Ag féachaint don Chomhaontú maidir leis an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,

(1)

Rialachán (AE) Uimh. 2023/2832 ón gCoimisiún an 13 Nollaig 2023 maidir le hAirteagal 107 agus Airteagal 108 den Chonradh ar Fheidhmiú an Aontais Eorpaigh a chur i bhfeidhm ar chabhair de minimis arna deonú do ghnóthais a sholáthraíonn seirbhísí ar lena ngabhann leas eacnamaíoch ginearálta (1), arna cheartú le IO L, 2024/90320, 30.5.2024, tá sé le hionchorprú i gComhaontú LEE.

(2)	Tá Rialacháin (AE) Uimh. 360/2012 ón gCoimisiún (2), atá ionchorpraithe i gComhaontú LEE, imithe in éag agus ba cheart iad a aisghairm, dá réir sin, faoi Chomhaontú LEE.

(3)	Dá bhrí sin, ba cheart Iarscríbhinn XV a ghabhann le Comhaontú LEE a leasú dá réir sin,

Airteagal 1

Cuirtear an méid seo a leanas in ionad théacs phointe 1ha (Rialachán (AE) Uimh. 360/2012 ón gCoimisiún) d’Iarscríbhinn XV a ghabhann le Comhaontú LEE:

‘ 32023 R 2832: Rialachán (AE) Uimh. 2023/2832 ón gCoimisiún an 13 Nollaig 2023 maidir le hAirteagal 107 agus Airteagal 108 den Chonradh ar Fheidhmiú an Aontais Eorpaigh a chur i bhfeidhm ar chabhair de minimis arna deonú do ghnóthais a sholáthraíonn seirbhísí ar lena ngabhann leas eacnamaíoch ginearálta (IO L, 2023/2832, 15.12.2023, arna cheartú le IO L, 2024/90320, 30.5.2024.

Chun críocha an Chomhaontaithe seo, tá forálacha an Rialacháin oiriúnaithe mar a leanas:

(a)	Cuirfear an mhír seo a leanas le hAirteagal 1: ‘3.   Ní bheidh feidhm ag an Rialachán ach amháin maidir le hearnálacha a gcumhdaítear le hAirteagail 61 go 64 de Chomhaontú LEE.’ .

(b)	In Airteagail 3(1) agus 7(2), cuirfear na focail ‘Airteagal 61(1) de Chomhaontú LEE’ in ionad ‘Airteagal 107(1) den Chonradh’.

(c)	In Airteagail 3(1) agus 7(2), a mhéid a bhaineann le Stáit CSTE, cuirfear na focail ‘Airteagal 1(3) de Chuid I de Phrótacal 3 den Chomhaontú Faireacháin agus Cúirte’ in ionad ‘Airteagal 108(3) den Chonradh’.’

Airteagal 2

Is téacs barántúil a bheidh i dtéacs Rialachán Cur Chun Feidhme (AE) 2023/2832, arna cheartú le IO L, 2024/90320, 30.5.2024, san Íoslainnis agus san Ioruais, téacs atá le foilsiú i bhForlíonadh LEE d’Iris Oifigiúil an Aontais Eorpaigh.

Airteagal 3

Tiocfaidh an Cinneadh seo i bhfeidhm an 26 Deireadh Fómhair 2024, ar choinníoll go mbeidh na fógraí uile de réir Airteagal 103(1) de Chomhaontú LEE tugtha (*1).

Airteagal 4

Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.