1.   Déanfar na nósanna imeachta um iarratas ar bheith ina dhearbhóir SCCT údaraithe (‘an t-iarratas’) trí chlárlann SCCT i bhformáid leictreonach.

2.   Agus iarratas ar údarú á dhéanamh aige, soláthróidh gach iarratasóir dá dtagraítear in Airteagal 5 de Rialachán (AE) 2023/956 an fhaisnéis a liostaítear san Airteagal sin.

3.   I gcás inar duine dlítheanach atá bunaithe i dtríú tír an t-iarratasóir agus atá i gceann de na staideanna dá dtagraítear in Airteagal 5, pointe (31)(b), de Rialachán (AE) Uimh. 952/2013 ó Pharlaimint na hEorpa agus ón gComhairle (4), soláthróidh an t-iarratasóir a sheoladh sa tríú tír sin, a sheoladh bunaíochta agus an uimhir EORI sa Bhallstát ina gcuirtear an t-iarratas isteach.

4.   Sannfar uimhir thagartha iarratais uathúil i gclárlann SCCT do gach iarratas go huathoibríoch.

1.   Cuirfidh an t-iarratasóir an t-údarás inniúil ar an eolas gan mhoill faoi aon athrú ar an bhfaisnéis arna soláthar san iarratas agus iarrfaidh sé coigeartú ar an bhfaisnéis sin sula ndéanfar cinneadh maidir leis an iarratas. Cuirfidh an t-iarratasóir an iarraidh ar choigeartú, mar aon le haon fhaisnéis ábhartha agus doiciméid tacaíochta, faoi bhráid an údaráis inniúil.

2.   Ní bheidh gá le húdar a thabhairt le hiarraidh ar choigeartú ar an bhfaisnéis a leagtar amach in Airteagal 5(5), pointí (a), (c), agus (h), de Rialachán (AE) 2023/956 agus déanfar an fhaisnéis a choigeartú agus a chlárú go huathoibríoch.

3.   Tabharfaidh an t-iarratasóir údar le hiarraidh ar choigeartú a dhéanamh ar an bhfaisnéis a leagtar amach in Airteagal 5(5), pointí (d) go (g), de Rialachán (AE) 2023/956 san iarraidh ar choigeartú.

4.   Féadfaidh an t-údarás inniúil síneadh 30 lá féilire a chur leis an sprioc-am a leagtar amach in Airteagal 4(1) i gcás inar gá dó athmheasúnú a dhéanamh ar an iarratas mar gheall ar iarraidh an iarratasóra an fhaisnéis a soláthraíodh san iarratas a choigeartú.

5.   I gcás inar coigeartuithe substaintiúla iad na coigeartuithe a iarrtar, féadfaidh an t-údarás inniúil fáil réidh leis an iarratas agus a cheangal go gcuirfear iarratas nua isteach.

1.   Déanfaidh an t-údarás inniúil measúnú ar an iarratas laistigh de 120 lá féilire ón dáta a gheofar an t-iarratas.

2.   Chun meastóireacht a dhéanamh i dtaobh cibé acu a chomhlíontar na critéir a leagtar amach in Airteagal 17(2) de Rialachán (AE) 2023/956 nó nach gcomhlíontar, féadfaidh an t-údarás inniúil an méid seo a leanas a chur san áireamh:

3.   Déanfaidh an t-údarás inniúil an mheastóireacht ar chomhlíonadh na gcritéar a leagtar amach in Airteagal 17(2) de Rialachán (AE) 2023/956 agus torthaí na meastóireachta sin a dhoiciméadú.

4.   I gcás nach bhfuil an t-iarratasóir bunaithe sa Bhallstát inar cuireadh isteach an t-iarratas, diúltóidh an t-údarás inniúil don iarratas. Tabharfaidh an t-údarás inniúil fógra gan mhoill don iarratasóir faoin diúltú agus faoi na cúiseanna atá leis.

5.   De mhaolú ar mhír 1, i gcás iarratais ar bheith ina dhearbhóir SCCT údaraithe a chuirfear isteach faoin 15 Meitheamh 2025, déanfaidh an t-údarás inniúil measúnú ar an iarratas laistigh de 180 lá féilire.

1.   Féadfaidh an t-údarás inniúil faisnéis bhreise a iarraidh ar an iarratasóir, ar faisnéis í is gá chun meastóireacht a dhéanamh ar na coinníollacha agus ar chomhlíontacht leis na critéir a leagtar amach in Airteagal 17(2) de Rialachán (AE) 2023/956.

2.   Cuirfidh an t-iarratasóir an fhaisnéis a iarradh ar fáil don údarás inniúil i gcomhréir le mír 1, lena n-áirítear doiciméid tacaíochta i gcás inarb infheidhme, faoin sprioc-am a leagfaidh an t-údarás síos. Ní rachaidh an sprioc-am sin thar 30 lá féilire ó dháta na hiarrata ar fhaisnéis bhreise.

3.   Nuair a iarrann an t-údarás inniúil faisnéis bhreise, féadfar síneadh suas le 30 lá féilire a chur leis an sprioc-am a leagtar amach in Airteagal 4(1). Cuirfidh an t-údarás inniúil an t-iarratasóir ar an eolas faoi shíneadh den sórt sin agus faoi na cúiseanna atá leis.

4.   Ní rachaidh an measúnú ar iarratas sna cásanna ina n-iarrtar faisnéis bhreise i gcomhréir leis an Airteagal seo thar 180 lá féilire ón dáta a gheofar an t-iarratas.

1.   I gcás ina bhfuil sé beartaithe ag an údarás inniúil diúltú stádas dearbhóra SCCT údaraithe a dheonú, cuirfidh an t-údarás inniúil an t-iarratasóir ar an eolas faoi sin agus tabharfaidh sé deis don iarratasóir barúlacha a chur isteach.

2.   Luafaidh an t-údarás inniúil an méid seo a leanas sa teachtaireacht chuig an iarratasóir:

3.   Mairfidh an tréimhse dá dtagraítear i mír 2, pointe (b) ón dáta a thug an t-údarás inniúil fógra don iarratasóir maidir leis an teachtaireacht agus ní mhairfidh sí níos faide ná 30 lá féilire.

4.   Tar éis na tréimhse dá dtagraítear i mír 2, pointe (b) a dhul in éag, féadfaidh an t-údarás inniúil, agus barúlacha a chuir an t-iarratasóir isteach á gcur san áireamh aige, dul ar aghaidh lena chinnteoireacht chríochnaitheach.

5.   I gcás ina ndiúltaíonn an t-údarás inniúil stádas dearbhóra SCCT údaraithe a dheonú, agus ina bhfuil an ceart achomhairc feidhmithe ag an iarratasóir, cláróidh an t-údarás inniúil gurb ann don achomharc agus a thoradh i gclárlann SCCT.

1.   Gabhfaidh éifeacht le cinneadh maidir leis an iarratas ar an dáta a chláróidh an t-údarás inniúil an cinneadh sin i gclárlann SCCT, agus a thabharfar fógra don iarratasóir faoin gcinneadh sin i gclárlann SCCT.

2.   I gcás ina gceanglaítear ráthaíocht a chlárú i gcomhréir le hAirteagal 17(5) de Rialachán (AE) 2023/956, gabhfaidh éifeacht leis an gcinneadh dá dtagraítear i mír 1 an lá a chláraítear an ráthaíocht i gcomhréir le hAirteagal 13 den Rialachán seo.

1.   Gach duine ar leithdháileadh acmhainn shainráite air chun leictreachas a allmhairiú i gcomhréir le hAirteagal 5(4) de Rialachán (AE) 2023/956, agus a ainmníonn an acmhainn chun allmhairithe sin, déanfaidh sé, laistigh de 1 mhí tar éis an dearbhaithe custaim dá dtagraítear in Airteagal 5(4) den Rialachán sin, an méid seo a leanas a sholáthar d’údarás inniúil an Bhallstáit inar taisceadh an dearbhú custaim:

1.   Comhlíonfar na critéir a leagtar síos in Airteagal 17(2), pointe (a), de Rialachán (AE) 2023/956 i gcás ina gcomhlíonann an t-iarratasóir, na daoine atá i gceannas ar chúrsaí SCCT an iarratasóra, na daoine atá i gceannas ar an iarratasóir agus na daoine atá i mbun rialú ar bhainistíocht an iarratasóra na coinníollacha seo a leanas:

2.   I gcás ina bhfuil an t-iarratasóir bunaithe ar feadh níos lú ná 5 bliana, déanfaidh údarás inniúil an Bhallstáit bunaíochta measúnú ar an iarratas ar bhonn na dtaifead agus na faisnéise atá ar fáil dó.

3.   Iarrfaidh an t-údarás inniúil an fhaisnéis seo a leanas, i gcás inar gá chun a shuí nach raibh baint ag an iarratasóir le sáruithe tromchúiseacha ná leantacha dá dtagraítear in Airteagal 17(2) pointe (a), de Rialachán (AE) 2023/956:

4.   I gcás ina n-iarrann an t-údarás inniúil an taifead coiriúil nó aon doiciméad eile a nglactar leis faoin dlí náisiúnta mar thaifead coiriúil dá dtagraítear i mír 3, déanfaidh an t-údarás inniúil na cúiseanna atá leis an iarraidh sin a thaifeadadh. Ní choinneoidh an t-údarás inniúil an taifead coiriúil, ná aon doiciméad eile arna ghlacadh faoin dlí náisiúnta mar thaifead coiriúil tar éis an cinneadh údarú a thabhairt a bheith déanta. I gcás ina ndearnadh cinneadh an t-iarratas a dhiúltú de bhun Airteagal 6(4), níor cheart na taifid nó na doiciméid sin a choinneáil ach amháin ar feadh ré an achomhairc de bhun Airteagal 6(5), i gcás inarb infheidhme. Áiritheoidh an t-údarás inniúil go mbeidh rochtain ar thaifid choiriúla teoranta do dhaoine atá freagrach san údarás inniúil sin as measúnú a dhéanamh ar sháruithe tromchúiseacha nó sáruithe leantacha.

1.   Comhlíonfar na critéir a leagtar síos in Airteagal 17(2), pointe (b), de Rialachán (AE) 2023/956 i gcás ina gcomhlíonfar na coinníollacha seo a leanas:

2.   I gcás ina bhfuil an t-iarratasóir bunaithe le níos lú ná 2 bhliain, déanfar an acmhainn airgeadais dá dtagraítear in Airteagal 17(2), pointe (b), de Rialachán (AE) 2023/956 a sheiceáil agus a mheasúnú ar bhonn na dtaifead agus na faisnéise atá ar fáil.

3.   Agus scrúdú á dhéanamh ag an údarás inniúil ar na coinníollacha dá dtagraítear i mír 1 den Airteagal seo, déanfaidh sé scrúdú ar na sonraí a cuireadh ar fáil san iarratas, agus i gcás inar gá, sna doiciméid tacaíochta a soláthraíodh in éineacht leis an iarratas agus cuirfidh sé saintréithe sonracha an iarratasóra san áireamh, lena n-áirítear an fhaisnéis maidir le méid measta na n-allmhairí arna soláthar ag an iarratasóir i gcomhréir le hAirteagal 5(5), pointe (g), de Rialachán (AE) 2023/956.

1.   Tionscnóidh an t-údarás inniúil, i bhformáid leictreonach trí chlárlann SCCT, an nós imeachta comhairliúcháin lena mbaineann páirtithe a ndeachthas i gcomhairle leo dá dtagraítear in Airteagal 17(1), an dara fomhír de Rialachán (AE) 2023/956 (‘an nós imeachta comhairliúcháin’) laistigh de 45 lá féilire ón tráth a fuair sé an t-iarratas dá dtagraítear in Airteagal 1(1).

2.   Le linn an nós imeachta comhairliúcháin, tionscnóidh an t-údarás inniúil an comhairliúchán bunaithe ar an méid seo a leanas:

3.   I gcás ina bhfuil faisnéis ina seilbh ag páirtí a ndeachthas i gcomhairle leis sa nós imeachta comhairliúcháin lena léirítear go bhféadfadh sé nach gcomhlíonann an t-iarratasóir ceann amháin nó níos mó de na coinníollacha agus de na critéir chun stádas dearbhóra SCCT údaraithe a dheonú, cláróidh sé a sheasamh gan mhoill agus luafaidh sé na cúiseanna, arna ndoiciméadú go cuí agus údar cuí leo, i gclárlann SCCT.

4.   Beidh rochtain ag na páirtithe a ndeachthas i gcomhairle leo sa nós imeachta comhairliúcháin, trí chlárlann SCCT, ar an uimhir EORI, ar an bhfaisnéis teagmhála, ar stádas an iarratais, agus ar fhreagraí na bpáirtithe a ndeachthas i gcomhairle leo dá dtagraítear i mír 3.

5.   Féadfaidh an t-údarás inniúil faisnéis bhreise agus doiciméadacht bhreise a iarraidh ar na páirtithe a ndeachthas i gcomhairle leo, i gcás ina measann an t-údarás inniúil sin gur gá sin tar éis freagraí a fháil ó na páirtithe sin a ndeachthas i gcomhairle leo dá dtagraítear i mír 3. Páirtí a ndeachthas i gcomhairle leis agus a n-iarrtar air faisnéis bhreise agus doiciméadacht bhreise a sholáthar, soláthróidh sé an fhaisnéis bhreise agus an doiciméadacht bhreise sin laistigh de 5 lá oibre.

1.   Socróidh an t-údarás inniúil sprioc-am do na páirtithe a ndeachthas i gcomhairle leo maidir lena mbarúlacha a chur isteach de bhun Airteagal 11(3).

2.   Ní bheidh an sprioc-am dá dtagraítear i mír 1 níos faide ná 5 lá oibre i gcás ina gcomhfhreagraíonn méid measta bliantúil allmhairí earraí do 1 tona nó níos lú, de réir na faisnéise a sholáthraítear san iarratas.

3.   Ní bheidh an sprioc-am dá dtagraítear i mír 1 níos faide ná 15 lá oibre i gcás inar mó méid measta bliantúil allmhairí earraí ná 1 tona, de réir na faisnéise a sholáthraítear san iarratas.

4.   Féadfaidh an t-údarás inniúil síneadh ama a chur leis an sprioc-am a leagtar síos don chomhairliúchán i gcomhréir le míreanna 2 agus 3 in aon cheann de na cásanna seo a leanas:

5.   I gcás nach dtabharfaidh na páirtithe a ndeachthas i gcomhairle leo aon fhreagra laistigh de na sprioc-amanna a leagadh síos don chomhairliúchán i gcomhréir le míreanna 2, 3 agus 4, measfar go bhfuil na coinníollacha agus na critéir a raibh an comhairliúchán ar siúl ina leith comhlíonta.

1.   Déanfaidh an t-údarás inniúil a dheonaíonn stádas dearbhóra SCCT údaraithe faireachán ar an ráthaíocht.

2.   Áiritheoidh an dearbhóir SCCT údaraithe go bhfuil an ráthaíocht ar leibhéal leordhóthanach chun an líon dheimhnithe SCCT a chumhdach a bheadh ar an dearbhóir SCCT údaraithe a ghéilleadh i gcomhréir le hAirteagal 22 de Rialachán (AE) 2023/956 i leith na n-earraí allmhairithe i gcomparáid leis na meastacháin arna ndéanamh i gcomhréir le hAirteagal 5(5), pointe (g), den Rialachán sin.

3.   Áiritheoidh an dearbhóir SCCT údaraithe go bhfanfaidh an ráthaíocht ar an leibhéal dá dtagraítear i mír 2 tráth ar bith.

4.   Déanfaidh an t-údarás inniúil athmheasúnú ar mhéid na ráthaíochta agus iarrfaidh sé, i gcás inar gá, coigeartú ar an ráthaíocht chun Airteagal 16 den Rialachán seo agus Airteagal 17(6) de Rialachán (AE) 2023/956 a chomhlíonadh.

1.   I gcás ina suíonn an t-údarás inniúil gur gá coigeartú a dhéanamh ar ráthaíocht chun na ceanglais in Airteagal 17(6) de Rialachán (AE) 2023/956 a chomhlíonadh, ceanglóidh sé ar an dearbhóir SCCT údaraithe an ráthaíocht a choigeartú gan mhoill.

2.   Beidh cinneadh méid ráthaíochta a choigeartú bunaithe ar mhéid na n-earraí allmhairithe a bheidh dearbhaithe sa dearbhú custaim agus ar fhaisnéis ábhartha eile a bheidh ar fáil don údarás inniúil. Cuirfidh an t-údarás inniúil an fhaisnéis sin ar fáil don dearbhóir SCCT údaraithe.

3.   Soláthróidh an dearbhóir SCCT an ráthaíocht choigeartaithe laistigh de theorainn ama arna cinneadh ag an údarás inniúil, teorainn nach faide ná 2 mhí ón uair a rinneadh an iarraidh i mír 1. Cláróidh an t-údarás inniúil an ráthaíocht choigeartaithe i gclárlann SCCT gan mhoill.

4.   Féadfaidh an t-údarás inniúil síneadh a chur leis an tréimhse a leagtar síos i mír 3 i gcás ina soláthróidh an dearbhóir SCCT údaraithe iarraidh réasúnaithe ina leith sin. Nuair a dheonaítear sprioc-am ar cuireadh síneadh leis, ní bheidh sé níos faide ná 3 mhí tar éis don údarás inniúil an iarraidh a dhéanamh an ráthaíocht a choigeartú.

5.   I gcás nach soláthraíonn an dearbhóir SCCT údaraithe an ráthaíocht choigeartaithe laistigh den sprioc-am a leagtar síos i míreanna 3 nó 4, de réir mar is infheidhme, tionscnóidh an t-údarás inniúil an nós imeachta um chúlghairm dá dtagraítear in Airteagal 22.

1.   Beidh an fhaisnéis a shonraítear san Iarscríbhinn ar a laghad sa chinneadh lena ndeonaítear stádas dearbhóra SCCT údaraithe. Beidh stádas ‘gníomhach’ cláraithe i leith an údaraithe sin i gclárlann SCCT ina dhiaidh sin.

2.   Sonrófar le huimhir chuntais SCCT a shanntar i gcomhréir le hAirteagal 16(1) de Rialachán (AE) 2023/956, Ballstát an údaráis inniúil a dheonaigh stádas dearbhóra SCCT údaraithe.

1.   Déanfaidh an t-údarás inniúil a dheonaigh stádas dearbhóra SCCT údaraithe athmheasúnú ar an stádas sin go tréimhsiúil agus sna cásanna seo a leanas ar a laghad:

2.   Cuirfidh an t-údarás inniúil i mBallstát cé is moite de Bhallstát an údaráis inniúil a dheonaigh stádas dearbhóra SCCT údaraithe, agus an Coimisiún an t-údarás inniúil sin ar an eolas gan mhoill, i gcás ina raibh baint ag an dearbhóir SCCT údaraithe le sáruithe tromchúiseacha nó leantacha ar reachtaíocht chustaim, ar rialacha cánachais nó ar rialacha maidir le drochúsáid mhargaidh i gcomhréir le hAirteagal 17(2), pointe (a), de Rialachán (AE) 2023/956.

1.   I gcás ina gcinnfidh an t-údarás inniúil a dheonaigh stádas dearbhóra SCCT údaraithe, ar bhonn an athmheasúnaithe dá dtagraítear in Airteagal 18, gur gá coigeartuithe a dhéanamh ar stádas an dearbhóra SCCT údaraithe, cuirfidh sé a chonclúidí in iúl don dearbhóir SCCT údaraithe gan mhoill.

2.   Féadfaidh an dearbhóir SCCT údaraithe freagra a thabhairt ar an teachtaireacht a sholáthraítear i gcomhréir le mír 1 laistigh de 30 lá féilire ó fhógra na teachtaireachta sin.

3.   Tionscnóidh an t-údarás inniúil an nós imeachta um chúlghairm maidir le stádas dearbhóra SCCT údaraithe i gcomhréir le hAirteagal 22 den Rialachán seo i gcás ina gcinnfidh an t-údarás inniúil, agus aon bharúil a chuir an dearbhóir SCCT údaraithe in iúl i gcomhréir le mír 2 á cur san áireamh, nach gcomhlíonann an dearbhóir SCCT údaraithe na critéir agus na coinníollacha a thuilleadh chun údarú a bheith aige i gcomhréir le hAirteagal 17 de Rialachán (AE) 2023/956.

1.   Comhlíonfaidh an duine a ndearnadh a stádas dearbhóra SCCT údaraithe a chúlghairm an oibleagáid maidir le dearbhú SCCT a chur isteach i gcomhréir le hAirteagal 6 de Rialachán (AE) 2023/956, i gcás earraí a allmhairíodh roimh an gcúlghairm.

2.   Féadfaidh an duine a ndearnadh a stádas mar dhearbhóir SCCT údaraithe a chúlghairm iarratas ar údarú a dhéanamh arís tráth ar bith, i gcás inar comhlíonadh na hoibleagáidí i mír 1.

1.   I gcás ina n-iarrann an dearbhóir SCCT údaraithe go ndéanfaí a údarú a chúlghairm, cuirfidh sé in iúl an chúis agus an dáta óna ngabhfaidh éifeacht leis an gcúlghairm (dáta na cúlghairme). Ní féidir dáta na cúlghairme a bheith roimh chur isteach na hiarrata ar chúlghairm. Cláróidh an t-údarás inniúil na cúiseanna atá leis an iarraidh ar chúlghairm.

2.   I gcás ina bhfuil dáta na cúlghairme dá dtagraítear i mír 1 den Airteagal seo an 31 Bealtaine gach bliain nó roimhe sin, áireofar sa dearbhú SCCT an fhaisnéis dá dtagraítear in Airteagal 6(2), pointí (a), (b) agus (c), de Rialachán (AE) 2023/956 agus, i gcás inarb iomchuí, an fhaisnéis dá dtagraítear in Airteagal 6(2), pointe (d) den Rialachán sin, maidir le hearraí a allmhairíodh roimh dháta na cúlghairme agus nach gcumhdaítear ar shlí eile le dearbhú SCCT.

3.   I gcás ina bhfuil dáta na cúlghairme dá dtagraítear i mír 1 den Airteagal seo tar éis an 31 Bealtaine gach bliain, áireofar sa dearbhú SCCT an fhaisnéis dá dtagraítear in Airteagal 6(2), pointí (a), (b) agus (c), de Rialachán (AE) 2023/956 agus, i gcás inarb iomchuí, an fhaisnéis dá dtagraítear in Airteagal 6(2), pointe (d) den Rialachán sin, maidir le hearraí a allmhairíodh idir an 1 Eanáir den bhliain sin agus dáta na cúlghairme.

4.   Comhdóidh an dearbhóir SCCT údaraithe a bhfuil an chúlghairm á hiarraidh aige an dearbhú dá dtagraítear i mír 2 nó 3 laistigh de 1 mhí ó dháta na cúlghairme dá dtagraítear i mír 1.

5.   I gcás nach bhfuil an dearbhóir SCCT údaraithe in ann an dearbhú dá dtagraítear i mír 2 nó 3 den Airteagal seo a chur isteach, cuirfidh sé an t-údarás inniúil ar an eolas faoin méid sin in éineacht leis an iarraidh ar chúlghairm dá dtagraítear i mír 1 den Airteagal seo. Soláthróidh an dearbhóir SCCT údaraithe, ar dháta na cúlghairme, an fhaisnéis dá dtagraítear in Airteagal 6(2), pointe (a), de Rialachán (AE) 2023/956 don údarás inniúil.

6.   Bunóidh an t-údarás inniúil, laistigh de 1 mhí ó dháta na cúlghairme, an dearbhú SCCT le haghaidh na n-earraí allmhairithe nach gcumhdaítear ar shlí eile le dearbhú SCCT ar bhonn na faisnéise a fuarthas i gcomhréir le mír 5, agus na faisnéise a cuireadh in iúl i gcomhréir le hAirteagal 25(3) de Rialachán (AE) 2023/956, na faisnéise atá ina sheilbh, agus na n-astaíochtaí leabaithe, arna gcinneadh trí thagairt do luachanna réamhshocraithe i gcomhréir leis na modhanna a leagtar amach in Iarscríbhinn IV a ghabhann le Rialachán (AE) 2023/956.

7.   Déanfaidh an dearbhóir SCCT údaraithe a bhfuil an chúlghairm á hiarraidh aige an líon iomlán dheimhnithe SCCT a ríomhtar ar bhonn na faisnéise a sholáthraítear sa dearbhú dá dtagraítear i míreanna 2, 3 agus 6 a ghéilleadh laistigh de 15 lá féilire.

8.   Féadfaidh dearbhóir SCCT údaraithe an iarraidh ar a údarú a chúlghairm a tharraingt siar tráth ar bith sula mbeidh cinneadh déanta ag an údarás inniúil maidir leis an iarraidh ar chúlghairm.

9.   Tabharfaidh an t-údarás inniúil fógra don dearbhóir SCCT údaraithe, don Choimisiún agus do na húdaráis inniúla eile faoi chúlghairm an stádais dearbhóra SCCT údaraithe.

1.   I gcás ina mbeidh sé beartaithe ag an údarás inniúil údarú a chúlghairm, déanfaidh sé measúnú ar na coinníollacha agus ar na critéir dá dtagraítear in Airteagal 17(8) de Rialachán (AE) 2023/956, agus mar a shonraítear in Airteagail 9 agus 10 den Rialachán seo.

2.   Nuair a bheidh sé á chinneadh ag an údarás inniúil an raibh baint ag an dearbhóir SCCT údaraithe le sáruithe tromchúiseacha nó leantacha ar an oibleagáid deimhnithe SCCT a ghéilleadh dá dtagraítear in Airteagal 22(1) de Rialachán (AE) 2023/956 nó ar an oibleagáid líon leordhóthanach dheimhnithe SCCT a áirithiú sa chuntas SCCT dá dtagraítear in Airteagal 22(2) den Rialachán sin, déanfaidh an t-údarás inniúil na tosca seo a leanas a mheas:

3.   Féadfaidh an t-údarás inniúil iarraidh ar an dearbhóir SCCT údaraithe faisnéis bhreise a sholáthar agus barúlacha a thabhairt ar an bhfaisnéis ar a bhfuil sé beartaithe ag an údarás inniúil a chinneadh a bhunú chun an t-údarú a chúlghairm sula ndéanfaidh sé cinneadh nó sula dtionscnóidh sé nós imeachta comhairliúcháin de bhun Airteagal 25. Socróidh an t-údarás inniúil sprioc-am, nach faide ná 10 lá oibre, ar lena linn a dhéanfaidh an dearbhóir an fhaisnéis nó na barúlacha a iarradh a sholáthar.

1.   De bhun an mheasúnaithe i gcomhréir le hAirteagal 22, agus tar éis éisteacht a thabhairt don dearbhóir SCCT údaraithe i gcomhréir le hAirteagal 27, féadfaidh an t-údarás inniúil cinneadh cúlghairme a dhéanamh. Tabharfar fógra faoin gcinneadh cúlghairme gan mhoill i gclárlann SCCT.

2.   I gcás ina dtugtar fógra faoin gcinneadh cúlghairme an 31 Bealtaine gach bliain nó roimhe sin, áireofar sa dearbhú SCCT an fhaisnéis dá dtagraítear in Airteagal 6(2), pointí (a), (b) agus (c), de Rialachán (AE) 2023/956 agus, i gcás inarb iomchuí, an fhaisnéis dá dtagraítear in Airteagal 6(2), pointe (d), den Rialachán sin, maidir le hearraí a allmhairíodh roimh an dáta a tugadh fógra faoin gcinneadh cúlghairme agus nach gcumhdaítear ar shlí eile le dearbhú SCCT.

3.   I gcás ina dtugtar fógra faoin gcinneadh cúlghairme tar éis an 31 Bealtaine gach bliain, áireofar sa dearbhú SCCT an fhaisnéis dá dtagraítear in Airteagal 6(2), pointí (a), (b) agus (c), de Rialachán (AE) 2023/956 agus, i gcás inarb iomchuí, an fhaisnéis dá dtagraítear in Airteagal 6(2), pointe (d), den Rialachán sin, maidir le hearraí a allmhairíodh idir an 1 Eanáir den bhliain sin agus an dáta a tugadh fógra faoin gcinneadh cúlghairme.

4.   Déanfaidh an duine a bhfuil údarú cúlghairthe aige an dearbhú dá dtagraítear i míreanna 2 nó 3 a chomhdú laistigh de 1 mhí ón dáta a tugadh fógra faoin gcúlghairm.

5.   I gcás nach féidir leis an duine a bhfuil údarú cúlghairthe aige an dearbhú dá dtagraítear i míreanna 2 nó 3 den Airteagal seo a chur isteach, déanfaidh sé, laistigh de 1 mhí ón tráth a tugadh fógra faoin gcinneadh cúlghairme, an t-údarás inniúil a chur ar an eolas faoi sin agus cuirfidh sé an fhaisnéis dá dtagraítear in Airteagal 6(2), pointe (a), de Rialachán (AE) 2023/956 ar fáil don údarás sin láithreach.

6.   Bunóidh an t-údarás inniúil, laistigh de 1 mhí ón dáta a fhaightear an fhaisnéis dá dtagraítear i mír 5 den Airteagal seo, dearbhú SCCT le haghaidh na n-earraí allmhairithe nach gcumhdaítear ar shlí eile le dearbhú SCCT ar bhonn na faisnéise a fuarthas i gcomhréir le mír 5 den Airteagal seo, agus na faisnéise a cuireadh in iúl i gcomhréir le hAirteagal 25(3) de Rialachán (AE) 2023/956, na faisnéise atá ina sheilbh, agus na n-astaíochtaí leabaithe, arna gcinneadh trí thagairt do luachanna réamhshocraithe i gcomhréir leis na modhanna a leagtar amach in Iarscríbhinn IV a ghabhann le Rialachán (AE) 2023/956.

7.   Déanfaidh an duine a bhfuil údarú cúlghairthe aige an líon iomlán dheimhnithe SCCT a ríomhtar ar bhonn na faisnéise a sholáthraítear sa dearbhú dá dtagraítear i míreanna 2, 3 agus 6 a ghéilleadh laistigh de 15 lá féilire.

1.   Gabhfaidh éifeacht le cúlghairm stádas dearbhóra SCCT údaraithe an lá tar éis an dáta a tugadh fógra faoin gcinneadh cúlghairme de bhun Airteagal 21(9) agus Airteagal 23(1) den Rialachán seo. Déanfar an fógra maidir leis an gcinneadh sin a chlárú i gclárlann SCCT agus measfar fógra a bheith tugtha don dearbhóir SCCT ina leith.

2.   Ní bheidh aon éifeacht ag an gcúlghairm ar bhailíocht allmhairiú earraí, ná ar na hastaíochtaí gaolmhara, a tharla sular cláraíodh stádas cúlghairthe mar dhearbhóir SCCT údaraithe i leith an duine i gclárlann SCCT.

3.   I gcás ina rinneadh údarú SCCT a chúlghairm de bhun Airteagail 21 nó 23, fanfaidh an cuntas SCCT faoin stádas ‘dúnta’ i gcomhréir le hAirteagal 16(4) de Rialachán (AE) 2023/956 go dtí an 5ú bliain tar éis na cúlghairme. Tar éis na tréimhse sin, dúnfar an cuntas SCCT go buan.

4.   Athosclóidh an t-údarás inniúil cuntas SCCT ‘dúnta’, rud a fhágfaidh go mbeidh an t-úinéir in ann an oibleagáid a chomhlíonadh maidir leis an líon ceart dheimhnithe SCCT a ghéilleadh tar éis athbhreithniú a dhéanamh ar dhearbhú SCCT a cuireadh isteach i gcomhréir le hAirteagal 19(5) de Rialachán (AE) 2023/956.

1.   Féadfaidh an t-údarás inniúil cinneadh a dhéanamh stádas dearbhóra SCCT údaraithe a chúlghairm in aon cheann de na cásanna seo a leanas:

2.   Tar éis éisteacht a thabhairt don dearbhóir SCCT údaraithe i gcomhréir le hAirteagal 27, féadfaidh an t-údarás inniúil fógra a thabhairt don dearbhóir SCCT údaraithe i gclárlann SCCT faoi chúlghairm láithreach an stádais dearbhóra SCCT údaraithe agus faoi na cúiseanna leis sin gan mhoill.

3.   San fhógra dá dtagraítear i mír 2 beidh na ceanglais de bhun Airteagal 23, míreanna (2) go (7).

4.   I gcás ina ndearna an t-údarás inniúil cinneadh maidir le cúlghairm láithreach an stádais dearbhóra SCCT údaraithe, athróidh sé stádas an údaraithe go ‘cúlghairthe’.

1.   Tionscnóidh an t-údarás inniúil an nós imeachta comhairliúcháin lena mbaineann páirtithe a ndeachthas i gcomhairle leo i bhformáid leictreonach i gclárlann SCCT agus cuirfidh sé an rún in iúl stádas dearbhóra SCCT údaraithe a chúlghairm agus éileoidh sé, dá chinneadh, faisnéis bhreise maidir leis na critéir a leagtar amach in Airteagal 17(2) de Rialachán (AE) 2023/956.

2.   I gcás ina measann aon cheann de na páirtithe a ndeachthas i gcomhairle leo nach gcomhlíonann an dearbhóir SCCT údaraithe ceann amháin nó níos mó de na coinníollacha agus de na critéir is gá le haghaidh an údaraithe, rud a thabharfadh údar le cúlghairm faoi Airteagal 17(8) de Rialachán (AE) 2023/956, tabharfaidh sé fógra don údarás inniúil a rinne an nós imeachta comhairliúcháin a sheoladh, faoina sheasamh, agus é doiciméadaithe go cuí agus údar cuí leis.

3.   Féadfaidh an t-údarás inniúil faisnéis bhreise agus doiciméadacht bhreise a éileamh ar na páirtithe a ndeachthas i gcomhairle leo i gcás ina measann an t-údarás inniúil gur gá sin chun teacht ar chinneadh maidir le cúlghairm.

4.   Cinnfidh an t-údarás inniúil sprioc-am don nós imeachta comhairliúcháin, sprioc-am nach faide ná 15 lá oibre ag tosú ón dáta a chuirfidh an t-údarás inniúil sin in iúl faoi na coinníollacha agus na critéir nach mór do pháirtithe a ndeachthas i gcomhairle leo a scrúdú.

Féadfaidh an t-údarás inniúil sprioc-am níos giorra a chinneadh i gcás ina dtugann tromchúis ghníomhaíochtaí na ndearbhóirí SCCT údaraithe údar leis sin.

5.   I gcás nach bhfreagróidh na páirtithe a ndeachthas i gcomhairle leo laistigh den sprioc-am a bunaíodh don nós imeachta comhairliúcháin, measfar na coinníollacha agus na critéir a raibh an nós imeachta comhairliúcháin ar siúl ina leith a bheith comhlíonta.

1.   Tabharfaidh an t-údarás inniúil an deis don dearbhóir SCCT údaraithe éisteacht a fháil sula ndéanfar an stádas dearbhóra SCCT údaraithe a chúlghairm.

2.   Ina theachtaireacht chuig an dearbhóir SCCT údaraithe, áireoidh an t-údarás inniúil an méid seo a leanas:

3.   I gcás ina léiríonn an dearbhóir SCCT údaraithe tuairim roimh dhul in éag na teorann ama dá dtagraítear i mír 2, pointí (b) nó (c), féadfaidh an t-údarás inniúil dul ar aghaidh leis an gcinnteoireacht chríochnaitheach, agus na barúlacha á gcur san áireamh i gcás inarb infheidhme, mura gcuireann an duine lena mbaineann in iúl, an tráth céanna, go bhfuil sé ar intinn aige tuilleadh barúlacha a chur isteach laistigh den tréimhse fhorordaithe.

4.   I gcás ina ndéanann an t-údarás inniúil stádas dearbhóra SCCT údaraithe a chúlghairm, agus ina bhfeidhmítear an ceart achomhairc, cuirfidh an t-údarás inniúil eolas ar fáil faoin achomharc sin agus cláróidh sé conclúidí na n-imeachtaí achomhairc i gclárlann SCCT.

5.   Ní chuirfear an cinneadh cúlghairme ar fionraí leis an achomharc dá dtagraítear i mír 4.

1.   Déanfar na sonraí pearsanta a shonraítear sa Rialachán seo agus atá cláraithe i gclárlann SCCT, arna bunú i gcomhréir le hAirteagal 14(6) de Rialachán (AE) 2023/956, a phróiseáil chun críoch beart a bhaineann le stádas dearbhóra SCCT údaraithe a dheonú agus a chúlghairm.

2.   I ndáil leis an bpróiseáil sonraí pearsanta dá dtagraítear i mír 1 den Airteagal seo, measfar gur rialaitheoir de réir bhrí Airteagal 4(7) de Rialachán (AE) 2016/679 é an t-údarás inniúil a dhéanann stádas dearbhóra SCCT údaraithe a dheonú nó a chúlghairm.

3.   Ní dhéanfar aon chatagóir speisialta sonraí, mar a shainmhínítear in Airteagal 9 de Rialachán (AE) 2016/679 agus in Airteagal 10 de Rialachán (AE) 2018/1725, a thaifeadadh chun iarratas a dhéanamh ar stádas dearbhóra SCCT údaraithe agus chun an stádas sin a dheonú.

1.   Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

2.   Beidh feidhm aige ón 28 Márta 2025.