(1)

I gCinneadh Cur Chun Feidhme (AE, Euratom) 2023/2825 ón gCoimisiún (2) leagtar amach creat um bainistíocht riosca agus um chomhlíontacht le haghaidh oibríochtaí iasachtaíochta, bainistithe fiachais, bainistithe leachtachta agus iasachtaithe. Áirítear leis an gcreat sin ról an Phríomhoifigigh Riosca.

(2)

Le Cinneadh (AE, Euratom) 2025/369 (3) ón gCoimisiún, cuireadh feabhas ar chreat um bainistíocht riosca airgeadais agus um chomhlíontacht an Choimisiúin le haghaidh oibríochtaí iasachtaíochta, bainistithe fiachais, bainistithe leachtachta agus iasachtaithe de réir bhrí Chinneadh Cur Chun Feidhme (AE, Euratom) 2023/2825 agus leathnaíodh a chumhdach freisin chun rioscaí airgeadais a eascraíonn as na hoibríochtaí bainistithe sócmhainní, ráthaíochtaí buiséadacha agus cúnamh airgeadais a chumhdach. Sa chomhthéacs sin, leathnaíodh raon feidhme na maoirseachta a dhéanann an Príomhoifigeach Riosca chun rioscaí airgeadais a eascraíonn as na hoibríochtaí airgeadais sin uile a chumhdach.

(3)

Agus é á chur san áireamh go mbunaítear le Cinneadh (AE, Euratom) 2025/369 ról an Phríomhoifigigh Riosca chun maoirseacht a dhéanamh ar na rioscaí airgeadais a eascraíonn as oibríochtaí airgeadais an Aontais, is iomchuí a shoiléiriú gur cheart bainistiú riosca airgeadais na n-oibríochtaí iasachtaíochta, bainistithe fiachais, bainistithe leachtachta agus iasachtaithe a rialú le rialacha an Chinnidh sin. Dá bhrí sin, ba cheart na forálacha i gCinneadh Cur Chun Feidhme (AE, Euratom) 2023/2825 maidir le ról an Phríomhoifigigh Riosca agus bunú Beartais Ardleibhéil um Riosca agus um Chomhlíontacht a scriosadh. Thairis sin, ba cheart na forálacha maidir leis an gCoiste um Riosca agus um Chomhlíontacht a scriosadh toisc go bhfuil sainchúram an Choiste sin, a chomhdhéanamh agus a mhodhanna oibre san áireamh anois i gCinneadh (AE) 2025/369. Ar deireadh, ba cheart na tagairtí do thuairim an Phríomhoifigigh Riosca maidir leis an bplean cistiúcháin agus an straitéis bainistithe leachtachta a leasú chun forálacha Chinneadh (AE) 2025/369 a léiriú.

(4)

I bhfianaise an ghá atá le méideanna méadaitheacha a ardú trí cheantanna le haghaidh urrúis fiachais, is iomchuí dreasachtaí nua a thabhairt isteach chun borradh a chur faoi rannpháirtíocht sna hidirbhearta sin. Tá sé beartaithe sampla chláir cheantála na mBallstát a leanúint chun a chur ar a gcumas do na hinstitiúidí creidmheasa agus do na gnólachtaí infheistíochta ar comhaltaí iad de líonra na bpríomhdhéileálaithe arna bhunú faoi Chinneadh Cur Chun Feidhme (AE) 2023/1602 ón gCoimisiún (4) méideanna breise d’urrúis fiachais a dhíoltar ar ceant a cheannach tar éis an praghas ceantála a shocrú. I gcás ina dtagann méadú ar mhargadhphraghas an urrúis cheantáilte tar éis an cheant, cuireann sé ar a gcumas do phríomhdhéileálaithe urrúis fiachais bhreise a cheannach ar phraghas faoi bhun an mhargadhphraghais, agus dá bhrí sin is dreasacht é tairiscint a dhéanamh sa cheant. Dá réir sin, ba cheart cineál nua idirbhirt leithdháilte ceant neamhiomaíoch a thabhairt isteach chun méideanna breise d’urrúis fiachais an Aontais agus Euratom a cheannach ar phraghas socraithe laistigh de thréimhse shocraithe tar éis an cheant. Ba cheart é a bheith indéanta an t-ardán ceantála a úsáid chun an leithdháileadh a dhéanamh.

(5)

Ba cheart, dá bhrí sin, Cinneadh Cur Chun Feidhme (AE, Euratom) 2023/2825 a leasú dá réir.

(6)

Chun aistriú rianúil a áirithiú ón gcreat rialachais reatha a leagtar amach i gCinneadh Cur Chun Feidhme (AE, Euratom) 2023/2825 chuig an gcreat nua a leagtar amach i gCinneadh (AE, Euratom) 2025/369, ba cheart na socruithe bainistithe riosca atá ann cheana a bhaineann leis an mBeartas Ardleibhéil um Riosca agus um Chomhlíontacht agus leis an gCoiste um Riosca agus um Chomhlíontacht a bheith i bhfeidhm go dtí lá chéad chruinniú an Choiste um Riosca agus um Chomhlíontacht arna bhunú i gCinneadh (AE, Euratom) 2025/369,

(1)

in Airteagal 2, cuirtear an pointe (17) seo a leanas isteach:

(*1)  Cinneadh Cur Chun Feidhme (AE) 2023/1602 ón gCoimisiún an 31 Iúil 2023 maidir leis an líonra príomhdhéileálaithe agus sainiú na gcritéar incháilitheachta le haghaidh príomhshainorduithe agus comh-phríomhshainorduithe le haghaidh idirbhearta sindeacáite chun críoch gníomhaíochtaí iasachtaíochta ag an gCoimisiún thar ceann an Aontais agus an Chomhphobail Eorpaigh do Fhuinneamh Adamhach (IO L 196, 4.8.2023, lch. 44, ELI: http://data.europa.eu/eli/dec_impl/2023/1602/oj).’ "

(2)

in Airteagal 4(2), cuirtear an méid seo a leanas in ionad an dara fomhír:

‘Agus an plean cistiúcháin á bhunú, cuirfear tuairim an Phríomhoifigigh Riosca dá dtagraítear in Airteagal 6, pointe (b), de Chinneadh (AE, Euratom) 2025/369 ón gCoimisiún san áireamh go cuí. (*2)

(*2)  Cinneadh (AE, Euratom) 2025/369 an 21 Feabhra 2025 lena mbunaítear ról an Phríomhoifigigh Riosca a dhéanann maoirseacht ar na rioscaí airgeadais a eascraíonn as oibríochtaí airgeadais an Aontais, (IO L, 2025/369, 25.2.2025, ELI: http://data.europa.eu/eli/dec/impl/2025/369/oj).’;"

(3)

in Airteagal 7(1), cuirtear an méid seo a leanas in ionad phointe (c):

(4)

in Airteagal 8(4), cuirtear an méid seo a leanas in ionad na chéad abairte:

‘Agus an straitéis bainistithe leachtachta á bunú nó á leasú, cuirfear tuairim an Phríomhoifigigh Riosca dá dtagraítear in Airteagal 6(c) de Chinneadh (AE, Euratom) 2025/369 san áireamh go cuí.’;

(5)

In Airteagal 12(2), cuirtear an méid seo a leanas in ionad phointe (c) agus phointe (d):

(6)

Cuirtear an méid seo a leanas in ionad Airteagal 18:

‘Beidh bainistiú riosca airgeadais na n-oibríochtaí iasachtaíochta, bainistithe fiachais, bainistithe leachtachta agus iasachtaithe faoi rialú Chinneadh (AE, Euratom) 2025/369.’;

(7)

Scriostar Airteagal 19;

(8)

Scriostar Airteagail 20 agus 21;

(9)

Scriostar Airteagail 22 agus 23.