(1)

Ceanglaítear le hAirteagal 8(2) de Threoir 2003/99/CE ar údarás inniúil an Bhallstáit ábhartha imscrúdú a dhéanamh ar ráigeanna bia-iompartha i gcomhar leis na húdaráis inniúla atá freagrach as aghaidh a thabhairt ar bhagairtí tromchúiseacha trasteorann ar shláinte an duine agus ar na hiarmhairtí a bhaineann leo de bhun Chinneadh Uimh. 2119/98/CE ó Pharlaimint na hEorpa agus ón gComhairle (2). Aisghaireadh an Cinneadh sin le Cinneadh Uimh. 1082/2013/AE ó Pharlaimint na hEorpa agus ón gComhairle (3), Cinneadh a aisghaireadh ina dhiaidh sin agus ar cuireadh Rialachán (AE) 2022/2371 ó Pharlaimint na hEorpa agus ón gComhairle (4) ina ionad. Tá na himscrúduithe sin le sonraí a sholáthar maidir leis an bpróifíl eipidéimeolaíoch, na hearraí bia a d’fhéadfadh a bheith bainteach, cúiseanna féideartha leis na ráigeanna, tá staidéir eipidéimeolaíocha agus mhicribhitheolaíocha leormhaithe le cuimsiú iontu chomh maith.

(2)

Éifeachtúlacht agus comhar trasearnála idir na húdaráis sláinte poiblí agus na húdaráis sábháilteachta bia in imscrúduithe den sórt sin, tá na nithe sin ríthábhachtach chun tionchar ráige ar an tsláinte phoiblí a theorannú agus chun íoslaghdú a dhéanamh ar an tionchar eacnamaíoch a bhaineann le haisghairmeacha agus aistarraingt bia atá neamhshábháilte nó a d’fhéadfadh a bheith neamhshábháilte. Chun na críche sin, is gá baisceanna nó coinsíneachtaí ina bhfuil bia éillithe agus an chúis leis an ráig a shainaithint go tapa iontaofa.

(3)

Is teicníc anailíseach mhóilíneach nua-aimseartha é seicheamhú géanóim iomláin (WGS) le haghaidh staidéir mhicribhitheolaíocha lena n-éascaítear go mór sainaithint thapa braislí miocrorgánach, rud a thacaíonn leis na himscrúduithe eipidéimeolaíocha. Cuidíonn sé le naisc a bhunú idir aonraígh de phataiginí bia-iompartha a aisghabhtar ó dhaoine, ó bhia, ó ainmhithe, ó bheatha agus ón timpeallacht ghaolmhar le linn an imscrúdaithe ar an ráig.

(4)

Chun imscrúduithe ar ráigeanna bia-iompartha agus brath tráthúil fhoinsí na ráigeanna sin a éascú go mór, maidir le haonraígh Salmonella enterica, Listeria monocytogenes, Escherichia coli, Campylobacter jejuni agus Campylobacter coli a dhíorthaítear ó bhia, ó ainmhithe, ó bheatha agus ó shamplaí gaolmhara comhshaoil, ba cheart ceangal a bheith ar na Ballstáit iad a bhailiú ó oibreoirí gnólachtaí bia agus beatha agus le linn rialuithe oifigiúla, i gcás ina mbaineann na haonraígh sin le ráig bia-iompartha nó ina bhfuil amhras ann go mbaineann siad léi. Ba cheart ceangal a bheith ar na Ballstáit seicheamhú géanóim iomláin a dhéanamh ar na haonraígh sin freisin.

(5)

Ba cheart do na Ballstáit na torthaí ó sheicheamhú géanóim iomláin ar aonraígh na bpataiginí sin ó bhia, ó ainmhithe, ó bheatha agus ón gcomhshaol gaolmhar a tharchur chuig an Údarás Eorpach um Shábháilteacht Bia (‘an tÚdarás’) a d’fhorbair comhchóras Aon Sláinte Amháin in éineacht leis an Lárionad Eorpach um Ghalair a Chosc agus a Rialú (ECDC). Laistigh den chomhchóras Aon Sláinte Amháin, is féidir leis an Údarás comparáid a dhéanamh idir na torthaí ó sheicheamhú géanóim iomláin ar aonraígh na bpataiginí sin a bhailítear i gcomhréir leis an Rialachán seo agus na torthaí ó sheicheamhú géanóim iomláin ar aonraígh dhaonna a chuirtear in iúl do ECDC i gcomhréir le hAirteagal 13(3), pointe (d), de Rialachán (AE) 2022/2371. Leis an gcomparáid sin, is féidir foinse ráige agus na gcoinsíneachtaí atá buailte a shainaithint nuair a úsáidtear í in éineacht le sonraí ó imscrúduithe eipidéimeolaíocha. Agus na torthaí ón seicheamhú géanóim iomláin á dtarchur chuig Údarás EFSA, ba cheart sonraí gaolmhara breise a chuimsiú, ar sonraí iad atá riachtanach chun imscrúdú a dhéanamh ar ráigeanna bia-iompartha.

(6)

Is iomchuí am leordhóthanach a thabhairt do na Ballstáit agus don Údarás oiriúnú do na ceanglais nua maidir le haonraígh a dhíorthaítear ó bhia, ó ainmhithe, ó bheatha agus ó shamplaí gaolmhara comhshaoil a bhailiú, le seicheamhú géanóim iomláin ar na haonraígh sin agus le tarchur na sonraí gaolmhara chun foráil a dhéanamh maidir leis na feidhmeanna teicniúla agus na hacmhainní airgeadais is gá. Dá bhrí sin, ba cheart feidhm a bheith ag na ceanglais sa Rialachán seo 18 mí ó dháta theacht i bhfeidhm an Rialacháin seo.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,