mbeidh TCT-AE ina phointe iontrála chuig CEFTC d’oibreoirí eacnamaíocha agus do dhaoine eile.

2.   Idiroibreoidh an Tairseach Shonrach AE do Thrádálaithe le haghaidh CEFTC le CEFTC lárnach agus beifear in ann atreorú tríd an tairseach sin chuig tairseacha náisiúnta do thrádálaithe i gcás ina bhfuil córais náisiúnta FTC cruthaithe ag na Ballstáit.

3.   Úsáidfear an Tairseach Shonrach AE do Thrádálaithe le haghaidh CEFTC chun faisnéis a chur isteach, a phróiseáil, a mhalartú agus a stóráil, ar faisnéis í a bhaineann le hiarratais agus cinntí FTC nó le haon teagmhas iartheachtach a d’fhéadfadh difear a dhéanamh don iarratas bunaidh nó don chinneadh bunaidh.

1.   Úsáidfidh údaráis chustaim na mBallstát CEFTC lárnach chun faisnéis a bhaineann le hiarratais agus le cinntí a bhaineann le FTC nó le haon teagmhas iartheachtach a d’fhéadfadh difear a dhéanamh don iarratas bunaidh nó don chinneadh bunaidh a phróiseáil, a mhalartú agus a stóráil, chun a fhíorú an gcomhlíontar na coinníollacha chun glacadh le hiarratas agus chun cinneadh a dhéanamh.

2.   Úsáidfidh údaráis chustaim na mBallstát CEFTC lárnach chun faisnéis a cheadú, a phróiseáil, a mhalartú agus a stóráil, dá dtagraítear in Airteagal 16(4), Airteagal 17, Airteagal 21(2), pointe (b), agus Airteagal 21(5) de Rialachán Cur Chun Feidhme (AE) 2015/2447.

3.   Idiroibreoidh CEFTC lárnach leis na córais seo a leanas:

(a)	an Tairseach Shonrach AE do Thrádálaithe le haghaidh CEFTC;

(b)	córais náisiúnta FTC, i gcás ina mbeidh ceann cruthaithe ag na Ballstáit.

1.   I gcás inar chruthaigh Ballstát córas náisiúnta FTC i gcomhréir le hAirteagal 21(3) den Rialachán seo, beidh an tairseach náisiúnta do thrádálaithe ina príomhphointe iontrála ar an gcóras náisiúnta FTC d’oibreoirí eacnamaíocha agus do dhaoine eile.

2.   Úsáidfidh oibreoirí eacnamaíocha agus daoine eile an tairseach náisiúnta do thrádálaithe, i gcás ina mbeidh ceann cruthaithe ag Ballstát, maidir le hiarratais agus cinntí a bhaineann le FTC nó maidir le haon teagmhas iartheachtach a d’fhéadfadh difear a dhéanamh don iarratas bunaidh nó don chinneadh bunaidh.

3.   Idiroibreoidh an tairseach náisiúnta do thrádálaithe leis an gcóras náisiúnta FTC, i gcás ina mbeidh ceann cruthaithe ag Ballstát.

4.   Leis an tairseach náisiúnta do thrádálaithe, éascófar próisis atá coibhéiseach leo sin arna n-éascú leis an Tairseach Shonrach AE do Thrádálaithe le haghaidh CEFTC.

5.   I gcás ina gcruthóidh Ballstát tairseach náisiúnta do thrádálaithe, cuirfidh sé an Coimisiún ar an eolas faoi sin. Áiritheoidh an Coimisiún gur féidir rochtain dhíreach a fháil ar an tairseach náisiúnta do thrádálaithe ón Tairseach Shonrach AE do Thrádálaithe le haghaidh CEFTC.

1.   I gcás ina mbeidh córas náisiúnta FTC cruthaithe ag Ballstát, bainfidh údarás custaim an Bhallstáit a chruthaigh an córas sin úsáid as chun faisnéis a bhaineann le hiarratais agus le cinntí a bhaineann le FTC nó le haon teagmhas iartheachtach a d’fhéadfadh difear a dhéanamh don iarratas bunaidh nó don chinneadh bunaidh a phróiseáil, a mhalartú agus a stóráil chun a fhíorú an gcomhlíontar na coinníollacha chun glacadh le hiarratas nó chun cinneadh a dhéanamh.

2.   Úsáidfidh údaráis chustaim Ballstáit a chóras náisiúnta FTC chun faisnéis a cheadú, a phróiseáil, a mhalartú agus a stóráil, dá dtagraítear in Airteagal 16(4), Airteagal 17, Airteagal 21(2), pointe (b), agus Airteagal 21(5) de Rialachán Cur Chun Feidhme (AE) 2015/2447, seachas i gcás ina n-úsáideann an t-údarás custaim sin CEFTC lárnach chun na gcríoch sin.

3.   Idiroibreoidh an córas náisiúnta FTC leis na córais seo a leanas:

(a)	an tairseach náisiúnta do thrádálaithe, i gcás ina mbeidh ceann cruthaithe ag Ballstát;

(b)	CEFTC lárnach.

1.   Úsáidfear córas EORI chun na gcríoch seo a leanas:

(a)	na sonraí a fháil ó chlárúchán oibreoirí eacnamaíocha agus daoine eile dá dtagraítear in Iarscríbhinn 12-01 a ghabhann le Rialachán Tarmligthe (AE) 2015/2446 (‘sonraí EORI’) arna soláthar ag na Ballstáit;

(b)	sonraí EORI a bhaineann le clárú agus sainaithint oibreoirí eacnamaíocha agus daoine eile a stóráil go lárnach;

(c)	sonraí EORI a chur ar fáil do na Ballstáit;

(d)	cur i bhfeidhm aonfhoirmeach rialuithe custaim agus na reachtaíochta custaim a áirithiú;

(e)	rioscaí a íoslaghdú.

2.   Le córas EORI, cuirfear ar a gcumas d’údaráis chustaim na mBallstát rochtain ar líne a bheith acu ar shonraí EORI atá stóráilte ar leibhéal an chórais lárnaigh.

3.   Idiroibreoidh córas EORI leis na córais leictreonacha eile go léir ina n-úsáidtear an uimhir EORI.

1.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna chóras EORI trí úsáid a bhaint as na seirbhísí líonra a sholáthraíonn an Coimisiún.

2.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna chóras CSAE, trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Maidir le córas lárnach EORI, úsáidfidh údaráis chustaim na mBallstát é chun críocha Airteagal 7 de Rialachán Cur Chun Feidhme (AE) 2015/2447, agus úsáidfidh an Coimisiún é chun sonraí EORI a chur ar fáil chun críocha Airteagail 46, 47(2) agus 50(1) den Chód chun cur i bhfeidhm aonfhoirmeach rialuithe custaim agus na reachtaíochta custaim a áirithiú agus rioscaí a íoslaghdú, lena n-áirítear é sin a dhéanamh trí theicnící mianadóireachta sonraí agus trí fhaisnéis faoi riosca a mhalartú.

2.   Féadfaidh an Coimisiún agus údaráis inniúla chomhpháirtíochta na mBallstát córas lárnach EORI a úsáid chun críocha Airteagal 16 de Rialachán Cur Chun Feidhme (AE) 2022/2399.

3.   Idiroibreoidh córas lárnach EORI leis na córais náisiúnta EORI, i gcás ina mbeidh ceann cruthaithe ag na Ballstáit.

1.   Úsáidfidh údarás custaim an Bhallstáit córas náisiúnta EORI, i gcás ina mbeidh ceann cruthaithe ag Ballstát, chun sonraí EORI a mhalartú agus a stóráil.

2.   Idiroibreoidh córas náisiúnta EORI, i gcás ina mbeidh ceann cruthaithe ag Ballstát, le córas lárnach EORI.

1.   Le Córas na nOibreoirí Eacnamaíocha Údaraithe (‘córas OEÚ’), cumasófar cumarsáid idir an Coimisiún, údaráis chustaim na mBallstát, oibreoirí eacnamaíocha agus daoine eile chun an méid seo a leanas a dhéanamh:

(a)	iarratais OEÚ a thíolacadh agus a phróiseáil;

(b)	údaruithe OEÚ a dheonú;

(c)	aon teagmhas iartheachtach a d’fhéadfadh difear a dhéanamh don chinneadh bunaidh dá dtagraítear in Airteagal 30(1) de Rialachán Cur Chun Feidhme (AE) 2015/2447 a bhainistiú.

2.   Beidh na comhpháirteanna coiteanna seo a leanas i gcóras OEÚ:

(a)	Tairseach Shonrach AE do Thrádálaithe le haghaidh chóras OEÚ;

(b)	córas lárnach OEÚ.

3.   Féadfaidh na Ballstáit na comhpháirteanna náisiúnta seo a leanas a chruthú:

(a)	Tairseach náisiúnta trádálaithe;

(b)	córas náisiúnta d’Oibreoirí Eacnamaíocha Údaraithe (‘córas náisiúnta OEÚ’).

1.   Úsáidfear córas OEÚ chun faisnéis a chur isteach, a mhalartú, a phróiseáil agus a stóráil, ar faisnéis í a bhaineann le hiarratais agus cinntí OEÚ nó le haon teagmhas iartheachtach a d’fhéadfadh difear a dhéanamh don iarratas bunaidh nó don chinneadh bunaidh dá dtagraítear in Airteagal 30(1) agus Airteagal 31(1) agus (4) de Rialachán Cur Chun Feidhme (AE) 2015/2447.

2.   Úsáidfidh údaráis chustaim na mBallstát córas OEÚ chun a gcuid oibleagáidí faoi Airteagal 31(1) agus (4) de Rialachán Cur Chun Feidhme (AE) 2015/2447 a chomhlíonadh agus chun taifead a choinneáil ar na comhairliúcháin lena mbaineann.

1.   Déanfar fíordheimhniú agus fíorú rochtana oibreoirí eacnamaíocha agus daoine eile chun rochtain a fháil ar chomhpháirteanna coiteanna chóras OEÚ trí úsáid a bhaint as CABÚSD.

Chun go bhfíordheimhneofar ionadaithe custaim agus go mbeidh siad in ann rochtain a fháil ar chomhpháirteanna coiteanna chóras OEÚ, déanfar a gcumhachtú chun gníomhú sa cháil sin a chlárú in CABÚSD nó i gcóras bainistithe céannachta agus rochtana arna bhunú ag Ballstát de bhun Airteagal 20 den Rialachán seo.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna chóras OEÚ trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna chóras CSAE trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Déanfaidh an Tairseach Shonrach AE do Thrádálaithe le haghaidh chóras OEÚ cumarsáid le TCT-AE, i gcás ina mbeidh TCT-AE ina phointe iontrála chuig córas OEÚ d’oibreoirí eacnamaíocha agus do dhaoine eile.

2.   Idiroibreoidh an Tairseach Shonrach AE do Thrádálaithe le haghaidh chóras OEÚ le córas lárnach OEÚ agus beifear in ann atreorú tríd an tairseach chuig an tairseach náisiúnta do thrádálaithe i gcás ina mbeidh ceann cruthaithe ag an mBallstát.

3.   Úsáidfear an Tairseach Shonrach AE do Thrádálaithe le haghaidh chóras OEÚ chun faisnéis a chur isteach agus a mhalartú, is é sin faisnéis a bhaineann le hiarratais agus cinntí OEÚ nó le haon teagmhas iartheachtach a d’fhéadfadh difear a dhéanamh don chinneadh bunaidh.

1.   Úsáidfidh údaráis chustaim na mBallstát córas lárnach OEÚ chun faisnéis a mhalartú agus a stóráil, ar faisnéis í a bhaineann le hiarratais agus cinntí OEÚ nó le haon teagmhas iartheachtach a d’fhéadfadh difear a dhéanamh don chinneadh bunaidh.

2.   Úsáidfidh údaráis chustaim na mBallstát córas lárnach OEÚ chun faisnéis a mhalartú agus a stóráil, agus chun cinntí a cheadú agus a bhainistiú dá dtagraítear in Airteagal 30 agus in Airteagal 31 de Rialachán Cur Chun Feidhme (AE) 2015/2447.

3.   Idiroibreoidh córas lárnach OEÚ leis na córais seo a leanas:

(a)	tairseach an Aontais Eorpaigh do thrádálaithe;

(b)	córais náisiúnta OEÚ, i gcás ina mbeidh ceann cruthaithe ag na Ballstáit.

1.   Leis an tairseach náisiúnta do thrádálaithe, i gcás ina mbeidh ceann cruthaithe ag Ballstát, beifear in ann faisnéis a bhaineann le hiarratais agus cinntí OEÚ a mhalartú.

2.   Úsáidfidh oibreoirí eacnamaíocha agus daoine eile an tairseach náisiúnta do thrádálaithe, i gcás ina mbeidh ceann cruthaithe, chun faisnéis a mhalartú le húdaráis chustaim na mBallstát maidir le hiarratais agus cinntí OEÚ.

3.   Idiroibreoidh an tairseach náisiúnta do thrádálaithe le córas náisiúnta OEÚ, i gcás ina mbeidh ceann cruthaithe ag Ballstát.

1.   Úsáidfidh údaráis chustaim na mBallstát córas náisiúnta OEÚ, i gcás ina mbeidh ceann cruthaithe ag Ballstát, chun faisnéis a mhalartú agus a stóráil, ar faisnéis í a bhaineann le hiarratais agus cinntí OEÚ nó le haon teagmhas iartheachtach a d’fhéadfadh difear a dhéanamh don chinneadh bunaidh.

2.   Idiroibreoidh córas náisiúnta OEÚ leis na córais seo a leanas:

(a)	an tairseach náisiúnta do thrádálaithe, i gcás ina mbeidh ceann cruthaithe ag Ballstát;

(b)	córas lárnach OEÚ.

1.   Beidh Córas Rialaithe Allmhairí 2 (‘CRA2’) ina thacú le cumarsáid idir údaráis chustaim na mBallstát agus an Coimisiún, agus le cumarsáid idir oibreoirí eacnamaíocha, daoine eile agus údaráis chustaim na mBallstát, chun na gcríoch seo a leanas:

(a)	ceanglais maidir le dearbhú iontrála achomair a chomhlíonadh;

(b)	anailís riosca ag údaráis chustaim na mBallstát go príomha chun críoch slándála agus sábháilteachta agus le haghaidh bearta custaim a dhírítear ar rioscaí ábhartha a mhaolú, rialuithe custaim san áireamh;

(c)	cumarsáid idir údaráis chustaim na mBallstát chun ceanglais maidir le dearbhú iontrála achomair a chomhlíonadh;

(d)

cur i bhfeidhm aonfhoirmeach na reachtaíochta custaim a áirithiú agus rioscaí a íoslaghdú, agus úsáid á baint, i measc nithe eile, as sonraí a phróiseáil, iad a chur i gcomparáid agus anailís a dhéanamh orthu ag na Ballstáit agus ag an gCoimisiún, agus sonraí a shaibhriú agus a chur in iúl do na Ballstáit.

2.   Beidh na comhpháirteanna coiteanna seo a leanas ag CRA2:

(a)	comhéadan comhroinnte trádálaithe;

(b)	stóras coiteann.

3.   Cruthóidh gach Ballstát a chóras náisiúnta iontrála mar chomhpháirt náisiúnta.

4.   Féadfaidh Ballstát comhéadan náisiúnta do thrádálaithe a chruthú mar chomhpháirt náisiúnta.

1.   Úsáidfear CRA2 chun na gcríoch seo a leanas:

(a)	sonraí na ndearbhuithe iontrála achomair dá dtagraítear in Airteagal 127, agus na hiarrataí ar leasuithe agus ar neamhbhailíochtuithe dá dtagraítear in Airteagal 129 den Chód, a chur isteach, a phróiseáil agus a stóráil;

(b)	sonraí na ndearbhuithe iontrála achomair arna mbaint as dearbhuithe iontrála dá dtagraítear in Airteagal 130 den Chód a fháil, a phróiseáil agus a stóráil;

(c)	faisnéis a chur isteach, a phróiseáil agus a stóráil maidir le fógraí faoi theacht soithigh muirghabhála nó aerárthaigh dá dtagraítear in Airteagal 133 den Chód;

(d)	faisnéis maidir le tíolacadh earraí don lucht custaim a fháil, a phróiseáil agus a stóráil dá dtagraítear in Airteagal 139 den Chód;

(e)	faisnéis maidir le hiarrataí ar anailís riosca agus torthaí na hanailíse sin, moltaí rialaithe, cinntí maidir le rialuithe, agus torthaí rialaithe a fháil, a phróiseáil agus a stóráil dá dtagraítear in Airteagal 46(3) agus (5) agus in Airteagal 47(2) den Chód;

(f)

na fógraí agus an fhaisnéis a fháil, a phróiseáil, a stóráil agus a chur in iúl d’oibreoirí eacnamaíocha nó do dhaoine eile dá dtagraítear in Airteagal 186(2), pointe (e), agus Airteagal 186(3) go (6) de Rialachán Cur Chun Feidhme (AE) 2015/2447 agus Airteagal 24(2) de Rialachán Tarmligthe (AE) 2015/2446;

(g)	faisnéis bhreise arna hiarraidh ag údaráis chustaim na mBallstát de bhun Airteagal 186(3) agus (4) de Rialachán Cur Chun Feidhme (AE) 2015/2447 a chur isteach, a phróiseáil agus a stóráil.

2.   Úsáidfear CRA2 chun tacú leis an bhfaireachán agus leis an meastóireacht a dhéanfaidh an Coimisiún agus na Ballstáit ar chur chun feidhme na gcritéar agus na gcaighdeán coiteann maidir le riosca sábháilteachta agus slándála agus na mbeart rialaithe agus na réimsí rialaithe tosaíochta dá dtagraítear in Airteagal 46(3) den Chód.

3.   I dteannta na sonraí dá dtagraítear i mír 1, chun tacaíocht a thabhairt do na próisis bainistithe riosca, féadfar úsáid a bhaint as feidhmiúlacht CRA2 maidir le hanailísíocht sábháilteachta agus slándála chun an fhaisnéis seo a leanas a bhailiú, a stóráil, a phróiseáil agus anailís a dhéanamh uirthi:

(a)	faisnéis eile seachas an fhaisnéis dá dtagraítear i mír 1 den Airteagal seo;

(b)	faisnéis faoi riosca agus torthaí anailíse riosca arna malartú faoi Airteagal 46(5) den Chód;

(c)	sonraí a mhalartaítear faoi Airteagal 47(2) den Chód, seachas an fhaisnéis dá dtagraítear i mír 1 den Airteagal seo;

(d)	sonraí arna mbailiú ag na Ballstáit nó ag an gCoimisiún ó fhoinsí náisiúnta, ó fhoinsí de chuid an Aontais nó ó fhoinsí idirnáisiúnta faoin dara fomhír d’Airteagal 46(4) den Chód;

(e)

aon sonraí nó faisnéis a chuirtear ar fáil i gcórais leictreonacha an Choimisiúin chun faisnéis chustaim dá dtagraítear in Airteagal 16 den Chód, agus aon fhaisnéis eile a bhaineann le teacht isteach, imeacht, idirthuras, gluaiseacht, stóráil agus úsáid deiridh earraí a ghluaistear idir críoch chustaim an Aontais agus tíortha nó críocha lasmuigh de chríoch chustaim an Aontais, a mhalartú agus a stóráil chun críoch chur chun feidhme aonfhoirmeach na rialuithe custaim agus na reachtaíochta custaim.

1.   Déanfar fíordheimhniú agus fíorú rochtana oibreoirí eacnamaíocha agus daoine eile chun rochtain a fháil ar chomhpháirteanna coiteanna CRA2 trí úsáid a bhaint as CABÚSD.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna CRA2 trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna CRA2 trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Beidh an comhéadan comhroinnte do thrádálaithe ina phointe iontrála ar CRA2 d’oibreoirí eacnamaíocha agus do dhaoine eile chun críche Airteagal 182(1a) de Rialachán Cur Chun Feidhme (AE) 2015/2447.

2.   Idiroibreoidh an comhéadan comhroinnte do thrádálaithe le stóras coiteann CRA2 dá dtagraítear in Airteagal 46 den Rialachán seo.

3.   Úsáidfear an comhéadan comhroinnte do thrádálaithe chun an méid seo a leanas a dhéanamh:

(a)	sonraí na ndearbhuithe iontrála achomair agus na bhfógraí teachta a thíolacadh, a phróiseáil agus a stóráil;

(b)	iarrataí ar leasuithe agus neamhbhailíochtuithe dearbhuithe iontrála achomair a thíolacadh, a phróiseáil agus a stóráil;

(c)	faisnéis a mhalartú idir údaráis chustaim na mBallstát agus oibreoirí eacnamaíocha agus daoine eile.

1.   Úsáidfidh an Coimisiún agus údaráis chustaim na mBallstát stóras coiteann CRA2 chun na nithe seo a leanas a phróiseáil, a stóráil agus a mhalartú:

(a)	sonraí dearbhuithe iontrála achomair;

(b)	iarrataí ar leasuithe agus neamhbhailíochtuithe dearbhuithe iontrála achomair;

(c)	fógraí teachta;

(d)	faisnéis maidir le tíolacadh earraí;

(e)	faisnéis maidir le hiarrataí ar anailís riosca agus torthaí na hanailíse sin;

(f)	moltaí maidir le rialú;

(g)	cinntí maidir le rialú;

(h)	torthaí rialaithe agus faisnéis arna malartú le hoibreoirí eacnamaíocha agus le daoine eile.

2.   Úsáidfidh an Coimisiún agus na Ballstáit stóras coiteann CRA2 chun críoch staidrimh agus meastóireachta, agus chun faisnéis faoi dhearbhú iontrála achomair a mhalartú idir na Ballstáit, agus idir an Coimisiún agus na Ballstáit.

3.   Úsáidfidh an Coimisiún agus na Ballstáit stóras coiteann CRA2 chun an méid seo a leanas a dhéanamh:

(a)	eilimintí breise faisnéise i gcomhar le dearbhuithe iontrála achomair a bhailiú, a stóráil, a phróiseáil agus anailís a dhéanamh orthu;

(b)	tacaíocht a sholáthar do na próisis bainistithe riosca dá dtagraítear in Airteagal 43(3) den Rialachán seo trí fheidhmiúlacht CRA2 maidir le hanailísíocht sábháilteachta agus slándála.

4.   Idiroibreoidh stóras coiteann CRA2 leis na córais seo a leanas:

(a)	an comhéadan comhroinnte do thrádálaithe;

(b)	comhéadain náisiúnta do thrádálaithe, i gcás ina mbeidh ceann cruthaithe ag na Ballstáit;

(c)	na córais náisiúnta iontrála.

1.   Is é a bheidh sa chomhéadan náisiúnta do thrádálaithe, i gcás ina mbeidh ceann cruthaithe ag Ballstát, pointe iontrála ar CRA2 d’oibreoirí eacnamaíocha agus do dhaoine eile i gcomhréir le hAirteagal 182(1a) de Rialachán Cur Chun Feidhme (AE) 2015/2447 i gcás ina gcuirtear an aighneacht faoi bhráid an Bhallstáit a oibríonn an comhéadan náisiúnta do thrádálaithe.

2.   Féadfaidh oibreoirí eacnamaíocha agus daoine eile rogha a dhéanamh an comhéadan náisiúnta do thrádálaithe a úsáid, i gcás ina mbeidh ceann cruthaithe, nó an comhéadan comhroinnte do thrádálaithe a úsáid, chun an méid seo a leanas a dhéanamh:

(a)	sonraí na ndearbhuithe iontrála achomair agus fógraí teachta a thíolacadh, a phróiseáil agus a stóráil;

(b)	iarraidh a dhéanamh ar leasuithe agus neamhbhailíochtuithe sonraí dearbhuithe iontrála achomair;

(c)	faisnéis a mhalartú idir na húdaráis chustaim agus oibreoirí eacnamaíocha agus daoine eile.

3.   Idiroibreoidh an comhéadan náisiúnta do thrádálaithe, i gcás ina mbeidh ceann cruthaithe, le stóras coiteann CRA2.

4.   I gcás ina gcruthaíonn Ballstát comhéadan náisiúnta do thrádálaithe, cuirfidh sé an Coimisiún ar an eolas faoi.

1.   Úsáidfidh údarás custaim an Bhallstáit lena mbaineann córas náisiúnta iontrála chun na gcríoch seo a leanas:

a)	sonraí dearbhaithe iontrála achomair arna mbaint as na dearbhuithe dá dtagraítear in Airteagal 130 den Chód a mhalartú;

b)	faisnéis agus fógraí a mhalartú le stóras coiteann CRA2 le haghaidh faisnéis faoi theacht isteach soithigh muirghabhála nó aerárthaigh dá dtagraítear in Airteagal 133 den Chód;

c)	faisnéis maidir le tíolacadh earraí a mhalartú;

d)	iarrataí ar anailís riosca a phróiseáil;

e)	faisnéis maidir le torthaí anailíse riosca, moltaí rialaithe, cinntí rialaithe agus torthaí rialaithe a mhalartú agus a phróiseáil.

Úsáidfidh údaráis chustaim na mBallstát lena mbaineann córas náisiúnta iontrála i gcás ina bhfaighidh údarás custaim Ballstáit faisnéis bhreise ó na hoibreoirí eacnamaíocha agus ó dhaoine eile.

2.   Idiroibreoidh an córas náisiúnta iontrála le stóras coiteann CRA2.

3.   Idiroibreoidh an córas náisiúnta iontrála le córais arna bhforbairt ar an leibhéal náisiúnta chun an fhaisnéis dá dtagraítear i mír 1 a aisghabháil.

1.   Le COU cumasófar cumarsáid idir údaráis chustaim na mBallstát, agus idir údaráis chustaim na mBallstát agus oibreoirí eacnamaíocha agus daoine eile chun dearbhuithe onnmhairiúcháin agus athonnmhairiúcháin a thíolacadh agus a phróiseáil i gcás ina dtabharfar earraí amach as críoch chustaim an Aontais. Le COU cumasófar cumarsáid idir údaráis chustaim na mBallstát freisin chun sonraí na ndearbhuithe imeachta achomair a tharchur sna cásanna dá dtagraítear in Airteagal 271(1), an dara fomhír, den Chód.

2.   Beidh na comhpháirteanna coiteanna seo a leanas ag COU:

(a)	líonra cumarsáide coiteann;

(b)	seirbhísí lárnacha.

3.   Féadfaidh na Ballstáit na comhpháirteanna náisiúnta seo a leanas a chruthú:

(a)	Tairseach náisiúnta trádálaithe;

(b)	córas náisiúnta onnmhairiúcháin (‘COU náisiúnta’);

(c)	comhéadan coiteann idir COU agus CRIN ar an leibhéal náisiúnta;

(d)	comhéadan coiteann idir COU agus an Córas um Rialú agus um Ghluaiseacht Máil ar an leibhéal náisiúnta.

1.   Ní bheidh rochtain ag oibreoirí eacnamaíocha ná ag daoine eile ach ar COU náisiúnta tríd an tairseach náisiúnta do thrádálaithe. Cinnfidh na Ballstáit an fíordheimhniú agus an fíorú rochtana.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna COU trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna COU trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Áiritheofar leis an líonra cumarsáide coiteann cumarsáid leictreonach idir COUnna náisiúnta na mBallstát.

2.   Úsáidfidh údaráis chustaim na mBallstát an líonra cumarsáide coiteann chun críocha an mhalartaithe faisnéise dá dtagraítear in Airteagal 51(1), pointí (c) agus (d), den Rialachán seo.

1.   Leis an tairseach náisiúnta do thrádálaithe beifear in ann faisnéis a mhalartú idir oibreoirí eacnamaíocha nó daoine eile, agus COUnna náisiúnta údaráis custaim na mBallstát.

2.   Idiroibreoidh an tairseach náisiúnta do thrádálaithe leis an COU náisiúnta.

1.   Idiroibreoidh an COU náisiúnta leis an tairseach náisiúnta do thrádálaithe agus úsáidfidh údarás custaim an Bhallstáit é chun dearbhuithe onnmhairiúcháin agus athonnmhairiúcháin a phróiseáil.

2.   Déanfaidh COUnna náisiúnta na mBallstát cumarsáid leictreonach le chéile tríd an líonra cumarsáide coiteann agus próiseálfar leo faisnéis a fhaightear ó Bhallstáit eile maidir le honnmhairiú agus imeacht.

3.   Déanfaidh na Ballstáit comhéadan a sholáthar agus a chothabháil ar an leibhéal náisiúnta idir a COU náisiúnta agus a gCórais náisiúnta um Rialú agus um Ghluaiseacht Máil chun críocha Airteagal 280 den Chód agus Airteagal 21 agus Airteagal 25 de Threoir (AE) 2020/262 ón gComhairle (14).

4.   Déanfaidh na Ballstáit comhéadan a sholáthar agus a chothabháil ar an leibhéal náisiúnta idir a COU náisiúnta agus CRIN chun críocha Airteagal 280 den Chód, Airteagal 329(5) agus (6), agus Airteagal 333(2), pointí (b) agus (c), de Rialachán Cur Chun Feidhme (AE) 2015/2447.

1.   Go dtí an 14 Nollaig 2025, cuirfidh an Coimisiún comhpháirteanna coiteanna, rialacha idirthréimhseacha agus sásraí tacaíochta breise ar fáil do na Ballstáit chun timpeallacht oibríochtúil a bhunú ina bhféadfaidh na Ballstáit nach ndearna COU a chur chun úsáide go fóill leanúint, ar bhonn sealadach, de bheith ag idiroibriú leis na córais sna Ballstáit a rinne an córas sin a chur chun úsáide cheana féin.

2.   Tairgfidh an Coimisiún comhpháirt choiteann i bhfoirm tiontaire lárnaigh chun teachtaireachtaí a mhalartú ar an líonra cumarsáide coiteann. Féadfaidh Ballstát a chinneadh an tiontaire a chur chun feidhme ar an leibhéal náisiúnta. Déanfaidh an Coimisiún an tiontaire lárnach a oibriú agus a chothabháil go dtí an 14 Nollaig 2025.

3.   I gcás nascacht de réir a chéile idir oibreoirí eacnamaíocha agus daoine eile, féadfaidh Ballstát tiontaire náisiúnta a thairiscint chun teachtaireachtaí a mhalartú idir an t-oibreoir eacnamaíoch agus daoine eile agus údarás custaim an Bhallstáit sin.

4.   Tarraingeoidh an Coimisiún suas, i gcomhar leis na Ballstáit, na rialacha atá le cur i bhfeidhm go dtí an 14 Nollaig 2025 agus ar de chineál gnó agus teicniúil iad, chun mapáil agus idir-inoibritheacht a chumasú i ndáil leis na ceanglais maidir le malartú faisnéise a leagtar amach i Rialacháin Tharmligthe (AE) 2016/341 (15), agus (AE) 2015/2446 ón gCoimisiún, agus i Rialachán Cur Chun Feidhme (AE) 2015/2447.

1.   Leis an gCóras Ríomhairithe Idirthurais Nua (‘CRIN’) beifear in ann cumarsáid a dhéanamh idir údaráis chustaim na mBallstát, agus idir údaráis chustaim na mBallstát agus oibreoirí eacnamaíocha agus daoine eile, chun dearbhú custaim a thíolacadh agus a phróiseáil agus fógra a thabhairt i gcás ina gcuirtear earraí faoin nós imeachta idirthurais.

2.   Beidh na comhpháirteanna coiteanna seo a leanas ag CRIN:

(a)	líonra cumarsáide coiteann;

(b)	seirbhísí lárnacha.

3.   Féadfaidh na Ballstáit na comhpháirteanna náisiúnta seo a leanas a chruthú:

(a)	Tairseach náisiúnta trádálaithe;

(b)	córas ríomhairithe idirthurais náisiúnta (‘CRIN náisiúnta’);

(c)	comhéadan coiteann idir CRIN agus COU ar an leibhéal náisiúnta.

1.   Ní bhíonn rochtain ag oibreoirí eacnamaíocha ach ar an gcóras náisiúnta idirthurais trí thairseach náisiúnta trádálaithe. Cinnfidh na Ballstáit an fíordheimhniú agus an fíorú rochtana.

2.   Déanfar fíordheimhniú agus fíorú údaráis chustaim na mBallstát chun rochtain a fháil ar chomhpháirteanna coiteanna CRIN trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna CRIN trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Leis an líonra cumarsáide coiteann áiritheofar cumarsáid leictreonach i measc CRINanna náisiúnta na mBallstát agus na bPáirtithe Conarthacha sa Choinbhinsiún maidir le nós imeachta comhchoiteann um earraí faoi bhealach.

2.   Úsáidfidh údaráis chustaim na mBallstát an líonra cumarsáide coiteann chun faisnéis a bhaineann le foirmiúlachtaí i leith idirthurais a mhalartú.

1.   Leis an tairseach náisiúnta do thrádálaithe beifear in ann faisnéis a mhalartú idir oibreoirí eacnamaíocha agus daoine eile, agus CRINanna náisiúnta údaráis chustaim na mBallstát.

2.   Idiroibreoidh an tairseach náisiúnta do thrádálaithe le CRINanna náisiúnta.

1.   Idiroibreoidh CRIN náisiúnta leis an tairseach náisiúnta do thrádálaithe agus úsáidfidh údaráis custaim an Bhallstáit nó na bPáirtithe Conarthacha sa Choinbhinsiún maidir le nós imeachta comhchoiteann um earraí faoi bhealach é chun an dearbhú maidir le hidirthuras a chur isteach agus a phróiseáil.

2.   Déanfaidh CRIN náisiúnta cumarsáid go leictreonach tríd an líonra cumarsáide coiteann le feidhmchláir náisiúnta idirthurais uile na mBallstát agus na bPáirtithe Conarthacha sa Choinbhinsiún maidir le nós imeachta comhchoiteann um earraí faoi bhealach agus próiseálfar leis faisnéis idirthurais a fhaightear ó Bhallstáit eile agus ó Pháirtithe Conarthacha eile sa Choinbhinsiún maidir le nós imeachta comhchoiteann um earraí faoi bhealach.

3.   Déanfaidh na Ballstáit comhéadan a sholáthar agus a chothabháil idir a CRIN náisiúnta agus a COU náisiúnta chun críocha Airteagal 329 (5) agus (6) de Rialachán Cur Chun Feidhme (AE) 2015/2447.

1.   I gcás Bhallstáit an Aontais Eorpaigh agus na bPáirtithe Conarthacha sa Choinbhinsiún maidir le nós imeachta comhchoiteann um earraí faoi bhealach a chinneann sonraí dearbhaithe iontrála achomair a áireamh sa dearbhú maidir le hidirthuras, agus i gcás ina soláthraíonn an t-oibreoir eacnamaíoch nó duine eile iad, agus sa chás sin amháin, cuirfidh CRIN na sonraí sin in iúl don chóras CRA2 agus tacóidh sé leis an malartú faisnéise idir CRA2 agus oibreoirí eacnamaíocha agus daoine eile.

2.   Soláthróidh an Coimisiún comhpháirt choiteann chun teachtaireachtaí a mhalartú idir CRIN agus CRA2.

1.   Le linn idirthréimhse CRIN a leagtar amach san Iarscríbhinn a ghabhann le Cinneadh Cur Chun Feidhme (AE) 2023/2879, cuirfidh an Coimisiún comhpháirteanna coiteanna, rialacha idirthréimhseacha agus sásraí tacaíochta breise ar fáil do na Ballstáit chun timpeallacht oibríochtúil a bhunú ina bhféadfaidh na Ballstáit nach ndearna an córas nua CRIN a chur chun úsáide go fóill leanúint, ar bhonn sealadach, de bheith ag idiroibriú leis na Ballstáit a rinne an córas nua sin a chur chun úsáide cheana féin.

2.   Tairgfidh an Coimisiún comhpháirt choiteann i bhfoirm tiontaire lárnaigh chun teachtaireachtaí a mhalartú ar an líonra cumarsáide coiteann. Féadfaidh Ballstát a chinneadh an tiontaire a chur chun feidhme ar an leibhéal náisiúnta.

3.   I gcás nascacht de réir a chéile idir oibreoirí eacnamaíocha agus daoine eile, féadfaidh Ballstát tiontaire náisiúnta a thairiscint chun teachtaireachtaí a mhalartú idir an t-oibreoir eacnamaíoch agus daoine eile, agus údarás custaim an Bhallstáit sin.

4.   Tarraingeoidh an Coimisiún suas, i gcomhar leis na Ballstáit, na rialacha teicniúla atá le cur i bhfeidhm le linn idirthréimhse CRIN a leagtar amach san Iarscríbhinn a ghabhann le Cinneadh Cur Chun Feidhme (AE) 2023/2879 agus ar de chineál gnó agus teicniúil iad, chun mapáil agus idir-inoibritheacht a chumasú i ndáil leis na ceanglais maidir le malartú faisnéise a leagtar amach i Rialachán Tarmligthe (AE) 2016/341, i Rialachán Tarmligthe (AE) 2015/2446, agus i Rialachán Cur Chun Feidhme (AE) 2015/2447.

1.   Leis an gcóras um Bileoga Faisnéise le haghaidh Nósanna Imeachta Speisialta (‘córas BF-NIS’), cumasófar cumarsáid idir údaráis chustaim na mBallstát agus na hoibreoirí eacnamaíocha agus daoine eile chun sonraí BF i réimse na Nósanna Imeachta Speisialta a eisiúint agus a bhainistiú.

2.   Beidh na comhpháirteanna coiteanna seo a leanas ag córas BF-NIS:

(a)	Tairseach Shonrach AE do Thrádálaithe le haghaidh chóras BF;

(b)	córas BF-NIS lárnach.

1.   Úsáidfidh oibreoirí eacnamaíocha agus daoine eile córas BF-NIS chun iarrataí BF a thíolacadh agus obair leantach a dhéanamh ar stádas na n-iarrataí sin. Úsáidfidh údaráis chustaim na mBallstát córas BF-NIS chun na hiarrataí sin a phróiseáil agus BFanna a bhainistiú.

2.   Le córas BF-NIS beidh údaráis chustaim na mBallstát in ann BFanna a chruthú agus cumasófar cumarsáid idir údaráis chustaim na mBallstát nuair is gá.

3.   Le córas BF-NIS beifear in ann ríomh mhéid na ndleachtanna allmhairiúcháin i gcomhréir le hAirteagal 86(3) den Chód.

1.   Déanfar fíordheimhniú agus fíorú rochtana oibreoirí eacnamaíocha agus daoine eile chun rochtain a fháil ar chomhpháirteanna coiteanna chóras BF-NIS trí úsáid a bhaint as CABÚSD.

Chun go bhfíordheimhneofar ionadaithe custaim agus go mbeidh siad in ann rochtain a fháil ar chomhpháirteanna coiteanna chóras BF-NIS, ní mór a gcumhachtú chun gníomhú sa cháil sin a chlárú in CABÚSD nó i gcóras bainistithe céannachta agus rochtana arna bhunú ag Ballstát de bhun Airteagal 20 den Rialachán seo.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna chóras BF-NIS trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna chóras BF-NIS, trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Le TCT-AE tabharfar rochtain ar an Tairseach Shonrach AE do Thrádálaithe le haghaidh chóras BF dá dtagraítear in Airteagal 6 den Rialachán seo, i gcás ina mbeidh an Tairseach Shonrach AE do Thrádálaithe ina pointe iontrála ar chóras BF-NIS d’oibreoirí eacnamaíocha agus do dhaoine eile.

2.   Idiroibreoidh an Tairseach Shonrach AE do Thrádálaithe le haghaidh chóras BF le córas BF-NIS lárnach.

1.   Úsáidfidh údaráis chustaim na mBallstát córas BF-NIS lárnach chun faisnéis a bhaineann le BFanna arna dtíolacadh a mhalartú agus a stóráil.

2.   Idiroibreoidh córas BF-NIS lárnach leis an Tairseach Shonrach AE do Thrádálaithe le haghaidh chóras BF.

1.   Leis an gCóras Bainistithe Riosca Custaim (‘CBRC’), beifear in ann faisnéis faoi riosca a chur in iúl, a stóráil agus a mhalartú idir na Ballstáit, an Eilvéis agus an Iorua, agus idir na Ballstáit, an Eilvéis agus an Iorua agus an Coimisiún chun tacú le cur chun feidhme an chreata chomhchoitinn bainistíochta riosca.

2.   Féadfar seirbhís gréasáin do chórais náisiúnta a úsáid ionas go mbeifear in ann sonraí a mhalartú idir CBRC agus córais náisiúnta trí chomhéadan gréasáin. Idiroibreoidh CBRC le comhpháirteanna coiteanna CRA2.

1.   Úsáidfear CBRC chun na gcríoch seo a leanas:

(a)

an malartú faisnéise faoi riosca lena n-áirítear torthaí anailíse riosca idir na Ballstáit, an Eilvéis agus an Iorua, agus idir na Ballstáit, an Eilvéis, an Iorua agus an Coimisiún, dá dtagraítear in Airteagal 46(5) agus Airteagal 47(2) den Chód agus in Airteagal 36(1) de Rialachán Cur Chun Feidhme (AE) 2015/2447, agus stóráil agus próiseáil na faisnéise sin;

(b)

faisnéis a chur in iúl idir na Ballstáit, an Eilvéis agus an Iorua, agus idir na Ballstáit, an Eilvéis, an Iorua agus an Coimisiún maidir le cur chun feidhme na gcritéar coiteann riosca, gníomhaíochtaí rialaithe tosaíochta agus bainistiú géarchéime dá dtagraítear in Airteagal 36(2) de Rialachán Cur Chun Feidhme (AE) 2015/2447, agus an fhaisnéis sin a thíolacadh, a phróiseáil agus a stóráil, lena n-áirítear faisnéis ghaolmhar faoi riosca a mhalartú, torthaí na hanailíse riosca arna déanamh roimh na gníomhaíochtaí a bhaineann le rialú tosaíochta agus bainistiú géarchéimeanna, agus an anailís ar thorthaí na ngníomhaíochtaí sin;

(c)

é a chur ar a gcumas do na Ballstáit, don Eilvéis, don Iorua agus don Choimisiún sonraí a aisghabháil go leictreonach ó thuarascálacha anailíse riosca na gcóras maidir le rioscaí atá ann cheana, maidir le torthaí anailíse riosca, agus maidir le treochtaí nua, chun iad a chur san áireamh sa chreat comhchoiteann bainistithe riosca agus sa chóras náisiúnta bainistithe riosca.

2.   I gcás inar féidir aistriú sonraí idir CBRC agus córais náisiúnta a uathoibriú, cuirfidh na Ballstáit córais náisiúnta in oiriúint chun úsáid a bhaint as seirbhís líonra CBRC.

1.   Le CBRC, déanfar foráil maidir le foirmeacha faisnéise riosca agus foirmeacha aiseolais maidir le hanailís riosca agus torthaí rialuithe a líonadh isteach ar líne sa chóras, iad a phróiseáil lena dtuairisciú agus iad a stóráil sa chóras. Beidh úsáideoirí údaraithe in ann na foirmeacha a aisghabháil agus iad a úsáid chun críocha bainistithe agus rialaithe rioscaí náisiúnta.

2.   Le CBRC, déanfar foráil maidir le sásraí cumarsáide lena gcuirfear ar a gcumas d’úsáideoirí (ina n-aonar nó mar chuid d’aonad eagraíochtúil) faisnéis faoi riosca a sholáthar agus a mhalartú, freagairt d’iarrataí sonracha ó úsáideoirí eile agus fíorais agus anailís ar thorthaí a ngníomhaíochtaí a chur ar fáil don Choimisiún le linn critéir choiteanna riosca, gníomhaíochtaí rialaithe tosaíochta agus bainistíocht géarchéime a chur chun feidhme.

3.   Le CBRC, déanfar foráil maidir le huirlisí trína gcumasófar anailís agus comhiomlánú a dhéanamh ar shonraí ó fhoirmeacha faisnéise faoi riosca atá stóráilte sna córais.

4.   Le CBRC, déanfar foráil maidir le hardán ina ndéanfar faisnéis, lena n-áireofar treoracha, faisnéis agus sonraí teicneolaíochta braite, agus naisc chuig bunachair shonraí eile, atá ábhartha i ndáil le bainistiú riosca agus le rialuithe riosca, a stóráil agus a chur ar fáil d’úsáideoirí údaraithe chun críoch bainistithe riosca agus rialaithe riosca.

1.   Leis an gCóras um Imréiteach Láraithe Allmhairiúcháin (‘córas ILA’), cumasófar cumarsáid idir údaráis chustaim na mBallstát, agus idir údaráis chustaim na mBallstát agus oibreoirí eacnamaíocha chun dearbhuithe custaim a thíolacadh agus a phróiseáil i gcomhthéacs imréitigh láraithe allmhairiúcháin i gcás ina bhfuil níos mó ná Ballstát amháin i gceist.

2.   Beidh na comhpháirteanna coiteanna seo a leanas ag córas ILA:

(a)	líonra cumarsáide coiteann;

(b)	seirbhísí lárnacha.

3.   Áiritheoidh na Ballstáit go ndéanfaidh a gcórais náisiúnta ILA cumarsáid tríd an líonra cumarsáide coiteann le haghaidh chóras ILA le córais náisiúnta ILA na mBallstát eile agus go n-áireofar sna córais náisiúnta ILA na comhpháirteanna náisiúnta seo a leanas:

(a)	Tairseach náisiúnta trádálaithe;

(b)	feidhmchlár náisiúnta ILA;

(c)	comhéadan le EMCS/Córas chun Sonraí Máil a Mhalartú ar an leibhéal náisiúnta.

1.   Ní bheidh rochtain ag oibreoirí eacnamaíocha ach ar na córais náisiúnta ILA trí thairseach náisiúnta do thrádálaithe arna forbairt ag na Ballstáit. Cinnfidh na Ballstáit an fíordheimhniú agus an fíorú rochtana.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna córas ILA trí úsáid a bhaint as na seirbhísí líonra a sholáthraíonn an Coimisiún.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna chóras ILA trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Áiritheofar leis an líonra cumarsáide coiteann cumarsáid leictreonach i measc fheidhmchláir náisiúnta ILA na mBallstát.

2.   Úsáidfidh údaráis chustaim na mBallstát an líonra cumarsáide coiteann chun faisnéis a mhalartú atá ábhartha maidir le foirmiúlachtaí allmhairiúcháin a bhaineann le ILA.

1.   Leis an tairseach náisiúnta do thrádálaithe beifear in ann faisnéis a mhalartú idir na hoibreoirí eacnamaíocha agus córais náisiúnta ILA údaráis chustaim na mBallstát.

2.   Idiroibreoidh an tairseach náisiúnta do thrádálaithe leis na feidhmchláir náisiúnta ILA.

1.   Is é údarás custaim an Bhallstáit a chruthaigh an córas náisiúnta ILA a bhainfidh úsáid as chun dearbhuithe custaim faoi chóras ILA a phróiseáil.

2.   Déanfaidh córais náisiúnta ILA na mBallstát cumarsáid leictreonach le chéile tríd an líonra cumarsáide coiteann agus próiseálfar leo faisnéis a fhaightear ó Bhallstáit eile maidir le hallmhairiú.

1.   Leis an gcóras um Chruthúnas ar Stádas AE (‘córas CSAE’), cumasófar cumarsáid idir údaráis chustaim na mBallstát agus na hoibreoirí eacnamaíocha agus daoine eile chun doiciméid T2L/T2LF agus lastliostaí earraí custaim a eisiúint agus a bhainistiú mar bhealach chun stádas custaim earraí AE a chruthú.

2.   Beidh na comhpháirteanna coiteanna seo a leanas ag córas CSAE:

(a)	Tairseach Shonrach AE do Thrádálaithe le haghaidh chóras CSAE;

(b)	córas lárnach CSAE.

3.   Féadfaidh na Ballstáit na comhpháirteanna náisiúnta seo a leanas a chruthú:

(a)	Tairseach náisiúnta trádálaithe;

(b)	córas náisiúnta um chruthúnas ar stádas AE (‘córas náisiúnta CSAE’).

1.   Úsáidfidh oibreoirí eacnamaíocha agus daoine eile córas CSAE chun an méid seo a leanas a dhéanamh:

(a)	iarrataí ar fhormhuiniú agus ar chlárú, nó ar chlárú gan fhormhuiniú, a thíolacadh;

(b)	cruthúnas ar stádas AE a thíolacadh i bhfoirm doiciméid T2L/T2LF agus lastliostaí earraí custaim;

(c)	úsáid an chruthúnais ar stádas AE earraí a bhainistiú tráth a dtíolactha.

2.   Le córas CSAE beifear in ann iarrataí oibreoirí eacnamaíocha agus daoine eile a fhormhuiniú agus a chlárú agus úsáid an chruthúnais ar stádas AE a bhainistiú.

3.   Le córas CSAE, cumasófar freisin cumarsáid idir údaráis chustaim na mBallstát chun doiciméid T2L/T2LF agus lastliostaí earraí custaim a thíolacadh mar mhodh chun stádas custaim earraí AE a chruthú.

1.   Déanfar fíordheimhniú agus fíorú rochtana oibreoirí eacnamaíocha agus daoine eile chun rochtain a fháil ar chomhpháirteanna coiteanna chóras CSAE trí úsáid a bhaint as CABÚSD.

Chun go bhfíordheimhneofar ionadaithe custaim agus go mbeidh siad in ann rochtain a fháil ar an Tairseach Shonrach AE do Thrádálaithe le haghaidh chóras CSAE do na Ballstáit, déanfar a gcumhachtú chun gníomhú sa cháil sin a chlárú in CABÚSD nó i gcóras bainistithe céannachta agus rochtana arna bhunú ag Ballstát de bhun Airteagal 20 den Rialachán seo.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna chóras CSAE trí úsáid a bhaint as na seirbhísí líonra a sholáthraíonn an Coimisiún.

Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chóras náisiúnta CSAE trí úsáid a bhaint as córas bainistithe céannachta agus rochtana arna bhunú ag an mBallstát ábhartha.

3.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna chóras CSAE trí úsáid a bhaint as CABÚSD nó as na seirbhísí líonra a sholáthraíonn an Coimisiún.

1.   Déanfaidh an Tairseach Shonrach AE do Thrádálaithe le haghaidh chóras CSAE cumarsáid le TCT-AE, i gcás ina mbeidh TCT-AE ina phointe iontrála chuig córas CSAE d’oibreoirí eacnamaíocha agus do dhaoine eile.

2.   Idiroibreoidh an Tairseach Shonrach AE do Thrádálaithe le haghaidh chóras CSAE le córas lárnach CSAE.

1.   Úsáidfidh údaráis chustaim na mBallstát córas lárnach CSAE chun faisnéis a bhaineann le doiciméid T2L/T2LF agus lastliostaí earraí custaim arna dtíolacadh a mhalartú agus a stóráil.

2.   Idiroibreoidh córas lárnach CSAE leis an Tairseach Shonrach AE do Thrádálaithe le haghaidh chóras CSAE.

1.   I gcás ina mbeidh córas náisiúnta CSAE cruthaithe ag Ballstát i gcomhréir le hAirteagal 93(3), pointe (b), den Rialachán seo, beidh an tairseach náisiúnta do thrádálaithe ina príomhphointe iontrála chuig córas náisiúnta CSAE d’oibreoirí eacnamaíocha agus do dhaoine eile.

2.   Idiroibreoidh an tairseach náisiúnta do thrádálaithe le córas náisiúnta CSAE, i gcás ina mbeidh ceann cruthaithe ag Ballstát.

3.   Soláthróidh an tairseach náisiúnta do thrádálaithe feidhmíochtaí atá coibhéiseach leo sin arna soláthar ag an Tairseach Shonrach AE do Thrádálaithe le haghaidh chóras CSAE.

4.   I gcás ina gcruthóidh Ballstát tairseach náisiúnta do thrádálaithe, cuirfidh sé an Coimisiún ar an eolas faoi sin.

1.   Leis an gCóras Faireachais, i gcomhréir le hAirteagal 56(5) den Chód agus le dlí an Aontais lena ndéantar foráil maidir lena úsáid, cumasófar, chun críche faireachais custaim, cumarsáid idir údaráis chustaim na mBallstát agus an Coimisiún, agus sonraí a bhaintear as an dearbhú custaim maidir le scaoileadh i saorchúrsaíocht, nó as an dearbhú custaim maidir le honnmhairiú earraí, a bhailiú, a stóráil, a phróiseáil agus anailís a dhéanamh orthu.

2.   Déanfaidh na Ballstáit, ar bhealach uathoibrithe, an fhaisnéis arna hiarraidh ó na córais dearbhaithe custaim a tharchur chuig an gcóras Faireachais.

3.   Is córas lárnach é an Córas Faireachais ina bhfuil na comhpháirteanna coiteanna seo a leanas:

(a)	comhpháirt chun sonraí a bhailiú, a bhailíochtú agus a stóráil;

(b)	comhpháirt chun mianadóireacht sonraí a dhéanamh agus faisnéis a ghiniúint chun críche faireachas custaim.

1.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna an chórais Faireachais trí úsáid a bhaint as na seirbhísí líonra a sholáthraíonn an Coimisiún.

2.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna an chórais Faireachais trí úsáid a bhaint as na seirbhísí líonra a sholáthraíonn an Coimisiún.

1.   Leis an gCóras Bainistithe Ráthaíochtaí (‘CÓBAR’), beifear in ann iarratais agus cinntí a bhaineann le ráthaíochtaí cuimsitheacha a thíolacadh, a phróiseáil agus a bhainistiú tríd an gCóras um Chinntí Custaim dá dtagraítear in Airteagal 7 den Rialachán seo. Chomh maith leis sin, beifear in ann ráthaíochtaí cuimsitheacha agus ráthaíochtaí eile a bhainistiú agus faireachán a dhéanamh orthu leis an gcóras sin, seachas i gcás idirthurais a láimhseáiltear mar chuid de thionscadal CRIN.

2.   Beidh na comhpháirteanna coiteanna seo a leanas den chóras um Chinntí Custaim dá dtagraítear in Airteagal 7(2) den Rialachán seo ag CÓBAR:

(a)	Tairseach trádálaithe AE;

(b)	CÓBAR lárnach;

(c)	seirbhísí tagartha do chustaiméirí (CRS).

3.   Cruthóidh na Ballstáit, mar chomhpháirt náisiúnta, córas náisiúnta bainistithe ráthaíochtaí (‘CÓBAR náisiúnta’).

1.   Úsáidfear CÓBAR, tríd an gCóras um Chinntí Custaim dá dtagraítear in Airteagal 7 den Rialachán seo, chun iarratais ar ráthaíochtaí cuimsitheacha a thíolacadh agus a phróiseáil, agus chun cinntí a bhaineann leis na hiarratais nó údaruithe le haghaidh ráthaíochtaí cuimsitheacha a bhainistiú.

2.   Úsáidfear CÓBAR chun na gcríoch seo a leanas:

(a)	ráthaíochtaí aonair agus ráthaíochtaí cuimsitheacha a chlárú;

(b)	ráthaíochtaí aonair agus ráthaíochtaí cuimsitheacha a bhainistiú;

(c)	faireachán a dhéanamh ar cé acu is ann nó nach ann do ráthaíocht a chuirtear ar fáil i mBallstát seachas an Ballstát ina n-úsáidtear an ráthaíocht;

(d)	faireachán a dhéanamh ar an méid tagartha.

1.   Déanfar fíordheimhniú agus fíorú rochtana oibreoirí eacnamaíocha agus daoine eile chun rochtain a fháil ar chomhpháirteanna coiteanna CÓBAR i gcomhréir le hAirteagal 9 den Rialachán seo.

2.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar chomhpháirteanna coiteanna CÓBAR i gcomhréir le hAirteagal 9 den Rialachán seo.

3.   Déanfar fíordheimhniú agus fíorú rochtana údaráis chustaim na mBallstát chun rochtain a fháil ar CÓBAR trí úsáid a bhaint as córas bainistithe céannachta agus rochtana arna bhunú ag an mBallstát lena mbaineann.

4.   Déanfar fíordheimhniú agus fíorú rochtana bhaill foirne an Choimisiúin chun rochtain a fháil ar chomhpháirteanna coiteanna CÓBAR i gcomhréir le hAirteagal 9 den Rialachán seo.

1.   Tairseach an Aontais Eorpaigh do thrádálaithe dá dtagraítear in Airteagal 10 den Rialachán seo, beidh sí ina pointe iontrála ar CÓBAR le haghaidh oibreoirí eacnamaíocha agus daoine eile.

2.   Úsáidfear tairseach an Aontais Eorpaigh do thrádálaithe i ndáil leis na hiarratais agus leis na húdaruithe a bhaineann le ráthaíochtaí cuimsitheacha dá dtagraítear in Airteagal 8(1), pointe (b), den Rialachán seo, agus chun cinntí a bhaineann leis na hiarratais agus leis na húdaruithe sin a bhainistiú.

1.   Úsáidfidh údaráis chustaim na mBallstát CÓBAR lárnach, trí úsáid a bhaint as CBCC lárnach dá dtagraítear in Airteagal 11 den Rialachán seo, chun iarratais agus cinntí a bhaineann le ráthaíochtaí cuimsitheacha a bhainistiú.

2.   Déanfaidh CÓBAR lárnach comhéadan le CÓBAR náisiúnta le haghaidh ráthaíochtaí cuimsitheacha.

1.   Úsáidfidh údaráis chustaim na mBallstát CÓBAR náisiúnta chun ráthaíochtaí cuimsitheacha a chlárú agus a bhainistiú, agus chun faireachán a dhéanamh ar na méideanna tagartha gaolmhara.

2.   Féadfar CÓBAR náisiúnta a úsáid chun ráthaíochtaí eile a chlárú agus a bhainistiú.

3.   Idiroibreoidh CÓBAR náisiúnta leis na córais náisiúnta dearbhaithe custaim ina n-agraítear ráthaíochtaí.

4.   Féadfaidh CÓBAR náisiúnta, i gcomhréir le hAirteagal 13(3) den Rialachán seo, na sonraí gnó ábhartha ón údarú faoi seach le haghaidh ráthaíochtaí cuimsitheacha a aisghabháil ó na seirbhísí tagartha do chustaiméirí.

1.   Déanfaidh an Coimisiún na comhpháirteanna coiteanna a fhorbairt, a thástáil, a chur chun úsáide agus a bhainistiú, agus féadfaidh na Ballstáit na comhpháirteanna coiteanna sin a thástáil. Déanfaidh na Ballstáit na comhpháirteanna náisiúnta a fhorbairt, a thástáil, a chur chun úsáide agus a bhainistiú.

2.   Áiritheoidh na Ballstáit go mbeidh na comhpháirteanna náisiúnta idir-inoibritheach leis na comhpháirteanna coiteanna.

3.   Déanfaidh an Coimisiún na sonraíochtaí coiteanna le haghaidh na gcóras díláraithe a dhearadh agus a chothabháil i ndlúthchomhar leis na Ballstáit.

4.   Déanfaidh na Ballstáit comhéadain a fhorbairt, a oibriú agus a choinneáil ar bun chun an fheidhmiúlacht a sholáthar le haghaidh na gcóras díláraithe is gá le haghaidh malartú faisnéise le hoibreoirí eacnamaíocha agus le daoine eile trí chomhpháirteanna náisiúnta agus comhéadain náisiúnta a chur ar fáil, agus le Ballstáit eile trí chomhpháirteanna coiteanna.

1.   Is é an Coimisiún a dhéanfaidh na comhpháirteanna coiteanna a chothabháil agus is iad na Ballstáit a dhéanfaidh gcomhpháirteanna náisiúnta a chothabháil.

2.   Áiritheoidh an Coimisiún agus na Ballstáit oibriú gan bhriseadh na gcóras leictreonach.

3.   Féadfaidh an Coimisiún comhpháirteanna coiteanna na gcóras leictreonach a athrú chun mífheidhmeanna a cheartú, chun feidhmiúlachtaí nua a chur leo nó chun athrú a dhéanamh ar na feidhmiúlachtaí atá ann cheana.

4.   Cuirfidh an Coimisiún na Ballstáit ar an eolas faoi athruithe ar na comhpháirteanna coiteanna agus faoi nuashonruithe orthu.

5.   Cuirfidh na Ballstáit an Coimisiún ar an eolas maidir le hathruithe ar na comhpháirteanna náisiúnta agus maidir le nuashonruithe orthu a bhféadfadh difear a dhéanamh d’fheidhmiú na gcomhpháirteanna coiteanna.

6.   Cuirfidh an Coimisiún agus na Ballstáit an fhaisnéis maidir leis na hathruithe agus na nuashonruithe ar na córais leictreonacha a leagtar síos i míreanna 4 agus 5 ar fáil go poiblí.

1.   I gcás cliseadh sealadach ar na córais leictreonacha dá dtagraítear in Airteagal 6(3), pointe (b), den Chód, déanfaidh oibreoirí eacnamaíocha agus daoine eile an fhaisnéis is gá a thíolacadh chun na foirmiúlachtaí lena mbaineann a chomhlíonadh trí na modhanna a chinnfidh na Ballstáit, lena n-áirítear trí bhíthin modhanna seachas teicnící leictreonacha próiseála sonraí.

2.   Áiritheoidh údaráis chustaim na mBallstát go ndéanfar an fhaisnéis arna tíolacadh i gcomhréir le mír 1 a chur ar fáil sna córais leictreonacha faoi seach laistigh de 7 lá ón uair a bheidh na córais leictreonacha faoi seach ar fáil arís.

3.   Cuirfidh an Coimisiún agus na Ballstáit a chéile ar an eolas nach bhfuil fáil ar na córais leictreonacha a eascraíonn as teip shealadach.

Cuirfidh an Coimisiún agus na Ballstáit a chéile ar an eolas freisin nach bhfuil córais na n-oibreoirí eacnamaíocha ar fáil a mhéid a bhaineann le CRA2.

4.   De mhaolú ar mhír 1, i gcás cliseadh sealadach CRA2, COU, CBRC, chóras CSAE nó chóras ILA, beidh feidhm ag an bplean leanúnachais gnó arna chomhaontú idir na Ballstáit agus an Coimisiún.

5.   Maidir le CRA2, déanfaidh gach Ballstát cinneadh maidir le gníomhachtú an phlean um leanúnachas gnó i gcás ina ndéanfaidh cliseadh sealadach an chórais leictreonaigh difear don Bhallstát sin nó i gcás nach féidir le hoibreoir eacnamaíoch dearbhú iontrála achomair nó sonraí an dearbhaithe sin a thaisceadh de bhun Airteagal 127(4) agus (6) den Chód.

6.   De mhaolú ar mhír 1, i gcás cliseadh sealadach ar chóras CRIN, beidh feidhm ag an nós imeachta leanúnachais gnó dá dtagraítear in Iarscríbhinn 72-04 a ghabhann le Rialachán Cur Chun Feidhme (AE) 2015/2447.

7.   De mhaolú ar mhír 2, i gcás cliseadh sealadach chóras CSAE, beidh feidhm ag an bplean leanúnachais gnó arna chomhaontú idir na Ballstáit agus an Coimisiún.

1.   Déanfar na sonraí pearsanta atá cláraithe sna córais leictreonacha a phróiseáil chun an reachtaíocht chustaim agus reachtaíocht eile dá dtagraítear sa Chód a chur chun feidhme, ag féachaint do chuspóirí sonracha gach ceann de na córais leictreonacha mar a leagtar amach in Airteagal 4, Airteagail 7(1), 16(1), 21(1), Airteagal 30, Airteagail 35(1), 42(1), 50(1), 57(1), 65(1), 70(1), 74(1), 80(1), 87(1), 93(1), 100(1) agus 104(1) den Rialachán seo.

2.   Comhoibreoidh údaráis mhaoirseachta náisiúnta na mBallstát i réimse na cosanta sonraí pearsanta agus an Maoirseoir Eorpach ar Chosaint Sonraí, i gcomhréir le hAirteagal 62 de Rialachán (AE) 2018/1725, chun maoirseacht chomhordaithe a áirithiú ar phróiseáil sonraí pearsanta atá cláraithe sna córais leictreonacha.

3.   Aon iarraidh ó ábhar sonraí atá cláraithe i gcóras REX chun a chearta a fheidhmiú faoi Chaibidil III de Rialacháin (AE) 2016/679 agus (AE) 2018/1725, déanfar í a chur faoi bhráid na n-údarás inniúil sa tríú tír nó faoi bhráid na n-údarás custaim sa Bhallstát a chláraigh na sonraí pearsanta ar dtús.

I gcás ina gcuirfidh ábhar sonraí iarraidh den sórt sin faoi bhráid an Choimisiúin gan iarracht a bheith déanta aige a chearta a fháil ó na húdaráis inniúla sa tríú tír nó ó údaráis chustaim an Bhallstáit a chláraigh na sonraí pearsanta, cuirfidh an Coimisiún an iarraidh sin ar aghaidh chuig na húdaráis inniúla sa tríú tír nó chuig na húdaráis chustaim sa Bhallstát a chláraigh na sonraí sin faoi seach.

I gcás nach bhfaighidh an t-onnmhaireoir cláraithe a chearta ó na húdaráis inniúla sa tríú tír nó ó na húdaráis chustaim sa Bhallstát a chláraigh na sonraí pearsanta, cuirfidh an t-onnmhaireoir cláraithe an iarraidh sin faoi bhráid an Choimisiúin atá ag gníomhú mar rialaitheoir mar a shainmhínítear in Airteagal 4, pointe (7), de Rialachán (AE) 2016/679 agus in Airteagal 3, pointe (8) de Rialachán (AE) 2018/1725.

1.   Áiritheoidh na Ballstáit go gcomhfhreagraíonn na sonraí atá cláraithe ar an leibhéal náisiúnta do na sonraí atá cláraithe sna comhpháirteanna coiteanna agus go gcoinnítear cothrom le dáta iad.

2.   De mhaolú ar mhír 1, i ndáil le CRA2, áiritheoidh na Ballstáit go ndéantar na sonraí seo a leanas a choinneáil cothrom le dáta agus go gcomhfhreagraíonn siad do na sonraí atá i stóras coiteann CRA2:

(a)	sonraí atá cláraithe ar an leibhéal náisiúnta agus a chuirtear in iúl ón gcóras náisiúnta iontrála do stóras coiteann CRA2;

(b)	sonraí a fhaigheann an córas náisiúnta iontrála ó stóras coiteann CRA2.

1.   Féadfaidh Ballstát na sonraí atá cláraithe i gcomhpháirteanna coiteanna na gcóras leictreonach aige féin a rochtain nó a phróiseáil. Féadfaidh Ballstát eile a bhfuil baint aige le próiseáil iarratais nó le bainistiú cinnidh lena mbaineann na sonraí rochtain a fháil ar na sonraí sin agus iad a phróiseáil.

2.   Féadfaidh oibreoir eacnamaíoch nó duine eile na sonraí atá cláraithe acu faoi seach i gcomhpháirteanna coiteanna na gcóras leictreonach a rochtain nó a phróiseáil. Féadfaidh Ballstát eile a bhfuil baint aige le próiseáil iarratais nó le bainistiú cinnidh lena mbaineann na sonraí rochtain a fháil ar na sonraí sin agus iad a phróiseáil freisin.

3.   Na sonraí atá i gcomhpháirt choiteann CRA2 a dhéanann oibreoir eacnamaíoch nó duine eile iad a chur in iúl nó a chlárú sa chomhéadan comhroinnte do thrádálaithe, féadfaidh an t-oibreoir eacnamaíoch sin nó an duine sin rochtain a fháil orthu nó iad a phróiseáil.

4.   Féadfaidh Ballstát na sonraí atá cláraithe aige in CEFTC lárnach a phróiseáil. Féadfaidh Ballstát eile a bhfuil baint aige le próiseáil iarratais lena mbaineann na sonraí na sonraí sin a phróiseáil, lena n-áirítear é sin a dhéanamh trí bhíthin comhairliúchán idir údaráis chustaim na mBallstát i gcomhréir le hAirteagal 26 den Rialachán seo. Féadfaidh údaráis chustaim na mBallstát rochtain a fháil ar na sonraí sin chun críocha Airteagal 25(2) den Rialachán seo agus féadfaidh an Coimisiún rochtain a fháil ar na sonraí sin chun críocha Airteagal 21(1) den Rialachán seo.

5.   Féadfaidh oibreoir eacnamaíoch nó duine eile rochtain a bheith acu ar na sonraí atá cláraithe acu féin faoi seach in CEFTC lárnach, nó na sonraí sin a phróiseáil. Féadfaidh údaráis chustaim na mBallstát rochtain a fháil ar na sonraí sin chun críocha Airteagal 25(2) den Rialachán seo agus féadfaidh an Coimisiún rochtain a fháil ar na sonraí sin chun críocha Airteagal 21(1) den Rialachán seo.

6.   Féadfaidh an Coimisiún rochtain a fháil ar na sonraí atá cláraithe i gcomhpháirt choiteanna chóras EORI agus na sonraí sin a phróiseáil. Féadfaidh na Ballstáit a chláraigh na sonraí sin rochtain a fháil ar na sonraí sin agus iad a phróiseáil freisin.

7.   Maidir leis na sonraí i gcomhpháirteanna coiteanna CRA2:

(a)

arna gcur in iúl do Bhallstát ag oibreoir eacnamaíoch nó ag duine eile tríd an gcomhéadan comhroinnte do thrádálaithe i stóras coiteann CRA2, féadfaidh an Ballstát sin rochtain a fháil orthu agus iad a phróiseáil i stóras coiteann CRA2 agus, i gcás inar gá, féadfaidh an Ballstát sin rochtain a fháil ar na sonraí sin atá cláraithe sa chomhéadan comhroinnte do thrádálaithe freisin;

(b)	arna gcur in iúl nó a chláraítear ag Ballstát sa stóras coiteann, féadfaidh an Ballstát sin na sonraí sin a rochtain nó a phróiseáil;

(c)

dá dtagraítear i bpointí (a) agus (b), féadfaidh Ballstát eile rochtain a fháil ar na sonraí sin agus iad a phróiseáil i gcás ina bhfuil baint ag an mBallstát eile sin, i gcomhréir le hAirteagal 186(2), pointí (a), (b) agus (d), agus Airteagal 186(5), (7) agus (7a), agus Airteagal 189(3) agus (4) de Rialachán Cur Chun Feidhme (AE) 2015/2447, leis an anailís riosca nó leis an bpróiseas rialaithe lena mbaineann na sonraí, nó leis an dá rud sin, cé is moite de shonraí arna dtaifeadadh sa chóras ag údaráis chustaim na mBallstát eile i ndáil le faisnéis maidir le rioscaí slándála agus sábháilteachta dá dtagraítear in Airteagal 186(2), pointe (a), de Rialachán Cur Chun Feidhme (AE) 2015/2447;

(d)

féadfaidh an Coimisiún iad a phróiseáil i gcomhar leis na Ballstáit chun na gcríoch dá dtagraítear in Airteagal 43(2) den Rialachán seo agus in Airteagal 182(1), pointe (c), de Rialachán Cur Chun Feidhme (AE) 2015/2447, agus féadfaidh an Coimisiún agus na Ballstáit measúnú a dhéanamh ar thorthaí na próiseála sin;

(e)

féadfaidh na Ballstáit agus an Coimisiún rochtain a fháil orthu agus iad a phróiseáil chun na gcríoch dá dtagraítear in Airteagal 43(3) den Rialachán seo, faoi na coinníollacha dá dtagraítear in Airteagal 119 den Rialachán seo agus i gcomhréir leis na comhaontuithe sonracha tionscadail ina sonraítear na hoibríochtaí próiseála idir na Ballstáit agus an Coimisiún.

8.   Na sonraí atá cláraithe ag an gCoimisiún i gcomhpháirt choiteann CRA2, féadfaidh an Coimisiún agus na Ballstáit rochtain a fháil orthu agus iad a phróiseáil.

9.   Féadfaidh an Coimisiún agus na Ballstáit rochtain a fháil ar na sonraí sa chóras faireachais agus iad a phróiseáil.

10.   Féadfaidh údaráis chustaim na mBallstát agus an Coimisiún rochtain a fháil ar na sonraí atá cláraithe i gcóras lárnach REX do na Ballstáit chun socruithe fabhracha trádála an Aontais a chur chun feidhme agus chun faireachán a dhéanamh orthu.

11.   Na sonraí atá cláraithe i gcóras lárnach REX do thríú tíortha a bhfuil socrú fabhrach trádála ag an Aontas leo, is féidir rochtain a fáil orthu tríd an méid seo a leanas:

(a)	údaráis inniúla an tríú tír inar cláraíodh na sonraí;

(b)	údaráis chustaim na mBallstát chun fíoruithe a dhéanamh ar dhearbhuithe custaim faoi Airteagal 188 den Chód nó rialú iarscaoilte faoi Airteagal 48 den Chód;

(c)	an Coimisiún chun socruithe fabhracha trádála an Aontais a chur chun feidhme agus chun faireachán a dhéanamh orthu.

12.   I gcás ina dtuairiscíonn na Ballstáit teagmhais agus fadhbanna sna próisis oibríochtúla maidir le soláthar seirbhísí na gcóras ina ngníomhaíonn an Coimisiún mar phróiseálaí, ní fhéadfaidh an Coimisiún rochtain a bheith aige ar na sonraí ach amháin chun teagmhas cláraithe nó fadhb chláraithe a réiteach. Áiritheoidh an Coimisiún rúndacht na sonraí sin i gcomhréir le hAirteagal 12 den Chód.

13.   Na sonraí atá cláraithe i gcomhpháirteanna coiteanna CBRC ag Ballstát, ag an Eilvéis, ag an Iorua nó ag an gCoimisiún, féadfaidh an Ballstát sin, an Eilvéis, an Iorua, Ballstát eile nó an Coimisiún rochtain a fháil orthu nó iad a phróiseáil chun cur chun feidhme an chreata chomhchoitinn bainistíochta riosca a áirithiú i gcomhréir le hAirteagal 46(5) den Chód agus le hAirteagal 36 de Rialachán Cur Chun Feidhme (AE) 2015/2447.

14.   Féadfaidh na páirtithe seo a leanas rochtain a fháil ar na sonraí atá cláraithe i gcóras lárnach CSAE nó iad a phróiseáil:

(a)	údaráis chustaim na mBallstát i gcomhréir le hAirteagal 93 den Rialachán seo;

(b)	an Coimisiún chun críoch staidrimh.

15.   I gcomhthéacs Chreat Windsor, féadfaidh ionadaithe an Aontais rochtain a fháil ar shonraí CRA2 i ndáil le Tuaisceart Éireann.

1.   Is é an Coimisiún a bheidh ina úinéir córais ar na comhpháirteanna coiteanna.

2.   Is iad na Ballstáit úinéirí córais na gcomhpháirteanna náisiúnta faoi seach.

1.   Áiritheoidh an Coimisiún slándáil na gcomhpháirteanna coiteanna. Áiritheoidh na Ballstáit slándáil na gcomhpháirteanna náisiúnta.

Chun na gcríoch sin, déanfaidh an Coimisiún agus na Ballstáit na bearta is gá chun an méid seo a leanas a dhéanamh:

(a)	cosc a chur ar rochtain aon duine neamhúdaraithe ar ghléasra a úsáidtear chun sonraí a phróiseáil;

(b)	iontráil sonraí agus aon cheadú, modhnú nó scriosadh sonraí ag daoine neamhúdaraithe a chosc;

(c)	aon cheann de na gníomhaíochtaí dá dtagraítear i bpointe (a) agus i bpointe (b) a bhrath.

2.   Cuirfidh an Coimisiún agus na Ballstáit a chéile ar an eolas faoi aon ghníomhaíochtaí a bhféadfadh sárú nó sárú amhrasta ar shlándáil na gcóras leictreonach a bheith mar thoradh orthu.

3.   Bunóidh an Coimisiún agus na Ballstáit pleananna slándála maidir leis na córais leictreonacha uile.

1.   Na tréimhsí coinneála sonraí le haghaidh na gcóras ina bhfuil na Ballstáit ina rialaitheoirí, mar a shainmhínítear in Airteagal 119 den Rialachán seo, cinnfear iad agus ceanglais na reachtaíochta custaim á gcur san áireamh. Cuirfidh na Ballstáit an Coimisiún ar an eolas faoi na tréimhsí coinneála sin.

2.   Beidh feidhm ag na tréimhsí coinneála sonraí seo a leanas maidir leis na córais seo a leanas a bhfuil an Coimisiún agus na Ballstáit ina rialaitheoirí comhpháirteacha orthu:

(a)

i gcás CRA2, chun faireachán agus meastóireacht a dhéanamh ar chur chun feidhme na gcritéar agus na gcaighdeán coiteann maidir le riosca slándála agus sábháilteachta agus na mbeart rialaithe agus na réimsí rialaithe tosaíochta dá dtagraítear in Airteagal 43(2), agus chun tacú leis na próisis bainistithe riosca dá dtagraítear in Airteagal 43(3) den Rialachán, tréimhse choinneála 10 mbliana ón uair a phróiseáiltear na sonraí sa chóras lárnach den chéad uair;

(b)

i gcás chóras REX, ionas go bhféadfar fógra a thabhairt faoin bhfiach custaim ar feadh uastréimhse 10 mbliana i gcomhréir le hAirteagal 103(2) den Chód, coinneofar clárú cúlghairthe i gcóras REX ar feadh uastréimhse 10 mbliana ag tosú ón 1 Eanáir den bhliain tar éis na bliana ina ndearnadh an chúlghairm, agus, tar éis an tréimhse sin a dhul in éag, déanfaidh údarás inniúil tríú tír nó údaráis chustaim an Bhallstáit a chúlghair an clárú na sonraí clárúcháin a scriosadh. Mar sin féin, má rinneadh gach clárúchán i dtír is tairbhí den Chóras Ginearálaithe um Fhabhair a chúlghairm i gcomhréir le hAirteagal 90(1) de Rialachán Cur Chun Feidhme (AE) 2015/2447, agus mura raibh an tír is tairbhí ina tír is tairbhí de Chóras Ginearálaithe um Fhabhair na hIorua, na hEilvéise ná na Tuirce ar feadh níos mó ná 10 mbliana, scriosfaidh an Coimisiún na sonraí clárúcháin;

(c)	i gcás CBRC, chun cosaint shlándáil agus shábháilteacht na saoránach agus cosaint leasanna airgeadais an Aontais Eorpaigh agus a Bhallstát a áirithiú, tréimhse choinneála 10 mbliana ón uair a phróiseáiltear na sonraí sa chóras lárnach den chéad uair;

(d)

i gcás an chórais Faireachais, chun cosaint leasanna airgeadais an Aontais Eorpaigh agus a Bhallstát, mar aon leis an trádáil agus gach beartas eile de chuid an Aontais atá bunaithe ar na sonraí a aisghabhtar trí bhíthin faireachas a áirithiú, tréimhse choinneála 10 mbliana ón uair a phróiseáiltear na sonraí sa chóras lárnach den chéad uair.

Mar sin féin, i gcás ina mbeidh tús curtha le himeachtaí cúirte nó le hachomharc a bhaineann le sonraí a stóráiltear sna córais leictreonacha dá dtagraítear i bpointí (a) go (d), coinneofar na sonraí sin go dtí go gcuirfear deireadh leis an nós imeachta achomhairc nó leis na himeachtaí cúirte.

3.   Beidh an tréimhse choinneála sonraí infheidhme maidir leis na sonraí uile a chumhdaítear leis na córais leictreonacha.