(1)

Le hAirteagal 9(2) de Chinneadh (CBES) 2017/2315, foráiltear go gcinnfidh an Chomhairle, i gcomhréir le hAirteagal 46(6) den Chonradh ar an Aontas Eorpach (CAE), cé acu an gcomhlíonann nó nach gcomhlíonann tríú Stát, ar Stát é ar mian leis na Ballstáit atá rannpháirteach i dtionscadal buanchomhair struchtúrtha (PESCO) cuireadh a thabhairt dó páirt a ghlacadh sa tionscadal sin, na ceanglais arna mbunú ag an gComhairle.

(2)

An 6 Márta 2018, ghlac an Chomhairle Cinneadh (CBES) 2018/340 (3), lenar bunaíodh liosta na dtionscadal atá le forbairt faoi PESCO. Le hAirteagal 1 den Chinneadh sin, foráiltear do thionscadal dar teideal ‘Soghluaisteacht Mhíleata’, ina bhfuil 25 chomhalta tionscadail, lena n-áirítear an Ísiltír ina cáil mar chomhordaitheoir tionscadail.

(3)

An 5 Samhain 2020, ghlac an Chomhairle Cinneadh (CBES) 2020/1639 lenar bunaíodh na coinníollacha ginearálta faoina bhféadfaí cuireadh eisceachtúil a thabhairt do thríú Stáit a bheith rannpháirteach i dtionscadail aonair PESCO. Foráiltear le hAirteagal 2(4) den Chinneadh sin go bhfuil an Chomhairle le cinneadh a dhéanamh, bunaithe ar fhógra ó chomhordaitheoir nó ó chomhordaitheoirí tionscadail PESCO agus tar éis don Choiste Polaitiúil agus Slándála tuairim a thabhairt uaidh, i gcomhréir le hAirteagal 46(6) CAE agus le hAirteagal 9(2) de Chinneadh (CBES) 2017/2315, cé acu an gcomhlíonann nó nach gcomhlíonann rannpháirtíocht an tríú Stát sa tionscadal sin na coinníollacha ginearálta a leagtar amach in Airteagal 3 de Chinneadh (CBES) 2020/1639.

(4)

An 26 Meán Fómhair 2024, chuir an Eilvéis a hiarraidh ar rannpháirtíocht i dtionscadal Soghluaisteacht Mhíleata PESCO chuig comhordaitheoir an tionscadail sin, i gcomhréir le hAirteagal 2(1) de Chinneadh (CBES) 2020/1639. Rinne comhaltaí an tionscadail measúnú ansin, ar bhonn na faisnéise a chuir an Eilvéis ar fáil, an gcomhlíonann sí na coinníollacha ginearálta, i gcomhréir le hAirteagal 2(2) de Chinneadh (CBES) 2020/1639.

(5)

An 25 Deireadh Fómhair 2024, thug comhordaitheoir thionscadal ‘Soghluaisteacht Mhíleata’ PESCO fógra don Chomhairle agus d’Ardionadaí an Aontais do Ghnóthaí Eachtracha agus don Bheartas Slándála, i gcomhréir le hAirteagal 2(3) de Chinneadh (CBES) 2020/1639, gur chomhaontaigh comhaltaí tionscadail an tionscadail sin de chuid PESCO d’aon toil an méid seo a leanas: gur mian leo cuireadh a thabhairt don Eilvéis a bheith rannpháirteach sa tionscadal sin; maidir le raon feidhme, foirm agus céimeanna ábhartha rannpháirtíocht na hEilvéise sa tionscadal sin; agus go gcomhlíonann an Eilvéis na coinníollacha ginearálta a leagtar amach in Airteagal 3 de Chinneadh (CBES) 2020/1639.

(6)

An 12 Samhain 2024, chomhaontaigh an Coiste Polaitiúil agus Slándála tuairim faoin bhfógra ó chomhordaitheoir thionscadal Soghluaisteacht Mhíleata PESCO maidir leis an iarraidh ón Eilvéis a bheith rannpháirteach sa tionscadal sin (‘an fógra’). Go háirithe, thug an Coiste Polaitiúil agus Slándála dá aire an tuairisc ar thionscadal Soghluaisteacht Mhíleata PESCO mar a fhoráiltear san fhógra, lena n-áirítear a chuspóirí, a eagrú agus a chinnteoireacht chomh maith le réimsí fócais na hoibre. Thug sé dá aire freisin nach gcomhroinntear aon fhaisnéis rúnaicmithe ná íogair de chuid an Aontais laistigh den tionscadal agus nach gcuirtear an tionscadal chun feidhme le tacaíocht ón nGníomhaireacht Eorpach um Chosaint (GEC) de réir bhrí Airteagal 3, pointe (g), de Chinneadh (CBES) 2020/1639. Thairis sin, thug sé dá aire nach bhfuil soláthar armála, taighde agus forbairt cumais, ná úsáid agus onnmhairiú arm nó cumas agus teicneolaíocht i gceist le tionscadal Soghluaisteacht Mhíleata PESCO. Thug sé dá aire freisin, nach bhfuil baint ag eintitis, infheistíochtaí ná cistiú ó Bhallstáit atá rannpháirteach in PESCO leis ná ag iarrataí ar chistiú ón Aontas le haghaidh gníomhaíochtaí tionscadail.

(7)

D’aontaigh an Coiste Polaitiúil agus Slándála freisin le raon feidhme molta, foirm mholta agus méid molta rannpháirtíocht na hEilvéise i dtionscadal Soghluaisteacht Mhíleata PESCO mar a thuairiscítear san fhógra iad. D’admhaigh sé go raibh sé curtha in iúl ag an Eilvéis go dtacaíonn sí go hiomlán le raon feidhme an tionscadail sin mar a shainítear san fhógra é.

(8)

Sa tuairim chéanna, dhearbhaigh an Coiste Polaitiúil agus Slándála an tuairim arna comhaontú d’aon toil ag comhaltaí an tionscadail go gcomhlíonann an Eilvéis na coinníollacha ginearálta a leagtar amach in Airteagal 3 de Chinneadh (CBES) 2020/1639, mar seo a leanas:

(9)

Ar deireadh, sa tuairim uaidh, mhol an Coiste Polaitiúil agus Slándála go ndéanfadh an Chomhairle cinneadh dearfach i dtaobh an gcomhlíonann rannpháirtíocht na hEilvéise i dtionscadal ‘Soghluaisteacht Mhíleata’ PESCO na coinníollacha a leagtar amach in Airteagal 3 de Chinneadh (CBES) 2020/1639.

(10)

Ba cheart don Chomhairle, dá bhrí sin, cinneadh a dhéanamh go gcomhlíonann rannpháirtíocht na hEilvéise i dtionscadal ‘Soghluaisteacht Mhíleata’ PESCO na coinníollacha a leagtar amach in Airteagal 3 de Chinneadh (CBES) 2020/1639. Glacfaidh an Eilvéis páirt sa tionscadal sin ar an dáta a shonrófar sa socrú riaracháin atá le comhlíonadh ag an Eilvéis agus ag comhaltaí an tionscadail, i gcomhréir le hAirteagal 2(7) de Chinneadh (CBES) 2020/1639. Déanfaidh an Chomhairle a maoirseacht i gcomhréir le hAirteagal 5(2) de Chinneadh (CBES) 2020/1639 agus féadfaidh sí cinntí breise a dhéanamh i gcomhréir le hAirteagal 6(2) agus (3) de,