1.   Faoin 31 Bealtaine gach bliain agus ón 31 Bealtaine 2027 ar aghaidh, déanfaidh gach Ballstát cósta na sonraí comhiomlánaithe a bhailítear faoi Airteagal 55(2) den Rialachán um Rialú a chur faoi bhráid an Choimisiúin go leictreonach, trí fhreastalaí lárnach ‘RecFishing’ de chuid an Aontais (5), ar sonraí iad a bhaineann leis an méid seo a leanas:

Chun críche an tíolactha seo, déanfar an trealamh iascaireachta a shainaithint de réir na gcineálacha a liostaítear in Iarscríbhinn I agus déanfar an modh iascaireachta a shainaithint de réir na gcatagóirí a liostaítear in Iarscríbhinn II.

Chun críche an tíolactha seo, an limistéar geografach ábhartha inar gabhadh an speiceas, freagróidh sé do chríoch an Bhallstáit chósta agus do na huiscí atá faoina cheannasacht nó faoina dhlínse, in aghaidh na roinne agus na bhforanna CITM ar a laghad mar a shonraítear in Iarscríbhinn III a ghabhann le Rialachán (CE) Uimh. 218/2009 ó Pharlaimint na hEorpa agus ón gComhairle (6) nó, más infheidhme, freagróidh sé d’fholimistéir gheografacha CGIM a leagtar amach in Iarscríbhinn I a ghabhann le Rialachán (AE) 2023/2124 ó Pharlaimint na hEorpa agus ón gComhairle (7). I gcás nach mbeidh feidhm ag na limistéir gheografacha CITM agus CGIM sin, úsáidfear córas limistéir iascaireachta FAO ar an leibhéal is mionsonraithe a bheidh ar fáil.

2.   Seiceálfaidh na Ballstáit chósta cruinneas na sonraí bailithe a chuirtear faoi bhráid an Choimisiúin. Má bhraitheann Ballstát cósta neamhréireachtaí san fhaisnéis a cuireadh faoi bhráid an Choimisiúin cheana, ceartóidh sé na sonraí a luaithe is féidir agus ar a dhéanaí an 31 Nollaig den bhliain inar tíolacadh iad.

1.   Faoin 15ú lá de gach mí agus ón 15 Márta 2026 ar aghaidh, déanfaidh gach Ballstát cósta na sonraí comhiomlánaithe a bhailítear faoi Airteagal 55(3) a chur faoi bhráid an Choimisiúin go leictreonach, trí fhreastalaí lárnach ‘RecFishing’ de chuid an Aontais, ar sonraí iad a bhaineann leis an méid seo a leanas:

Chun críche an tíolactha seo, déanfar an trealamh iascaireachta a shainaithint de réir na gcineálacha a liostaítear in Iarscríbhinn I agus déanfar an modh iascaireachta a shainaithint de réir na gcatagóirí a liostaítear in Iarscríbhinn II.

Chun críche an tíolactha seo, an limistéar geografach ábhartha inar gabhadh an speiceas, freagróidh sé do chríoch an Bhallstáit chósta agus do na huiscí atá faoina cheannasacht nó faoina dhlínse, ar a laghad trí dhronuilleog staidrimh ICES, nó más infheidhme tríd an aonad geografach coibhéiseach CGIM. I gcás nach mbeidh feidhm ag na limistéir gheografacha CITM agus CGIM sin, úsáidfear córas limistéir iascaireachta FAO ar an leibhéal is mionsonraithe a bheidh ar fáil.

2.   Seiceálfaidh na Ballstáit chósta cruinneas na sonraí bailithe a chuirtear faoi bhráid an Choimisiúin. Má bhraitheann Ballstát cósta neamhréireachtaí san fhaisnéis a cuireadh faoi bhráid an Choimisiúin cheana, ceartóidh sé na sonraí a luaithe is féidir agus ar a dhéanaí 6 mhí tar éis an dáta a tíolacadh an fhaisnéis.

1.   Déanfar gléasanna iascaireachta éighníomhacha a úsáidtear le haghaidh iascach áineasa a mharcáil go soiléir ar bhealach inar féidir an trealamh iascaireachta a shainaithint agus a nascadh leis an iascaire áineasa a úsáideann an trealamh iascaireachta nó le húinéir an trealaimh iascaireachta, tríd an marcáil sin a thaispeáint ar na bealaí seo a leanas:

Déanfar marcáil na ngléasanna iascaireachta éighníomhacha a úsáidtear le haghaidh iascach áineasa a fheistiú go daingean, ní bheidh sí inbhainte agus beidh sí déanta as ábhair mharthanacha.

2.   Déanfar gléasanna iascaireachta éighníomhacha a úsáidtear le haghaidh iascach áineasa a mharcáil go leordhóthanach freisin chun a léiriú go bhfuil trealamh iascaireachta ar dhromchla an uisce nó an oighir.